← Back
The Comprehensive Aramaic Lexicon
← Return to the Text Browser
click on the file description for more information
51004: TgO Nm

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


06:01 )1( [ai]ומליל יוי עם/לות#3#/ משה למימר׃
06:02 )1( [ai]מַלֵיל עִם בְנֵי ישׂראל וְתֵימַר לְהוֹן גְבַר אוֹ אִיתָא אֲרֵי יְפָרֵיש לְמִידַר נְדַר נְזִירוּ לְמִיזַר/לאפרשא#3#/ קדם יוי׃
06:03 )1( [ai]מֵחֲמַר חֲדַת וְעַתִיק יִזַר/יפרש#3#/ חַל דַחמַר חֲדַת וְחַל דַחמַר עַתִיק לָא יִשתֵי וְכֹל מַתרוּת/מטרות#3#/ עִנבִין לָא יִשתֵי וְעִנבִין רַטִיבִין וְיַבִישִין לָא יֵיכוֹל׃
06:04 )1( [ai]כֹל יוֹמֵי נִזרֵיה מִכֹל דְיִתעֲבֵיד מִגוּפנָא דְחַמרָא מִפוּרצְנִין/מפורסנין#3#/ וְעַד עִיצוּרִין לָא יֵיכוֹל׃
06:05 )1( [ai]כֹל יוֹמֵי נְדַר נִזרֵיה מִספַר לָא יעִיבַר עַל רֵישֵיה עַד מִשלַם יוֹמַיָא דִנזִיר/דיפריש#3#/ קדם יוי קַדִיש יְהֵי יְרַבֵי פֵירוּעַ סְעַר רֵישֵיה׃
06:06 )1( [ai]כֹל יוֹמִין דִנזִיר קדם יוי עַל \נַפשָא דְמִיתָא /נַפשָא מִיתָא#3#/ לָא יֵיעוֹל׃
06:07 )1( [ai]לַאֲבוּהִי וֻלאִימֵיה לַאֲחוּהִי וֻלאֲחָתֵיה לָא יִסתָאַב לְהוֹן/בהון#3#/ בְמוֹתְהוֹן אֲרֵי נִזרָא/כלילא#3#/ דַאֲלָהֵיה עַל רֵישֵיה׃
06:08 )1( [ai]כֹל יוֹמֵי נִזרֵיה קַדִיש הוּא קדם יוי/אלהיה#3#/׃
06:09 )1( [ai]וַאֲרֵי יְמוּת מִיתָא עַלוֹהִי בִתכֵיף שָלוּ וִיסַאֵיב רֵיש נִזרֵיה וְיַגלַח רֵישֵיה בְיוֹמָא שְבִיעָאָה יְגַלְחִינֵיה׃
06:10 )1( [ai]וֻביוֹמָא תְמִינָאָה יַיתִי תְרֵין שַפנִינִין אוֹ תְרֵין בְנֵי יוֹנָה לְוָת כָהֲנָא לִתרַע מַשכַן זִמנָא׃
06:11 )1( [ai]וְיַעֲבֵיד כָהֲנָא חַד לְחַטָתָא וְחַד לְעֲלָתָא וִיכַפַר עֲלוֹהִי מִדְחָב עַל מִיתָא/נפשא#3#/ וִיקַדֵיש יָת רֵישֵיה בְיוֹמָא הַהוּא׃
06:12 )1( [ai]וְיִזַר קדם יוי יָת יוֹמֵי נִזרֵיה וְיַיתֵי אִימַר בַר שַתֵיה לַאֲשָמָא וְיוֹמַיָא קַדמָאֵי יִבטְלוּן אֲרֵי אִסתָאַב נִזרֵיה׃
06:13 )1( [ai]וְדָא אוֹרָיתָא דִנזִירָא בְיוֹם מִשלַם יוֹמֵי נִזרֵיה יַיתֵי יָתֵיה לִתרַע מַשכַן זִמנָא׃
