← Back
The Comprehensive Aramaic Lexicon
← Return to the Text Browser
click on the file description for more information
51004: TgO Nm

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


28:01 )1( [ai]ומליל יוי עם/לות#3#/ משה למימר׃
28:02 )1( [ai]פַקֵיד יָת בְנֵי ישׂראל וְתֵימַר לְהוֹן יָת קוּרבָנִי לְחֵים סִידוּר לְקוּרבָנִי לְאִתקַבָלָא בְרַעֲוָא תִיטְרוּן לְקָרָבָא קְדָמַי בְזִמנֵיה׃
28:03 )1( [ai]וְתֵימַר לְהוֹן דֵין קוּרבָנָא דִתקָרְבוּן קדם יוי אִימְרִין בְנֵי שְנָא שַלמִין תְרֵין לְיוֹמָא עֲלָתָא תְדִירָא׃
28:04 )1( [ai]יָת אִימְרָא חַד תְעַבֵיד בְצַפרָא וְיָת אִימְרָא תִניָנָא תַעֲבֵיד בֵין שִמשַיָא׃
28:05 )1( [ai]וְחַד מִן עַסרָא בִתלָת סְאִין סוּלתָא מִנחָתָא/לְמִנחָתָא#3#/ דְפִילָא בִמשַח כָתִישָא רַבעוּת הִינָא׃
28:06 )1( [ai]עֲלַת תְדִירָא דְאִתעֲבֵידַת בְטוּרָא דְסִינַי לְאִתקַבָלָא בְרַעֲוָא קוּרבָנָא קדם יוי׃
28:07 )1( [ai]וְנִסכֵיה רַבעוּת הִינָא לְאִימְרָא חַד בְקוּדשָא יִתנַסַך נִיסוּך דַחמַר/בחמר#3#/ עַתִיק קדם יוי׃
28:08 )1( [ai]וְיָת אִימְרָא תִניָנָא תַעֲבֵיד בֵין שִמשַיָא כְמִנחַת צַפרָא וֻכנִסכֵיה תַעֲבֵיד קוּרבַן דְמִתקַבַל/לאיתקבלא#3#/ בְרַעֲוָא קדם יוי׃
28:09 )1( [ai]וֻביוֹמָא דְשַבתָא תְרֵין אִמְרִין בְנֵי שְנָא שַלמִין וֻתרֵין עַסרוֹנִין סוּלתָא מִנחָתָא דְפִילָא בִמשַח וְנִסכֵיה׃
28:10 )1( [ai]עֲלַת שַבָא תִתעֲבֵיד/דתתעביד#3#/ בְשַבָא עַל עֲלַת תְדִירָא וְנִסכַה׃
28:11 )1( [ai]וֻברֵישֵי יַרחֵיכוֹן תְקָרְבוּן עֲלָתָא קְדָם יוי תוֹרֵי בְנֵי תוֹרֵי תְרֵין וֻדכַר חַד אִימְרִין בְנֵי שְנָא שִבעָה שַלמִין׃
28:12 )1( [ai]וֻתלָתָה עַסרוֹנִין סוּלתָא מִנחָתָא דְפִילָא בִמשַח לְתוֹרָא חַד וֻתרֵין עַסרוֹנִין סוּלתָא מִנחָתָא דְפִילָא בִמשַח לְדִכרָא חַד׃
28:13 )1( [ai]וְעַסרוֹנָא עַסרוֹנָא סוּלתָא מִנחָתָא דְפִילָא בִמשַח לְאִימְרָא חַד עֲלָתָא לְאִתקַבָלָא בְרַעֲוָא קוּרבָנָא קדם יוי׃
28:14 )1( [ai]וְנִסכֵיהוֹן פַלגוּת הִינָא יְהֵי לְתוֹרָא וְתַלתוּת הִינָא לְדִכרָא וְרַבעוּת הִינָא לְאִימְרָא חַמרָא דָא עֲלַת רֵיש יְרַח <בִירַח#3#> בְאִתחַדָתוּתֵיה כֵין לְכֹל רֵישֵי יַרחֵי שַתָא׃
