← Back
The Comprehensive Aramaic Lexicon
← Return to the Text Browser
click on the file description for more information
51002: TgO Ex

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


28:01 )1( [ai]וְאַת קָרֵיב לְוָתָך יָת אהרן אְחוּך וְיָת בְנוֹהִי עִמֵיה מִגוֹ בְנֵי ישראל לְשַמָשָא קְדָמַי אהרן נָדָב וַאְבִיהוּא אַלעָזָר וְאִיתָמָר בְנֵי אהרן׃
28:02 )1( [ai]וְתַעְבֵיד לְבוּשֵי/בגדי#3#/ קוּדשָא לְאַהְרֹן אְחוּך לִיקָר וֻלתוּשבְחָא׃
28:03 )1( [ai]וְאַת תְמַלֵיל עִם כֹל חַכִימֵי לִיבָא דְאַשלֵימִית עִמְהוֹן רוּחַ חוּכמָא/חָכמָה#3#/ וְיַעבְדוּן יָת לְבוּשֵי אהרן לְקַדָשוּתֵיה לְשַמָשָא קְדָמַי׃
28:04 )1( [ai]וְאִלֵין לְבוּשַיָא דְיַעבְדוּן חוּשנָא וְאֵיפוֹדָא וֻמעִילָא וְכִתוּנִין מְרַמְצָן/מְרֻמְצָן#3#/ מַצִנפָן/מַצנְפָן#3#/ וְהִמיָנִין וְיַעבְדוּן לְבוּשֵי קוּדשָא לאהרן אְחוּך וְלִבנוֹהִי לְשַמָשָא קְדָמָי׃
28:05 )1( [ai]וְאִינוּן יִסְבוּן יָת דַהבָא וְיָת תַכלָא/תיכלא#3#/ וְיָת אַרגְוָנָא וְיָת צְבַע זְהוֹרִי וְיָת בוּצָא׃
28:06 )1( [ai]וְיַעבְדוּן יָת אֵיפוֹדָא דַהבָא תַכלָא/תיכלא#3#/ וְאַרגְוָנָא וֻצבַע זְהוֹרִי וְבוּץ שְזִיר עוֹבָד אוּמָן׃
28:07 )1( [ai]תְרֵין/תרתין#3#/ כַתפִין/כִתפִין#3#/ מְלָפְפִין/מְלַפְפָן#3#/ יְהוֹן לֵיה לִתרֵין סִטרוֹהִי וְיִתלָפַף/ויתלפיף#3#/׃
28:08 )1( [ai]וְהִמיַן תִקוּנֵיה דַעְלוֹהִי כְעוֹבָדֵיה/כְעוּבָדֵיה#3#/ מִנֵיה יְהֵי דַהבָא תַכלָא וְאַרגְוָנָא וֻצבַע זְהוֹרִי וְבוּץ שְזִיר׃
28:09 )1( [ai]וְתִיסַב יָת תַרתֵין אַבנֵי בוּרלָא וְתִגלוֹף עְלֵיהוֹן/עליהין#3#/ שְמָהָת בְנֵי ישראל׃
28:10 )1( [ai]שִיתָה מִשְמָהָתְהוֹן עַל אַבנָא חְדָא וְיָת שְמָהָת שִיתָה דְאִשתְאַרוּ <תגלוף#3#> עַל אַבנָא תִניֵיתָא כְתוֹלְדָתְהוֹן׃
28:11 )1( [ai]עוֹבָד אוּמָן אַבַן טָבָא כְתָב מְפָרַש כִגלָף/כיגלוף#3#/ דְעִזקָא תִגלוֹף יָת תַרתֵין אַבנַיָא עַל שְמָהָת בְנֵי יִשרָאֵל מְשַקְעָן מְרַמְצָן בִדהַב תַעְבֵיד יָתְהוֹן׃
28:12 )1( [ai]וֻתשַוֵי יָת תַרתֵין אַבנַיָא עַל כִתפֵי אֵיפוֹדָא אַבנֵי דוּכרָנָא לִבנֵי ישראל וְיִטוֹל אהרן יָת שְמָהָתְהוֹן קְדָם יוי עַל תְרֵין כִתפוֹהִי לְדוּכרָנָא׃
28:13 )1( [ai]וְתַעְבֵיד מְרַמְצָן דִדהַב׃
28:14 )1( [ai]וְתַרתֵין/ותרין#3#/ תִכִין/תיקין#3#/ דִדהַב דְכֵי מְתַחְמָן תַעְבֵיד יָתְהוֹן/יתהין#3#/ עוֹבָד גְדִילוּ וְתִתֵין יָת תִיַכיָא גְדִילָתָא עַל מְרַמְצָתָא׃
