← Back
The Comprehensive Aramaic Lexicon
← Return to the Text Browser
click on the file description for more information
51002: TgO Ex

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


06:01 )1( [ai]וַאְמַר יוי לְמֹשַה כְעַן תִחזֵי דְאַעְבֵיד לְפַרעֹה אְרֵי בְיַד תַקִיפָא יְשַלַחִינוּן וֻביַד תַקִיפָא יְתָרֵיכִינוּן מֵאַרעֵיה׃
06:02 )1( [ai]וֻמַלֵיל יוי עִם מֹשַה וַאְמַר לֵיה אְנָא יוי׃
06:03 )1( [ai]וְאִתגְלִיתִי לְאברהם ליצחק וֻליעקב בְאֵל שַדָי וֻשמִי יוי לָא הוֹדַעִית/אודעית#3#/ לְהוֹן׃
06:04 )1( [ai]וְאַף אְקֵימִית יָת קִיָמִי/קְיָמִי#3#/ עִמְהוֹן לְמִתַן לְהוֹן יָת ארעא דִכנַעַן יָת אְרַע תוֹתָבוּתְהוֹן דְאִתוֹתַבוּ בַה׃
06:05 )1( [ai]וְאַף קְדָמַי שְמִיַע יָת קְבִילַת בְנֵי יִשרָאֵל דְמִצרָאֵי מַפלְחִין/מפילחין#3#/ בְהוֹן וֻדכִירנָא יָת קִיָמִי/קְיָמִי#3#/׃
06:06 )1( [ai]בְכֵין אֵימַר לִבנֵי יִשרָאֵל אְנָא יוי וְאַפֵיק יָתְכוֹן מִגוֹ דְחוֹק פוּלחַן מִצרָאֵי וַאְשֵיזֵיב יָתְכוֹן מִפוּלחָנְהוֹן וְאִפרוֹק יָתְכוֹן בִדרָע מְרָמַם וֻבדִינִין רַברְבִין׃
06:07 )1( [ai]וַאְקָרֵיב יָתְכוֹן קְדָמַי לְעַם וְאִהוֵי/וְאַהוֵי#3#/ואהא#3#/ לְכוֹן לַאְלָה וְתִידְעוּן אְרֵי אְנָא יוי אְלָהְכוֹן דְאַפֵיק יָתְכוֹן מִגוֹ דְחוֹק פוּלחַן מִצרָאֵי׃
06:08 )1( [ai]וַאְעֵיל יָתְכוֹן לְארעא דְקַיֵימִית בְמֵימְרִי לְמִתַן יָתַה לאברהם ליצחק וליעקב וְאִיתֵין יָתַה לְכוֹן יְרוּתָא אְנָא יוי׃
06:09 )1( [ai]וֻמַלֵיל מֹשַה כֵין עִם בְנֵי ישראל וְלָא קַבִילוּ מִן מֹשַה מֵעְיָק רוּחַ וֻמִפוּלחָנָא דַהוָה/דהות#3#/ קְשֵי/קשיא#3#/ עְלֵיהוֹן׃
06:10 )1( [ai]וֻמַלֵיל יוי עִם מֹשַה לְמֵימַר׃
06:11 )1( [ai]עוֹל מַלֵיל עִם פַרעֹה מַלכָא דמצרים וִישַלַח יָת בְנֵי ישראל מֵאַרעֵיה׃
06:12 )1( [ai]וֻמַלֵיל מֹשַה קדם יוי לְמֵימַר הָא בְנֵי ישראל לָא קַבִילוּ מִנִי וְאֵיכְדֵין יְקַבֵיל מִנִי פרעה וַאְנָא יַקִיר מַמלַל׃
06:13 )1( [ai]וֻמַלֵיל יוי עִם משה ולאהרן וֻפַקֵידִינוּן לְוָת/על#3#/ בְנֵי ישראל וֻלוָת/ועל#3#/ פרעה מַלכָא דמצרים לְאַפָקָא יָת בְנֵי ישראל מארעא דמצרים׃
