← Back
The Comprehensive Aramaic Lexicon
← Return to the Text Browser
click on the file description for more information
51001: TgO Gn

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


39:01 )1( [ai]וְיוֹסֵף אִתַחַת לְמִצרַיִם וְזַבנֵיה פוֹטִיפַר רַבָא דפרעה רַב קָטוֹלַיָא גַברָא מִצרָאָה מִיַד עַרבָאֵי דְאַחֲתוּהִי לְתַמָן׃
39:02 )1( [ai]וַהֲוָה מֵימְרָא דַיוי בְסַעֲדֵיה דְיוֹסֵף וַהֲוָה גְבַר מַצלַח וַהֲוָה בְבֵית רִבוֹנֵיה מִצרָאָה׃
39:03 )1( [ai]וַחזָא רִבוֹנֵיה אֲרֵי <הוה#3#> מֵימְרָא דַיוי בְסַעֲדֵיה וְכֹל דְהוּא עֲבֵיד יוי מַצלַח בִידֵיה׃
39:04 )1( [ai]וְאַשכַח יוֹסֵף רַחמִין בְעֵינוֹהִי וְשַמֵיש יָתֵיה וֻמַנִייֵה עַל <אינש#3#> בֵיתֵיה וְכֹל דְאִית לֵיה מְסַר בִידֵיה׃
39:05 )1( [ai]וַהֲוָה מֵעִידָן דְמַנִי יָתֵיה בְבֵיתֵיה וְעַל כֹל דְאִית לֵיה וֻבָרֵיך יוי יָת בֵית מִצרָאָה בְדִיל יוֹסֵף וַהוַה בִרכְתָא דיוי בְכֹל דְאִית לֵיה בְבֵיתָא וֻבחַקלָא׃
39:06 )1( [ai]וֻשבַק יָת כֹל דְלֵיה בִידָא דְיוֹסֵף וְלָא יְדַע/מנע#3#/ עִמֵיה מִידָעַם אֲלָהֵין לַחמָא דְהוּא אָכֵיל וַהֲוָה יוֹסֵף שַפִיר בְרֵיוָא וְיָאֵי בְחִזַוָא׃
39:07 )1( [ai]וַהֲוָה בָתַר פִתגָמַיָא הָאִלֵין וֻזקַפַת אִיתַת רִבוֹנֵיה יָת עֵינַהָא בְיוֹסֵף/ליוסף#3#/לות יוסף#3#/ וַאֲמַרַת שְכוֹב עִמִי׃
39:08 )1( [ai]וְסַרֵיב וַאֲמַר לְאִיתַת רִבוֹנֵיה הָא רִבוֹנִי לָא יְדַע עִמִי מָא <די#3#> בְבֵיתָא וְכֹל דְאִית לֵיה מְסַר בִידִי׃
39:09 )1( [ai]לֵית/ליתוהי#3#/ דְרָב בְבֵיתָא הָדֵין מִנִי וְלָא מְנַע מִנִי מִדָעַם אֲלָהֵין יָתִיך בְדִיל דְאַת אִיתְתֵיה וְאֵיכְדֵין אַעבֵיד בִשתָא רַבְתָא הָדָא וְאֵיחוּב קדם יוי׃
39:10 )1( [ai]וַהֲוָה כַד מַלֵילַת \עִם יוֹסֵף /ליוסף#3#/ יוֹם יוֹם וְלָא קַבֵיל מִינַה לְמִשכַב לְוָתַה/בעלמא הדין#3#/ לְמִהוֵי עִימַה <בעלמא דאתי#3#>׃
39:11 )1( [ai]וַהֲוָה כְיוֹמָא/בְיוֹמָא#3#/ הָדֵין וְעָל לְבֵיתָא לְמִבדַק בִכתָבֵי חוּשבָנֵיה וְלֵית אֲנָש מֵאֲנָשֵי בֵיתָא תַמָן בְבֵיתָא׃
39:12 )1( [ai]וַאֲחֵדתֵיה בִלבָשֵיה לְמֵימַר שְכוֹב עִמִי וְשַבקֵיה לִלבָשֵיה בִידַה וַעֲרַק וֻנפַק לְשוּקָא׃
39:13 )1( [ai]וַהֲוָה כַד חֲזָת אֲרֵי שַבקֵיה לִלבָשֵיה בִידַה וַעֲרַק לְשוּקָא׃
39:14 )1( [ai]וֻקרָת לַאֲנָשֵי בֵיתַה וַאֲמַרַת לְהוֹן לְמֵימַר חֲזוֹ אֵיתִי/דְאַיתִי#3#/ לַנָא גֻברָא עִברָאָה לְחַיָיכָא בַנָא עָל לְוָתִי לְמִשכַב עִמִי וֻקרֵית בְקָלָא רָמָא/רבא#3#/׃
39:15 )1( [ai]וַהֲוָה כַד שְמַע אֲרֵי אֲרֵימִית קָלִי וֻקרֵית וְשַבקֵיה לִלבָשֵיה/לבושיה#3#/ לְוָתִי וַעֲרַק וֻנפַק לְשוּקָא׃
39:16 )1( [ai]וְאַחֵיתתֵיה/ושבקיה#3#/ לִלבָשֵיה/לבושיה#3#/ לְוָתַה עַד דְעָל/על#3#/ רִבוֹנֵיה לְבֵיתֵיה׃
39:17 )1( [ai]וֻמַלֵילַת עִמֵיה כְפִתגָמַיָא הָאִלֵין לְמֵימַר עָל לְוָתִי עַבדָא עִברָאָה דְאֵיתִיתָא לַנָא לְחַיָכָא בִי׃
39:18 )1( [ai]וַהֲוָה כַד אֲרֵימִית קָלִי וֻקרֵית וְשַבקֵיה לִלבָשֵיה לְוָתִי וַעֲרַק לְשוּקָא׃
39:19 )1( [ai]וַהֲוָה כַד שְמַע רִבוֹנֵיה יָת פִתגָמֵי אִיתְתֵיה דְמַלִילַת עִמֵיה לְמֵימַר כְפִתגָמַיָא הָאִלֵין עֲבַד לִי עַבדָך וֻתקֵיף רוּגזֵיה׃
39:20 )1( [ai]וֻדבַר רִבוֹנֵיה דְיוֹסֵף יָתֵיה וְיַהבֵיה/ומנייה#3#/ בְבֵית אֲסִירֵי אַתרָא דַאֲסֵירֵי מַלכָא <תמן#3#> אֲסִירִין וַהֲוָה תַמָן בְבֵית אֲסִירֵי׃
39:21 )1( [ai]וַהֲוָה מֵימְרָא דַיוי בְסַעֲדֵיה דְיוֹסֵף וֻנגַד לֵיה חִסדָא וְיַהבֵיה לְרַחמִין בְעֵינֵי/קדם#3#/ רַב בֵית אֲסִירֵי׃
39:22 )1( [ai]וִיהַב/ומני#3#/ רַב בֵית אֲסִירֵי בִידָא דְיוֹסֵף יָת כֹל אֲסִירַיָא דִבבֵית אֲסִירֵי וְיָת כֹל דְעָבְדִין תַמָן מִמֵימְרֵיה/על מימריה#3#/במימריה#3#/ הֲוָה מִתעֲבֵיד׃
39:23 )1( [ai]לֵית רַב בֵית אֲסִירֵי חָזֵי יָת כֹל סוּרחָן בִידֵיה בִדמֵימְרָא דַיוי בְסַעֲדֵיה וֻדהוּא/וכל דהוא#3#/ עָבֵיד יוי מַצלַח׃

next chapter