← Back
The Comprehensive Aramaic Lexicon
← Return to the Text Browser
click on the file description for more information
51001: TgO Gn

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


50:01 )1( [ai]ונפַל יוֹסֵף עַל אַפֵי אֲבוּהִי וֻבכָא עֲלוֹהִי וְנַשֵיק לֵיה׃
50:02 )1( [ai]וֻפַקֵיד יוסף יָת עַבדוֹהִי יָת אָסְוָתָא לְמִחנַט יָת אֲבוּהִי וַחנַטוּ אָסְוָתָא יָת יִשרָאֵל׃
50:03 )1( [ai]וֻשלִימוּ לֵיה אַרבְעִין יוֹמִין אֲרֵי כֵין שָלְמִין יוֹמֵי חֲנִיטַיָא וֻבכוֹ יָתֵיה מִצרָאֵי שִבעִין יוֹמִין׃
50:04 )1( [ai]וַעֲבַרוּ יוֹמֵי בְכִיתֵיה וֻמַלֵיל יוֹסֵף עִם בֵית פַרעֹה לְמֵימַר אִם כְעַן אַשכַחִית רַחמִין בְעֵינֵיכוֹן מַלִילוּ כְעַן קְדָם פַרעֹה לְמֵימַר׃
50:05 )1( [ai]אַבָא קַיֵים עֲלַי לְמֵימַר הָא אֲנָא מָאִית בְקִברִי דְאַתקֵינִית לִי בְאַרעָא דִכנַעַן תַמָן תִקבְרִינַנִי וֻכעַן אִיסַק כְעַן וְאִקבַר יָת אַבָא וְאֵיתוּב׃
50:06 )1( [ai]וַאֲמַר פרעה סַק וֻקבַר יָת אֲבוּך כְמָא דְקַיֵים עֲלָך׃
50:07 )1( [ai]וֻסלֵיק יוֹסֵף לְמִקבַר יָת אֲבוּהִי וֻסלִיקוּ עִמֵיה כֹל עַבדֵי פַרעֹה סָבֵי בֵיתֵיה וְכֹל סָבֵי אַרעָא דְמִצרָיִם׃
50:08 )1( [ai]וְכֹל בֵית יוֹסֵף וַאֲחוֹהִי וֻבֵית אֲבוּהִי לְחוֹד טַפלְהוֹן וְעָנְהוֹן וְתוֹרֵיהוֹן שְבַקוּ בְאַרעָא דְגוֹשַן׃
50:09 )1( [ai]וֻסלִיקוּ עִמֵיה אַף רְתִיכִין אַף פָרָשִין וַהוָת מַשרִיתָא סַגִיאָה/תקיפא#3#/ לַחדָא׃
50:10 )1( [ai]וַאֲתוֹ עַד בֵית אִידְרֵי דְאָטָד דִבעִברָא דְיַרדְנָא וֻספַדוּ תַמָן מִספַד רַב וְתַקִיף לַחדָא וַעֲבַד לַאֲבוּהִי אִבלָא שִבעָה יוֹמִין׃
50:11 )1( [ai]וַחזָא יָתֵיב אַרעָא כְנַעֲנָאָה יָת אִבלָא בְבֵית אִידְרֵי/באידרא#3#/ דְאָטָד וַאֲמַרוּ אֵבַל תַקִיף דֵין לְמִצרָאֵי/לְמִצרַיִם#3#/ עַל כֵין קְרָא שְמַה אֵבַל מִצרַיִם/מצראי#3#/ דִבעִברָא דְיַרדְנָא׃
50:12 )1( [ai]וַעֲבַדוּ בְנוֹהִי לֵיה כֵין כְמָא דְפַקֵידִינוּן׃
