← Back
The Comprehensive Aramaic Lexicon
← Return to the Text Browser
click on the file description for more information
51004: TgO Nm

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


35:01 )1( [ai]וֻמַלֵיל יוי עִם מֹשַה בְמֵישְרַיָא דְמוֹאָב עַל יַרדְנָא דִירִיחוֹ לְמֵימַר׃
35:02 )1( [ai]פַקֵיד יָת בְנֵי ישׂראל וְיִתְנוּן לְלֵיוָאֵי מֵאַחסָנַת אֲחֻדַתהוֹן קִרוִין לְמִיתַב וְרַוַח לְקִרוַיָא סַחרָנֵיהוֹן/די בסחרניהון#3#/סחור סחור#3#/ תִתְנוּן לְלֵיוָאֵי׃
35:03 )1( [ai]וְיִהוִיָן/וִיהוֹן#3#/ קִרוַיָא לְהוֹן לְמִתַב וְרַוחֵיהוֹן יְהוֹן לִבעִירְהוֹן וֻלקִניָנְהוֹן וֻלכָל חֵיוָתְהוֹן׃
35:04 )1( [ai]וְרַוחֵי קִרוַיָא דְתִיתְנוּן לְלֵיוָאֵי מִכוֹתַל קַרתָא וֻלבַרָא אַלַף אַמִין סחור סחור׃
35:05 )1( [ai]וְתִמשְחוּן מִבַרָא לְקַרתָא \יָת רוּחַ /לרוח#3#/ קִדוּמָא תְרֵין אַלפִין אַמִין וְיָת רוּחַ דָרוֹמָא תְרֵין אַלפִין אַמִין וְיָת רוּחַ מַערבָא תְרֵין אַלפִין אַמִין/באמין#3#/ \וְיָת רוּחַ /ולרוח#3#/ צִפוּנָא תְרֵין אַלפִין אַמִין/באמין#3#/ וְקַרתָא בִמצִיַע דֵין יְהֵי לְהוֹן רַוחֵי קִרוַיָא׃
35:06 )1( [ai]וְיָת קִרוַיָא דְתִתְנוּן לְלֵיוָאֵי יָת שֵית קִרוֵי שֵיזָבוּתָא דְתִתְנוּן לְמִיעִירַק לְתַמָן/תמן#3#/ קָטוֹלָא וַעֲלֵיהוֹן תִיתְנוּן אַרבְעִין וְתַרתֵין קִרוִין׃
35:07 )1( [ai]כֹל קִרוַיָא דְתִתְנוּן לְלֵיוָאֵי אַרבְעִין וְתַמנֵי קִרוִין יָתְהוֹן וְיָת רַוחֵיהוֹן׃
35:08 )1( [ai]וְקִרוַיָא דְתִתְנוּן מֵאֲחוּדַת/מאחסנת#3#/ בְנֵי ישׂראל מִן סַגִיאֵי תַסגוֹן וֻמִן זְעֵירֵי תַזעֲרוּן גְבַר כְפוֹם אַחסָנְתֵיה דְיַחסְנוּן יִתֵין מִקִרוֵיהִי לְלֵיוָאֵי׃
35:09 )1( [ai]ומליל יוי עם/לות#3#/ משה למימר׃
35:10 )1( [ai]מַלֵיל עִם בְנֵי ישׂראל וְתֵימַר לְהוֹן אֲרֵי אַתוּן עָבְרִין יָת יַרדְנָא לארעא דכנען׃
35:11 )1( [ai]וֻתזָמְנוֹן לְכוֹן קִרוִין קִרוֵי שֵיזָבוּתָא יִהוְיָן/יִהוִיָן#3#/ לְכוֹן וְיִעִירוֹק לְתַמָן/תמן#3#/ קָטוֹלָא דְיִקטוֹל נַפשָא בְשָלוּ׃
35:12 )1( [ai]וְיִהוִיָן/וְיִהוְיָן#3#/ לְכוֹן קִרוַיָא לְשֵיזָבָא מִגָאֵל דְמָא וְלָא יְמוּת קָטוֹלָא עַד דִיקוּם קְדָם כְנִשתָא לְדִינָא׃
35:13 )1( [ai]וְקִרוַיָא דְתִתְנוּן שֵית קִרוֵי שֵיזָבוּתָא יִהוִיָן/יִהוְיָן#3#/ לְכוֹן׃
35:14 )1( [ai]יָת תְלָת קִרוַיָא תִתְנוּן מֵעִברָא לְיַרדְנָא וְיָת תְלָת קִרוַיָא תִתְנוּן בארעא דִכנָעַן קִרוֵי שֵיזָבוּתָא יִהוִיָן/יִהוְיָן#3#/׃
35:15 )1( [ai]לִבנֵי ישׂראל וֻלגִיוֹרַיָא וֻלתוֹתָבַיָא דְבֵינֵיהוֹן/ביניכון#3#/ יִהוִיָן/יִהוְיָן#3#/ שֵית קִרוַיָא הָאִלֵין לְשֵיזָבָא לְמִיעִירַק לְתַמָן/תמן#3#/ כֹל דְיִקטוֹל נַפשָא בְשָלוּ׃
35:16 )1( [ai]וְאִם בְמָן דְבַרזַל/דפרזלא#3#/ מְחָהִי וְקַטלֵיה קָטוֹלָא הוּא אִתקְטָלָא יִתקְטִיל קָטוֹלָא׃
