← Back
The Comprehensive Aramaic Lexicon
← Return to the Text Browser
click on the file description for more information
51002: TgO Ex

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


34:01 )1( [ai]וַאְמַר יוי למשה פְסוֹל לָך תְרֵין לוּחֵי אַבנַיָא כְקַדמָאֵי וְאִכתוֹב/וְאַכתוֹב#3#/ עַל לוּחַיָא יָת פִתגָמַיָא דַהווֹ עַל לוּחַיָא קַדמָאֵי דְתַבַרתָא׃
34:02 )1( [ai]וִהוִי זְמִין לְצַפרָא וְתִסַק בְצַפרָא לְטוּרָא דְסִינַי וְתִתעַתַד קְדָמַי תַמָן עַל רֵיש טוּרָא׃
34:03 )1( [ai]וַאְנָש לָא יִסַק עִימָך וְאַף אְנָש/גברא#3#/ לָא יִתַחזֵי בְכֹל טוּרָא אַף עָנָא וְתוֹרֵי לָא יִרעוֹן לִקבֵיל/לָקֳבֵיל#3#/ טוּרָא הַהוּא׃
34:04 )1( [ai]וֻפסַל תְרֵין לוּחֵי אַבנַיָא כְקַדמָאֵי וְאַקדֵים מֹשַה בְצַפרָא וֻסלֵיק לְטוּרָא דסיני כְמָא דְפַקֵיד יוי יָתֵיה וֻנסֵיב בִידֵיה תְרֵין לוּחֵי אַבנַיָא׃
34:05 )1( [ai]וְאִתגְלִי יוי בַעְנָנָא וְאִתעַתַד עִמֵיה תַמָן וֻקרָא בִשמָא דַיוי׃
34:06 )1( [ai]וְאַעְבַר יוי שְכִינְתֵיה עַל אַפוֹהִי וֻקרָא/ואמר#3#/ יוי יוי אְלָהָא רַחמָנָא וְחַנָנָא מַרחֵיק רְגַז וֻמַסגֵי לְמַעְבַד טָבוָן וֻקשוֹט׃
34:07 )1( [ai]נָטַר טֵיבוּ לְאַלפֵי דָרִין שָבֵיק לַעְוָיָן וְלִמרוֹד וֻלחוֹבִין סָלַח לִדתָיְבִין לְאוּרָיתֵיה וְלִדלָא תָיְבִין לָא מְזַכֵי מַסעַר חוֹבֵי אְבָהָן עַל בְנִין וְעַל בְנֵי בְנִין מָרָדִין עַל דָר תְלִיתַי וְעַל דָר רְבִיעָי׃
34:08 )1( [ai]וְאוֹחִי מֹשַה וֻכרַע עַל אַרעָא וֻסגֵיד׃
34:09 )1( [ai]וַאְמַר אִם כְעַן אַשכַחִית רַחמִין קְדָמָך יוי תְהָך כְעַן שְכִינְתָא דַיוי בֵינַנָא אְרֵי עַם קְשֵי קְדָל הוּא וְתִשבוֹק \לְחוֹבַנָא וְלִחטָאַנָא /לעוינא ולחובנא#3#/ וְתַחסְנִינַנָא׃
34:10 )1( [ai]וַאְמַר הָא אְנָא גָזַר קְיָם קְדָם כֹל עַמָך אַעְבֵיד פְרִישַן דְלָא אִתבְרִיאָה בְכָל ארעא וֻבכָל עַמְמַיָא וְיִחזֵי כֹל עַמָא דְאַת בֵינֵיהוֹן יָת עוֹבָדָא/עוּבָדָא#3#/ דַיוי אְרֵי דְחֵיל/דְחִיל#3#/ הוּא דַאְנָא עָבֵיד עִימָך׃
34:11 )1( [ai]טַר/איסטמר#3#/ לָך יָת דַאְנָא מְפַקֵיד לָך יוֹמָא דֵין הָאְנָא מְתָרֵיך מִן קְדָמָך יָת אְמוֹרָאֵי וכנענאי וחיתאי ופריזאי וחיואי וִיבוּסָאֵי׃
34:12 )1( [ai]אִסתַמַר/אִסתְמַר#3#/ לָך דִלמָא תִגזַר קְיָם לְיָתֵיב ארעא דְאַת עָלֵיל/יתיב#3#/ עְלַה דִלמָא יְהֵי לְתַקלָא בֵינָך׃
34:13 )1( [ai]אְרֵי יָת אֵיגוֹרֵיהוֹן תְתָרְעוּן וְיָת קָמָתְהוֹן תְתַבְרוּן וית אַשֵיריֵיהוֹן/אְשֵירֵיהוֹן#3#/ תְקָצְצוּן/תקוצצון#3#/׃
34:14 )1( [ai]אְרֵי לָא תִסגוֹד לְטָעְוָת עַמְמַיָא אְרֵי יוי קַנָא שְמוֹ/שְמֵיה#3#/ אֵל קַנָא הוּא׃
34:15 )1( [ai]דִלמָא תִגזַר קְיָם לְיָתֵיב ארעא וְיִטעוֹן בָתַר טָעְוָתְהוֹן וִידַבְחוּן לְטָעְוָתְהוֹן וְיִקרוֹן לָך וְתֵיכוֹל מִדִבחֵיהוֹן׃
34:16 )1( [ai]וְתִסַב מִבְנָתְהוֹן לִבנָך וְיִטעוֹן בְנָתְהוֹן בָתַר טָעְוָתְהוֹן וְיַטעְיָן יָת בְנָך בָתַר טָעְוָתְהוֹן׃
