← Back
The Comprehensive Aramaic Lexicon
← Return to the Text Browser
click on the file description for more information
51002: TgO Ex

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


03:01 )1( [ai]וֻמֹשַה הְוָה רָעֵי יָת עָנָא דְיִתרוֹ חְמוּהִי רַבָא דְמִדיָן וְדַבַר/וֻדבַר#3#/ יָת עָנָא לַאְתַר שְפַר רִעיָא לְמַדבְרָא וַאְתָא לְטוּרָא דְאִתגְלִי עְלוֹהִי יְקָרָא דַיוי לְחוֹרֵב׃
03:02 )1( [ai]וְאִתגְלִי מַלאְכָא דַיוי לֵיה בְשַלהוֹבִית אִישָתָא מִגוֹ אַסַנָא וַחזָא וְהָא אַסַנָא בָעַר בְאִישָתָא וַאְסַנָא לָיְתוֹהִי מִתאְכִיל׃
03:03 )1( [ai]וַאְמַר מֹשַה אִתפְנֵי/אַתפְנֵי#3#/ כְעַן וְאִחזֵי/וְאַחזֵי#3#/ יָת חִזוָנָא/חַזוָנָא#3#/ רַבָא הָדֵין מָדֵין לָא מִתוֹקַד אְסַנָא׃
03:04 )1( [ai]וַחזָא/וגלי קדם#3#/ יוי אְרֵי אִתפְנִי לְמִחזֵי וֻקרָא לֵיה יוי מִגוֹ אַסַנָא וַאְמַר מֹשַה מֹשַה וַאְמַר הָאְנָא׃
03:05 )1( [ai]וַאְמַר לָא תִקרַב הָלְכָא/להלא#3#/ שְרִי סֵינָך מֵעַל רַגלָך/ריגלך#3#/ אְרֵי אַתרָא דְאַת קָאֵים עְלוֹהִי אְתַר/ארע#3#/ קַדִיש הוּא׃
03:06 )1( [ai]וַאְמַר אְנָא אְלָהֵיה דַאְבוּך אְלָהֵיה דְאַברָהָם אְלָהֵיה דְיִצחָק וַאְלָהֵיה דְיַעְקֹב וֻכבַשִינוּן מֹשַה לְאַפוֹהִי אְרֵי דְחֵיל מִלְאִסתַכָלָא בְצֵית/בזיו#3#/ יְקָרָא דַיוי׃
03:07 )1( [ai]וַאְמַר יוי מִגלָא גְלֵי קְדָמַי <יָת#3#> שִעבוּד עַמִי דִבמִצרָיִם וְיָת קְבִילַתהוֹן שְמִיַע קְדָמַי מִן קְדָם מַפִלחֵיהוֹן/מַפלְחֵיהוֹן#3#/שלטוניהון#3#/ אְרֵי גְלֵי קְדָמַי כֵיבְהוֹן׃
03:08 )1( [ai]וְאִתגְלִיתִי לְשֵיזָבוּתְהוֹן מִידָא דְמִצרָאֵי וֻלאַסָקוּתְהוֹן מִן אַרעָא הַהִיא לַאְרַע טָבָא וֻפַתיָא/ופותיא#3#/ לַאְרַע עָבְדָא חְלָב וֻדבָש לַאְתַר כְנַעְנָאֵי וְחִיתָאֵי וַאְמוֹרָאָה וֻפרִזָאָה וְחִיוָאֵי וִיבוּסָאֵי׃
03:09 )1( [ai]וֻכעַן הָא קְבִילַת בְנֵי יִשרָאֵל עְלַת/עַלַת#3#/ לִקדָמַי וְאַף גְלֵי קְדָמַי דוּחקָא דְמִצרָאֵי דָחְקִין לְהוֹן׃
03:10 )1( [ai]וֻכעַן אֵיתַא וְאִשלְחִינָך לְוָת פַרעֹה וְאַפֵיק יָת עַמִי בְנֵי ישראל מארעא דְמִצרָיִם׃
03:11 )1( [ai]וַאְמַר מֹשַה קדם יוי מַן אְנָא אְרֵי אִיזֵיל לְוָת פַרעֹה וַאְרֵי אַפֵיק יָת בְנֵי יִשרָאֵל מִמִצרָיִם׃