28:15 )1( [ai]וְתַעְבֵיד חוֹשַן דִינָא עוֹבָד אוּמָן כְעוֹבָד אֵיפוֹדָא תַעבְדִינֵיה דַהבָא תַכלָא/תיכלא#3#/ וְאַרגְוָנָא וֻצבַע זְהוֹרִי וְבוּץ שְזִיר תַעְבֵיד יָתֵיה׃
28:16 )1( [ai]מְרַבַע/מְרֻבַע#3#/ יְהֵי עִיף זַרתָא/דרתא#3#/ אוּרכֵיה וְזַרתָא/ודרתא#3#/ פוּתיֵיה׃
28:17 )1( [ai]וְתַשלֵים בֵיה אַשלָמוּת אַבנָא אַרבְעָה סִדרִין דְאַבַן טָבָא סִדרָא קַדמָאָה סָמְקָן יָרְקָן וֻבָרְקָן סִדרָא חַד׃
28:18 )1( [ai]וְסִדרָא תִניָנָא אִזמַרַגדִין/איזמרגזין#3#/ שַבזֵיז וְסַבהַלוֹם/וְסַבהְלוֹם#3#/׃
28:19 )1( [ai]וְסִדרָא תְלִיתָאָה קַנכֵירִי/קנקירי#3#/ טַרקְיָא/טְרַקיָא#3#/ וְעֵין עִגלָא׃
28:20 )1( [ai]וְסִדרָא רְבִיעָאָה כְרוּם יַמָא וְבוּרלָא וֻפַנתֵירִי/ופנטירי#3#/ מְרַמְצָן/מְרֻמְצָן#3#/ בִדהַב יְהוֹן בְאַשלָמוּתְהוֹן׃
28:21 )1( [ai]וְאַבנַיָא יִהוִיָן/יהוְיָין#3#/ עַל שְמָהָת בְנֵי ישראל תַרתַא עַסרֵי עַל שְמָהָתְהוֹן כְתָב מְפָרַש כִגלָף/כגלוף#3#/ דְעִזקָא גְבַר עַל שְמֵיה יִהוִיָן/יהוְיָין#3#/ לִתרֵי עְסַר שִבטִין׃
28:22 )1( [ai]וְתַעְבֵיד עַל חוּשנָא תִיכִין/תיקין#3#/ מְתַחְמָן עוֹבָד גְדִילוּ דִדהַב דְכֵי׃
28:23 )1( [ai]וְתַעְבֵיד עַל חוּשנָא תַרתֵין עִזקָן דִדהַב וְתִתֵין יָת תַרתֵין עִזקָתָא עַל תְרֵין סִטרֵי חוּשנָא׃
28:24 )1( [ai]וְתִיתֵין יָת תַרתֵין גְדִילָן דִדהַב עַל תַרתֵין עִזקָתָא בְסִטרֵי חוּשנָא׃
28:25 )1( [ai]וְיָת תַרתֵין גְדִילָן/סיטרהא#3#/ דְעַל תְרֵין/תרתין#3#/ סִטרוֹהִי/גדילתא#3#/ תִתֵין עַל תַרתֵין מְרַמְצָתָא וְתִתֵין עַל כִתפֵי אֵיפוֹדָא לִקבֵיל/לָקֳבֵיל#3#/ אַפוֹהִי׃
28:26 )1( [ai]וְתַעְבֵיד תַרתֵין עִזקָן דִדהַב וֻתשַוֵי יָתְהוֹן/יתהין#3#/ עַל תְרֵין סִטרֵי חוּשנָא עַל סִפתֵיה דִלעִברָא דְאֵיפוֹדָא לְגוֹי/לְגָיו#3#/׃
28:27 )1( [ai]וְתַעְבֵיד תַרתֵין עִזקָן דִדהַב וְתִתֵין יָתְהוֹן/יתהין#3#/ עַל תְרֵין כִתפֵי אֵיפוֹדָא מִלְרַע מִלִקבֵיל אַפוֹהִי לִקבֵיל/לָקֳבֵיל#3#/ בֵית לוֹפֵי מִעִלָוֵי לְהִמיַן אֵיפוֹדָא׃
28:28 )1( [ai]וְיֵיחְדוּן/וְיַחְדוּן#3#/ יָת חוּשנָא מֵעִזקָתֵיה לְעִזקָת אֵיפוֹדָא בְחוּטָא דִתכִילְתָא לְמִהוֵי עַל הִמיַן אֵיפוֹדָא וְלָא יִתפָרַק/יתפריק#3#/ חוּשנָא מֵעִלָוֵי אֵיפוֹדָא׃
28:29 )1( [ai]וְיִטוֹל אהרן יָת שְמָהָת בְנֵי ישראל בְחֹשַן דִינָא עַל לִבֵיה בְמֵיעְלֵיה לְקוּדשָא לְדוּכרָנָא קדם יוי תְדִירָא׃
