← Back
The Comprehensive Aramaic Lexicon
← Return to the Text Browser
click on the file description for more information
51002: TgO Ex

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


38:01 )1( [ai]וַעְבַד יָת מַדבְחָא דַעְלָתָא דְאָעֵי שִטִין חַמֵיש/חְמֵיש#3#/ אַמִין אוּרכֵיה וְחַמֵיש/וַחְמֵיש#3#/ אַמִין פוּתיֵיה מְרַבַע/מְרֻבַע#3#/ וֻתלָת אַמִין רוּמֵיה׃
38:02 )1( [ai]וַעְבַד קָרנוֹהִי עַל אַרבַע זָויָתֵיה מִנֵיה הְוַאָה קַרנוֹהִי וַחפָא יָתֵיה נְחָשָא׃
38:03 )1( [ai]וַעְבַד יָת כֹל מָנֵי מַדבְחָא יָת פְסַכתֵירָוָתָא/פְסַכתֵירְוָתָא#3#/ וְיָת מַגרוֹפיָתָא וְיָת מִזרְקַיָא/מזירקיא#3#/ יָת צִנוֹריָתָא וְיָת מַחתִיָתָא/מַחתְיָתָא#3#/ כֹל מָנוֹהִי עְבַד נְחָשָא׃
38:04 )1( [ai]וַעְבַד לְמַדבְחָא סְרָדָא עוֹבָד מְצָדְתָא דִנחָשָא תְחוֹת סוֹבֵיבֵיה מִלְרַע עַד פַלגֵיה/פלגותיה#3#/׃
38:05 )1( [ai]וְאַתֵיך אַרבַע עִזקָתָא בְאַרבַע זָויָתָא לִסרָדָא דִנחָשָא אַתרָא לַאְרִיחַיָא׃
38:06 )1( [ai]וַעְבַד יָת אְרִיחַיָא דְאָעֵי שִטִין וַחפָא יָתְהוֹן נְחָשָא׃
38:07 )1( [ai]וְאַעֵיל יָת אְרִיחַיָא בְעִזקָתָא עַל סִטרֵי מַדבְחָא לְמִיטַל יָתֵיה בְהוֹן חַלִיל/חְלִיל#3#/ לוּחִין עְבַד יָתֵיה׃
38:08 )1( [ai]וַעְבַד יָת כִיוֹרָא דִנחָשָא וְיָת בְסִיסֵיה דִנחָשָא בְמַחזִיָת/בְמִחזְיָת#3#/ נְשַיָא דְאָתְיָן לְצַלָאָה בִתרַע מַשכַן זִמנָא׃
38:09 )1( [ai]וַעְבַד יָת דָרְתָא לְרוּחַ עֵיבַר דָרוֹמָא סְרָדֵי דְדָרְתָא דְבוּץ שְזִיר מְאָה אַמִין׃
38:10 )1( [ai]עַמוּדֵיהוֹן עַסרִין וְסָמְכֵיהוֹן עַסרִין דִנחָשָא וָוֵי עַמוּדַיָא וְכִיבוּשֵיהוֹן כְסַף׃
38:11 )1( [ai]וֻלרוּחַ צִפוּנָא מְאָה אַמִין עַמוּדֵיהוֹן עַסרִין/עיסרין#3#/ וְסָמְכֵיהוֹן עַסרִין דִנחָשָא וָוֵי עַמוּדַיָא וְכִבוּשֵיהוֹן כְסַף׃
38:12 )1( [ai]וֻלרוּחַ מַעַרבָא/מַערְבָא#3#/ סְרָדֵי חַמשִין אַמִין עַמוּדֵיהוֹן עַסרָה וְסָמְכֵיהוֹן עַסרָה וַוֵי עַמוּדַיָא וְכִיבוּשֵיהוֹן כְסַף׃
38:13 )1( [ai]וֻלרוּחַ קִדוּמָא מַדִנחָא/מַדנְחָא#3#/ חַמשִין אַמִין׃
38:14 )1( [ai]סְרָדֵי חַמֵיש עַסרֵי אַמִין לְעִברָא עַמוּדֵיהוֹן תְלָתָה וְסָמְכֵיהוֹן תְלָתָה׃
38:15 )1( [ai]וֻלעִברָא תִניָנָא/תניתא#3#/ מִיכָא וֻמִיכָא לִתרַע דָרְתָא סְרָדֵי חַמֵיש עַסרֵי אַמִין עַמוּדֵיהוֹן תְלָתָה וְסָמְכֵיהוֹן תְלָתָה׃
38:16 )1( [ai]כֹל סְרָדֵי דָרְתָא סחור סחור דְבוּץ שְזִיר׃
