← Back
The Comprehensive Aramaic Lexicon
← Return to the Text Browser
click on the file description for more information
51004: TgO Nm

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


02:01 )1( [ai]וֻמַלֵיל יוי עִם מֹשַה ולאהרן/וְעִם אַהְרֹן#3#/ לְמֵימַר׃
02:02 )1( [ai]גְבַר עַל טִקסֵיה בְאָתְוָן לְבֵית אֲבָהָתְהוֹן יִשרוֹן בְנֵי ישׂראל מִקְבֵיל סחור סחור \לְמַשכַן זִמנא /למשכנא#3#/ יִשרוֹן׃
02:03 )1( [ai]וְדִשרַן קִדוּמָא מַדנְחָא טֵיקַס מַשרִית יְהוּדָה לְחֵילֵיהוֹן וְרַבָא לִבנֵי יְהוּדָה נַחשוֹן בַר עַמִינָדָב׃
02:04 )1( [ai]וְחֵילֵיה וֻמִניָנֵיהוֹן שִבעִין וְאַרבְעָה אַלפִין וְשֵית מְאָה׃
02:05 )1( [ai]וְדִשרַן סְמִיכִין עֲלוֹהִי שִבטָא דְישׂשׂכר וְרַבָא לִבנֵי יִשָׂשׂכָר נְתַנאֵל בַר צוּעָר׃
02:06 )1( [ai]וְחֵילֵיה וֻמִניָנוֹהִי חַמשִין וְארַבְעָה אַלפִין וְאַרבַע מְאָה׃
02:07 )1( [ai]שִבטָא דִזבוּלֻן וְרַבָא לִבנֵי זְבוּלֻן אֲלִיאָב בַר חֵילוֹן׃
02:08 )1( [ai]וְחֵילֵיה וֻמִניָנוֹהִי חַמשִין וְשִבעָה אַלפִין וְאַרבַע מְאָה׃
02:09 )1( [ai]כֹל מִניָנַיָא לְמַשרִית יְהוּדָה מְאָה וֻתמָנַן וְשִיתָה אַלפִין וְאַרבַע מְאָה לְחֵילֵיהוֹן בְקַדמֵיתָא נָטְלִין׃
02:10 )1( [ai]טֵיקַס מַשרִית רְאוּבֵן דָרוֹמָא לְחֵילֵיהוֹן וְרַבָא לִבנֵי רְאוּבֵן אֲלִיצוּר בַר שְדֵיאוּר׃
02:11 )1( [ai]וְחֵילֵיה וֻמִניָנוֹהִי אַרבְעִין וְשִיתָה אַלפִין וְחַמֵיש מְאָה׃
02:12 )1( [ai]וְדִשרַן סְמִיכִין עֲלוֹהִי שִבטָא דְשִמעוֹן וְרַבָא לִבנֵי שִמעוֹן שְלֻמִיאֵל בַר צוּרִי שַדָי׃
02:13 )1( [ai]וְחֵילֵיה וֻמִניָנֵיהוֹן חַמשִין וְתִשעָה אַלפִין וֻתלָת מְאָה׃
02:14 )1( [ai]וְשִבטָא דְגָד וְרַבָא לִבנֵי גָד אַליָסָף בַר רְעוּאֵל׃
02:15 )1( [ai]וְחֵילֵיה וֻמִניָנֵיהוֹן אַרבְעִין וְחַמשָה אַלפִין וְשֵית מְאָה וְחַמשִין׃
02:16 )1( [ai]כֹל מִניָנַיָא לְמַשרִית רְאוּבֵן מְאָה וְחַמשִין וְחַד אַלפִין וְאַרבַע מְאָה וְחַמשִין לְחֵילֵיהוֹן בְתִניֵיתָא נָטְלִין׃