35:17 )1( [ai]וְאִם בְאַבנָא דְמִתנַסבָא בְיַד דְהִיא כְמִיסַת דִימוּת בַה מְחָהִי וְקַטלֵיה קָטוֹלָא הוּא אִתקְטָלָא יִתקְטִיל קָטוֹלָא׃
35:18 )1( [ai]אוֹ בְמָן דְאָע דְמִתנְסֵיב בְיַד דְהוּא כְמִיסַת דִימוּת בֵיה מְחָהִי וְקַטלֵיה קָטוֹלָא הוּא אִתקְטָלָא יִתקְטִיל קָטוֹלָא׃
35:19 )1( [ai]גָאֵיל דְמָא הוּא יִקטוֹל יָת קָטוֹלָא כַד אִתחַייַב לֵיה מִן דִינָא הוּא יִקטְלִינֵיה׃
35:20 )1( [ai]וְאִם בְסִנאָה/בדבבו#3#/ דְחָהִי אוֹ רְמָא עֲלוֹהִי בְכָמְנָא וְקַטלֵיה׃
35:21 )1( [ai]אוֹ בִדבָבוּ מְחָהִי בִידֵיה וְקַטלֵיה אִתקְטָלָא יִתקְטִיל מָחיָא קָטוֹלָא הוּא גָאֵיל דְמָא יִקטוֹל יָת קָטוֹלָא כַד אִתחַייַב לֵיה <מן דינא#3#>׃
35:22 )1( [ai]וְאִם בִתכֵיף בְלָא דְבָבוּ דְחָהִי אוֹ רְמָא עֲלוֹהִי כֹל מָן בְלָא כְמַן לֵיה׃
35:23 )1( [ai]אוֹ בְכֹל אַבנָא דְהִיא כְמִיסַת דִימוּת בַה בְלָא חָזֵי וֻרמָא עֲלוֹהִי וֻמִית/וְקַטלֵיה#3#/ וְהוּא לָא סָנֵי לֵיה וְלָא תָבַע בִשתֵיה׃
35:24 )1( [ai]וִידִינוּן כְנִשתָא בֵין מָחיָא וֻבֵין גָאֵיל דְמָא עַל דִינַיָא הָאִילֵין׃
35:25 )1( [ai]וִישֵיזְבוּן כְנִשתָא יָת קָטוֹלָא מִיַד גָאֵיל דְמָא וְיָתִיבוּן יָתֵיה כְנִשתָא לִקריַת שֵיזְבוּתֵיה דַעֲרַק לְתַמָן וְיִתֵיב בַה עַד דִימוּת כָהֲנָא רַבָא דְרַבִי יָתֵיה בִמשַח קוּדשָא׃
35:26 )1( [ai]וְאִם מִיפַק יִפוֹק קָטוֹלָא יָת/מן#3#/ל #3#/ תְחוּם קִריַת שֵיזָבוּתֵיה דַעֲרַק לְתַמָן׃
35:27 )1( [ai]וְיַשכַח יָתֵיה גָאֵיל דְמָא מִבַרָא \לִתחוּם קִריַת /לְקִריַת#3#/ שֵיזָבוּתֵיה וְיִקטוֹל גָאֵיל דְמָא יָת קָטוֹלָא לֵית לֵיה דַם׃
35:28 )1( [ai]אֲרֵי בְקִריַת שֵיזָבוּתֵיה יִתֵיב עַד דִימוּת כָהֲנָא רַבָא וֻבָתַר דִימוּת כָהֲנָא רַבָא יְתוּב קָטוֹלָא לַאֲרַע אַחסָנְתֵיה׃
35:29 )1( [ai]וְיהוֹן אִלֵין לְכוֹן לִגזֵירַת דִין לדָרֵיכוֹן בְכול מוֹתְבָנֵיכוֹן׃
35:30 )1( [ai]כֹל דְיקטוֹל נַפשָא לְפוֹם/עַל פוֹם#3#/ סָהֲדִין יִקטוֹל יָת קָטוֹלָא וְסָהִיד חַד לָא יַסהֵיד בַאֲנָש/בנפשא#3#/ לְמִקטַל׃
35:31 )1( [ai]וְלָא תְקַבְלוּן מָמוֹן \עַל אֲנָש קָטוֹל /לנפשא קטולא#3#/ דְהוּא חַייָב לִיממָת/לְמִקטַל#3#/ אֲרֵי אִתקְטָלָא יִתקְטִיל׃
35:32 )1( [ai]וְלָא תְקַבְלוּן מָמוֹן לְמִיעִירַק לְקִריַת שֵיזָבוּתֵיה לִמתָב לְמִתַב בארעא עַד דִימוּת כָהֲנָא׃
35:33 )1( [ai]וְלָא תְחַייְבוּן יָת ארעא דְאַתוּן <יתבין#3#> בַה אֲרֵי דְמָא הוּא מְחַייֵב יָת ארעא וֻלאַרעָא לָא מִתכַפַר עַל דַם זַכַי דְאִתאַשַד בַה אֲלָהֵין בְדַם אָשְדֵיה׃
35:34 )1( [ai]וְלָא תְסָאֲבוּן יָת ארעא דְאַתוּן <יָתְבִין#3#> בַה דְשִכִינְתִי שָריָא בְגַוַה אֲרֵי אֲנָא יוי \שְכִינְתִי שָריָא /שרי#3#/ בְגוֹ בְנֵי יִשׂרָאֵל׃

next chapter