← Back
The Comprehensive Aramaic Lexicon
← Return to the Text Browser
click on the file description for more information
51001: TgO Gn

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


47:01 )1( [ai]וַאֲתָא יוֹסֵף וְחַוִי לְפַרעֹה וַאֲמַר אַבָה וְאַחַי וְעָנְהוֹן וְתוֹרֵיהוֹן וְכֹל דִילְהוֹן אֲתוֹ מִאַרעָא דִכנָעַן וְהָאִינוּן בְאַרעָא דְגוֹשַן׃
47:02 )1( [ai]וֻמִקְצָת <מן#3#> אֲחוֹהִי דְבַר חַמשָה גֻברִין וַאֲקֵימִינוּן קְדָם פַרעֹה׃
47:03 )1( [ai]וַאֲמַר פַרעֹה לַאֲחוֹהִי מָא עוּבָדְכוֹן וַאֲמַרוּ לְפַרעֹה/לות פרעה#3#/ רָעַן עָנָא עַבדָך אַף אֲנַחנָא אַף אֲבָהָתַנָא׃
47:04 )1( [ai]וַאֲמַרוּ לפרעה/לות פרעה#3#/ לְאִיתוֹתָבָא בארעא אֲתֵינָא אֲרֵי לֵית רִעיָא לְעָנָא דִלעַבדָך אֲרֵי תְקֵיף כַפנָא בְאַרעָא דִכנָעַן וֻכעַן יִתְבוּן כְעַן עַבדָך בארעא דְגוֹשַן׃
47:05 )1( [ai]וַאֲמַר פַרעֹה לְיוסף לְמֵימַר אֲבוּך וְאַחָך אֲתוֹ לְוָתָך׃
47:06 )1( [ai]ארעא דְמִצרַיִם קְדָמָך הִיא בִדשַפִיר בארעא אוֹתֵיב יָת אֲבוּך וְיָת אֲחָך יִתְבוּן בארעא דְגוֹשַן וְאִם יְדַעת וְאִית בְהוֹן גֻברִין דְחֵילָא וֻתמַנֵינוּן רַבָנֵי גֵיתֵי עַל דִילִי׃
47:07 )1( [ai]וְאֵיתִי/ואעיל#3#/ יוֹסֵף יָת יַעֲקֹב אֲבוּהִי וַאֲקִימֵיה קְדָם פַרעֹה וֻבָרֵיך יַעֲקֹב יָת פַרעֹה׃
47:08 )1( [ai]וַאֲמַר פַרעֹה לְיַעֲקֹב כַמָא יוֹמֵי שְנֵי חַיָיך׃
47:09 )1( [ai]וַאֲמַר יַעֲקֹב לְפַרעֹה יוֹמֵי שְנֵי תוֹתָבוּתִי מְאָה וֻתלָתִין שְנִין זְעֵירִין וֻבִישִין הְווֹ יוֹמֵי שְנֵי חַיַי וְלָא אַדבִיקוּ יָת יוֹמֵי שְנֵי חַיֵי אֲבָהָתִי בְיוֹמֵי תוֹתָבוּתְהוֹן׃
47:10 )1( [ai]וֻבָרֵיך יעקב יָת פרעה וֻנפַק מִן קְדָם/מִלְוָת#3#/ פַרעֹה׃
47:11 )1( [ai]וְאוֹתֵיב יוֹסֵף יָת אֲבוּהִי וְיָת אֲחוֹהִי וִיהַב לְהוֹן אַחסָנָא בארעא דמצרים בִדשַפִיר בְארעא בַאֲרַע רַעמְסֵס כְמָא דְפַקֵיד פרעה׃
47:12 )1( [ai]וְזָן יוֹסֵף יָת אֲבוּהִי וְיָת אֲחוֹהִי וְיָת כֹל בֵית אֲבוּהִי לַחמָא לְפוֹם טַפלָא׃
47:13 )1( [ai]וְלַחמָא לֵית בְכֹל אַרעָא אֲרֵי תְקֵיף כַפנָא לַחדָא וְאִשתַלהִי עַמָא דארעא דְמִצרַיִם וְעַמָא דארעא דִכנָעַן מִן קְדָם כַפנָא׃
47:14 )1( [ai]וְלַקֵיט יוֹסֵף יָת כֹל כַספָא דְאִשתְכַח בארעא דְמִצרַיִם ובארעא דִכנַעַן בַעֲיבוּרָא דְאִינוּן זָבְנִין וְאֵיתִי יוֹסֵף יָת כַספָא לְבֵית פַרעֹה׃
47:15 )1( [ai]וֻשלֵים כַספָא מארעא/מעמא דארעא#3#/ דמצרים וֻמֵאַרעָא/ומעמא דארעא#3#/ דִכנָעַן וַאֲתוֹ כֹל מִצרָאֵי לְוָת יוֹסֵף לְמֵימַר הַב לַנָא לַחמָא וֻלמָא נְמוּת לְקִבלָך אֲרֵי שְלִים כַספָא׃
47:16 )1( [ai]וַאֲמַר יוֹסֵף הַבוּ גֵיתֵיכוֹן וְאִיתֵין לְכוֹן בְגֵיתֵיכוֹן אִם שְלִים כַספָא׃
