← Back
The Comprehensive Aramaic Lexicon
← Return to the Text Browser
click on the file description for more information
51001: TgO Gn

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


43:01 )1( [ai]וְכַפנָא תְקֵיף בארעא׃
43:02 )1( [ai]וַהוָה כַד/כדי#3#/ סְפִיקוּ/שֵיצִיאוּ#3#/ לְמֵיכַל יָת עִיבוּרָא דְאֵיתִיאוּ מִמִצרָיִם וַאֲמַר לְהוֹן אֲבוּהוֹן תוּבוּ זְבוּנוּ לַנָא זְעֵיר עִיבוּרָא׃
43:03 )1( [ai]וַאֲמַר לֵיה יְהוּדָה לְמֵימַר אַסהָדָא אַסהֵיד בַנָא גַברָא לְמֵימַר לָא תִחזוֹן אַפַי אֲלָהֵין כִיד אֲחוּכוֹן עִמְכוֹן׃
43:04 )1( [ai]אִם אִיתָך מְשַלַח יָת אֲחוּנָא עִמַנָא נֵיחוֹת וְנִזבוֹן לָך עִיבוּרָא׃
43:05 )1( [ai]וְאִם לָיְתָך מְשַלַח לָא נֵיחוֹת אֲרֵי גֻברָא אֲמַר לַנָא לָא תִחזוֹן אַפַי אֲלָהֵין כִיד אֲחוּכוֹן עִמְכוֹן׃
43:06 )1( [ai]וַאֲמַר ישראל לְמָא אַבאֵישתוּן לִי לְחַוָאָה לְגַברָא הְעוֹד/האית#3#/העד כען#3#/ לְכוֹן אַחָא׃
43:07 )1( [ai]וַאֲמַרוּ שַאָלָא שַאֵיל גֻברָא לַנָא/בנא#3#/ וֻליַלָדוּתַנָא/ובילדותנא#3#/ לְמֵימַר הְעַד כְעַן אֲבוּכוֹן קַיָים הֲאִית לְכוֹן אַחָא וְחַוִינָא לֵיה עַל מֵימַר פִתגָמַיָא הָאִלֵין הֲמִידָע הְוֵינָא יָדְעִין אֲרֵי יֵימַר אֲחִיתוּ יָת אֲחוּכוֹן׃
43:08 )1( [ai]וַאֲמַר יְהוּדָה לישראל אֲבוּהִי שְלַח עוּלֵימָא עִמִי וֻנקוּם וְנֵיזֵיל וְנֵיחֵי וְלָא נְמוּת אַף אֲנַחנָא אַף אַת אַף טַפלַנָא׃
43:09 )1( [ai]אֲנָא מְעָרַבנָא בֵיה \מִן יְדִי /מיני#3#/ תִבעֵינֵיה אִם לָא אַיתֵינֵיה לָך/לותך#3#/ וַאֲקִימִינֵיה קְדָמָך וְאֵיהֵי חָטֵי לָך כֹל יוֹמַיָא׃
43:10 )1( [ai]אֲרֵי אִלוּפוֹן בְדָא אִתעַכַבנָא אֲרֵי כְעַן תַבנָא דְנָן תַרתֵין זִמנִין׃
43:11 )1( [ai]וַאֲמַר לְהוֹן יִשרָאֵל אֲבוּהוֹן אִם כֵן הוּא/הָכָא#3#/ דָא עִיבִידוּ סוּבוּ מִדִמשַבַח בְאַרעָא בְמָנֵיכוֹן וַאֲחִיתוּ לְגַברָא תִקרוּבתָא זְעֵיר קְטַף וֻזעֵיר דְבַש שְעַף וֻלטוֹם בוּטמִין וְשִגדִין/ושיקדין#3#/׃
43:12 )1( [ai]וְכַספָא עַל חַד תְרֵין סוּבוּ בְיַדכוֹן וְיָת כַספָא דְאִיתָתַב בְפֹם טֻעונֵיכוֹן תָתִיבוּן בְיַדכוֹן דִלמָא/מאים#3#/ שָלוּ הֲוָת׃
43:13 )1( [ai]וְיָת אֲחוּכוֹן דְבוּרוּ וְקוּמוּ תוּבוּ לְוָת גֻברָא׃
43:14 )1( [ai]וְאֵל שַדַי יִתֵין לְכוֹן רַחמִין קְדָם גַברָא וְיִפטַר לְכוֹן יָת אֲחוּכוֹן אוּחרָנָא וְיָת בִניָמִין וַאֲנָא כְמָא דִתכוֹלִית תְכוֹלִית׃
43:15 )1( [ai]וֻנסִיבוּ גֻברַיָא יָת תִיקרוּבתָא הָדָא וְעַל חַד תְרֵין כַספָא סַבוּ בְיַדהוֹן וֻדבַרוּ יָת בִניָמִן וְקָמוּ וֻנחַתוּ לְמִצרַיִם וְקָמוּ קְדָם יוֹסֵף׃
43:16 )1( [ai]וַחזָא יוֹסֵף עִמְהוֹן יָת בִניָמִן וַאֲמַר לְדִממַנַא עַל בֵיתֵיה אַעֵיל יָת גֻברַיָא לְבֵיתָא וְכוֹס נִכסְתָא וְאַתקֵין אֲרֵי עִמִי אָכְלִין גֻברַיָא בְשֵירוּתָא׃
