← Back
The Comprehensive Aramaic Lexicon
← Return to the Text Browser
click on the file description for more information
51002: TgO Ex

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


15:01 )1( [ai]בְכֵין שַבַח מֹשַה וֻבנֵי ישראל יָת תוּשבַחתָא הָדָא קדם יוי וַאְמַרוּ לְמֵימַר נְשַבַח וְנוֹדֵי קדם יוי אְרֵי אִתגְאִי עַל גֵיוְתָנַיָא וְגֵיוּתָא דִילֵיה הִיא סוּסיָא וְרָכְבֵיה רְמָא/שדי#3#/ בְיַמָא׃
15:02 )1( [ai]תוּקפִי וְתוּשבַחתִי דְחִילָא יוי אְמַר בְמֵימְרֵיה וַהְוָה לִי לְפָרִיק דֵין אְלָהִי וְאִבנֵי לֵיה מַקדַש אְלָהָא דַאְבָהָתִי וְאַפלַח קְדָמוֹהִי׃
15:03 )1( [ai]יוי מָרֵי נִצחָן קְרָבַיָא יוי שְמוֹ/שְמֵיה#3#/׃
15:04 )1( [ai]רְתִיכֵי פרעה וֻמַשרְיָתֵיה/ומשיריתיה#3#/ שְדִי בְיַמָא וֻמִבחַר/ושפר#3#/ גִיבָרוֹהִי אִיטְבַעוּ בְיַמָא דְסוּף׃
15:05 )1( [ai]תְהוֹמַיָא חְפוֹ עְלֵיהוֹן נְחַתוּ לְעוּמקַיָא כְאַבנָא׃
15:06 )1( [ai]יַמִינָך יוי אַדִירָא בְחֵילָא יַמִינָך יוי תְבַרַת סָנְאָה׃
15:07 )1( [ai]וֻבִסגֵי/ובסגיאות#3#/ תוּקפָך תַבַרתָנוּן לִדקָמוּ עַל עַמָך שַלַחת רוּגזָך שֵיצֵינוּן/שֵיצֵיתִנוּן#3#/ כְנוּרָא לְקַשָא׃
15:08 )1( [ai]וֻבמֵימַר פוּמָך חְכִימוּ/חְכַימוּ#2#/ מַיָא קָמוּ כְשוּר אָזְלַיָא קְפוֹ תְהוֹמֵי/תהומין#3#/ בְלִיבָא דְיַמָא׃
15:09 )1( [ai]דַהוָה אָמַר סָנְאָה אַרדוֹף אַדבֵיק אְפַלֵיג בִיזְתָא תִסבַע מִנְהוֹן נַפשִי אַשלוֹף חַרבִי תְשֵיצֵינוּן יְדִי׃
15:10 )1( [ai]אְמַרת בְמֵימְרָך חְפָא עְלֵיהון יַמָא אִשתְקַעוּ כְאַבָרָא/כַאְבָרָא#3#/ בְמַיִן תַקִיפִין׃
15:11 )1( [ai]לַיִת/לֵית#3#/לא אית#3#/ בָר מִינָך אַת הוּא אְלָהָא יוי לַיִת/לֵית#3#/לא אית#3#/ אֵילָא/בר מינך אלהא#3#/ אַת אַדִיר בְקוּדשָא דְחִיל תוּשבְחָן עָבֵיד פְרִישָן׃
15:12 )1( [ai]אְרֵימת יַמִינָך בְלַעַתָנוּן ארעא׃
15:13 )1( [ai]דַבַרהִי בְטָבוָתָך/בטיבותך#3#/ לְעַמָא דְנָן דִפרַקתָא דַבַרהִי/סוֹבַרהִי#3#/ בְתוּקפָך לְדֵירָא דְקוּדשָך׃
15:14 )1( [ai]שְמַעוּ עְמַמְיָא וְזָעוּ דַחלָא אַחְדַתנוּן לְדַהווֹ יָתְבִין בִפלָשַת׃