06:14 )1( [ai]וִיקָרֵיב יָת קוּרבָנֵיה קדם יוי אִימַר בַר שַתֵיה שְלִים חַד לַעֲלָתָא וְאִימַרתָא חֲדָא בַת/בר#3#/ שַתַה שַלמְתָא לְחַטָתָא וֻדכַר חַד שְלִים לְנִכסַת קוּדשַיָא׃
06:15 )1( [ai]\וְסַל פַטִיר /וסלא דפטיריא#3#/ סוּלתָא גְרִיצָן <פַטִירָן#3#> דְפִילָן בִמשַח וְאִספוֹגִין פַטִירִין דִמשִיחִין בִמשַח וֻמנחָתְהוֹן וְנִסכֵיהוֹן׃
06:16 )1( [ai]וִיקָרֵיב אַהֲרֹן קדם יוי וְיַעֲבֵיד יָת חַטָאתֵיה וְיָת עֲלָתֵיה׃
06:17 )1( [ai]וְיָת דִיכרָא יַעֲבֵיד נִכסַת קוּדשַיָא קדם יוי עַל סַלָא דְפַטִירַיָא וְיַעֲבֵיד כָהֲנָא יָת מִנחָתֵיה וְיָת נִסכֵיה׃
06:18 )1( [ai]וִיגַלַח נְזִירָא בִתרַע מַשכַן זִמנָא יָת רֵיש נִזרֵיה וְיִסַב יָת סְעַר רֵיש נִזרֵיה וְיִתֵין עַל אִישָתָא דְתחוֹת דוּדָא דְנִכסַת קוּדשַיָא׃
06:19 )1( [ai]וְיִסַב כָהֲנָא יָת דְרָעָא בְשִילָא מִן דִכרָא וֻגרִיצְתָא פַטִירְתָא חַדָא מִן סַלָא וְאִספוֹג פַטִיר חַד וְיִתֵין עַל יְדֵי נְזִירָא בָתַר דִיגַלַח יָת נִזרֵיה׃
06:20 )1( [ai]וִירִים יָתְהוֹן כָהֲנָא אֲרָמָא קדם יוי קוּדשָא הוּא לְכָהֲנָא עַל חַדיָא דַאֲרָמוּתָא וְעַל שָקָא דְאַפרָשוּתָא וֻבָתַר כֵין יִשתֵי נְזִירָא חַמרָא׃
06:21 )1( [ai]דָא אוֹרָיתָא דִנזִירָא דְיִדַר/די נדר#3#/ קוּרבָנֵיה קדם יוי עַל נִזרֵיה בָר מִדְתַדבֵיק יְדֵיה כְפוֹם נִדרֵיה דְיִדַר/די נדר#3#/ כֵין יַעֲבֵיד עַל אוֹרָיתָא דְנִזרֵיה׃
06:22 )1( [ai]ומליל יוי עם/לות#3#/ משה למימר׃
06:23 )1( [ai]מַלֵיל עִם אַהֲרֹן וְעִם בְנוֹהִי לְמֵימַר כְדֵין תְבָרְכוּן יָת בְנֵי ישׂראל כַד יֵימְרוּן לְהוֹן׃
06:24 )1( [ai]\"יְבָרַכךָ יהוה וְיִשמְרַךָ" /יְבָרְכִנָך יוי וְיִטְרִנָך#3#/׃
06:25 )1( [ai]\"יָאֵר יוי פָנָיו אֵלַיךָ וִיחֻנַךָ" /יַנהַר יוי שְכִינְתֵיה לְוָתָך וִירַחֵים עְלָך#3#/׃
06:26 )1( [ai]\"יִשָׂא יהוה פָנָיו אֵלַיךָ וְיָשֵׂם לְךָ שָלוֹם" /יְקַבֵיל יוי שְכִינְתֵיה לְוָתָך וִישַוֵי לָך שְלָם#3#/׃
06:27 )1( [ai]וִישַווֹן יָת בִרכַת שְמִי עַל בְנֵי ישׂרָאֵל וַאֲנָא <במימרי#3#> אֲבָרֵיכִינוּן׃

next chapter