02:17 )1( [ai]וְנָטֵיל מַשכַן זִמנָא מַשרִית לֵיוָאֵי בְגוֹ מַשרִיָתָא כְמָא דְשָרַן כֵין נָטְלִין גְבַר עַל אַתרֵיה לְטִקסֵיהוֹן׃
02:18 )1( [ai]טֵיקַס מַשרִית אַפרַיִם לְחֵילֵיהוֹן מַעַרבָא וְרַבָא לִבנֵי אַפרַיִם אֲלִישָמָע בַר עַמִיהוּד׃
02:19 )1( [ai]וְחֵילֵיה וֻמִניָנֵיהוֹן אַרבְעִין אַלפִין וַחֲמֵיש מְאָה׃
02:20 )1( [ai]וְדִסמִיכִין עֲלוֹהִי שִבטָא דמנשה וְרַבָא לִבנֵי מְנַשַה גַמלִיאֵל בַר פְדָה צוּר׃
02:21 )1( [ai]וְחֵילֵיה וֻמִניָנֵיהוֹן תְלָתִין וֻתרֵין אַלפִין וֻמָאתַן׃
02:22 )1( [ai]וְשִבטָא דְבִניָמִן וְרַבָא לִבנֵי בִניָמִן אֲבִידָן בַר גִדעוֹנִי׃
02:23 )1( [ai]וְחֵילֵיה וֻמִניָנֵיהוֹן תְלָתִין וְחַמשָה אַלפִין וְאַרבַע מְאָה׃
02:24 )1( [ai]כֹל מִניָנַיָא לְמַשרִית אַפרַיִם מְאָה וֻתמָניָא אַלפִין וֻמאָה לְחֵילֵיהוֹן בִתלִיתֵיתָא נָטְלִין׃
02:25 )1( [ai]טֵיקַס מַשרִית דָן צִיפוּנָא לְחֵילֵיהוֹן וְרַבָא לִבנֵי דָן אֲחִיעַזַר בַר עַמִי שַדָי׃
02:26 )1( [ai]וְחֵילֵיה וֻמִניָנֵיהוֹן שִתִין וֻתרֵין אַלפִין וֻשבַע מְאָה׃
02:27 )1( [ai]וְדִישרַן סְמִיכִין עֲלוֹהִי שִבטָא דְאָשֵר וְרַבָא לִבנֵי אָשֵר פַגעִיאֵל בַר עָכרָן׃
02:28 )1( [ai]וְחֵילֵיה וֻמִניָנֵיהוֹן אַרבְעִין וְחַד אַלפִין וְחַמֵיש מְאָה׃
02:29 )1( [ai]וְשִבטָא דְנַפתָלִי וְרַבָא לִבנֵי נַפתָלִי אֲחִירַע בַר עֵינָן׃
02:30 )1( [ai]וְחֵילֵיה וֻמִניָנֵיהוֹן חַמשִין וֻתלָתָה אַלפִין וְאַרבַע מְאָה׃
02:31 )1( [ai]כֹל מִניָנַיָא לְמַשרִית דָן מְאָה וְחַמשִין וְשִבעָה אַלפִין וְשֵית מְאָה בְבָתְרֵיתָא/לבתריתא#3#/ נָטְלִין לְטִקסֵיהוֹן׃
02:32 )1( [ai]אִלֵין מִניָנֵי בְנֵי ישׂראל לְבֵית אֲבָהָתְהוֹן כֹל מִניָנֵי מַשרְיָתָא לְחֵילֵיהוֹן שֵית מְאָה וֻתלָתָה אַלפִין וְחַמֵיש מְאָה וְחַמשִין׃
02:33 )1( [ai]וְלֵיוָאֵי לָא אִתמְנִיוּ בְגוֹ בְנֵי ישׂראל כְמָא דְפַקֵיד יוי יָת מֹשַה׃
02:34 )1( [ai]וַעֲבַדוּ בְנֵי ישׂראל כְכֹל/כְמָא#3#/ דְפַקֵיד יוי יָת מֹשַה כֵין שָרַן לְטִקסֵיהוֹן וְכֵין נָטְלִין גְבַר לְזַרעִיתֵיה עַל בֵית אֲבָהָתוֹהִי׃

next chapter