← Back
The Comprehensive Aramaic Lexicon
← Return to the Text Browser
click on the file description for more information
51004: TgO Nm

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

01:01 )1( [ai]וֻמַלֵיל יוי עִים מֹשַה בְמַדבְרָא דְסִינַי בְמַשכַן זִמנָא בְחַד לְיַרחָא תִניָנָא בְשַתָא תִניֵיתָא לְמִפַקהוֹן מארעא דְמִצרַיִם לְמֵימַר׃
01:02 )1( [ai]קַבִילוּ יָת חוּשבַן כֹל כְנִשתָא דִבנֵי ישׂראל לְזַרעֲיָתְהוֹן לְבֵית אֲבָהָתְהוֹן בְמִניַן שְמָהָן כֹל דְכוּרָא לְגוּלגְלָתְהוֹן׃
01:03 )1( [ai]מִיבַר עַסרִין שְנִין וֻלעֵילָא כֹל נָפֵיק חֵילָא בְישׂראל תִמנוֹן יָתְהוֹן לְחֵילֵיהוֹן אַת וְאַהֲרֹן׃
01:04 )1( [ai]וְעִמְכוֹן יְהוֹן גֻברָא גֻברָא לְשִבטָא גְבַר רֵיש לְבֵית אֲבָהָתוֹהִי הוּא׃
01:05 )1( [ai]וְאִלֵין שְמָהָת גֻברַיָא דִיקוּמוּן עִמְכוֹן לִראוּבֵן אֲלִיצוּר בַר שְדֵיאוּר׃
01:06 )1( [ai]לְשִמעוֹן שְלֻמִיאֵל בַר צוּרִי שַדָי׃
01:07 )1( [ai]לִיהוּדָה נַחשוֹן בַר עַמִינָדָב׃
01:08 )1( [ai]לְיִשׂשָׂכָר נְתַנאֵל בַר צוּעָר׃
01:09 )1( [ai]לְזבוּלוּן אֲלִיאָב בַר חֵילוֹן׃
01:10 )1( [ai]לִבנֵי יוֹסֵף לְאַפרַיִם אֲלִישָמָע בַר עַמִיהוּד לִמנַשַה גַמלִיאֵל בַר פְדָהצוּר׃
01:11 )1( [ai]לְבִניָמִין אֲבִידָן בַר גִדעֹנִי׃
01:12 )1( [ai]לְדָן אֲחִיעַזַר בַר עַמִישַדָי׃
01:13 )1( [ai]לְאָשֵר פַגעִיאֵל בַר עָכרָן׃
01:14 )1( [ai]לְגָד אַליָסָף בַר דְעוּאֵל׃
01:15 )1( [ai]לְנַפתָלִי אֲחִירַע בַר עֵינָן׃
01:16 )1( [ai]אִלֵין מְעָרְעֵי כְנִשתָא רַברְבֵי שִבטֵי אֲבָהָתְהוֹן רֵישֵי אַלפַיָא דְישׂראל אִינוּן׃
01:17 )1( [ai]וֻדבַר/ונסיב#3#/ מֹשַה ואהרן יָת גֻברַיָא הָאִלֵין דְאִתפָרַשוּ בִשמָהָן׃
01:18 )1( [ai]וְיָת כֹל כְנִשתָא כְנַשוּ בְחַד לְיַרחָא תִניָנָא וְאִתיַחַסוּ עַל זַרעֲיָתְהוֹן לְבֵית אֲבָהָתְהוֹן בְמִניַן שְמָהָן מִבַר עַסרִין שְנִין וֻלעֵילָא לְגוּלגְלָתְהוֹן׃
01:19 )1( [ai]כְמָא דְפַקֵיד יוי יָת מֹשַה וֻמנָנוּן בְמַדבְרָא דְסִינָי׃
01:20 )1( [ai]וַהווֹ בְנֵי רְאוּבֵן בוּכרָא דישׂראל תוֹלְדָתְהוֹן לְזַרעֲיָתְהוֹן לְבֵית אֲבָהָתְהוֹן בְמִניַן שְמָהָן לְגוּלגְלָתְהוֹן כֹל דְכוּרָא מִבַר עַסרִין שְנִין וֻלעֵילָא כֹל נָפֵיק חֵילָא׃
