← Back
The Comprehensive Aramaic Lexicon
← Return to the Text Browser
click on the file description for more information
51002: TgO Ex

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


16:01 )1( [ai]וֻנטַלוּ מֵאֵילִים וַאְתוֹ כֹל כְנִשתָא דִבנֵי ישראל לְמַדבְרָא דְסִין דְבֵין אֵילִם וֻבֵין סִינַי בַחמֵישַת עַסרָא יוֹמָא לְיַרחָא תִניָנָא לְמִפַקהוֹן מארעא דמצרים׃
16:02 )1( [ai]וְאִתרָעַמוּ כֹל כְנִשתָא דִבנֵי ישראל עַל משה ועַל אהרן בְמַדבְרָא׃
16:03 )1( [ai]וַאְמַרוּ לְהוֹן בְנֵי ישראל לְוֵי דְמֵיתנָא \קְדָם יוי /על מימרא דייי#3#/ בארעא דְמִצרַיִם כַד הְוֵינָא יָתְבִין עַל דוּדֵי בִסרָא כַד הְוֵינָא אָכְלִין לַחמָא וְסָבְעִין אְרֵי אַפֵיקתוּן יָתַנָא לְמַדבְרָא <הָדֵין#3#> לְקַטָלָא יָת כֹל קְהָלָא/כנשתא#3#/ הָדֵין בְכַפנָא׃
16:04 )1( [ai]וַאְמַר יוי למשה הָאְנָא מַחֵית לְכוֹן לַחמָא מִן שְמַיָא וְיִפְקוּן עַמָא וְיִלקְטוּן פִתגָם יוֹם בְיוֹמֵיה בְדִיל דַאְנַסֵינוּן הַיְהָכוּן בְאוֹרָיתִי/בְאוֹרַיָתִי#3#/ אִם לָא׃
16:05 )1( [ai]וִיהֵי בְיוֹמָא שְתִיתָאָה וִיתַקְנוּן יָת דְיַיתוֹן/דְיֵיתוֹן#3#/ וִיהֵי עַל חַד תְרֵין עַל דְיִלקְטוּן יוֹם יוֹם׃
16:06 )1( [ai]וַאְמַר משה ואהרן לְכֹל בְנֵי ישראל בְרַמשָא וְתִידְעוּן אְרֵי יוי אַפֵיק יָתְכוֹן מארעא דמצרים׃
16:07 )1( [ai]וֻבצַפרָא וְתִחזוֹן יָת יְקָרָא דַיוי בְדִשמִיעָן תוּרעְמָתְכוֹן עַל/קדם#3#/ יוי וְנַחנָא מָא אְרֵי מִתרָעַמִיתוּן/מִתרָעַמִין#3#/ עְלַנָא׃
16:08 )1( [ai]וַאְמַר מֹשַה בִדיִתֵין/כד יתן#3#/ יוי לְכוֹן בְרַמשָא בִסרָא לְמֵיכַל וְלַחמָא בְצַפרָא לְמִסבַע בְדִשמִיעָן קדם יוי תוּרעְמָתְכוֹן דְאַתוּן מִתרָעְמִין עְלוֹהִי וַאְנַחנָא/וְנַחנָא#3#/ מָא לָא עְלַנָא תוּרעְמָתְכוֹן אְלָהֵין עַל <גזרת#3#> מֵימְרָא דַיוי׃
16:09 )1( [ai]וַאְמַר משה לְאַהְרֹן אֵימַר לְכֹל כְנִשתָא דִבנֵי ישראל קְרוּבוּ/קריבו#3#/ קדם/לִקדָם#3#/ יוי אְרֵי שְמִיעָן קְדָמוֹהִי תוּרעְמָתְכוֹן׃
