The Comprehensive Aramaic Lexicon

27:01 )1( [ai]	וַהֲוָה כַד סִיב יִצחָק וֻכהַיָא עֵינוֹהִי מִלְמִחזֵי וֻקרָא יָת עֵשָׂו בְרֵיה רַבָא וַאֲמַר לֵיה בְרִי וַאֲמַר <ליה#3#> הָאֲנָא׃
27:02 )1( [ai]	וַאֲמַר הָא כְעַן סֵיבִית \לֵית אֲנָא יָדַע /לָא יְדַעִית#3#/ \יוֹם מוֹתִי /יוֹמָא דַאְמוּת#3#/׃
27:03 )1( [ai]	וֻכעַן סַב כְעַן זֵינָך סֵיפָך וְקַשתָך וְפוֹק לְחַקלָא וְצוּד לִי צֵידָא׃
27:04 )1( [ai]	וְעִיבֵיד לִי תַבשִילִין כְמָא דִרחֵימִית וַאֲעֵיל לִי וְאֵיכוּל בְדִיל דִתבָרְכִינָך נַפשִי עַד לָא אֲימוּת׃
27:05 )1( [ai]	וְרִבקָה שְמַעַת כַד מַלֵיל יִצחָק \עִם עֵשָׂו /לעשׂו#3#/ בְרֵיה וַאֲזַל עֵשָׂו לְחַקלָא לִמצָד צֵידָא לְאֵיתָאָה׃
27:06 )1( [ai]	וְרִבקָה אֲמַרַת לְיַעֲקֹב בְרַה לְמֵימַר הָא שְמַעִית מִן/ית#3#/ אֲבוּך מְמַלֵיל עִים עֵשָׂו אֲחוּך לְמֵימַר׃
27:07 )1( [ai]	אֵיתַא/אעיל#3#/ לִי צֵידָא וְעִיבֵיד לִי תַבשִילִין וְאֵיכוּל וַאֲבָרְכִינְך קדם יוי קְדָם מוֹתִי׃
27:08 )1( [ai]	וֻכעַן בְרִי קַבֵיל מִנִי/במימרי#3#/ \לְמָא דַאֲנָא /לדי אנא#3#/ מְפַקְדָא יָתָך׃
27:09 )1( [ai]	אִיזֵיל כְעַן לְעָנָא/לות ענא#3#/ וְסַב לִי מִתַמָן תְרֵין גְדָיֵי <בר#3#> עִזִין טָבִין וְאַעֲבֵיד יָתְהוֹן תַבשִילִין לַאֲבוּך כְמָא דְרָחֵים׃
27:10 )1( [ai]	וְתַעֵיל/ותייתי#3#/ לַאֲבוּך וְיֵיכוֹל בְדִיל דִיבָרכִינָך קְדָם מוֹתֵיה׃
27:11 )1( [ai]	וַאֲמַר יַעֲקֹב לְרִבקָה אִימֵיה הָא עֵשָׂו אֲחִי גְבַר סַעֲרָן וַאֲנָא גְבַר שְעִיַע׃
27:12 )1( [ai]	מָא אִם יְמוּשִינַנִי אַבָא וְאֵיהֵי בְעֵינוֹהִי כְמִתלָעַב וְאַיתֵי/ואיהי מייתי#3#/ עֲלַי לְוָטִין וְלָא בִרכָן׃
27:13 )1( [ai]	וַאֲמַרת לֵיה אִימֵיה עֲלַי אִתאֲמַר בִנבוּאָה דְלָא יֵיתוֹן לְוָטַיָא עֲלָך <אלהין ברכן#3#> בְרִי בְרַם קַבֵיל מִנִי וְאִיזֵיל סַב לִי׃
27:14 )1( [ai]	וַאֲזַל וֻנסֵיב וְאֵיתִי לְאִימֵיה וַעֲבַדַת אִימֵיה תַבשִילִין כְמָא דְרָחֵים אֲבוּהִי׃
27:15 )1( [ai]	וֻנסֵיבַת רבקה יָת לְבוּשֵי עֵשָׂו בְרַה רַבָא דָכיָיתָא דְעִמַה בְבֵיתָא וְאַלבֵישַת יָת יַעֲקֹב בְרַה זְעֵירָא׃
27:16 )1( [ai]	וְיָת מַשכֵי דִגדֵי בְנֵי עִזֵי אַלבֵישַת עַל יְדוֹהִי וְעַל שְעִיעוּת צַורֵיה׃
27:17 )1( [ai]	וִיהַבַת יָת תַבשִילַיָא וְיָת לַחמָא דַעֲבַדַת בִידָא דְיַעֲקֹב בְרַה׃