28:30 )1( [ai]וְתִתֵין בְחֹשַן דִינָא יָת אוּרַיָא וְיָת תוּמַיָא וִיהוֹן עַל לִיבָא דאהרן בְמֵיעְלֵיה לִקדָם/קדם#3#/ יוי וְיִטוֹל אַהְרֹן יָת דִין בְנֵי ישראל עַל לִיבֵיה קְדָם יוי תְדִירָא׃
28:31 )1( [ai]וְתַעְבֵיד יָת מְעִיל אֵיפוֹדָא גְמִיר תַכלָא/תיכלא#3#/׃
28:32 )1( [ai]וִיהֵי פוּמֵיה/פום רישיה#3#/ כְפִיל לְגַוֵיה תוֹרָא יְהֵי מַקַף לְפוּמֵיה סחור סחור עוֹבָד מָחֵי כְפוֹם שִריָן יְהֵי לֵיה דְלָא יִתבְזַע׃
28:33 )1( [ai]וְתַעְבֵיד עַל שִפוֹלוֹהִי רִמוֹנֵי תַכלָא/תיכלא#3#/ וְאַרגְוָנָא וֻצבַע זְהוֹרִי עַל שִפוֹלוֹהִי סחור סחור וְזַגִין/וְזוֹגִין#3#/ דִדהַב בֵינֵיהוֹן סחור סחור׃
28:34 )1( [ai]זַגָא/זוֹגָא#3#/ דְדַהבָא וְרִמוֹנָא זַגָא/זוֹגָא#3#/ דְדַהבָא וְרִמוֹנָא עַל שִפוֹלֵי מְעִילָא סחור סחור׃
28:35 )1( [ai]וִיהֵי עַל אהרן לְשַמָשָא וְיִשתְמַע קָלֵיה בְמֵיעְלֵיה לְקוּדשָא לִקדָם/קדם#3#/ יוי וֻבמִפְקֵיה וְלָא יְמוּת׃
28:36 )1( [ai]וְתַעְבֵיד צִיצָא דִדהַב דְכֵי וְתִגלוֹף עְלוֹהִי כְתָב מְפָרַש קֹדַש ליהוה׃
28:37 )1( [ai]וֻתשַוֵי יָתֵיה עַל חוּטָא דִתכִילְתָא וִיהֵי עַל מַצנַפתָא/מצניפתא#3#/ לִקבֵיל אַפֵי מַצנַפתָא/מצניפתא#3#/ יְהֵי׃
28:38 )1( [ai]וִיהֵי עַל בֵית עֵינוֹהִי דאהרן וְיִטוֹל אַהְרֹן יָת עְוָיָת קוּדשַיָא דְיַקדְשוּן בְנֵי ישראל לְכָל מַתְנָת קוּדשֵיהוֹן וִיהֵי עַל בֵית עֵינוֹהִי תְדִירָא לְרַעְוָא לְהוֹן קְדָם יוי׃
28:39 )1( [ai]וֻתרַמֵיץ/ותתרמיץ#3#/ כִתוּנָא דְבוּצָא וְתַעְבֵיד מַצנַפתָא דְבוּצָא וְהִמיַן/וְהִמיָן#3#/ תַעְבֵיד עוֹבָד צִיוּר/צַיָיר#3#/׃
28:40 )1( [ai]וְלִבנֵי אהרן תַעְבֵיד כִתוּנִין וְתַעְבֵיד לְהוֹן הִמיָנִין וְקוֹבְעִין/וכובעין#3#/ תַעְבֵיד לְהוֹן לִיקָר וֻלתוּשבְחָא׃
28:41 )1( [ai]וְתַלבֵיש יָתְהוֹן יָת אַהְרֹן אְחוּך וְיָת בְנוֹהִי עִמֵיה וֻתרַבֵי יָתְהוֹן וֻתקָרֵיב יָת קוּרבָנְהוֹן וֻתקַדֵיש יָתְהוֹן וִישַמַשוּן קְדָמַי׃
28:42 )1( [ai]וְעִיבֵיד לְהוֹן מַכנְסִין/מִכנְסִין#3#/ דְבוּץ לְכַסָאָה בְסַר עִריָא/עַריָא#3#/ מֵחַרצִין וְעַד יִרכָן יְהוֹן׃
28:43 )1( [ai]וִיהֵי עַל אהרן וְעַל בְנוֹהִי בְמֵיעַלהוֹן לְמַשכַן זִמנָא אוֹ בְמִקרַבהוֹן לְמַדבְחָא לְשַמָשָא בְקוּדשָא/למדבחא#3#/ וְלָא יְקַבְלוּן חוֹבָא וְלָא יְמוּתוּן קְיָם עָלַם לֵיה וְלִבנוֹהִי בָתְרוֹהִי׃

next chapter