06:14 )1( [ai]אִלֵין רֵישֵי בֵית אְבָהָתְהוֹן בְנֵי רְאוּבֵין בוּכרָא דְישראל חְנוֹך וֻפַלוּא חַצרֹן וְכַרמִי אִלֵין זַרעְיָת רְאוּבֵן׃
06:15 )1( [ai]וֻבנֵי שמעון יְמואל וימין ואהד ויכין וצחר ושאול בַר כְנַעְנֵיתָא אִלֵין זַרעְיָת שִמעוֹן׃
06:16 )1( [ai]וְאִלֵין שְמָהָת בְנֵי לֵוִי לְתוֹלְדָתְהוֹן גֵרְשוֹן וֻקהָת וֻמרָרִי וֻשנֵי חַיֵי לֵוִי מְאָה וֻתלָתִין וֻשבַע שְנִין׃
06:17 )1( [ai]בני גרשון לבני ושמעי לזרעיתהון׃
06:18 )1( [ai]וֻבנֵי קְהָת עַמרָם ויצהר וחברון ועוזיאל וֻשנֵי חַיֵי קְהָת מְאָה וֻתלָתִין וֻתלָת שְנִין׃
06:19 )1( [ai]וֻבנֵי מְרָרִי מַחלִי וְמוּשִי אִלֵין זַרעְיָת לֵוִי/לֵיוָאֵי#3#/ לְתוֹלְדָתְהוֹן׃
06:20 )1( [ai]וֻנסֵיב/ודבר#3#/ עַמרָם יָת יוֹכַבַד אַחַת/אְחָת#3#/ אְבוּהִי לֵיה לְאִיתוּ/לאנתו#3#/ וִילֵידַת לֵיה יָת אהרן וְיָת משה וֻשנֵי חַיֵי עַמרָם מְאָה וֻתלָתִין וֻשבַע שְנִין׃
06:21 )1( [ai]ובני יצהר קרח ונפג וזכרי׃
06:22 )1( [ai]וֻבני עזיאל מישאל ואלצפן וסתרי׃
06:23 )1( [ai]וֻנסֵיב אהרן יָת אְלִישַבַע בַת עַמִינָדָב אְחָתֵיה דְנַחשוֹן לֵיה לְאִיתוּ/לאנתו#3#/ וִילֵידַת לֵיה יָת נָדָב וְיָת אְבִיהוּא יָת אלעזר וְיָת אִיתָמָר׃
06:24 )1( [ai]וֻבנֵי קֹרַח אסיר ואלקנה ואביאסף אִלֵין זַרעְיָת קֹרַח׃
06:25 )1( [ai]ואלעזר בַר אהרן נְסֵיב לֵיה מִבְנָת פוּטִיאָל לֵיה לְאִיתוּ/לאנתו#3#/ וִילֵידַת לֵיה יָת פִנחָס אִלֵין רֵישֵי אְבָהָת לֵיוָאֵי לְזַרעְיָתְהוֹן׃
06:26 )1( [ai]הוּא אהרן ומשה דַאְמַר יוי לְהוֹן אַפִיקוּ יָת בְנֵי ישראל מארעא דמצרים עַל חֵילֵיהוֹן׃
06:27 )1( [ai]אִנוּן דִממַלְלִין עִם פַרעֹה מַלכָא דמצרים לְאַפָקָא יָת בְנֵי ישראל ממצרים הוּא מֹשַה וְאַהְרֹן׃
06:28 )1( [ai]וַהְוָה בְיוֹמָא דְמַלֵיל יוי עִם מֹשַה בארעא דְמִצרָיִם׃
06:29 )1( [ai]וֻמַלֵיל יוי עִם מֹשַה לְמֵימַר אְנָא יוי מַלֵיל עִם פַרעֹה מַלכָא דמצרים יָת כֹל דַאְנָא מְמַלֵיל עִימָך/לך#3#/׃
06:30 )1( [ai]וַאְמַר מֹשַה קדם יוי הָאְנָא יַקִיר מַמלַל וְאֵיכְדֵין יְקַבֵיל מִנִי פַרעֹה׃

next chapter