27:18 )1( [ai]	וְעָל לְוָת אֲבוּהִי וַאֲמַר אַבָא וַאֲמַר הָא אֲנָא מַן אַת בְרִי׃
27:19 )1( [ai]	וַאֲמַר יַעֲקֹב לַאֲבוּהִי אֲנָא עֵשָׂו בוּכרָך עֲבַדִית כְמָא דְמַלֵילתָא עִמִי/לי#3#/ קוּם כְעַן אִסתְחַר וְאֵיכוּל מִצֵידִי בְדִיל דִתבָרְכִינַנִי נַפשָך׃
27:20 )1( [ai]	וַאֲמַר יִצחָק לִברֵיה מָא דֵין אוֹחִיתָא לְאַשכָחָא בְרִי וַאֲמַר אֲרֵי זָמֵין יוי אֲלָהָך קְדָמָי׃
27:21 )1( [ai]	וַאֲמַר יִצחָק לְיַעֲקֹב קְרַב כְעַן וַאֲמוּשִינָך בְרִי הֲאַת דֵין בְרִי עֵשָׂו אִם לָא׃
27:22 )1( [ai]	וֻקרֵיב יעקב לְוָת יִצחָק אֲבוּהִי וֻמָשֵיה וַאֲמַר קָלָא קָלֵיה דיעקב וִידַיָא \יְדֵי עֵשָׂו /ידוהי דעשׂו#3#/׃
27:23 )1( [ai]	וְלָא אִשתְמוֹדְעֵיה/חכים#3#/ אֲרֵי הֲוַאָה יְדוֹהִי כִידֵי עֵשָׂו אֲחוּהִי סַעֲרָניָן וֻבָרְכֵיה׃
27:24 )1( [ai]	וַאֲמַר אַת דֵין בְרִי עֵשָׂו וַאֲמַר אֲנָא׃
27:25 )1( [ai]	וַאֲמַר קָרֵיב לִי/קדמי#3#/ וְאֵיכוּל מִצֵידָא דִברִי בְדִיל דִתבָרְכִינָך נַפשִי וְקָרֵיב לֵיה וַאֲכַל וַאֲעֵיל/ואייתי#3#/ לֵיה חַמרָא וֻשתִי׃
27:26 )1( [ai]	וַאֲמַר לֵיה יִצחָק אֲבוּהִי קְרַב כְעַן וְשַק לִי בְרִי׃
27:27 )1( [ai]	וֻקרֵיב וְנַשֵיק לֵיה וַאֲרֵיַח יָת רֵיַח לְבוּשוֹהִי וֻבָרְכֵיה וַאֲמַר חְזִי רֵיחָה דִברִי כְרֵיח חַקלָא דְבָרְכֵיה יוי׃
27:28 )1( [ai]	וְיִתֵן/ויהב#3#/ לָך יוי מִטַלָא דִשמַיָא וֻמִיטוּבָא דארעא וְסַגיוּת עִיבוּר וַחמַר׃
27:29 )1( [ai]	יִפלְחוּנָך עַמְמִין וְיִשתַעַבדָן לָך מַלכְוָן הְוִי רָב לַאֲחָך וְיִסגְדוּן לָך בְנֵי אִמָך לִיטָך יְהוֹן לִיטִין וֻברִיכָך/מברכך#3#/ יְהוֹן בְרִיכִין׃
27:30 )1( [ai]	וַהֲוָה כַד שֵיצִי יִצחָק לְבָרָכָא יָת יַעֲקֹב וַהֲוָה בְרַם מִיפַק נְפַק יַעֲקֹב מִן קְדָם <אפי#3#> יִצחָק אֲבוּהִי וְעֵשָׂו אֲחוּהִי עָל/אתא#3#/ מִצֵידֵיה׃
27:31 )1( [ai]	וַעֲבַד אַף הוּא תַבשִילִין וַאֲעֵיל/ואייתי#3#/ לַאֲבוּהִי וַאֲמַר לַאֲבוּהִי יְקוּם אַבָא וְיֵיכוֹל מִצֵידָא דִברֵיה בְדִיל דִתבָרְכִינַנִי נַפשָך׃
27:32 )1( [ai]	וַאֲמַר לֵיה יִצחָק אֲבוּהִי מַן אַת וַאֲמַר אֲנָא בְרָך בוּכרָך עֵשָׂו׃
27:33 )1( [ai]	וֻתוַה יִצחָק תִיוהָא רַבָא עַד לַחדָא וַאֲמַר מַן הוּא דֵיכִי דְצָד צֵידָא וְאֲעֵיל לִי וַאֲכַלִית מִכוֹלָא עַד לָא תֵיעוֹל וֻבָרֵיכתֵיה אַף בְרִיך יְהֵי׃
