← Back
The Comprehensive Aramaic Lexicon
← Return to the Text Browser
click on the file description for more information
51002: TgO Ex

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


36:01 )1( [ai]וַעְבַד בְצַלאֵל וְאָהָלִיאָב וְכֹל גְבַר חַכִים לִיבָא דִיהַב יוי חוּכמְתָא/חָכמְתָא#3#/ וְסוּכלְתָנוּתָא בְהוֹן לְמִידַע לְמַעְבַד יָת כֹל עְבִידַת פוּלחַן קוּדשָא לְכֹל דְפַקֵיד יוי׃
36:02 )1( [ai]וֻקרָא מֹשַה לִבצַלאֵל ולאוהליאב וֻלכָל גְבַר חַכִים לִיבָא דִיהַב יוי חוּכמְתָא/חָכמְתָא#3#/ בְלִבֵיה כֹל דְאִתרְעִי לִבֵיה לְמִקרַב לְעִיבִידְתָא לְמַעְבַד יָתַה׃
36:03 )1( [ai]וֻנסִיבוּ מִן קְדָם מֹשַה יָת כֹל אַפרָשוּתָא דְאֵיתִיוּ בְנֵי ישראל לְעִיבִידַת פוּלחַן קוּדשָא לְמַעְבַד יָתַה וְאִנוּן מֵיתַן לֵיה עוֹד נְדַבתָא בִצפַר בִצפַר׃
36:04 )1( [ai]וַאְתוֹ כֹל חַכִימַיָא דְעָבְדִין יָת כֹל עְבִידַת קוּדשָא גְבַר גְבַר מֵעְבִידְתֵיה דְאִנוּן עָבְדִין׃
36:05 )1( [ai]וַאְמַרוּ למשה לְמֵימַר מַסגַן עַמָא לְאֵיתָאָה מִיסַת פוּלחָנָא לַעְבִידְתָא דְפַקֵיד יוי לְמַעְבַד יָתַה׃
36:06 )1( [ai]וֻפַקֵיד מֹשַה וְאַעְבַרוּ כָרוֹז בְמַשרִיתָא לְמֵימַר גְבַר וְאִיתָא לָא יַעבְדוּן עוֹד עְבִידְתָא לְאַפרָשוּת קוּדשָא וֻפסַק עַמָא מִלְאֵיתָאָה׃
36:07 )1( [ai]וְעִיבִידְתָא הְוָת מִיסָת/מִיסַת#3#/ לְכֹל עְבִידְתָא לְמַעְבַד יָתַה וִיתַרַת/איתותרת#3#/ואשתאר#3#/׃
36:08 )1( [ai]וַעְבַדוּ כֹל חַכִימֵי לִיבָא בְעָבְדֵי עְבִידְתָא יָת מַשכְנָא עַסַר/עְסַר#3#/ יְרִיעָן דְבוּץ שְזִיר וְתַכלָא/ותיכלא#3#/ וְאַרגְוָנָא וֻצבַע זְהוֹרִי צוּרַת כְרוּבִין עוֹבָד אוּמָן עְבַד יָתְהוֹן/יתהין#3#/׃
36:09 )1( [ai]אוּרכָא דִירִיעְתָא חְדָא עַסרִין וֻתמָנֵי/וְתַמנֵי#3#/ אַמִין וְפוּתיָא אַרבַע אַמִין דִירִיעְתָא חְדָא מִישַחתָא חְדָא לְכֹל יְרִיעָתָא׃
36:10 )1( [ai]וְלָפֵיף יָת חַמֵיש/חְמֵיש#3#/ יְרִיעָן חְדָא עִם חְדָא וְחַמֵיש יְרִיעָן לָפֵיף חְדָא עִם חְדָא׃