43:17 )1( [ai]וַעֲבַד גֻברָא כְמָא דַאֲמַר יוֹסֵף וַאֲעֵיל גֻברָא יָת גֻברַיָא לְבֵית יוֹסֵף׃
43:18 )1( [ai]וֻדחִילוּ גֻברַיָא אֲרֵי אִיתָעַלוּ לְבֵית יוֹסֵף וַאֲמַרוּ עַל עֵיסַק כַספָא דְאִיתָתַב בְטוּענַנָא בְקַדמֵיתָא אֲנַחנָא מִיתָעֲלִין לְאִתרַברָבָא עֲלַנָא וֻלאִסתַקָפָא/ולאזדקפא#3#/ עֲלַנָא וֻלמִקנֵי יָתַנָא לְעַבדִין וֻלמִדבַר יָת חֲמָרַנָא׃
43:19 )1( [ai]וְקרִיבוּ לְוָת גֻברָא דִממַנַא עַל בֵית יוֹסֵף וֻמַלִילוּ עִמֵיה בִתרַע בֵיתָא׃
43:20 )1( [ai]וַאֲמַרוּ בְבָעוּ רִבוֹנִי מֵיחָת נְחַתנָא בְקַדמֵיתָא לְמִזבַן עִיבוּרָא׃
43:21 )1( [ai]וַהֲוָה כַד אֲתֵינָא לְבֵית מְבָתָא וֻפתַחנָא יָת טוּענַנָא וְהָא כְסַף גְבַר בְפוֹם טוּענֵיה כַספַנָא בְמַתקָלֵיה וַאֲתֵיבנָא יָתֵיה בִידַנָא׃
43:22 )1( [ai]וְכַספָא אוּחרָנָא אֲחֵיתנָא/אתיבנא#3#/ בִידַנָא לְמִזבַן עִיבוּרָא לָא יְדַענָא מַן שַוִי כַספַנָא בְטוּענַנָא׃
43:23 )1( [ai]וַאֲמַר שְלָם לְכוֹן לָא תִדחֲלוּן אֲלָהֲכוֹן וַאֲלָהָא דַאֲבוּכוֹן יְהַב לְכוֹן סִימָן בְטוּענֵיכוֹן כַספְכוֹן אֲתָא לְוָתִי/לי#3#/ וְאַפֵיק לְוָתְהוֹן/להון#3#/ יָת שִמעוֹן׃
43:24 )1( [ai]וַאֲעֵיל גֻברָא יָת גֻברַיָא לְבֵית יוֹסֵף וִיהַב מַיָא וְאַסחוֹ רַגלֵיהוֹן וִיהַב כִסְתָא לִחמָרֵיהוֹן׃
43:25 )1( [ai]וְאַתקִינוּ יָת תִיקרוּבתָא עַד דְעָל/על#3#/ יוֹסֵף בְשֵירוּתָא אֲרֵי שְמַעוּ אֲרֵי תַמָן אָכְלִין לַחמָא׃
43:26 )1( [ai]וְעָל יוֹסֵף לְבֵיתָא וַאֲעִילוּ לֵיה יָת תִיקרוּבתָא דִביַדהוֹן/דעמהון#3#/ לְבֵיתָא וֻסגִידוּ לֵיה עַל אַרעָא׃
43:27 )1( [ai]וֻשאֵיל לְהוֹן לִשלָם וַאֲמַר הַשֲלָם אֲבוּכוֹן/לאבוכון#3#/ סָבָא דַאֲמַרתוּן הָעַד כְעַן <הוא#3#> קַייָם׃
43:28 )1( [ai]וַאֲמַרוּ שְלָם לְעַבדָך לַאֲבוּנָא עַד כְעַן קַייָם וֻכרַעוּ וֻסגִידוּ׃
43:29 )1( [ai]וֻזקַף עֵינוֹהִי וַחזָא יָת בִניָמִן אֲחוּהִי בַר אִימֵיה וַאֲמַר הֲדֵין אֲחוּכוֹן זְעֵירָא דַאֲמַרתוּן לִי וַאֲמַר מִן קדם יוי יִתרַחַם עֲלָך בְרִי׃
43:30 )1( [ai]וְאוֹחִי יוֹסֵף אֲרֵי אִתגוֹלַלוּ רַחמוֹהי עַל אֲחוּהִי וֻבעָא לְמִבכֵי וְעָל לְאִידְרוֹן בֵית מִשכְבָא וֻבכָא תַמָן׃
43:31 )1( [ai]וְאַסחִי אַפוֹהִי וֻנפַק וְאִתחַסַן וַאֲמַר שַווֹ לַחמָא׃
43:32 )1( [ai]וְשַוִיאוּ לֵיה בִלחוֹדוֹהִי וֻלהוֹן בִלחוֹדֵיהוֹן וֻלמִצרָאֵי דְאָכְלִין עִמֵיה בִלחוֹדֵיהוֹן אֲרֵי לָא יָכְלִין מִצרָאֵי לְמֵיכַל עִם עִברָאֵי לַחמָא אֲרֵי בְעִירָא דְמִצרָאֵי דָחֲלִין/דדחלין#3#/ לֵיה עִברָאֵי אָכְלִין׃
43:33 )1( [ai]וְאַסחַרוּ קְדָמוֹהִי רַבָא כְרַביוּתֵיה/כרבותיה#3#/ וֻזעֵירָא כִזעִירוּתֵיה וֻתוַהוּ/ותמהו#3#/ גֻברַיָא גְבַר בְחַברֵיה/לחבריה#3#/׃
43:34 )1( [ai]וֻנטַל חוּלָקִין מִן קְדָמוֹהִי לְקדָמֵיהוֹן/לותהון#3#/ וֻסגִי חוּלָקָא דְבִניָמִן מֵחוּלָקֵי כוּלְהוֹן חַמשָא חוּלָקִין וֻשתִיוּ וֻרוִיוּ עִמֵיה׃

next chapter