← Back
The Comprehensive Aramaic Lexicon
← Return to the Text Browser
click on the file description for more information
51002: TgO Ex

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


18:01 )1( [ai]וֻשמַע יִתרוֹ רַבָא דְמִדיָן חְמוּהִי דְמֹשַה יָת כֹל דַעְבַד יוי למשה ולישראל עַמֵיה אְרֵי אַפֵיק יוי יָת ישראל ממצרים׃
18:02 )1( [ai]וֻדבַר יִתרוֹ חְמוּהִי דמשה יָת צִפֹרָה אִיתַת מֹשַה בָתַר דְשַלחַה/דפטרה#3#/׃
18:03 )1( [ai]וְיָת תְרֵין בְנַהָא דְשוֹם/דְשֵם#3#/ חַד גֵרְשֹם אְרֵי אְמַר דַיָיר הְוֵיתִי בְאַרַע נוּכרָאָה׃
18:04 )1( [ai]וְשוֹם/וְשֵם#3#/ חַד אְלִיעַזַר אְרֵי אְלָהָא דְאַבָא הְוָה בְסַעְדִי וְשֵיזְבַנִי מֵחַרבָא דפרעה׃
18:05 )1( [ai]וַאְתָא יִתרוֹ חְמוּהִי דְמֹשַה וֻבנוֹהִי וְאִיתְתֵיה לְוָת מֹשַה לְמַדבְרָא דְהוּא שָרֵי/שְרֵי#3#/ תַמָן לְטוּרָא דְאִתגְלִי עְלוֹהִי יְקָרָא דַיוי׃
18:06 )1( [ai]וַאְמַר לְמֹשַה אְנָא חְמוּך יִתרוֹ אַתֵית/אָתֵי#3#/ לְוָתָך וְאִיתְתָך וֻתרֵין בְנַהָא עִימֵיה׃
18:07 )1( [ai]וֻנפַק מֹשַה לְקַדָמוּת חְמוּהִי וֻסגַד/וֻסגֵיד#3#/ וְנַשִיק/וְנַשֵיק#3#/ לֵיה וֻשאֵילו/וֻשאִילוּ#3#/ גְבַר לְחַברֵיה לִשלָם/בשלם#3#/ וְעָלוּ/ואתו#3#/ לְמַשכְנָא׃
18:08 )1( [ai]וְאִשתַעִי מֹשַה לִחמוּהִי יָת כֹל דַעְבַד יוי לפרעה וֻלמִצרָאֵי עַל עֵיסַק ישראל יָת כֹל עָקְתָא דְאַשכַחַתנוּן בְאוֹרחָא וְשֵיזֵיבִינוּן יוי׃
18:09 )1( [ai]וַחדִי יִתרוֹ עַל כֹל טָבְתָא דַעְבַד יוי לישראל דְשֵיזֵיבִינוּן מִידָא דְמִצרָאֵי׃
18:10 )1( [ai]וַאְמַר יִתרוֹ בְרִיך יוי דְשֵיזֵיב יָתְכוֹן מִידָא דְמִצרָאֵי וֻמִידָא דְפַרעֹה דְשֵיזֵיב יָת עַמָא מִתְחוֹת מַרוַת מִצרָאֵי׃
18:11 )1( [ai]כְעַן יָדַענָא אְרֵי רָב יוי וְלֵית אְלָה בָר מִנֵיה אְרֵי בְפִתגָמָא דְחַשִיבוּ מִצרָאֵי לִמדָן יָת יִשרָאֵל בֵיה דָנִינוּן׃
18:12 )1( [ai]וְקָרֵיב יִתרוֹ חְמוּהִי דְמֹשַה עְלָוָן וְנִכסַת קוּדשִין קדם יוי וַאְתָא אהרן וְכֹל סָבֵי ישראל לְמֵיכַל לַחמָא עִם חְמוּהִי דְמֹשַה קדם יוי׃
18:13 )1( [ai]וַהְוָה בְיוֹמָא דְבָתְרוֹהִי וִיתֵיב מֹשַה לִמדָן יָת עַמָא וְקָם עַמָא עִלָווֹהִי דְמֹשַה מִן צַפרָא עַד רַמשָא׃