01:21 )1( [ai]מִניָנֵיהוֹן לְשִבטָא דִראוּבֵן אַרבְעִין וְשִתָה אַלפִין וְחַמֵיש מְאָה׃
01:22 )1( [ai]לִבנֵי שִמעוֹן תוֹלְדָתְהוֹן לְזַרעְיָתְהוֹן לְבֵית אֲבָהָתְהוֹן מִניָנוֹהִי בְמִניַן שְמָהָן לְגוּלגְלָתְהוֹן כֹל דְכוּרָא מִבַר עַסרִין שְנִין וֻלעֵילָא כֹל נָפֵיק חֵילָא׃
01:23 )1( [ai]מִניָנֵיהוֹן לְשִבטָא דְשִמעוֹן חַמשִין וְתִשעָה אַלפִין וֻתלָת מְאָה׃
01:24 )1( [ai]לִבנֵי גָד תוֹלְדָתְהוֹן לְזַרעֲיָתְהוֹן לְבֵית אֲבָהָתְהוֹן בְמִניַן שְמָהָן מִבַר עַסרִין שְנִין וֻלעֵילָא כֹל נָפֵיק חֵילָא׃
01:25 )1( [ai]מִניָנֵיהוֹן לְשִבטָא דְגָד אַרבְעִין וְחַמשָה אַלפִין וְשֵית מְאָה וְחַמשִין׃
01:26 )1( [ai]לִבנֵי יְהוּדָה תוֹלְדָתְהוֹן לְזַרעֲיָתְהוֹן לְבֵית אֲבָהָתְהוֹן בְמִניַן שְמָהָן לגולגלתהון מִבַר עַסרִין שְנִין וֻלעֵילָא כֹל נָפֵיק חֵילָא׃
01:27 )1( [ai]מִניָנֵיהוֹן לְשִבטָא דִיהוּדָה שִבעִין וְאַרבְעָה אַלפִין וְשֵית מְאָה׃
01:28 )1( [ai]לִבנֵי יִשׂשָׂכָר תוֹלדָתְהוֹן לְזַרעֲיָתְהוֹן לְבֵית אֲבָהָתְהוֹן בְמִניַן שְמָהָן מִבַר עַסרִין שְנִין וֻלעֵילָא כֹל נָפֵיק חֵילָא׃
01:29 )1( [ai]מִניָנֵיהוֹן לְשִבטָא דְיִשָׂשׂכָר חַמשִין וְאַרבְעָה אַלפִין וְאַרבַע מְאָה׃
01:30 )1( [ai]לִבנֵי זְבוּלוּן תוֹלְדָתְהוֹן לְזַרעֲיָתְהוֹן לְבֵית אֲבָהָתְהוֹן בְמִניַן שְמָהָן מִבַר עַסרִין שְנִין וֻלעֵילָא כֹל נָפֵיק חֵילָא׃
01:31 )1( [ai]מִניָנֵיהוֹן לְשִבטָא דִזבוּלוּן חַמשִין וְשִבעָה אַלפִין וְאַרבַע מְאָה׃
01:32 )1( [ai]לִבנֵי יוֹסֵף לִבנֵי אַפרַיִם תוֹלְדָתְהוֹן לְזַרעֲיָתְהוֹן לְבֵית אֲבָהָתְהוֹן בְמִניַן שְמָהָן מִבַר עַסרִין שְנִין וֻלעֵילָא כֹל נָפֵיק חֵילָא׃
01:33 )1( [ai]מִניָנֵיהוֹן לְשִבטָא דְאַפרַיִם אַרבְעִין אַלפִין וְחַמֵיש מְאָה׃
01:34 )1( [ai]לִבנֵי מְנַשַה תוֹלְדָתְהוֹן לְזַרעֲיָתְהוֹן לְבֵית אֲבָהָתְהוֹן בְמִניַן שְמָהָן מִבַר עַסרִין שְנִין וֻלעֵילָא כֹל נָפֵיק חֵילָא׃
01:35 )1( [ai]מִניָנֵיהוֹן לְשִבטָא דִמנַשַה תְלָתִין וֻתרֵין אַלפִין וֻמָאתַן׃
01:36 )1( [ai]לִבנֵי בִניָמִין תוֹלְדָתְהוֹן לְזַרעֲיָתְהוֹן לְבֵית אֲבָהָתְהוֹן בְמִניַן שְמָהָן מִבַר עַסרִין שְנִין וֻלעֵילָא כֹל נָפֵיק חֵילָא׃
01:37 )1( [ai]מִניָנֵיהוֹן לְשִבטָא דְבִניָמִין תְלָתִין וְחַמשָה אַלפִין וְאַרבַע מְאָה׃