15:15 )1( [ai]בְכֵין אִתבְהִילוּ רַברְבֵי אְדוֹם תַקִיפֵי מוֹאָב אַחַדִינוּן/אְחַדִינוּן#3#/ רְתֵיתָא אִיתְבַרוּ כֹל דַהווֹ יָתְבִין בִכנָעַן׃
15:16 )1( [ai]תִיפוֹל/תַפֵיל#3#/ עְלֵיהוֹן אֵימְתָא וְדַחַלתָא/וְדַחלְתָא#3#/ בִסגֵי/בסגיאות#3#/ תוּקפָך יִשתְקוּן כְאַבנָא עַד דְיִיעִיבַר עַמָך יוי יָת אַרנוֹנָא עַד דְיִיעִיבַר עַמָא דְנָן דִפרַקתָא יָת יַרדְנָא׃
15:17 )1( [ai]תַעֵילִינוּן וְתַשרֵינוּן בְטוּרָא דְאַחסָנְתָך אְתַר מְתֻקַן לְבֵית שְכִינְתָך אַתקֵינתָא יוי מַקדְשָא יוי אַתקְנָהִי יְדָך׃
15:18 )1( [ai]יוי מַלכוּתֵיה <קָאֵים#3#> לְעָלְמָא וֻלעָלְמֵי עָלְמַיָא׃
15:19 )1( [ai]אְרֵי/כד#3#/ עָלוּ סוּסָוָת פַרעֹה בִרתִכוֹהִי וֻבפָרָשוֹהִי בְיַמָא וַאְתֵיב יוי עְלֵיהוֹן יָת מֵי יַמָא וֻבנֵי ישראל הַלִיכוּ בְיַבַשתָא בְגוֹ יַמָא׃
15:20 )1( [ai]וֻנסֵיבַת מִריָם נְבִיאְתָא אְחָתֵיה דאהרן יָת תוּפָא בִידַה וֻנפַקָא כֹל נְשַיָא בָתְרַהָא בְתוּפִין וֻבחִנגִין׃
15:21 )1( [ai]וֻמעַניָא לְהוֹן/להין#3#/ מִריָם שַבַחוּ וְאוֹדוֹ קדם יוי אְרֵי אִתגְאִי עַל גֵיוְתָנַיָא וְגֵיוּתָא דִילֵיה הִיא סוּסיָא וְרָכְבֵיה רְמָא/שדי#3#/ בְיַמָא׃
15:22 )1( [ai]וְאַטַיל/וְאַטֵיל#3#/ מֹשַה יָת ישראל מִיַמָא דְסוּף וֻנפַקוּ לְמַדבְרָא דְחַגרָא וַאְזַלוּ מַהלַך תְלָתָה יוֹמִין בְמַדבְרָא וְלָא אַשכַחוּ מַיָא׃
15:23 )1( [ai]וַאְתוֹ לְמָרָה וְלָא יְכִילוּ לְמִשתֵי מַיָא מִמָרָא אְרֵי מָרִירִין אִינוּן/אינין#3#/ עַל כֵין קְרָא שְמַה מָרָה׃
15:24 )1( [ai]וְאִתרָעַמוּ עַמָא עַל משה לְמֵימַר מָא נִשתֵי׃
15:25 )1( [ai]וְצַלִי קדם יוי וְאַלְפֵיה יוי אָעָא וֻרמָא לְמַיָא וֻבסִימוּ מַיָא תַמָן גְזַר לֵיה קְיָם וְדִין וְתַמָן נַסְיֵיה׃
15:26 )1( [ai]וַאְמַר אִם קַבָלָא תְקַבֵיל לְמֵימְרָא דַיוי אְלָהָך וֻדכָשַר קְדָמוֹהִי/בעינוהי#3#/ תַעְבֵיד וֻתצִית לְפִקוֹדוֹהִי וְתִיטַר כֹל קְיָמוֹהִי כֹל מַרעִין/בישא#3#/ דְשַוִיתִי במצרים לָא אְשַוֵינוּן עְלָך אְרֵי אְנָא יוי אָסָך׃
15:27 )1( [ai]וַאְתוֹ לְאֵלִים וְתַמָן תְרֵי עְסַר מַבוּעִין דְמַיִן וְשִבעִין דִקלִין וֻשרוֹ תַמָן עַל מַיָא׃

next chapter