← Back
The Comprehensive Aramaic Lexicon
← Return to the Text Browser
click on the file description for more information
51001: TgO Gn

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


29:01 )1( [ai]וֻנטַל יעקב רַגלוֹהִי וַאֲזַל לְאֲרַע בְנֵי מַדִינחָא׃
29:02 )1( [ai]וַחזָא וְהָא בֵירָא בְחַקלָא וְהָא תַמָן תְלָתָה עַדרִין דְעָן רְבִיעִין עֲלַה אֲרֵי מִן בֵירָא הַהִיא/ההוא#3#/ מַשקַן עַדרַיָא וְאַבנָא רַבתָא עַל פוּמָא דְבֵירָא׃
29:03 )1( [ai]וֻמִתכַנשִין תַמָן כֹל עַדרַיָא וֻמנַדרִין/וֻמגַנדְרִין#3#/ יָת אַבנָא מֵעַל פוּמָא דְבֵירָא וֻמַשקַן יָת עָנָא וֻמתִיבִין יָת אַבנָא עַל פוּמָא דְבֵירָא לְאַתרַה׃
29:04 )1( [ai]וַאֲמַר לְהוֹן יַעֲקֹב אַחַי מְנָן אַתוּן וַאֲמַרוּ מֵחָרָן אֲנַחנָא׃
29:05 )1( [ai]וַאֲמַר לְהוֹן הֲיָדֲעִיתוּן יָת לָבָן בַר נָחוֹר וַאֲמַרוּ יָדְעִנָא׃
29:06 )1( [ai]וַאֲמַר לְהוֹן הַשְלָם לֵיה וַאֲמַרוּ שְלָם וְהָא רָחֵל בְרַתֵיה אָתיָא עִים עָנָא׃
29:07 )1( [ai]וַאֲמַר הָא עוֹד <כען#3#> יוֹמָא סַגִי/רבא#3#/ לָא עִידָן לְמִכנַש בְעִיר אַשקוֹ/השקו#3#/ עָנָא וְאִיזִילוּ רְעוֹ׃
29:08 )1( [ai]וַאֲמַרוּ לָא נִיכוֹל עַד דְיִתכַנשוּן כֹל עַדרַיָא וִינַדְרוּן/וִיגַנדְרוּן#3#/ יָת אַבנָא מֵעַל פוּמָא דְבֵירא וְנַשקֵי <ית#3#> עָנָא׃
29:09 )1( [ai]עַד דְהוּא מְמַלֵיל עִמְהוֹן וְרָחֵל אֲתָת עִים עָנָא דִלאֲבוּהָא אֲרֵי רָעִיתָא הִיא׃
29:10 )1( [ai]וַהֲוָה כַד חֲזָא יַעֲקֹב יָת רָחֵל בַת לָבָן אֲחוּהָא דְאִימֵיה וְיָת עָנָא דְלָבָן אֲחוּהָא דְאִימֵיה וֻקרִיב יַעֲקֹב וְנַדַר/וְגַנדַר#3#/ יָת אַבנָא מֵעַל פוּמָא דְבֵירָא וְאַשקִי יָת עָנָא דְלָבָן אֲחוּהָא דְאִימֵיה׃
29:11 )1( [ai]וְנַשֵיק יעקב לְרָחֵל וַאֲרֵים יָת קָלֵיה וֻבכָא׃
29:12 )1( [ai]וְחַוִי יַעֲקֹב לרחל אֲרֵי בַר אַחַת אֲבוהָא הוּא וַאֲרֵי בַר רִבקָה הוּא וֻרהַטַת וְחַוִיאַת לְאַבוּהָא׃
29:13 )1( [ai]וַהֲוָה כַד שְמַע לָבָן יָת שֵימַע יַעֲקֹב בַר אֲחָתֵיה וֻרהַט לְקַדָמוּתֵיה וְגָפֵיף לֵיה וְנַשֵיק לֵיה וְאַעֲלֵיה לְבֵיתֵיה וְאִשתַעִי לְלָבָן יָת כֹל פִתגָמַיָא הָאִלֵין׃
29:14 )1( [ai]וַאֲמַר לֵיה לָבָן בְרַם קָרִיבִי וֻבִסרִי אַת וִיתֵיב עִמֵיה יְרַח יוֹמִין׃
29:15 )1( [ai]וַאֲמַר לָבָן לְיַעֲקֹב הֲמִדְאַחִי אַת וְתִפלְחִינַנִי מַגָן חַו לִי מָא אַגרָך׃
29:16 )1( [ai]וֻללָבָן תַרתֵין בְנָן שוֹם רַבְתָא לֵאָה וְשוֹם זְעֵירתָא רָחֵל׃