36:11 )1( [ai]וַעְבַד עְנוּבִין דְתַכלָא/דתיכלא#3#/ עַל סִפתָא דִירִיעְתָא חְדָא מִסִטרָא בֵית לוֹפֵי כֵין עַבַד/עְבַד#3#/ בְסִפתָא דִירִיעְתָא בְסִטרָא בֵית לוֹפֵי תִניָנָא/תנייתא#3#/׃
36:12 )1( [ai]חַמשִין עְנוּבִין עְבַד בִירִיעְתָא חְדָא וְחַמשִין עְנוּבִין עְבַד בְסִטרָא דִירִיעְתָא דְבֵית לוֹפֵי תִיניָנָא/תינייתא#3#/ מַכוְנָן עְנוּבַיָא חְדָא לִקבֵיל/לָקֳבֵיל#3#/ חְדָא׃
36:13 )1( [ai]וַעְבַד חַמשִין פוּרפִין דִדהַב וְלָפֵיף יָת יְרִיעֵיתָא/יְרִיעָתָא#3#/ חְדָא עִם חְדָא בְפוּרפַיָא וַהְוָה מַשכְנָא חַד׃
36:14 )1( [ai]וַעְבַד יְרִיעָן דְמַעְזֵי לְפָרָסָא עַל מַשכְנָא חְדַא עַסרֵי יְרִיעָן עְבַד יָתְהוֹן/יתהין#3#/׃
36:15 )1( [ai]אוּרכָא דִירִיעְתָא חְדָא תְלָתִין אַמִין וְאַרבַע אַמִין פוּתיָא דִירִיעְתָא חְדָא מִישַחתָא/מִשחְתָא#3#/ חְדָא לַחדַא עַסרֵי יְרִיעָן׃
36:16 )1( [ai]וְלָפֵיף יָת חַמֵיש/חְמֵיש#3#/ יְרִיעָן לְחוֹד וְיָת שֵית יְרִיעָן לְחוֹד׃
36:17 )1( [ai]וַעְבַד עְנוּבִין חַמשִין עַל סִפתָא דִירִיעְתָא בְסִטרָא בֵית לוֹפֵי וְחַמשִין עְנוּבִין עְבַד עַל סִפתָא דִירִיעְתָא דְבֵית לוֹפֵי תִניָנָא/תנייתא#3#/׃
36:18 )1( [ai]וַעְבַד פוּרפִין דִנחָש חַמשִין לְלָפָפָא יָת מַשכְנָא לְמִהוֵי חַד׃
36:19 )1( [ai]וַעְבַד חוּפָאָה לְמַשכְנָא דְמַשכֵי דִכרֵי מְסַמְקֵי/מְסֻמְקֵי#3#/ וְחוּפָאָה דְמַשכֵי סָסְגוֹנָא מִלְעֵילָא׃
36:20 )1( [ai]וַעְבַד יָת דַפַיָא לְמַשכְנָא דְאָעֵי שִטִין קָיְמִין׃
36:21 )1( [ai]עַסַר/עְסַר#3#/ אַמִין אוּרכָא דְדַפָא וְאַמְתָא וֻפַלגוּת אַמְתָא פוּתיָא דְדַפָא חַד׃
36:22 )1( [ai]תְרֵין/תרתין#3#/ צִירִין לְדַפָא חַד מְשַלְבִין/מְשֻלְבִין#3#/ חַד לִקבֵיל/לָקֳבֵיל#3#/ חַד כֵין עְבַד לְכֹל דַפֵי מַשכְנָא׃
36:23 )1( [ai]וַעְבַד יָת דַפַיָא לְמַשכְנָא עַסרִין דַפִין לְרוּחַ עֵיבַר דָרוֹמָא׃
36:24 )1( [ai]וְאַרבְעִין סָמְכֵיהוֹן דִכסַף עְבַד תְחוֹת עַסרִין דַפִין תְרֵין סָמְכִין תְחוֹת דַפָא חַד לִתרֵין/לתרתין#3#/ צִירוֹהִי וֻתרֵין סָמְכִין תְחוֹת דַפָא חַד לִתרֵין צִירוֹהִי׃
