The Comprehensive Aramaic Lexicon

35:01 )1( [ai]	וַאֲמַר יוי לְיַעֲקֹב קוּם סַק לְבֵית אֵל וְתִיב תַמָן וְעִיבֵיד תַמָן מַדבַח לְאֵל/קדם אלהא#3#/ דְאִתגְלִי לָך/עלך#3#/ בְמִערְקָך מִן קְדָם עֵשָׂו אֲחוּך׃
35:02 )1( [ai]	וַאֲמַר יַעֲקֹב לַאֲנָש בֵיתֵיה וֻלכָל דְעִמֵיה אַעֲדוֹ יָת טָעֲוָת עַמְמַיָא דְבֵינֵיכוֹן וְאִידַכוֹ וְשַנוֹ כְסוּתְכוֹן׃
35:03 )1( [ai]	וֻנקוּם וְנִסַק לְבֵית אֵל וְאַעֲבֵיד תַמָן מַדבַח לְאֵל/קדם אלהא#3#/ דְקַבֵיל צְלוֹתִי \בְיוֹמָא דְעָקְתִי /בעידן דעקתי#3#/ וַהֲוָה מֵימְרֵיה בְסַעֲדִי בְאוֹרחָא דַאֲזַלֵית׃
35:04 )1( [ai]	וִיהַבוּ ליעקב/לות יעקב#3#/ יָת כֹל טָעֲוָת עַמְמַיָא דִביַדהוֹן/דעמהון#3#/ וְיָת קְדָשַיָא דִבאוּדנֵיהוֹן וְטַמַר יָתְהוֹן יַעֲקֹב תְחוֹת בוּטמָא/אליתא#3#/ דְעִם שְכַם׃
35:05 )1( [ai]	וֻנטַלוּ וַהוָת דַחלָא \מִן קְדָם יוי /דייי#3#/ עַל עַמְמַיָא/קירויא#3#/ \דִבקִרוֵי סַחרָנֵיהוֹן /די בסוחרניהון#3#/ וְלָא רְדַפוּ בָתַר בְנֵי יַעֲקֹב׃
35:06 )1( [ai]	וַאֲתָא יעקב לְלוּז דִבאַרעָא דִכנָעַן הִיא בֵית אֵל הוּא וְכָל עַמָא דְעִימֵיה׃
35:07 )1( [ai]	וֻבנָא תַמָן מַדבְחָא וֻקרָא לְאַתרָא אֵל בֵית אֵל אֲרֵי תַמָן אִתגְלִי לֵיה יוי/מלאכא דייי#3#/ בְמִערְקֵיה מִן קְדָם אֲחוּהִי׃
35:08 )1( [ai]	וֻמֵיתַת דְבוֹרָה מֵינִיקתַה דְרִבקָה וְאִתקְבַרַת מִלְרַע לְבֵית אֵל בְשִיפוֹלֵי מֵישְרָא וֻקרָא שְמֵיה מֵישַר בְכִיתָא׃
35:09 )1( [ai]	וְאִתגְלִי יוי לְיַעֲקֹב עוֹד בְמֵיתוֹהִי מִפַדַן דַאֲרָם וֻבָרֵיך יָתֵיה׃
35:10 )1( [ai]	וַאֲמַר לֵיה יוי שְמָך יַעֲקֹב לָא יִתקְרֵי \שְמָך עוֹד /עוד שמך#3#/ יַעֲקֹב אֲלָהֵין יִשרָאֵל יְהֵי שְמָך וֻקרָא יָת שְמֵיה ישראל׃
35:11 )1( [ai]	וַאֲמַר לֵיה יוי אֲנָא אֵל שַדַי פוּש וֻסגֵי עַם וְכִנשָת שִבטִין יְהוֹן מִנָך וֻמַלכִין דְשָלְטִין/שליטין#3#/ בְעַמְמַיָא מִינָך יִפְקוּן׃
35:12 )1( [ai]	וְיָת אַרעָא דִיהַבִית לְאַברָהָם וליצחק לָך אִיתְנִינַה וְלִבנָך בָתְרָך אַתֵין יָת ארעא׃