27:34 )1( [ai]	כַד שְמַע עֵשָׂו יָת פִתגָמֵי אֲבוּהִי וֻצוַח צִיוחָא רַבָא וֻמָרִירָא עַד לַחדָא וַאֲמַר לַאֲבוּהִי בָרְכֵינִי אַף לִי/אנא#3#/ אַבָא׃
27:35 )1( [ai]	וַאֲמַר עַל אֲחוּך בְחוּכמָא וְקַבֵיל בִרכְתָך׃
27:36 )1( [ai]	וַאֲמַר יָאוּת קְרָא שְמֵיה יַעֲקֹב וְחַכמַנִי/ואכמני#3#/ דְנָן תַרתֵין זִמנִין יָת בְכֵירוּתִי נְסֵיב וְהָא כְעַן קַבֵיל בִרכְתִי וַאֲמַר הֲלָא שְבַקת לִי בִרכָא׃
27:37 )1( [ai]	וַאֲתֵיב יִצחַק וַאֲמַר לְעֵשָׂו הָא רָב שְוִיתֵיה/שַוִיתֵיה#3#/ <לך#3#> עִילָווָך/לך#3#/ וְיָת כֹל אֲחוֹהִי יְהַבִית לֵיה לְעַבדִין וֻבעִיבוּר/ועיבור#3#/ וֻבחַמַר/וחמר#3#/ סְעַדתֵיה וְלָך כְעַן/הכא#3#/ מָא אַעֲבֵיד בְרִי׃
27:38 )1( [ai]	וַאֲמַר עֵשָׂו לַאֲבוּהִי הֲבִרכְתָא חֲדָא הִיא לָך אַבָא בָרכֵינִי אַף לִי/אנא#3#/ אַבָא וַאֲרֵים עֵשָׂו קָלֵיה וֻבכָא׃
27:39 )1( [ai]	וַאֲתֵיב יִצחָק אֲבוּהִי וַאֲמַר לֵיה הָא מִטוּבָא דארעא יְהֵי מוֹתְבָך וֻמִטַלָא דִשמַיָא מִלְעֵילָא׃
27:40 )1( [ai]	וְעַל חַרבָך תֵיחֵי וְיָת אֲחוּך תִפלַח וִיהֵי כַד יִעִברוּן בְנוֹהִי עַל פִתגָמֵי אוֹרָיתָא וְתַעֲדֵי נִירֵיה מֵעַל צַורָך׃
27:41 )1( [ai]	וֻנטַר עֵשָׂו דְבָבוּ ליעקב/ית יעקב#3#/ עַל בִרכְתָא דְבָרְכֵיה אֲבוּהִי וַאֲמַר עֵשָׂו בְלִיבֵיה יִקרְבוּן יוֹמֵי אִבלֵיה דְאַבָה וְאִקטוֹל יָת יעקב אֲחִי׃
27:42 )1( [ai]	וְאִתחַוַה לְרִבקָה יָת פִתגָמֵי עֵשָׂו בְרַה רַבָא וֻשלַחַת וֻקרָת ליעקב בְרַה זְעֵירָא וַאֲמַרַת לֵיה הָא עֵשָׂו אֲחוּך כָמֵין לָך לְמִקטָלָך׃
27:43 )1( [ai]	וֻכעַן בְרִי קַבֵיל מִנִי וְקוּם אִיזֵיל לָך לְוָת לָבָן אַחִי לְחָרָן׃
27:44 )1( [ai]	וְתִתֵיב עִמֵיה יוֹמִין זְעֵירִין עַד דְתִתוּב חִמתָא/רוגזא#3#/ דַאֲחוּך׃
27:45 )1( [ai]	עַד דִיתוּב רוּגזָא דַאֲחוּך מִינָך וְיִתנְשֵי יָת דַעֲבַדת לֵיה וְאִשלַח וְאִדבְרִינָך מִתַמָן לְמָא/דילמא#3#/ אִתכוּל \אַף תַרוֵיכוֹן /מתרויכון#3#/ יוֹמָא חַד׃
27:46 )1( [ai]	וַאֲמַרַת רִבקָה לְיִצחָק עַקִית בְחַיַי מִן קְדָם בְנָת חִיתָאָה אִם נָסֵיב יַעֲקֹב אִיתְתָא מִיבְנָת/מִן בְנָת#3#/ חִיתָאָה כְאִלֵין מִבְנָת ארעא לְמָא <דנן#3#> לִי חַיִין׃

next chapter