34:17 )1( [ai]דַחלָן דְמַתְכָא לָא תַעְבֵיד לָך׃
34:18 )1( [ai]יָת חַגָא דְפַטִירַיָא תִיטַר שִבעָה יוֹמִין תוֹכֵיל/תֵיכוֹל#3#/ פַטִירָא דְפַקֵידתָך לִזמַן יַרחָא דַאְבִיבָא אְרֵי בְיַרחָא דַאְבִיבָא נְפַקתָא ממצרים׃
34:19 )1( [ai]כֹל פָתַח וַלדָא דִילִי הוּא וְכֹל בְעִירָך תַקדֵיש דִכרִין בְכוֹר תוֹר וְאִימַר׃
34:20 )1( [ai]וְבוּכרָא דִחמָרָא תִפרוּק בְאִימְרָא וְאִם לָא תִפרוּק וְתִקפֵיה/ותנקפיה#3#/ כֹל בוּכרָא דִבנָך תִפרוּק וְלָא יִתַחזוֹן קְדָמַי רֵיקָנִין׃
34:21 )1( [ai]שִיתָה יוֹמִין תִפלַח וֻביוֹמָא שְבִיעָאָה תְנוּחַ בִזרוּעָא וֻבִחצָדָא תְנוּחַ׃
34:22 )1( [ai]וְחַגָא דְשָבוּעַיָא תַעְבֵיד לָך בִכוּרֵי חְצָד חִטִין וְחַגָא דִכנָשָא בְמִפְקַה דְשַתָא׃
34:23 )1( [ai]תְלָת זִמנִין בְשַתָא יִתַחזוֹן כֹל דְכוּרָך קְדָם רִבוֹן עָלְמָא יוי אְלָהָא דְישראל׃
34:24 )1( [ai]אְרֵי אְתָרֵיך עַמְמִין מִן קְדָמָך וְאַפתֵי יָת תְחוּמָך וְלָא יַחמֵיד/יְחַמֵיד#3#/ אְנָש/גבר#3#/ יָת אַרעָך בְמִיסְקָך לְאִתַחזָאָה קְדָם יוי אְלָהָך תְלָת זִמנִין בְשַתָא׃
34:25 )1( [ai]לָא תִיכוֹס עַל חְמִיעַ דַם פִסחִי וְלָא יְבִיתוּן לְצַפרָא <בָר מִמַדבְחָא#3#> תַרבֵי נִכסַת חַגָא דְפִסחָא/עד צפרא#3#/׃
34:26 )1( [ai]רֵיש בִכוּרֵי אַרעָך תַיתֵי/תֵיתֵי#3#/תעיל#3#/ לְבֵית מַקדְשָא דַיוי אְלָהָך לָא תֵיכְלוּן בְסַר בַחלַב׃
34:27 )1( [ai]וַאְמַר יוי למשה כְתוֹב לָך יָת פִיתגָמַיָא הָאִלֵין אְרֵי עַל מֵימַר פִתגָמַיָא הָאִלֵין גְזַרִית עִימָך קְיָם/קִיָם#2#/ וְעִם ישראל׃
34:28 )1( [ai]וַהְוָה תַמָן קדם/עם#3#/ יוי אַרבְעִין יְמָמִין וְאַרבְעִין לֵילָוָן לַחמָא לָא אְכַל וֻמַיָא לָא שְתִי/אשתי#3#/ וֻכתַב עַל לוּחַיָא יָת פִתגָמָא קִיָמָא/קְיָמָא#3#/ עַסרָא פִתגָמִין׃
34:29 )1( [ai]וַהְוָה כַד נְחַת/נחית#3#/ מֹשַה מִטוּרָא דְסִינַי וֻתרֵין לוּחֵי סָהְדוּתָא בִידָא דְמֹשַה בְמֵיחְתֵיה מִן טוּרָא ומשה לָא יְדַע אְרֵי סְגִי זִיו יְקָרָא דְאַפוֹהִי בְמַלָלוּתֵיה עִמֵיה׃
34:30 )1( [ai]וַחזָא אהרן וְכֹל בְנֵי ישראל יָת מֹשַה וְהָא סְגִי זִיו יְקָרָא דְאַפוֹהִי וֻדחִילוּ מִלְאִתקָרָבָא לְוָתֵיה׃
34:31 )1( [ai]וֻקרָא לְהוֹן מֹשַה וְתָבוּ לְוָתֵיה אהרן וְכֹל רַברְבַיָא בִכנִשתָא וֻמַלֵיל מֹשַה עִמְהוֹן׃
34:32 )1( [ai]וֻבָתַר כֵין אִתקָרַבוּ/אתקריבו#3#/ כֹל בְנֵי ישראל וֻפַקֵידִינוּן יָת כֹל דְמַלֵיל יוי עִמֵיה בְטוּרָא דְסִינַי/דְסִינָי#3#/׃
34:33 )1( [ai]וְשֵיצִי מֹשַה מִלְמַלָלָא עִמְהוֹן וִיהַב עַל אַפוֹהִי בֵית אַפֵי׃
34:34 )1( [ai]וְכַד עָלֵיל מֹשַה לקדם/קדם#3#/ יוי לְמַלָלָא עִמֵיה מַעְדֵי יָת בֵית אַפֵי עַד מִפְקֵיה וְנָפֵיק וֻממַלֵיל עִם בְנֵי ישראל יָת דְמִתפַקַד׃
34:35 )1( [ai]וְחָזַן בְנֵי ישראל יָת אַפֵי מֹשַה אְרֵי/והא#3#/ סְגִי זִיו יְקָרָא דְאַפֵי מֹשַה וֻמתִיב מֹשַה יָת בֵית אַפֵי עַל אַפוֹהִי עַד דְעָלֵיל/מעליה#3#/ לְמַלָלָא עִמֵיה׃

next chapter