The Comprehensive Aramaic Lexicon

02:01 )1( [ai]	וַאְזַל גֻברָא מִדְבֵית לֵוִי וֻנסֵיב יָת בַת לֵוִי׃
02:02 )1( [ai]	וְעַדִיאַת אִיתְתָא וִילֵידַת בַר וַחזָת יָתֵיה אְרֵי טָב הוּא וְאַטמַרתֵיה תְלָתָה יַרחִין׃
02:03 )1( [ai]	וְלָא יְכֵילַת עוֹד לְאַטמָרוּתֵיה וֻנסֵיבַת לֵיה תֵיבוֹתָא דְגוֹמָא/דְגוֹמַא#3#/ וַחפָתַה בְחֵימָרָא וֻבזִפתָא וְשַוִיאַת בַר/בַה#2#/ יָת רָביָא וְשַוִיתַה בְיַעְרָא עַל כֵיף נַהרָא׃
02:04 )1( [ai]	וְאִתעַתַדַת אְחָתֵיה מֵרַחִיק לְמִידַע מָא יִתעְבֵיד לֵיה׃
02:05 )1( [ai]	וֻנחַתַת בַת פַרעֹה לְמִסחֵי עַל נַהרָא וְעוּלֵימָתַהָא מְהַלְכָן עַל כֵיף נַהרָא וַחזָת יָת תֵיבוֹתָא בְגוֹ יַעְרָא וְאוֹשֵיטַת יָת אַמְתַה וֻנסֵיבתַה׃
02:06 )1( [ai]	וֻפתַחַת וַחזָת יָת רָביָא וְהָא עוּלֵימָא בָכֵי וְחַסַת עְלוֹהִי וַאְמַרַת מִבְנֵי יְהוּדָאֵי הוּא דֵין׃
02:07 )1( [ai]	וַאְמַרַת אְחָתֵיה לְבַת פַרעֹה הַאֵיזֵיל וְאַקרֵי/וְאִקרֵי#2#/ לִיך אִיתְתָא מֵינִקתָא מִן יְהוּדַיָתָא וְתֵינִיק/וְתוֹנִיק#3#/ לִיך יָת רָביָא׃
02:08 )1( [ai]	וַאְמַרַת לַה בַת פַרעֹה אִיזִילִי וַאְזַלַת עוּלֵימְתָא וֻקרָת \יָת אִמֵיה/לאימיה#3#/ דְרָביָא׃
02:09 )1( [ai]	וַאְמַרַת לַה בַת פַרעֹה הַלִיכִי/אובילי#3#/ יָת רָביָא הָדֵין וְאוֹנִיקִיהוּ/ואונקיהי#3#/ לִי וַאְנָא אַתֵין יָת אַגרִיך וֻנסֵיבַת אִיתְתָא <ית#3#> רָביָא וְאוֹנִיקְתֵיה׃
02:10 )1( [ai]	וֻרבָא רָביָא וְאֵיתִיתֵיה לְבַת פַרעֹה וַהְוָה לַה לְבַר וֻקרָת שְמֵיה מֹשַה וַאְמַרַת אְרֵי מִן מַיָא שְחַלתֵיה׃
02:11 )1( [ai]	וַהְוָה בְיוֹמַיָא הָאִינוּן וֻרבָא מֹשַה וֻנפַק לְוָת אְחוֹהִי וַחזָא בְפוּלחָנְהוֹן וַחזָא גְבַר מִצרַי מָחֵי לִגבַר יְהוּדַי מֵאְחוֹהִי׃
02:12 )1( [ai]	וְאִתפְנִי לְכָא וֻלכָא וַחזָא אְרֵי לֵית אְנָש/גבר#3#/ וֻמחָא יָת מִצרָאָה וְטַמרֵיה/ואטמריה#3#/ בְחָלָא׃
02:13 )1( [ai]	וֻנפַק בְיוֹמָא תִניָנָא וְהָא תְרֵין גֻברִין יְהוּדָאִין נָצַן וַאְמַר לְחַייָבָא לְמָא אַת מָחֵי לְחַברָך׃
02:14 )1( [ai]	וַאְמַר מַן שַויָך לִגבַר רָב/רַב#3#/ וְדַיָין עְלַנָא הַלמִקטְלִי אַת אָמַר כְמָא דְקטַלתָא יָת מִצרָאָה וֻדחֵיל מֹשַה וַאְמַר בְקוּשטָא אִתיְדַע פִתגָמָא׃
02:15 )1( [ai]	וֻשמַע פַרעֹה יָת פִתגָמָא הָדֵין וֻבעָא לְמִקטַל יָת מֹשַה וַעְרַק מֹשַה מִן קְדָם פַרעֹה וִיתֵיב בְאַרעָא דְמִדיָן וִיתֵיב עַל בֵירָא׃
02:16 )1( [ai]	וֻלרַבָא דְמִדיָן שְבַע בְנָן \וַאְתַאָה וֻדלַאָה וֻמלַאָה /ואתאן ודלאן ומליאן#3#/ יָת רָטַיָא/רהטיא#3#/ לְאַשקָאָה יָת עָנָא דַאְבוּהוֹן/דאבוהין#3#/׃
02:17 )1( [ai]	וַאְתוֹ רָעַיָא וֻטרַדוּנִין וְקַם מֹשַה וֻפרַקִינִין וְאַשקִי יָת עָנְהוֹן/ענהין#3#/׃
02:18 )1( [ai]	וְאַתָאָה לְוָת רְעוּאֵל אְבוּהוֹן/אבוהין#3#/ וַאְמַר מָדֵין אוֹחִיתִין לְמֵיתֵי יוֹמָא דֵין׃
02:19 )1( [ai]	וַאְמַרָא גֻברָא מִצרָאָה שֵיזְבַנָא מִידָא דְרָעַיָא וְאַף מִדלָא דְלָא לַנָא וְאַשקִי יָת עָנָא׃
02:20 )1( [ai]	וַאְמַר לִבנָתֵיה וְאָן הוּא לְמָא דְנָן/דין#3#/ שְבַקתִין יָת גֻברָא קִריַן/קְרַן#3#/ לֵיה וְיֵיכוֹל לַחמָא׃
02:21 )1( [ai]	וֻצבִי מֹשַה לְמִתַב עִם גֻברָא וִיהַב יָת צִפֹרָה בְרַתֵיה לְמֹשַה׃
02:22 )1( [ai]	וִילֵידַת בַר וֻקרָא יָת שְמֵיה גֵרְשֵם/גֵרְשוֹם#3#/ אְרֵי <אְמַר#3#> דַיָיר הְוֵיתִי בְאַרַע נוּכרָאָה׃
02:23 )1( [ai]	וַהוָה בְיוֹמַיָא סַגִיאַיָה הָאִינוּן וֻמִית מַלכָא דְמִצרַיִם וְאִתאַנַחוּ בְנֵי יִשרָאֵל מִן פוּלחָנָא דַהוָה קְשֵי/קשי#3#/ עְלֵיהוֹן וֻזעִיקוּ וֻסלֵיקַת קְבִילַתהוֹן לִקדָם יוי מִן פוּלחָנָא׃
02:24 )1( [ai]	וֻשמִיַע קדם יוי יָת קְבִילַתהוֹן וֻדכִיר יוי יָת קִיָמֵיה דְעִם אַברָהָם דְעִם יִצחַק וֻדעִם יַעְקֹב׃
02:25 )1( [ai]	וֻגלֵי קְדָם יוי שִעבוּדָא דִבנֵי יִשרָאֵל וַאְמַר בְמֵימְרֵיה לְמִפרַקהוֹן יוי׃

next chapter