50:13 )1( [ai]וֻנטַלוּ יָתֵיה בְנוֹהִי לְאַרעָא דִכנַעַן וֻקבַרוּ יָתֵיה בִמעָרַת חֲקַל כָפֵילתָא דִזבַן אַברָהָם יָת חַקלָא לְאַחסָנַת קְבוּרָא מִן עַפרוֹן חִיתָאָה דְעַל אַפֵי מַמרֵא׃
50:14 )1( [ai]וְתָב יוסף לְמִצרַיִם הוּא וַאֲחוֹהִי וְכֹל דִסלִיקוּ עִמֵיה לְמִקבַר יָת אֲבוּהִי בָתַר דִקבַר/די קברו#3#/ יָת אֲבוּהִי׃
50:15 )1( [ai]וַחזוֹ אֲחֵי יוֹסֵף אֲרֵי/דהא#3#/ מִית אֲבוּהוֹן וַאֲמַרוּ דִלמָא יִטַר לַנָא דְבָבוּ יוֹסֵף וְאָתָבָא יָתִיב לַנָא יָת כֹל בִשתָא דִגמַלנָא יָתֵיה׃
50:16 )1( [ai]וֻפַקִידוּ \לְוָת יוֹסֵף /ליוסף#3#/ לְמֵימַר אֲבוּך פַקֵיד קְדָם מוֹתֵיה לְמֵימַר׃
50:17 )1( [ai]כְדֵין תֵימְרוּן לְיוֹסֵף בְבָעוּ שְבוֹק כְעַן לְחוֹבֵי אֲחָך וְלִחטָאֵיהוֹן אֲרֵי בִשתָא גַמלוּך וֻכעַן שְבוֹק כְעַן לְחוֹבֵי עַבדֵי אֲלָהָא דַאֲבוּך וֻבכָא יוֹסֵף בְמַלָלוּתְהוֹן עִמֵיה׃
50:18 )1( [ai]וַאֲזַלוּ אַף אֲחוֹהִי וֻנפַלוּ קְדָמוֹהִי <על אפיהון#3#> וַאֲמַרוּ הָא אֲנַחנָא לָך לְעַבדִין׃
50:19 )1( [ai]וַאֲמַר לְהוֹן יוֹסֵף לָא תִדחֲלוּן אֲרֵי \דָחֲלָא דַיוי /דחיל מן קדם ייי#3#/ אֲנָא׃
50:20 )1( [ai]וְאַתוּן חֲשֵיבתוּן/חְשַבתוּן#3#/ עֲלַי בִישָא מִן קדם יוי אִתחֲשֵיבַת לְטָבָא בְדִיל לְמַעֲבַד כְיוֹמָא הָדֵין לְקַיָמָא עַם סַגִי׃
50:21 )1( [ai]וֻכעַן לָא תִדחֲלוּן אֲנָא אֵיזוּן יָתְכוֹן וְיָת טַפלְכוֹן וְנַחֵים יָתְהוֹן וֻמַלֵיל תַנחוּמִין עַל לִיבְהוֹן׃
50:22 )1( [ai]וִיתֵיב יוֹסֵף בְמִצרַיִם הוּא וֻבֵית אֲבוּהִי וַחיָא יוֹסֵף מְאָה וַעֲסַר שְנִין׃
50:23 )1( [ai]וַחזָא יוֹסֵף לְאַפרַיִם בְנִין תְלִיתָאִין אַף בְנֵי מָכִיר בַר מְנַשַה אִתילִידוּ וְרַבִי יוֹסֵף׃
50:24 )1( [ai]וַאֲמַר יוֹסֵף לַאֲחוֹהִי אֲנָא מָאִית וַיוי מִדכָר דְכִיר יָתְכוֹן וְיַסֵיק יָתְכוֹן מִן אַרעָא הָדָא לְאַרעָא דְקַיֵים לְאַברָהָם לְיִצחָק וֻליַעֲקֹב׃
50:25 )1( [ai]וְאוֹמִי יוֹסִף יָת בְנֵי יִשרָאֵל לְמֵימַר מִדכָר דְכִיר יוי יָתְכוֹן וְתַסְקוּן יָת גַרמַי מִיכָא׃
50:26 )1( [ai]וֻמִית יוֹסֵף בַר מְאָה וְעַסַר שְנִין וַחנַטוּ יָתֵיה וְסָמוּהִי בַאֲרוֹנָא בְמִצרָיִם׃