35:13 )1( [ai]	וְאִסתַלַק מֵעִילָווֹהִי יְקָרָא דַיוי בְאַתרָא דְמַלֵיל עִמֵיה׃
35:14 )1( [ai]	וַאֲקֵים יעקב קָמְתָא בְאַתרָא דְמַלֵיל עִמֵיה קָמַת אַבנָא וְנַסֵיך עֲלַה נִסכִין וַאֲרֵיק עֲלַה מִשחָא׃
35:15 )1( [ai]	וֻקרָא יַעֲקֹב יָת שְמֵיה דְאַתרָא דְמַלֵיל עִמֵיה תַמָן יוי בֵית אֵל׃
35:16 )1( [ai]	וֻנטַלוּ מִבֵית אֵל וַהֲוָה עוֹד כְרוֹב ארעא לְמֵיעַל לְאַפרָת וִילֵידַת רָחֵל וְקַשִיאַת בְמֵילְדַה׃
35:17 )1( [ai]	וַהֲוָה בְקַשָיוּתַה/במקשיותה#3#/ בְמֵילְדַה וַאֲמַרַת לַה חָיְתָא לָא תִדחֲלִין אֲרֵי אַף דֵין לִיך בַר׃
35:18 )1( [ai]	וַהֲוָה בְמִפַק נַפשַה אֲרֵי מָיְתָא וֻקרָת שְמֵיה בַר דְוַיִי וַאֲבוּהִי קְרָא לֵיה בִניָמִין׃
35:19 )1( [ai]	וֻמֵיתַת רָחֵל וְאִתקְבַרַת בְאוֹרַח אַפרָת הִיא בֵית לָחַם׃
35:20 )1( [ai]	וַאֲקֵים יעקב קָמְתָא עַל קְבוּרְתַה הִיא קָמַת קְבוּרְתָא דְרָחֵיל עַד יוֹמָא הָדֵין/דֵין#3#/׃
35:21 )1( [ai]	וֻנטַל ישראל וֻפַרסֵיה לְמַשכְנֵיה מֵהָלאָה/מלהלאה#3#/ לְמִגדָלא דְעֵדַר׃
35:22 )1( [ai]	וַהֲוָה כַד שְרָא ישראל בארעא הַהִיא וַאֲזַל רְאוּבֵן וֻשכֵיב יָת/עם#3#/ בִלהָה לְחֵינְתָא דַאֲבוּהִי וֻשמַע ישראל וַהווֹ בְנֵי יעקב תְרֵי עֲסַר׃
35:23 )1( [ai]	בְנֵי לֵאָה בוּכרֵיה דיעקב רְאוּבֵן וְשִמעוֹן וְלֵוִי וִיהוּדָה וְיִשָׂשׂכָר וֻזבֻלוּן׃
35:24 )1( [ai]	בְנֵי רָחֵל יוֹסֵף וֻבִניָמִין׃
35:25 )1( [ai]	וֻבנֵי בִלהָה אַמתָא דְרָחֵל דָן וְנַפתָלִי׃
35:26 )1( [ai]	וֻבנֵי זִלפָה אַמתָא דְלֵאָה גָד וְאֲשֵר אִלֵין בְנֵי יַעֲקֹב דְאִתִילִידוּ/די אתלידו#3#/ לֵיה בְפַדַן דַאֲרָם׃
35:27 )1( [ai]	וַאֲתָא יעקב לְוָת יִצחָק אֲבוּהִי לְמַמרֵי קִריַת אַרבַע הִיא חַברוֹן דְדָר תַמָן אברהם וְיִצחָק׃
35:28 )1( [ai]	וַהווֹ יוֹמֵי יִצחָק מְאָה וֻתמָנַן שְנִין׃
35:29 )1( [ai]	וְאִתנְגִיד יִצחָק וֻמִית וְאִתכְנֵיש לְעַמֵיה סִיב וֻשבַע יוֹמִין וֻקבַרוּ יָתֵיה עֵשָׂו וְיַעֲקֹב בְנוֹהִי׃

next chapter