16:10 )1( [ai]וַהְוָה כַד מַלֵיל אהרן עִם כֹל כְנִשתָא דְבנֵי ישראל וְאִתפְנִיאוּ לְמַדבְרָא וְהָא יְקָרָא דַיוי אִתגְלִי בַעְנָנָא׃
16:11 )1( [ai]וֻמַלֵיל יוי עם משה למימר׃
16:12 )1( [ai]שְמִיַע קְדָמַי תוּרעְמָת בְנֵי ישראל מַלֵיל עִימְהוֹן לְמֵימַר בֵין שִמשַיָא תֵיכְלוּן בִסרָא וֻבצַפרָא תִסבְעֻין לַחמָא וְתִידְעוּן אְרֵי אְנָא יוי אְלָהְכוֹן׃
16:13 )1( [ai]וַהְוָה בְרַמשָא וֻסלֵיקַת סְלָו וַחפָת יָת מַשרִיתָא וֻבצַפרָא הְוָת נָחְתַת טַלָא סחור סחור לְמַשרִיתָא׃
16:14 )1( [ai]וֻסלֵיקַת נָחְתַת טַלָא וְהָא עַל אַפֵי מַדבְרָא דְעַדַק/דַעְדַק#3#/ מְקַלַף/מְקֻלַף#3#/ דְעַדַק/דַעְדַק#3#/ דְגִיר כִגלִידָא עַל ארעא׃
16:15 )1( [ai]וַחזוֹ בְנֵי ישראל וַאְמַרוּ גְבַר לְאַחוּהִי מַנָא הוּא אְרֵי לָא יָדְעִין מָא הוּא וַאְמַר מֹשַה לְהוֹן הוּא לַחמָא דִיהַב יוי לְכוֹן לְמֵיכַל׃
16:16 )1( [ai]דֵין פִתגָמָא דְפַקֵיד יוי לְקוּטוּ/לקוחו#3#/ מִנֵיה גְבַר לְפוֹם מֵיכְלֵיה עוּמרָא לְגוּלגוּלתָא מִניַן נַפשָתְכוֹן גְבַר לְדִבמַשכְנֵיה תִסְבוּן׃
16:17 )1( [ai]וַעְבַדוּ כֵין בְנֵי ישראל וֻלקַטוּ דְאַסגִי וֻדאַזעַר׃
16:18 )1( [ai]וְכָלוּ בְעוּמרָא וְלָא אוֹתַר דְאַסגִי וֻדאַזעַר לָא חְסַר גְבַר לְפוֹם מֵיכְלֵיה לְקַטוּ׃
16:19 )1( [ai]וַאְמַר מֹשַה לְהוֹן אְנָש/גבר#3#/ לָא יַשאַר/יצנע#3#/ מִנֵיה עַד צַפרָא׃
16:20 )1( [ai]וְלָא קַבִילוּ מִן מֹשַה וְאַשאַרוּ גַברַיָא/גֻברַיָא#3#/ מִנֵיה עַד צַפרָא וֻרחֵיש/וארחיש#3#/ רִחשָא וֻסרִי וֻרגֵיז עְלֵיהוֹן מֹשַה׃
16:21 )1( [ai]וֻלקַטוּ יָתֵיה בִצפַר בִצפַר גְבַר לְפוֹם מֵיכְלֵיה וֻמָא דְמִשתְאַר מִנֵיה עַל אַפֵי חַקלָא כַד חְמָא/חם#3#/ עְלוֹהִי שִמשָא פָשַר׃
16:22 )1( [ai]וַהְוָה בְיוֹמָא שְתִיתָאָה לְקַטוּ לַחמָא עַל חַד תְרֵין תְרֵין עוּמרִין לְחַד וַאְתוֹ כֹל רַברְבֵי כְנִשתָא וְחַוִיאוּ לְמֹשַה׃