29:17 )1( [ai]וְעֵינֵי לֵאָה יָאֲיָן וְרָחֵל הְוָת שַפִירָא בְרֵיוָא וְיָאֲיָא בְחַזוָא׃
29:18 )1( [ai]וֻרחֵים יַעֲקֹב ית רָחֵל וַאֲמַר אִפלְחִינָך שְבַע שְנִין בְרָחֵל בְרַתָך זְעֵירְתָא׃
29:19 )1( [ai]וַאֲמַר לָבָן טָב דְאִיתֵין יָתַה לָך מִדְאַתֵין יָתַה לִגבַר אוּחרָן תִיב עִמִי׃
29:20 )1( [ai]וֻפלַח יעקב בְרָחֵל שְבַע שְנִין וַהווֹ בְעֵינוֹהִי כְיוֹמִין זְעֵירִין בִדרָחֵים <ליה#3#> יָתַה׃
29:21 )1( [ai]וַאֲמַר יַעֲקֹב לְלָבָן הַב יָת אִתְתִי אֲרֵי שְלִימוּ יוֹמֵי פוּלחָנִי וְאֵיעוֹל לְוָתַה׃
29:22 )1( [ai]וֻכנַש לָבָן יָת כֹל אֲנָשֵי אַתרָא וַעֲבַד מִשתִיָא׃
29:23 )1( [ai]וַהֲוָה בְרַמשָא וֻדבַר יָת לֵאָה בְרַתֵיה וְאֲעֵיל יָתַה לְוָתֵיה וְעָל לְוָתַה׃
29:24 )1( [ai]וִיהַב לָבָן לַה יָת זִלפָה אַמתֵיה לְלֵאָה בְרַתֵיה לְאַמהוּ׃
29:25 )1( [ai]וַהֲוָה בְצַפרָא וְהָא הִיא לֵאָה וַאֲמַר לְלָבָן מָא דָא עֲבַדת לִי הֲלָא בְרָחֵל פְלַחִית עִמָך וֻלמָא שַקַרת בִי׃
29:26 )1( [ai]וַאֲמַר לָבָן לָא מִתעֲבֵיד כֵין/כדין#3#/ בְאַתרַנָא לְמִיתַן זְעֵירְתָא קְדָם רַבְתָא׃
29:27 )1( [ai]אַשלֵים שְבוּעֲתָא דְדָא/דא#3#/ וְנִתֵין לָך אַף יָת דָא בְפוּלחָנָא דְתִפלַח עִמִי עוֹד שְבַע שְנִין אוּחרָנִין׃
29:28 )1( [ai]וַעֲבַד יַעֲקֹב כֵין/כדין#3#/ וְאַשלֵים שְבוּעֲתָא דְדָא/דא#3#/ וִיהַב לֵיה יָת רָחֵל בְרַתֵיה לֵיה לְאִיתוּ/לאנתו#3#/׃
29:29 )1( [ai]וִיהַב לָבָן לְרָחֵל בְרַתֵיה יָת בִלהָה לַה לְאַמהוּ׃
29:30 )1( [ai]וְעָל אַף לְוָת רָחֵל וֻרחֵים אַף יָת רָחֵל מִלֵאָה וֻפלַח עִימֵיה עוֹד שְבַע שְנִין אוּחרָנִין׃
29:31 )1( [ai]וַחזָא/וגלי קדם#3#/ יוי אֲרֵי סְנוּאֲתָא לֵאָה וִיהַב לַה עִדוּי וְרָחֵל עַקרָא׃
29:32 )1( [ai]וְעַדִיאַת לֵאָה וִילֵידַת בַר וֻקרָת שְמֵיה רְאוּבֵן אֲרֵי אֲמַרַת אֲרֵי גְלִי קדם יוי עוּלבָנִי אֲרֵי כְעַן יִרחֲמִינַנִי בַעלִי׃
29:33 )1( [ai]וְעַדִיאַת עוֹד/לאה#3#/ וִילֵידַת בַר וַאֲמַרַת אֲרֵי שְמִיַע קדם יוי אֲרֵי סְנוּאֲתָה אֲנָא וִיהַב לִי אַף יָת דֵין וֻקרָת <ית#3#> שְמֵיה שִמעוֹן׃
29:34 )1( [ai]וְעַדִיאַת עוֹד וִילֵידַת בַר וַאֲמַרַת \זִמנָא הָדָא /הדא זמנא#3#/כען זימנא#3#/ יִתחַבַר לִי בַעלִי אֲרֵי יְלֵידִית לֵיה תְלָתָה בְנִין עַל כֵין קְרָא שְמֵה לֵוִי׃
29:35 )1( [ai]וְעַדִיאַת עוֹד וִילֵידַת בַר וַאֲמַרַת הָדָא זִמנָא אוֹדֵי קדם יוי עַל כֵין קְרָת שְמֵיה יְהוּדָה וְקַמַת מִלְמֵילַד/מלמילת#3#/׃

next chapter