The Comprehensive Aramaic Lexicon

48:01 )1( [ai]	וַהֲוָה בָתַר פִתגָמַיָא הָאִלֵין וַאֲמַר לְיוֹסֵף הָא אֲבוּך <שכיב#3#> מְרַע וֻדבַר יָת תְרֵין בְנוֹהִי עִמֵיה יָת מְנַשַה וְיָת אַפרָיִם׃
48:02 )1( [ai]	וְחַוִי ליעקב וַאֲמַר הָא בְרָך יוֹסֵף אָתֵי לְוָתָך וְאִיתַקַף יִשרָאֵל וִיתֵיב עַל עַרסָא׃
48:03 )1( [ai]	וַאֲמַר יַעֲקֹב לְיוֹסֵף אֵל שַדַי אִתגְלִי לִי בְלוּז בְאַרעָא דִכנָעַן וֻבָרֵיך יָתִי׃
48:04 )1( [ai]	וַאֲמַר לִי הֲאֲנָא \מַפֵיש לָך /מפשינך#3#/ \וֻמַסגֵי לָך /ומסגינך#3#/ וְאִיתְנִינָך לְכִנשָת שִבטִין וְאִתֵין יָת ארעא הָדָא לִבנָך בָתְרָך אַחסָנַת עָלַם׃
48:05 )1( [ai]	וֻכעַן תְרֵין בְנָך דְאִיתִילִידוּ לָך בְאַרעָא דְמִצרַיִם עַד מֵיתַא לְוָתָך לְמִצרַיִם דִילִי אִינוּן אַפרַיִם וֻמנַשַה כִראוּבֵן וְשִמעוֹן יְהוֹן קְדָמָי׃
48:06 )1( [ai]	וֻבנִין דְתוֹלֵיד בָתְרֵיהוֹן דִילָך יְהוֹן עַל שוֹם אֲחֵיהוֹן יִתקְרוֹן בְאַחסָנַתהוֹן׃
48:07 )1( [ai]	וַאֲנָא בְמֵיתַא מִפַדָן מֵיתַת עֲלַי רָחֵל בְאַרעָא דִכנַעַן בְאוֹרחָא בְעוֹד כְרוֹב ארעא לְמֵיעַל לְאַפרָת וֻקבַרתַה תַמָן בְאוֹרַח אַפרָת הִיא בֵית לָחַם׃
48:08 )1( [ai]	וַחזָא ישראל יָת בְנֵי יוֹסֵף וַאֲמַר מַן אִלֵין׃
48:09 )1( [ai]	וַאֲמַר יוֹסֵף לַאֲבוּהִי בְנַי אִינוּן דִיהַב לִי יוי הָכָה וַאֲמַר קָרֵיבִינוּן כְעַן לְוָתִי וַאֲבָרֵיכִינוּן׃
48:10 )1( [ai]	וְעֵינֵי ישראל יְקַרָא מִסֵיבוּ לָא יָכֵיל לְמִחזֵי וְקָרֵיב יָתְהוֹן לְוָתֵיה וְנַשֵיק לְהוֹן וְגָפֵיף לְהוֹן׃
48:11 )1( [ai]	וַאֲמַר ישראל לְיוֹסֵף מִחזֵי/למחזי#3#/ אַפָך לָא סַבַרִית וְהָא אַחזִי יָתִי יוי אַף יָת בְנָך׃
48:12 )1( [ai]	וְאַפֵיק יוֹסֵף יָתְהוֹן מִן קְדָמוֹהִי וֻסגֵיד עַל אַפוֹהִי עַל אַרעָא׃
48:13 )1( [ai]	וֻדבַר יוֹסֵף יָת תַרוֵיהוֹן יָת אַפרַיִם בְיַמִינֵיה מִסְמָלָא דְישראל וְיָת מְנַשַה בִסמָלֵיה מִיַמִינָא דְישראל וְקָרֵיב לְוָתֵיה׃
48:14 )1( [ai]	וְאוֹשֵיט יִשרָאֵל יָת יַמִינֵיה וְשַוִי עַל רֵישָא דְאַפרַיִם וְהוּא זְעֵירָא וְיָת סְמָלֵיה עַל רֵישָא דִמנַשַה אַחַכֵימִינוּן/אַחכֵימִנוּן#3#/ לִידוֹהִי אֲרֵי מְנַשַה בוּכרָא׃
48:15 )1( [ai]	וֻבָרֵיך יָת יוֹסֵף וַאֲמַר יוי/אלהא#3#/ דִפלַחוּ אֲבָהָתִי קְדָמוֹהִי אברָהָם וְיִצחָק יוי דְזָן יָתִי מִדְאִיתַנִי עַד יוֹמָא הָדֵין׃
48:16 )1( [ai]	מַלאֲכָא דִפרַק יָתִי מִכֹל בִישָא יְבָרֵיך יָת עוּלֵימַיָא וְיִתקְרֵי בְהוֹן שְמִי וְשוֹם אֲבָהָתִי אברהם ויצחק וֻכנוּנֵי יַמָא יִסגוֹן בְגוֹ בְנֵי אֲנָשָא עַל ארעא׃
48:17 )1( [ai]	וַחזָא יוֹסֵף אֲרֵי שַוִי אֲבוּהִי יַד יַמִינֵיה עַל רֵישָא דְאַפרַיִם וֻבאֵיש בְעֵינוֹהִי וְסַעֲדַה לִידָא/ידא#3#/ דַאֲבוּהִי לְאַעֲדָאָה יָתַה מֵעַל רֵישָא דְאַפרַיִם לַאֲנָחוּתַה עַל רֵישָא דִמנַשַה׃
48:18 )1( [ai]	וַאֲמַר יוֹסֵף לַאֲבוּהִי לָא כֵין אַבָא אֲרֵי דֵין בוּכרָא שַו יַמִינָך עַל רֵישֵיה׃
48:19 )1( [ai]	וְסָרֵיב אָבוּהִי וַאֲמַר יָדַענָא בְרִי יָדַענָא אַף הוּא יְהֵי לְעַם וְאַף הוּא יִסגֵי וֻברַם אֲחוּהִי זְעֵירָא יִסגֵי מִנֵיה וֻבנוֹהִי יְהוֹן <מלכין#3#> שָלְטִין/דשליטין#3#/ בְעַמְמַיָא׃
48:20 )1( [ai]	וְבָרֵיכִינוּן בְיוֹמָא הַהוּא לְמֵימַר בָך יְבָרֵך ישראל לְמֵימַר יְשַוֵינָך יוי כְאַפרַיִם וְכִמנַשַה וְשַוִי יָת אַפרַיִם קְדָם מְנַשַה׃
48:21 )1( [ai]	וַאֲמַר ישראל לְיוֹסֵף הָאֲנָא מָאִית וִיהֵי מֵימְרָא דַיוי בְסַעַדכוֹן וְיָתֵיב/וְיָתִיב#3#/ יָתְכוֹן לְאֲרַע אֲבָהָתְכוֹן׃
48:22 )1( [ai]	וַאֲנָא <הָא#3#> יְהַבִית לָך חוּלָק חַד יַתִיר עַל אֲחָך דִנסֵיביִת מִיְדָא דַאֲמוֹרָאָה \בְחַרבִי וֻבקַשתִי /בִצלוֹתִי וֻבבָעוּתִי#3#/׃

next chapter