28:15 )1( [ai]וֻצפִיר בַר עִזִין חַד לְחַטָתָא קדם יוי עַל עֲלַת תְדִירָא יִתעֲבֵיד וְנִסכֵיה׃
28:16 )1( [ai]וֻביַרחָא קַדמָאָה בְאַרבְעָת עַסרָא יוֹמָא לְיַרחָא פִסחָא קדם יוי׃
28:17 )1( [ai]וֻבחַמֵישַת עַסרָא יוֹמָא לְיַרחָא הָדֵין חַגָא שִבעָה יוֹמִין פַטִירָא יִתאֲכִיל׃
28:18 )1( [ai]בְיוֹמָא קַדמָאָה מְעָרַע קַדִיש כֹל עֲבִידַת פוּלחַן לָא תַעבְדוּן׃
28:19 )1( [ai]וֻתקָרְבוּן קוּרבָנָא עֲלָתָא קדם יוי תוֹרֵי בְנֵי תוֹרֵי תְרֵין וֻדכַר חַד וְשִבעָה אִמְרִין בְנֵי שְנָא שַלמִין יְהוֹן לְכוֹן׃
28:20 )1( [ai]וֻמִנחָתְהוֹן סוּלתָא דְפִילָא בִמשַח תְלָתָה עַסרוֹנִין לְתוֹרָא ותרֵין עַסרוֹנִין לְדִכרָא תַעֲבְדוּן׃
28:21 )1( [ai]עַסרוֹנָא עַסרוֹנָא תַעֲבֵיד לְאִימְרָא חַד כֵין לְשִבעָה אִימְרִין׃
28:22 )1( [ai]וֻצפִירָא דְחַטָתָא חַד לְכַפָרָא עֲלֵיכוֹן׃
28:23 )1( [ai]בָר מֵעֲלַת צַפרָא \דְהִיא עֲלַת /די לעלתא#3#/ תְדִירָא תַעבְדוֹן יָת אִלֵין׃
28:24 )1( [ai]כְאִלֵין תַעבְדוּן לְיוֹמָא שִבעָה יוֹמִין לְחֵים קוּרבַן דְמִתקַבַל בְרַעֲוָא קדם יוי עַל עֲלַת תְדִירָא יִתעֲבֵיד וְנִסכֵיה׃
28:25 )1( [ai]וֻביוֹמָא שְבִיעָאָה מְעָרַע קַדִיש יְהֵי לְכוֹן כֹל עֲבִידַת פוּלחַן לָא תַעבְדוּן׃
28:26 )1( [ai]וֻביוֹמָא דְבִכוּרַיָא בְקָרֵיבֵיכוֹן/בְקָרוֹבֵיהוֹן#3#/ מִנחָתָא חֲדַתָא קְדָם יוי בְעַצרָתְכוֹן מְעָרַע קַדִיש יְהֵי לְכוֹן כֹל עֲבִידַת פוּלחַן לָא תַעבְדוּן׃
28:27 )1( [ai]וֻתקָרְבוּן עֲלָתָא לְאִתקַבָלָא בְרַעֲוָא קדם יוי תוֹרֵי בְנֵי תוֹרֵי תְרֵין דְכַר חַד שִבעָה אִימְרִין בְנֵי שְנָא׃
28:28 )1( [ai]וֻמִנחָתְהוֹן סוּלתָא דְפִילָא בִמשַח תְלָתָה עַסרוֹנִין לְתוֹרָא חַד תְרֵין עַסרוֹנִין לְדִכרָא חַד׃
28:29 )1( [ai]עַסרוֹנָא עַסרוֹנָא תַעֲבֵיד לְאִימְרָא חַד כן לְשִבעָה אִימְרִין׃
28:30 )1( [ai]צְפִיר בַר עִזִין חַד לְכַפָרָא עֲלֵיכוֹן׃
28:31 )1( [ai]בָר מֵעֲלַת תְדִירָא/צפרא#3#/ וֻמִנחָתֵיה תַעבְדוּן שַלמִין יְהוֹן לְכוֹן וְנִסכֵיהוֹן׃

next chapter