18:14 )1( [ai]וַחזָא חְמוּהִי דְמֹשַה יָת כֹל דְהוּא עָבֵיד לְעַמָא וַאְמַר מָא פִתגָמָא הָדֵין דְאַת עָבֵיד לְעַמָא מָדֵין אַת יָתֵיב בִלחוֹדָך וְכֹל עַמָא קָיְמִין עִלָוָוך מִן צַפרָא עַד רַמשָא׃
18:15 )1( [ai]וַאְמַר מֹשַה לִחמוּהִי אְרֵי אָתַן לְוָתִי עַמָא לְמִתבַע אוּלפָן מִן קְדָם יוי׃
18:16 )1( [ai]כַד הָוֵי לְהוֹן דִינָא אָתַן לְוָתִי וְדָאֵינָא בֵין גֻברָא וֻבֵין חַברֵיה וֻמהוֹדַענָא לְהוֹן יָת קִיָמַיָא/קְיָמַיָא#3#/ דַיוי וְיָת אוֹרָיָתֵיה׃
18:17 )1( [ai]וַאְמַר חְמוּהִי דְמֹשַה לֵיה לָא תָקֵין פִתגָמָא דְאַת עָבֵיד׃
18:18 )1( [ai]מִלאָה תִלאֵי אַף אַת אַף עַמָא הָדֵין דְעִימָך אְרֵי יַקִיר מִינָך פִתגָמָא לָא תִיכוֹל לְמַעבְדֵיה בִלחוֹדָך׃
18:19 )1( [ai]כְעַן קַבֵיל מִנִי אִמלְכִינָך וִיהֵי מֵימְרָא דַיוי בְסַעְדָך הְוִי אַת לְעַמָא תָבַע אוּלפָן מִן קדם יוי וֻתהֵי מֵיתֵי/מייתי#3#/ אַת יָת פִתגָמַיָא לִקדָם/קדם#3#/ יוי׃
18:20 )1( [ai]וְתַזהַר יָתְהוֹן יָת קְיָמַיָא וְיָת אוֹרָיָתָא וֻתהוֹדַע לְהוֹן יָת אוֹרחָא דִיהָכוּן בַה וְיָת עוּבָדָא דְיַעבְדוּן׃
18:21 )1( [ai]וְאַת תִחזֵי מִכֹל עַמָא גֻברִין דְחֵילָא דָחְלַיָא דַיוי גֻברִין דִקשוֹט דְסָנַן לְקַבָלָא מָמוֹן וֻתמַנֵי עְלֵיהוֹן רַבָנֵי אַלפֵי/אלפין#3#/ רַבָנֵי מָוָתָא רַבָנֵי חַמשִין וְרַבָנֵי עִסוֹריָתָא/עְסוֹריָתָא#3#/׃
18:22 )1( [ai]וִידִינוּן/וידונון#3#/ יָת עַמָא בְכֹל עִידָן וִיהֵי כֹל פִתגָם רַב יַיתוֹן/יֵיתוֹן#3#/ לְוָתָך וְכֹל פִתגָם זְעֵיר יְדִינוּן/ידונון#3#/ אִינוּן וְיֵיקְלוּן/ויוקלון#3#/ מִינָך וִיסוֹבְרוּן עִמָך׃
18:23 )1( [ai]אִם יָת פִתגָמָא הָדֵין תַעְבֵיד וִיפַקְדִינָך יוי וְתִיכוֹל לִמקָם וְאַף כֹל עַמָא הָדֵין עַל אַתרֵיה יְהָך בִשלָם׃
18:24 )1( [ai]וְקַבֵיל מֹשַה לְמֵימַר חְמוּהִי וַעְבַד כֹל דַאְמַר׃
18:25 )1( [ai]וֻבחַר מֹשַה גֻברִין דְחֵילָא מִכֹל ישראל וֻמַנִי יָתְהוֹן רֵישִין עַל עַמָא רַבָנֵי אַלפֵי/אלפין#3#/ וְרַבָנֵי מָוָתָא רַבָנֵי חַמשִין וְרַבָנֵי עִיסוֹריָתָא/עְסוֹריָתָא#3#/׃
18:26 )1( [ai]וְדָיְנִין יָת עַמָא בְכֹל עִדָן יָת פִתגָם קְשֵי מֵיתַן לְוָת/קדם#3#/ מֹשַה וְכֹל פִתגָם זְעֵיר דָיְנִין אִינוּן׃
18:27 )1( [ai]וְשַלַח מֹשַה יָת חְמוּהִי וַאְזַל לֵיה לְאַרעֵיה׃

next chapter