38:17 )1( [ai]וְסָמְכַיָא לְעַמוּדַיָא דִנחָשָא וָוֵי עַמוּדַיָא וְכִיבוּשֵיהוֹן כְסַף וְחִפוּי/וחפא#3#/ רֵישֵיהוֹן כְסַף וְאִינוּן מְכַבְשִין/מְכֻבְשִין#3#/ כְסַף כֹל עַמוּדֵי דָרְתָא׃
38:18 )1( [ai]וֻפרָסָא דִתרַע דָרְתָא עוֹבָד צִיוּר/צַיָיר#3#/ דְתַכלָא וְאַרגְוָנָא וֻצבַע זְהוֹרִי וְבוּץ שְזִיר וְעַסרִין אַמִין אוּרכָא וְרוּמָא בְפוּתיָא חַמֵיש/חְמֵיש#3#/ אַמִין לִקבֵיל/לָקֳבֵיל#3#/ סְרָדֵי דָרְתָא׃
38:19 )1( [ai]וְעַמוּדֵיהוֹן אַרבְעָה וְסָמְכֵיהוֹן אַרבְעָה דִנחָשָא וָוֵיהוֹן כְסַף וְחִפוּי/וחפא#3#/ רֵישֵיהוֹן וְכִבוּשֵיהוֹן כְסַף׃
38:20 )1( [ai]וְכֹל סִיכַיָא לְמַשכְנָא וֻלדָרְתָא סְחוֹר סְחוֹר דְנחָשָא׃
38:21 )1( [ai]אִלֵין מִניָנֵי מַשכְנָא מַשכְנָא דְסָהְדוּתָא דְאִתמְנִיוּ עַל מֵימְרָא דְמֹשַה פוּלחַן לֵיוָאֵי בִידָא דְאִיתָמָר בַר אַהְרֹן כָהְנָא׃
38:22 )1( [ai]וֻבצַלאֵל בַר אוּרִי בַר חוּר לְשִבטָא דִיהוּדָה עְבַד יָת כֹל דְפַקֵיד יוי יָת מֹשַה׃
38:23 )1( [ai]וְעִמֵיה אָהָלִיאָב בַר אְחִיסָמָך לְשִבטָא דְדָן נַגָר וְאוּמָן וְצַייָר בְתַכלָא/בתיכלא#3#/ וְבאַרגְוָנָא וֻבִצבַע זְהוֹרִי וֻבבוּצָא׃
38:24 )1( [ai]כָל דַהבָא דְאִתעְבֵיד לְעִיבִידְתָא בְכֹל עְבִידַת/עיבידת#3#/ קוּדשָא וַהְוָה דְהַב אְרָמוּתָא/אפרשותא#3#/ עַסרִין וְתִישַע כַכרִין וֻשבַע מְאָה וֻתלָתִין סִלעִין בְסִלעֵי קוּדשָא׃
38:25 )1( [ai]וֻכסַף מִניָנֵי כְנִשתָא מְאָה כַכרִין/ככר#3#/ וְאַלַף וֻשבַע מְאָה וְשִבעִין וְחַמֵיש סִלעִין בְסִלעֵי קוּדשָא׃
38:26 )1( [ai]תִקלָא לְגוּלגֻלתָא פַלגוּת סִלעָא בְסִלעֵי קוּדשָא לְכֹל דְעָבַר עַל מִניָנַיָא מִבַר עַסרִין שְנִין וֻלעֵילָא לְשֵית מְאָה וֻתלָתָה אַלפִין וְחַמֵיש מְאָה וְחַמשִין׃
38:27 )1( [ai]וַהוַאָה מְאָה כַכרֵי כַספָא לְאַתָכָא יָת סָמְכֵי קֻדשָא וְיָת סָמְכֵי פָרוּכתָא מְאָה סָמְכִין לִמאָה כַכרִין כַכרָא לְסָמְכָא׃
38:28 )1( [ai]וְיָת אַלַף וֻשבַע מְאָה וְשִבעִין וְחַמֵיש עְבַד וָוִין לְעַמוּדַיָא וְחַפִי רֵישֵיהוֹן וְכַבֵיש יָתְהוֹן׃
38:29 )1( [ai]וֻנחָש אְרָמוּתָא שִבעִין כִכרִין/כַכרִין#3#/ וֻתרֵין אַלפִין וְאַרבַע מְאָה סִלעִין׃
38:30 )1( [ai]וַעְבַד בַה יָת סָמְכֵי תְרַע מַשכַן זִמנָא וְיָת מַדבְחָא דִנחָשָא וְיָת סְרָדָא דִנחָשָא דִילֵיה וְיָת כֹל מָנֵי מַדבְחָא׃
38:31 )1( [ai]וְיָת סָמְכֵי דָרְתָא סחור סחור וְיָת סָמְכֵי תְרַע דָרְתָא וְיָת כֹל סִיכֵי מַשכְנָא וְיָת כֹל סִיכֵי דָרְתָא סחור סחור׃

next chapter