03:12 )1( [ai]וַאְמַר אְרֵי יְהֵי מֵימְרִי בְסַעְדָך וְדֵין לָך אָתָא אְרֵי אְנָא שְלָחתָך בְאַפָקוּתָך יָת עַמָא מִמִצרַיִם תִפלְחוּן קדם יוי עַל טוּרָא הָדֵין׃
03:13 )1( [ai]וַאְמַר מֹשַה קדם יוי הָאְנָא אָתֵי לְוָת בְנֵי ישראל וְאֵימַר לְהוֹן אְלָהָא דַאְבָהָתְכוֹן שַלחַנִי לְוָתְכוֹן וְיֵימְרוּן לִי מַן/מה#3#/ שְמֵה מָא אֵימַר לְהוֹן׃
03:14 )1( [ai]וַאְמַר יוי לְמֹשַה \"אַהיַה אְשַר אַהיַה" /אהא על מה דאהא#3#/ וַאְמַר כִדנָן/כדין#3#/ תֵימַר לִבנֵי ישראל "אַהיַה" שַלחַנִי לְוָתְכוֹן׃
03:15 )1( [ai]וַאְמַר עוֹד יוי לְמֹשַה כִדנָן תֵימַר לִבנֵי ישראל יוי אְלָהָא דַאְבָהָתְכוֹן אְלָהֵיה דְאַברָהָם אְלָהֵיה דיצחק וַאְלָהֵיה דְיַעְקֹב שַלחַנִי לְוָתְכוֹן דֵין שְמִי לְעָלַם וְדֵין דוּכרָנִי לְכֹל דָר וְדָר׃
03:16 )1( [ai]אִיזֵיל וְתִכנוֹש יָת סָבֵי ישראל וְתֵימַר לְהוֹן יוי אְלָהָא דַאְבָהָתְכוֹן אִתגְלִי לִי אְלָהֵה דאברהם יצחק ויעקב לְמֵימַר מִדכָר דְכִירנָא יָתְכוֹן וְיָת דְאִתעְבֵיד לְכוֹן במצרים׃
03:17 )1( [ai]וַאְמַרִית אַסֵיק יָתְכוֹן מִשִעבוּד מִצרָאֵי לַאְרַע כְנַעְנָאֵי וְחִיתָאֵי ואימוראי ופריזאי וחיואי ויבוסאי לַאְרַע עָבְדָא חְלָב וֻדבָש׃
03:18 )1( [ai]וִיקַבְלוּן מִינָך/למימרך#3#/ וְתֵיתֵי אַת וְסָבֵי ישראל לְוָת מַלכָא דמצרים וְתֵימְרוֹן לֵיה יוי אְלָהָא דִיהוּדָאֵי אִתקְרִי/איתגלי#3#/ עְלַנָא וֻכעַן נֵיזֵיל/ניהך#3#/ כְעַן מַהלַך תְלָתָה יוֹמִין בְמַדבְרָא וֻנדַבַח קְדָם יוי אְלָהַנָא׃
03:19 )1( [ai]וֻקדָמַי גְלֵי אְרֵי לָא יִשבוֹק יָתְכוֹן מַלכָא דמצרים לְמֵיזַל/למהך#3#/ וְלָא/אלהין#3#/ מִן קְדָם דְחֵילֵיה תַקִיף׃
03:20 )1( [ai]וְאִשלַח <פון#3#> יָת מַחַת גְבוּרְתִי וְאִמחֵי יָת מִצרָאֵי בְכֹל פְרִישָתִי/פרישותי#3#/ דְאַעְבֵיד בֵינֵיהוֹן וֻבָתַר כֵין יְשַלַח יָתְכוֹן׃
03:21 )1( [ai]וְאִיתֵין יָת עַמָא הָדֵין לְרַחמִין בְעֵינֵי מִצרָאֵי וִיהֵי אְרֵי תְהָכוּן לָא תְהָכוּן רֵיקָן/רֵיקָנִין#3#/׃
03:22 )1( [ai]וְתִשאַל אִיתְתָא מִשִיבַבתַה/מִשֵיבָבְתַה#3#/ וֻמִקָרִיבַת בֵיתַה מָנִין דִכסַף וֻמָנִין דִדהַב וֻלבוּשִין וֻתשַווֹן עַל בְנֵיכוֹן וְעַל בְנָתְכוֹן וֻתרוֹקְנוּן יָת מִצרָאֵי׃

next chapter