16:23 )1( [ai]וַאְמַר לְהוֹן הוּא דְמַלֵיל יוי שַבָא/ניח#3#/ שַבָתָא קוּדשָא קדם יוי מְחַר יָת דְאַתוּן עְתִידִין לְמֵיפֵי/לְמֵיפָא#3#/ אֵיפוֹ וְיָת דְאַתוּן עְתִידִין לְבַשָלָא בַשִילוּ וְיָת כֹל מוֹתָרָא אַצנַעוּ לְכוֹן לְמַטְרָא עַד צַפרָא׃
16:24 )1( [ai]וְאַצנַעוּ יָתֵיה עַד צַפרָא כְמָא דְפַקֵיד מֹשַה וְלָא סְרִי וְרִחשָא לָא הְוָה בֵיה׃
16:25 )1( [ai]וַאְמַר משה אִכלוּהִי יוֹמָא דֵין אְרֵי שַבְתָא/שַבָתָא#3#/ יוֹמָא דֵין קדם יוי יוֹמָא דֵין לָא תַשכְחוּנֵיה בְחַקלָא׃
16:26 )1( [ai]שִיתָה יוֹמִין תִלקְטוּנֵיה וֻביוֹמָא שְבִיעָאָה שַבְתָא לָא יְהֵי בֵיה׃
16:27 )1( [ai]וַהְוָה בְיוֹמָא שְבִיעָאָה נְפַקוּ מִן עַמָא לְמִלקַט וְלָא אַשכַחוּ׃
16:28 )1( [ai]וַאְמַר יוי למשה עַד אִימַתִי אַתוּן מְסָרְבִין לְמִיטַר פִיקוֹדַי וְאוֹרָיָתִי׃
16:29 )1( [ai]חְזוֹ אְרֵי יוי יְהַב לְכוֹן שַבְתָא עַל כֵין הוּא יָהֵיב לְכוֹן בְיוֹמָא שְתִיתָאָה לְחֵים תְרֵין יוֹמִין תִיבוּ אְנָש/גבר#3#/ תְחוֹתוֹהִי לָא יִפוֹק אְנָש/גבר#3#/ מֵאַתרֵיה בְיוֹמָא שְבִיעָאָה׃
16:30 )1( [ai]וֻשבַתוּ/וְנָחוּ#3#/ עַמָא בְיוֹמָא שְבִיעָאָה׃
16:31 )1( [ai]וֻקרוֹ בֵית ישראל יָת שְמֵיה מַנָא וְהוּא כְבַר זְרַע גִידָא חִיוָר וְטַעמֵיה כְאִסקְרִיטָוָן בִדבָש׃
16:32 )1( [ai]וַאְמַר מֹשַה דֵין פִתגָמָא דְפַקֵיד/דמליל#3#/ יוי מְלוֹ/מְלֵי#3#/ עוּמרָא מִנֵיה לְמַטְרָא לְדָרֵיכוֹן/לדרתיכון#3#/ בְדִיל דְיִחזוֹן יָת לַחמָא דְאוֹכֵילִית יָתְכוֹן בְמַדבְרָא בְאַפָקוּתִי יָתְכוֹן מארעא דמצרים׃
16:33 )1( [ai]וַאְמַר משה לאהרן סַב צְלוֹחִי/צְלוֹחִית#3#/ חְדָא וְהַב תַמָן מְלוֹ/מְלֵי#3#/ עוּמרָא מַנָא וְאַצנַע יָתֵיה קדם יוי לְמַטְרָא לְדָרֵיכוֹן/לדרתיכון#3#/׃
16:34 )1( [ai]כְמָא דְפַקֵיד יוי לְמֹשַה וְאַצנְעֵיה מֹשַה קְדָם סָהְדוּתָא לְמַטְרָא׃
16:35 )1( [ai]וֻבנֵי ישראל אְכַלוּ יָת מַנָא אַרבְעִין שְנִין עַד דְעָלוּ/מיתיהון#3#/ לארעא יָתֵיבתָא יָת מַנָא אְכַלוּ עַד דַאְתוֹ לִסיָפֵי ארעא דִכנָעַן׃
16:36 )1( [ai]וְעוּמרָא חַד מִן עסרָה בִתלָת סְאִין הוּא׃

next chapter