← Back
The Comprehensive Aramaic Lexicon
← Return to the Text Browser
click on the file description for more information
51001: TgO Gn

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


45:01 )1( [ai]וְלָא יְכֵיל יוֹסֵף לְאִתחַסָנָא/להתחסנא#3#/ לְכֹל דְקָיְמִין עֲלָווֹהִי וֻקרָא אַפִיקוּ כֹל אֲנָש מֵעִלָוָי/מלותי#3#/ וְלָא קָם אֲנָש עִמֵיה כַד אִתיְדַע יוֹסֵף לַאֲחוֹהִי/ית אחוהי#3#/עם אחוהי#3#/׃
45:02 )1( [ai]וִיהַב יָת קָלֵיה בִבכִיתָא וֻשמַעוּ מִצרָאֵי וֻשמַע אֲנָש בֵית פַרעֹה׃
45:03 )1( [ai]וַאֲמַר יוֹסֵף לַאֲחוֹהִי אֲנָא יוֹסֵף הֲעַד כְעַן אַבָא קַיָים וְלָא יֲכִילוּ אֲחוֹהִי לְאָתָבָא יָתֵיה פִתגָם אֲרֵי אִתבְהִילוּ מִן קְדָמוֹהִי׃
45:04 )1( [ai]וַאֲמַר יוֹסֵף לַאֲחוֹהִי קְרוּבוּ כְעַן לְוָתִי וֻקרִיבוּ וַאֲמַר אֲנָא יוֹסֵף אֲחוּכוֹן דְזַבֵינתוּן יָתִי לְמִצרָיִם/למצרימה#3#/׃
45:05 )1( [ai]וֻכעַן לָא תִתנָסְסוּן וְלָא יִתקַף בְעֵינֵיכוֹן \אֲרֵי זַבֵינתוּן /דזבנתון#3#/ יָתִי הָלְכָא/הָכָא#3#/ אֲרֵי לְקַיָימָא שַלחַנִי יוי קְדָמֵיכוֹן/לקדמיכון#3#/׃
45:06 )1( [ai]אֲרֵי דְנָן תַרתֵין שְנִין כַפנָא בְגוֹ ארעא וְעוֹד חַמֵיש שְנִין דְלֵית זְרוּעָא וְחצָדָא׃
45:07 )1( [ai]וְשַלחַנִי יוי קְדָמֵיכוֹן/לִקדָמֵיכוֹן#3#/ לְשַוָאָה לְכוֹן שְאָרָא בארעא וֻלקַיָימָא לְכוֹן לְשֵיזָבָא רַבָא׃
45:08 )1( [ai]וֻכעַן לָא אַתוּן שְלַחתוּן יָתִי הָלְכָא/להלכא#3#/הָכָא#3#/ אֲלָהֵין מִן קְדָם יוי וְשַויַנִי אַבָא/לְאַבָא#3#/ לפרעה וְרִיבוֹן/וֻלרִבוֹן#3#/ לְכָל <אְנָש#3#> בֵיתֵיה וְשַלִיט בְכֹל ארעא דְמִצרָיִם׃
45:09 )1( [ai]אֵיחוֹ וְסַקוּ לְוָת אַבָא וְתֵימְרוּן לֵיה כִדנָן אֲמַר בְרָך יוֹסֵף שַויַנִי יוי לְרִבוֹן/ריבון#3#/ לְכָל מִצרָאֵי חוֹת לְוָתִי לָא תִתעַכַב׃
45:10 )1( [ai]וְתִתֵיב בארעא דגוֹשַן וֻתהֵי קָרִיב לִי/לותי#3#/ אַת וֻבנָך וֻבנֵי בְנָך וְעָנָך וְתוֹרָך וְכֹל דְלָך׃
45:11 )1( [ai]וְאֵיזוּן יָתָך תַמָן אֲרֵי עוֹד חַמֵיש שְנִין כַפנָא דִלמָא תִשתֵיצֵי/תִתמַסכַן#3#/ אַת וַאֲנָש בָיתָך וְכֹל דְלָך׃
45:12 )1( [ai]וְהָא עֵינֵיכוֹן חָזיָן וְעֵינֵי אַחִי בִניָמִן אֲרֵי בְלִישָנְכוֹן/כְלִישָנְכוֹן#3#/ אֲנָא מְמַלֵיל עִמְכוֹן׃
