← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
51002: TgO Ex

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


31:01 )1( [ai]ומליל יוי עם משה למימר׃
31:02 )1( [ai]חְזִי דְרַבִיתִי בְשוּם/בְשוֹם#3#/ בְצַלאֵל בַר אוּרִי בַר חוּר לְשִבטָא דִיהוּדָה׃
31:03 )1( [ai]וְאַשלֵימִית עִמֵיה רוּחַ <נְבוּאָה#3#> מִן קדם יוי בְחוּכמָא/בְחָכמָה#3#/ וֻבסֻכלְתָנוּ וֻבמַדַע וֻבכָל עְבִידָא/עיבידא#3#/׃
31:04 )1( [ai]לְאַלָפָא אוּמנָוָן/אוּמַנְוָן#3#/ לְמַעְבַד בְדַהבָא בְכַספָא וֻבִנחָשָא׃
31:05 )1( [ai]וֻבאוּמָנוּת אַבַן טָבָא לְאַשלָמָא וֻבנַגָרוּת אָעָא לְמַעְבַד בְכֹל עְבִידָא/עיבידא#3#/׃
31:06 )1( [ai]וַאְנָא הָא יְהַבִית עִמֵיה יָת אָהָלִיאָב בַר אְחִיסָמָך לְשִבטָא דְדָן וֻבלַב/וֻבלֵב#3#/ כֹל חַכִימֵי לִיבָא יְהַבִית חוּכמְתָא/חָכמְתָא#3#/ וְיַעבְדוּן יָת כֹל דְפַקֵידתָך׃
31:07 )1( [ai]יָת מַשכַן זִמנָא וְיָת אְרוֹנָא לְסָהְדוּתָא וְיָת כָפוּרתָא דַעְלוֹהִי וְיָת כֹל מָנֵי מַשכְנָא׃
31:08 )1( [ai]יָת פָתוּרָא וְיָת מנוֹהִי וְיָת מְנָרְתָא/מנורתא#3#/ דָכִיתָא וְיָת כֹל מָנַהָא וְיָת מַדבְחָא דִקטוֹרַת בוּסמַיָא׃
31:09 )1( [ai]וְיָת מַדבְחָא דַעְלָתָא וְיָת כֹל מָנוֹהִי וְיָת כִיוֹרָא וְיָת בְסִיסֵיה׃
31:10 )1( [ai]וְיָת לְבוּשֵי שִמוּשָא וְיָת לְבוּשֵי קוּדשָא לאהרן כָהְנָא וְיָת לְבוּשֵי בְנוֹהִי לְשַמָשָא׃
31:11 )1( [ai]וְיָת מִשחָא דִרבוּתָא וְיָת קְטוֹרַת בוּסמַיָא לְקוּדשָא כְכֹל דְפַקֵידתָך יַעבְדוּן׃
31:12 )1( [ai]וַאְמַר/וֻמַלֵיל#3#/ יוי לְמֹשַה לְמֵימַר׃
31:13 )1( [ai]וְאַת מַלֵיל עִם בְנֵי ישראל לְמֵימַר בְרַם יָת יוֹמֵי שַבַיָא דִילִי תִיטְרוּן אְרֵי אַת הִיא בֵין מֵימְרִי וֻבֵינֵיכוֹן לְדָרֵיכוֹן/לדרתיכון#3#/ לְמִידַע אְרֵי אְנָא יוי מְקַדִשכוֹן׃
31:14 )1( [ai]וְתִיטְרוּן יָת שַבתָא אְרֵי קוּדשָא הִיא/הוא#3#/ לְכוֹן דְיַחלִינַה/דיחללינה#3#/ אִתקְטָלָא יִתקְטִיל אְרֵי כֹל דְיַעְבֵיד בַה/בֵיה#3#/ עְבִידְתָא/עיבידתא#3#/ וְיִשתֵיצֵי אְנָשָא הַהוּא מִגוֹ עַמֵיה׃
31:15 )1( [ai]שִיתָה יוֹמִין יִתעְבֵיד עְבִידְתָא/עיבידתא#3#/ וֻביוֹמָא שְבִיעָאָה שַבָא שְבָתָא/שַבָתָא#3#/ קוּדשָא קדם יוי כֹל דְיַעְבֵיד עְבִידְתָא בְיוֹמָא דְשַבתָא אִתקְטָלָא יִתקְטִיל׃
31:16 )1( [ai]וְיִטְרוּן בְנֵי ישראל יָת שַבתָא לְמַעְבַד יָת שַבתָא לְדָרֵיהוֹן/לדרתיכון#3#/ קִיָם/קְיָם#3#/ עָלַם׃
31:17 )1( [ai]בֵין מֵימְרִי וֻבֵין בְנֵי ישראל אָת הִיא לְעָלַם אְרֵי שִיתָה יוֹמִין עְבַד יוי יָת שְמַיָא וְיָת ארעא וֻביוֹמָא שְבִיעָאָה שְבָת וְנָח׃
31:18 )1( [ai]וִיהַב לְמֹשַה כַד שֵיצִי לְמַלָלָא עִמֵיה בְטוּרָא דְסִינַי תְרֵין לוּחֵי סָהְדוּתָא לוּחֵי אַבנָא כְתִיבִין בְאַצבְעָא דַיוי׃

next chapter