← Back
The Comprehensive Aramaic Lexicon
← Return to the Text Browser
click on the file description for more information
51003: TgO Lv

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


04:01 )1( [ai]ומליל יוי עם/לות#3#/ משה למימר׃
04:02 )1( [ai]מַלֵיל עִם בְנֵי ישראל לְמֵימַר אְנָש אְרֵי יְחוּב בְשָלוּ מִכֹל פִקוֹדַיָא דַיוי דְלָא כָשְרִין לְאִתעְבָדָא וְיַעְבֵיד מִן חַד מִנְהוֹן׃
04:03 )1( [ai]אִם כָהְנָא רַבָא יְחוּב לְחוֹבַת/לחובי#3#/ עַמָא וִיקָרֵב עַל חוֹבְתֵיה דְחָב תוֹר בַר תוֹרֵי שְלִים קדם יוי לְחַטָתָא׃
04:04 )1( [ai]וְיַיתֵי יָת תוֹרָא לִתרַע מַשכַן זִמנָא לקדם/קֳדָם#3#/ יוי וְיִסמוֹך יָת יְדֵיה עַל רֵיש תוֹרָא וְיִכוֹס יָת תוֹרָא קדם יוי׃
04:05 )1( [ai]וְיִסַב כָהְנָא רַבָא/דמרבא#3#/ מִדְמָא דְתוֹרָא וְיַעֵיל/וייתי#3#/ יָתֵיה לְמַשכַן זִמנָא׃
04:06 )1( [ai]וְיִטבוֹל כָהְנָא יָת אַצבְעֵיה/איצבעיה#3#/ בִדמָא וְיַדֵי מִן דְמָא שְבַע זִמנִין קדם/לקדם#3#/ יוי קְדָם/לקדם#3#/ פָרוּכתָא דְקוּדשָא׃
04:07 )1( [ai]וְיִתֵן כָהְנָא מִן דְמָא עַל קַרנָת מַדבְחָא דִקטוֹרַת בוּסמַיָא קְדָם יוי דִבמַשכַן זִמנָא וְיָת כֹל דְמָא דְתוֹרָא יִשפוֹך/ישוד#3#/ לִיסוֹדָא דְמַדבְחָא דַעְלָתָא דְבִתרַע מַשכַן זִמנָא׃
04:08 )1( [ai]וְיָת כֹל תְרַב תוֹרָא דְחַטָתָא יַפרֵיש מִנֵיה יָת תַרבָא דְחָפֵי עַל גַוָא וְיָת כֹל תַרבָא דְעַל גַוָא׃
04:09 )1( [ai]וְיָת תַרתֵין כוֹליָן וְיָת תַרבָא דַעְלֵיהוֹן/דעליהין#3#/ דְעַל גִיסַסיָא/גִססַיָא#3#/ וְיָת חַצרָא/חיצרא#3#/ דְעַל כַבדָא עַל כוֹליָתָא יַעְדֵינַה׃
04:10 )1( [ai]כְמָא דְמִיתַפרַש/דְמִתפָרַש#3#/ מִתוֹר נִכסַת קוּדשַיָא וְיַסֵיקִינוּן כָהְנָא עַל מַדבְחָא דַעְלָתָא׃
04:11 )1( [ai]וְיָת מְשַך תוֹרָא וְיָת כֹל בִסרֵיה עַל רֵישֵיה וְעַל כְרָעוֹהִי וְגַוֵיה וְאוּכלֵיה׃
04:12 )1( [ai]וְיַפֵיק יָת כֹל תוֹרָא לְמִיבַרָא לְמַשרִיתָא לַאְתַר דְכֵי לַאְתַר בֵית מֵישַד קִטמָא וְיוֹקֵיד יָתֵיה עַל אָעַיָא בְאִישָתָא/בנורא#3#/ עַל אְתַר בֵית מֵישַד קִטמָא יִתוֹקַד׃
04:13 )1( [ai]וְאִם כֹל כְנִשתָא דְיִשרָאֵל יִשתְלוֹן וִיהֵי מְכַסַא/מְכֻסַא#3#/ פִתגָמָא מֵעֵינֵי קְהָלָא וְיַעבְדוּן חַד מִכֹל פִקוֹדַיָא דַיוי דְלָא כָשְרִין לְאִתעְבָדָא וִיחוּבוּן׃
04:14 )1( [ai]וְתִיתִידַע/וְתִתיְדַע#3#/ חוֹבְתָא דְחָבוּ עְלַה וִיקָרְבוּן קְהָלָא תוֹר בַר תוֹרֵי לְחַטָתָא וְיַיתוֹן יָתֵיה לִקדָם/קדם#3#/ מַשכַן זִמנָא׃
04:15 )1( [ai]וְיִסמְכוּן סָבֵי כְנִשתַא יָת יְדֵיהוֹן עַל רֵיש תוֹרָא קדם יוי וְיִכוֹס יָת תוֹרָא קדם יוי׃
04:16 )1( [ai]וְיַעֵיל/וייתי#3#/ כָהְנָא רַבָא/דמרבא#3#/ מִדְמָא דְתוֹרָא לְמַשכַן זִמנָא׃
04:17 )1( [ai]וְיִטבוֹל כָהְנָא אַצבְעֵיה מִן דְמָא וְיַדֵי שְבַע זִמנִין קדם יוי קְדָם/לקדם#3#/ פָרוּכתָא׃