45:13 )1( [ai]וֻתחַווֹן לְאַבָא יָת כֹל יְקָרִי דִבמִצרַיִם וְיָת כֹל דַחזֵיתוֹן וְתֵיחוֹן וְתַחֲתוּן יָת אַבָא הָלְכָא/הכא#3#/׃
45:14 )1( [ai]וֻנפַל עַל צַורָא דְבִניָמִן אֲחוּהִי וֻבכָא וֻבִניָמִן בְכָא עַל צַורֵיה׃
45:15 )1( [ai]וְנַשֵיק לְכֹל אַחוֹהִי וֻבכָא עֲלֵיהוֹן וֻבָתַר כֵין מַלִילוּ אֲחוֹהִי עִמֵיה׃
45:16 )1( [ai]וֻקָלָא אִשתְמַע בֵית פרעה לְמֵימַר אֲתוֹ אֲחֵי יוֹסֵף וֻשפַר בְעֵינֵי פַרעֹה וֻבעֵינֵי עַבדוֹהִי׃
45:17 )1( [ai]וַאֲמַר פרעה לְיוֹסֵף אֵימַר לַאֲחָך/לות אחך#3#/ דָא עִיבִידוּ טְעוּנוּ יָת בְעִירְכוֹן/בְיָרְכוֹן#3#/ וְאִיזִילוּ אוֹבִילוּ לארעא דִכנַעַן׃
45:18 )1( [ai]וֻדבֻרוּ יָת אֲבוּכוֹן וְיָת אֲנָש בָתֵיכוֹן וְאֵיתוֹ לְוָתִי וְאִתֵין לְכוֹן יָת טוּב/שפר#3#/ ארעא דמצרים וְתֵיכְלוּן יָת טוּבָא דארעא׃
45:19 )1( [ai]וְאַת מְפַקַד דָא עִיבִידוּ סַבוּ לְכוֹן מארעא דמצרים עַגלָן לְטַפלְכוֹן וְלִנשֵיכוֹן וְתִיטְלוּן יָת אֲבוּכוֹן וְתֵיתוֹן׃
45:20 )1( [ai]וְעֵינְכוֹן לָא תְחוּס עַל מָנֵיכוֹן אֲרֵי טוּב/שפר#3#/ כֹל ארעא דמצרים דִילְכוֹן/לכון#3#/ הוּא׃
45:21 )1( [ai]וַעֲבַדוּ כֵין בְנֵי יִשרָאֵל וִיהַב לְהוֹן יוֹסֵף עַגלָן עַל מֵימְרָא דפרעה וִיהַב לְהוֹן זְוָדִין לְאוֹרחָא׃
45:22 )1( [ai]לְכוּלְהוֹן יְהַב לִגבַר אֻסטְלָוָן/אֻצטְלָוָן#3#/ דִלבוּשָא וֻלבִניָמִן יְהַב תְלָת מְאָה סִלעִין דִכסַף וְחַמשָה אֻסטְלָוָן/אִצטְלָוָן#3#/ דִלבוּשָא׃
45:23 )1( [ai]וֻלאֲבוּהִי שְלַח כְדֵין/כדא#3#/ עַסרָא חֲמָרִין טְעִינִין מִטוּב מִצרָיִם וְעַסַר אֲתַנָן טְעִינִין עִיבוּר וֻלחֵים וֻזוָדִין לַאֲבוּהִי לְאוֹרחָא׃
45:24 )1( [ai]וְשַלַח יָת אֲחוֹהִי וַאֲזַלוּ וַאֲמַר לְהוֹן לָא תִתנְצוֹן/תתנוצצון#3#/ בְאוֹרחָא׃
45:25 )1( [ai]וֻסלִיקוּ מִמצרים וַאֲתוֹ לְאַרעָא דכנען לְוָת יַעֲקֹב אֲבוּהוֹן׃
45:26 )1( [ai]וְחַוִיאוּ לֵיה לְמֵימַר עַד כְעַן יוֹסֵף קַיָים וַאֲרֵי הוּא שַלִיט בְכֹל ארעא דְמִצרים וַהוַאָה מִלַיָא פָיְגָן עַל לִיבֵיה אֲרֵי לָא הֵימֵין לְהוֹן׃
45:27 )1( [ai]וֻמַלִילוּ עִמֵיה יָת כֹל פִתגָמֵי יוֹסֵף דְמַלֵיל עִמְהוֹן וַחזָא יָת עַגַלתָא דִשלַח יוֹסֵף לְמִיטַל יָתֵיה וֻשרָת רוּחַ קוּדשָא עַל יַעֲקֹב אֲבוּהוֹן׃
45:28 )1( [ai]וַאֲמַר ישראל סַגִי לִי חַדוָא עַד כְעַן יוֹסֵף בְרִי קַיָים אִיזֵיל וְאִחזֵינֵיה עַד לָא אֵימוּת׃

next chapter