01:38 )1( [ai]לִבנֵי דָן תוֹלְדָתְהוֹן לְזַרעֲיָתְהוֹן לְבֵית אֲבָהָתְהוֹן בְמִניַן שְמָהָן מִבַר עַסרִין שְנִין וֻלעֵילָא כֹל נָפֵיק חֵילָא׃
01:39 )1( [ai]מִניָנֵיהוֹן לְשִבטָא דְדָן שִתִין וֻתרֵין אַלפִין וֻשבַע מְאָה׃
01:40 )1( [ai]לִבנֵי אָשֵר תוֹלדָתְהוֹן לְזַרעֲיָתְהוֹן לְבֵית אֲבָהָתְהוֹן בְמִניַן שְמָהָן מִבַר עַסרִין שְנִין וֻלעֵילָא כֹל נָפֵיק חֵילָא׃
01:41 )1( [ai]מִניָנֵיהוֹן לְשִבטָא דְאָשֵר אַרבְעִין וְחַד אַלפִין וַחֲמֵיש מְאָה׃
01:42 )1( [ai]בְנֵי נַפתָלִי תוֹלְדָתְהוֹן לְזַרעֲיָתְהוֹן לְבֵית אֲבָהָתְהוֹן בְמִניַן שְמָהָן מִבַר עַסרִין שְנִין וֻלעֵילָא כֹל נָפֵיק חֵילָא׃
01:43 )1( [ai]מִניָנֵיהוֹן לְשִבטָא דְנַפתָלִי חַמשִין וֻתלָתָא אַלפִין וְאַרבַע מְאָה׃
01:44 )1( [ai]אִלֵין מִניָנַיָא דִמנָן מֹשַה וְאַהֲרֹן וְרַברְבֵי ישׂראל תְרֵי עֲסַר גֻברִין גֻברָא חַד לְבֵית אֲבָהָתוֹהִי הֲווֹ׃
01:45 )1( [ai]וַהווֹ כֹל מִניָנֵי בְנֵי ישׂראל לְבֵית אֲבָהָתְהוֹן מִבַר עַסרִין שְנִין וֻלעֵילָא כֹל נָפֵיק חֵילָא בישׂראל׃
01:46 )1( [ai]וַהווֹ כֹל מִניָנַיָא שֵית מְאָה וֻתלָתָא אַלפִין וְחַמֵיש מְאָה וְחַמשִין׃
01:47 )1( [ai]וְלֵיוָאֵי לְשִבטָא דַאֲבָהָתְהוֹן לָא אִתמְנִיוּ בֵינֵיהוֹן/בהון#3#/׃
01:48 )1( [ai]ומליל יוי עם/לות#3#/ משה למימר׃
01:49 )1( [ai]בְרַם יָת שִבטָא דְלֵוִי לָא תִמנֵי וְיָת חוּשבָנְהוֹן/רישהון#3#/ לָא תְקַבֵיל/תִסַב#3#/ בְגוֹ בְנֵי ישׂראל׃
01:50 )1( [ai]וְאַת מַנִי יָת לֵיוָאֵי עַל מַשכְנָא דְסָהֲדוּתָא וְעַל כֹל מָנוֹהִי וְעַל כֹל דְלֵיה אִנוּן יִטְלוּן יָת מַשכְנָא וְיָת כֹל מָנוֹהִי וְאִינוּן יְשַמְשוּנֵיה וֻסחוֹר סְחוֹר לְמַשכְנָא יִשרוֹן׃
01:51 )1( [ai]וֻבמִיטַל מַשכְנָא יְפָרְקוּן יָתֵיה לֵיוָאֵי וֻבמִשרֵי/ובמישר#3#/ מַשכְנָא יְקִימוּן יָתֵיה לֵיוָאֵי וְחִילוֹנַי דְיִקרַב יִתקְטִיל׃
01:52 )1( [ai]וְיִשרוֹן בְנֵי ישׂראל גְבַר עַל מַשרִיתֵיה וֻגבַר עַל טִקסֵיה לְחֵילֵיהוֹן׃
01:53 )1( [ai]וְלֵיוָאֵי יִשרוֹן סחור סחור לְמַשכְנָא דְסָהֲדוּתָא וְלָא יְהֵי רוּגזָא עַל כְנִישתָא דִבנֵי ישׂראל וְיִטְרוּן לֵיוָאֵי יָת מַטְרַת מַשכְנָא דְסָהֲדוּתָא׃
01:54 )1( [ai]וַעֲבַדוּ בְנֵי ישׂראל כְכֹל דְפַקֵיד יוי יָת מֹשַה כֵין עֲבַדוּ׃

next chapter