04:18 )1( [ai]וֻמִן דְמָא יִתֵין עַל קַרנָת מַדבְחָא דקדם יוי דִבמַשכַן זִמנָא וְיָת כֹל דְמָא יִשפוֹך/ישוד#3#/ לִיסוֹדָא דְמַדבְחָא דַעְלָתָא דְבִתרַע מַשכַן זִמנָא׃
04:19 )1( [ai]וְיָת כֹל תַרבֵיה יַפרֵיש מִנֵיה וְיַסֵיק לְמַדבְחָא׃
04:20 )1( [ai]וְיַעְבֵיד לְתוֹרָא כְמָא דַעְבַד לְתוֹרָא דְחַטָתָא כֵין יַעְבֵיד לֵיה וְיִכַפַר עְלֵיהוֹן כָהְנָא וְיִשתְבֵיק לְהוֹן׃
04:21 )1( [ai]וְיַפֵיק יָת כֹל תוֹרָא לְמִיבַרָא לְמַשרִיתָא וְיוֹקֵיד יָתֵיה כְמָא דְאוֹקֵיד יָת תוֹרָא קַדמָאָה חַטַאת קְהָלָא הוּא׃
04:22 )1( [ai]אִם/די#3#/ רַבָא יְחוּב וְיַעְבֵיד חַד מִכֹל פִקוֹדַיָא דַיוי אְלָהֵיה דְלָא כָשְרִין לְאִתעְבָדָא בְשָלוּ וִיחוּב׃
04:23 )1( [ai]אוֹ אִתיְדַע לֵיה חוֹבְתֵיה דְחָב בַה וְיַיתֵי יָת קוּרבָנֵיה צְפִיר בַר עִזִין דְכַר שְלִים׃
04:24 )1( [ai]וְיִסמוֹך יְדֵיה עַל רֵיש צְפִירָא וְיִכוֹס יָתֵיה בְאַתרָא דְיִכוֹס יָת עְלָתָא קדם יוי חַטָתָא הוּא׃
04:25 )1( [ai]וְיִסַב כָהְנָא מִדְמָא דְחַטָתָא בְאַצבְעֵיה/באיצבעיה#3#/ וְיִתֵין עַל קַרנָת מַדבְחָא דַעְלָתָא וְיָת דְמֵיה יִשפוֹך/ישוד#3#/ לִיסוֹדָא דְמַדבְחָא דַעְלָתָא׃
04:26 )1( [ai]וְיָת כֹל תַרבֵיה יַסֵיק לְמַדבְחָא כִתרַב נִכסַת קוּדשַיָא וִיכַפַר עְלוֹהִי כָהְנָא מִחוֹבְתֵיה וְיִשתְבֵיק לֵיה׃
04:27 )1( [ai]וְאִם אְנָש חַד יְחוּב בְשָלוּ מֵעַמָא דְאַרעָא בְמַעבְדֵיה חַד מִפִקוֹדַיָא דַיוי דְלָא כָשְרִין לְאִתעְבָדָא וִיחוּב׃
04:28 )1( [ai]אוֹ אִתיְדַע לֵיה חוֹבְתֵיה דְחָב וְיַיתֵי קוּרבָנֵיה צְפִירַת עִזֵי שַלמָא/שלמתא#3#/ נוּקבָא/נקובתא#3#/ עַל חוֹבְתֵיה דְחָב׃
04:29 )1( [ai]וְיִסמוֹך יָת יְדֵיה עַל רֵיש חַטָתָא וְיִכוֹס יָת חַטָתָא בְאַתרָא דַעְלָתָא׃
04:30 )1( [ai]וְיִסַב כָהְנָא מִדְמַה בְאַצבְעֵיה וְיִתֵן עַל קַרנָת מַדבְחָא דַעְלָתָא וְיָת כֹל דְמַה יִשפוֹך/ישוד#3#/ לִיסוֹדָא דְמַדבְחָא׃
04:31 )1( [ai]וְיָת כֹל תַרבַה יַעְדֵי כְמָא דְאִתעַדַא תְרַב אִימַר מֵעַל נִכסַת קוּדשַיָא וְיַסֵיק כָהְנָא לְמַדבְחָא לְאִתקַבָלָא בְרַעְוָא קדם יוי וִיכַפַר עְלוֹהִי כָהְנָא וְיִשתְבֵיק לֵיה׃
04:32 )1( [ai]וְאִם אִימַר יַיתֵי/יהי#3#/ קוּרבָנֵיה לְחַטָתָא נוּקבָא שַלמָא יַיתֵינַה׃
04:33 )1( [ai]וְיִסמוֹך יָת יְדֵיה עַל רֵיש חַטָתָא וְיִכוֹס יָתַה לְחַטָתָא בְאַתרָא דְיִכוֹס יָת עְלָתָא׃
04:34 )1( [ai]וְיִסַב כָהְנָא מִדְמָא דְחַטָתָא בְאַצבְעֵיה וְיִתֵין עַל קַרנָת מַדבְחָא דַעְלָתָא וְיָת כֹל דְמַה יִשפוֹך/ישוד#3#/ לִיסוֹדָא דְמַדבְחָא׃
04:35 )1( [ai]וְיָת כֹל תַרבַה יַעְדֵי כְמָא דְמִתעַדַא תְרַב אִימַר מִנִכסַת קוּדשַיָא וְיַסֵיק כָהְנָא יָתְהוֹן לְמַדבְחָא עַל קוּרבָנַיָא דַיוי וִיכַפַר עְלוֹהִי כָהְנָא \עַל חוֹבְתֵיה/מחובתיה#3#/ דְחָב וְיִשתְבֵיק לֵיה׃

next chapter