47:17 )1( [ai]וְאֵיתִיוּ/ואיתיבו#3#/ יָת גֵיתֵיהוֹן לְוָת יוֹסֵף וִיהַב לְהוֹן יוֹסֵף לַחמָא בְסוּסָוָתָא וֻבגֵיתֵי עָנָא וֻבגֵיתֵי תוֹרֵי וֻבִחמָרַיָא וְזָנִינוּן בְלַחמָא בְכָל גֵיתֵיהוֹן בְשַתָא הַהִיא׃
47:18 )1( [ai]וֻשלֵימַת שַתָא הַהִיא וַאֲתוֹ לְוָתֵיה בְשַתָא תִניֵיתָא וַאֲמַרוּ לֵיה לָא נְכַסֵי מִן רִבוֹנִי אֲלָהֵין שְלִים כַספָא וְגֵיתֵי בְעֵירָא קְדָם/לְוָת#3#/ רִבוֹנִי לָא אִשתְאַר קְדָם רִבוֹנִי אֲלָהֵין גְוִיָתַנָא וְאַרעַנָא׃
47:19 )1( [ai]לְמָא נְמוּת לְעֵינָך/לקבלך#3#/ אַף אֲנַחנָא אַף אַרעַנָא קְנֵי/זבן#3#/ יָתַנָא וְיָת אַרעַנָא בְלַחמָא וֻנהֵי אֲנַחנָא וְאַרעַנָא עַבדִין לְפַרעֹה וְהַב בַר זַרעָא וְנֵיחֵי וְלָא נְמוּת וְאַרעָא לָא תְבוּר׃
47:20 )1( [ai]וֻקנָא/וֻזבַן#3#/ יוֹסֵף יָת כֹל ארעא דמצרים לְפַרעֹה אֲרֵי זַבִינוּ מִצרָאֵי גְבַר חַקלֵיה אֲרֵי תְקֵיף עֲלֵיהוֹן כַפנָא וַהוָת ארעא <כבישת#3#> לְפַרעֹה׃
47:21 )1( [ai]וְיָת עַמָא אַעֲבַר יָתֵיה \מִקְרֵי לִקרֵי /מקרוי לקרוי#3#/ מִסוֹף תְחוּם מִצרַיִם וְעַד סוֹפֵיה׃
47:22 )1( [ai]לְחוֹד אֲרַע כוּמָרַיָא לָא קְנָא אֲרֵי חוּלָקָא לְכוּמָרַיָא מִן קְדָם/מלות#3#/ פַרעֹה וְאָכְלִין יָת חוּלָקְהוֹן דִיהַב לְהוֹן פַרעֹה עַל כֵין לָא זַבִינוּ יָת אֲרַעהוֹן׃
47:23 )1( [ai]וַאֲמַר יוֹסֵף לְעַמָא הָא קְנֵיתִי יָתְכוֹן יוֹמָא דֵין וְיָת אֲרַעכוֹן לְפַרעֹה הָא לְכוֹן בַר זַרעָא וְתִזרְעוּן יָת אַרעָא׃
47:24 )1( [ai]וִיהֵי בְאַעוֹלֵי/בעלולי#3#/ עֲלַלתָא וְתִתְנוּן חַד מִן חַמשָה לְפַרעֹה וְאַרבְעָה חוּלָקִין יְהֵי לְכוֹן לְבַר זְרַע חַקלָא וֻלמֵיכַלכוֹן וֻלאֲנָש בָתֵיכוֹן וֻלמֵיכַל לְטַפלְכוֹן׃
47:25 )1( [ai]וַאֲמַרוּ קַיֵימתַנָא נַשכַח רַחמִין בְעֵינֵי רִיבוֹנִי וֻנהֵי עַבדִין לְפַרעֹה׃
47:26 )1( [ai]וְשַוִי יָתַה יוֹסֵף לִגזֵירָא עַד יוֹמָא הָדֵין עַל ארעא דְמִצרַיִם דִיהוֹן/די הוו#3#/ יָהֲבִין חַד מִן חַמשָה לְפַרעֹה לְחוֹד אֲרַע כוּמרַיָא בִלחוֹדֵיהוֹן לָא הֲוָת לְפַרעֹה׃
47:27 )1( [ai]וִיתֵיב יִשרָאֵל בארעא דמצרים בְאַרעָא דְגוֹשַן וְאַחסִינוּ בַה וֻנפִישוּ וֻסגִיוּ לַחדָא׃
47:28 )1( [ai]וַחיָא יַעֲקֹב בארעא דמצרים שְבַע עַסרֵי שְנִין וַהווֹ יוֹמֵי יַעֲקֹב שְנֵי חַיוֹהִי מְאָה וְאַרבְעִין וֻשבַע שְנִין׃
47:29 )1( [ai]וֻקרִיבוּ יוֹמֵי ישראל לִממָת וֻקרָא לִברֵיה לְיוֹסֵף וַאֲמַר לֵיה אִם כְעַן אַשכַחִית רַחמִין בְעֵינָך שַו כְעַן יְדָך תְחוֹת יִרכִי וְתַעֲבֵיד עִמִי טֵיבוּ וֻקשוֹט לָא כְעַן תִקבְרִינַנִי בְמִצרָיִם׃
47:30 )1( [ai]וְאִשכוֹב עִם אֲבָהָתִי וְתִיטְלִינַנִי מִמִצרַיִם וְתִקבְרִינַנִי בִקבוּרתְהוֹן וַאֲמַר אֲנָא אַעֲבֵיד כְפִתגָמָך׃
47:31 )1( [ai]וַאֲמַר קַיָים לִי וְקַיֵים לֵיה וֻסגֵיד ישראל עַל רֵיש עַרסָא׃

next chapter