36:25 )1( [ai]וְלִסטַר מַשכְנָא תִניָנָא/תינייתא#3#/ לְרוּחַ צִפוּנָא עְבַד עַסרִין דַפִין׃
36:26 )1( [ai]וְאַרבְעִין סָמְכֵיהוֹן דִכסַף תְרֵין סָמְכִין תְחוֹת דַפָא חַד וֻתרֵין סָמְכִין תְחוֹת דַפָא חַד׃
36:27 )1( [ai]וְלִסיָפֵי מַשכְנָא מַעַרבָא/מַערְבָא#3#/ עְבַד שִיתָה דַפִין׃
36:28 )1( [ai]וֻתרֵין דַפִין עְבַד לְזָויָת מַשכְנָא בְסוֹפְהוֹן׃
36:29 )1( [ai]וַהווֹ מַכִונִין/מַכוְנִין#3#/ מִלְרַע וְכַחדָא הְווֹ מַכִונִין/מַכוְנִין#3#/ בְרֵישֵיהוֹן בְעִזקְתָא חְדָא כֵין עְבַד לְתַרוֵיהוֹן לְתַרתֵין זָויָן׃
36:30 )1( [ai]וַהווֹ תְמָניָא דַפִין וְסָמְכֵיהוֹן דִכסַף שִיתַת עְסַר סָמְכִין תְרֵין סָמְכִין תְרֵין סָמְכִין תְחוֹת דַפָא חַד׃
36:31 )1( [ai]וַעְבַד עָבְרֵי דְאָעֵי שִטִין חַמשָה לְדַפֵי סְטַר מַשכְנָא חַד׃
36:32 )1( [ai]וְחַמשָה עָבְרִין לְדַפֵי סְטַר מַשכְנָא תִניָנָא/תינייתא#3#/ וְחַמשָא עָבְרִין לְדַפֵי מַשכְנָא לְסוֹפְהוֹן מַעַרבָא/מַערְבָא#3#/׃
36:33 )1( [ai]וַעְבַד יָת עָבְרָא מְצִיעָאָה לְאַעְבָרָא בְגוֹ דַפַיָא מִן סִיָפֵי/סְיָפֵי#3#/ לִסיָפֵי׃
36:34 )1( [ai]וְיָת דַפַיָא חְפָא דַהבָא וְיָת עִזקָתְהוֹן עְבַד דְהָב אַתרָא לְעָבְרַיָא/לעיבריא#3#/לַאְרִיחַיָא#3#/ וַחפָא יָת עָבְרַיָא/עיבריא#3#/ דַהבָא׃
36:35 )1( [ai]וַעְבַד יָת פָרוּכתָא דְתַכלָא וְאַרגְוָנָא וֻצבַע זְהוֹרִי וְבוּץ שְזִיר עוֹבָד אוּמָן עְבַד יָתַה צוּרַת כְרוּבִין׃
36:36 )1( [ai]וַעְבַד לָה אַרבְעָה עַמוּדֵי שִטִין וַחפָנוּן דַהבָא וָוֵיהוֹן דַהבָא וְאַתֵיך לְהוֹן אַרבְעָה סָמְכִין דִכסַף׃
36:37 )1( [ai]וַעְבַד פְרָסָא לִתרַע מַשכְנָא דְתַכלָא וְאַרגְוָנָא וֻצבַע זְהוֹרִי וְבוּץ שְזִיר עוֹבָד צִיוּר/צַיָיר#3#/׃
36:38 )1( [ai]וְיָת עַמוּדוֹהִי חַמשָה וְיָת וָוֵיהוֹן וַחפִי/וְחַפִי#3#/ רֵישֵיהוֹן וְכִבוּשֵיהוֹן דַהבָא וְסָמְכֵיהוֹן חַמשָה דִנחָשָא׃

next chapter