← Back
The Comprehensive Aramaic Lexicon
← Return to the Text Browser
click on the file description for more information
51005: TgO Dt

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

01:01 )1( [ai]אִלֵין פִתגָמַיָא דְמַלֵיל מֹשַה עִים כֹל בני ישראל בְעִברָא דְיַרדְנָא אוֹכַח יָתְהוֹן עַל דְחָבוּ בְמַדבְרָא וְעַל דְאַרגִיזוּ בְמֵישְרָא לִקבֵיל/לָקֳבֵיל#3#/ יַם סוּף בְפָרָן אִתַפַלוּ עַל מַנָא וֻבַחֲצֵרוֹת אַרגִיזוּ עַל בִסרָא וְעַל דַעֲבַדוּ עֵיגַל דִדהַב׃
01:02 )1( [ai]מַהלַך חַד עֲסַר יוֹמִין מֵחוֹרֵב אוֹרַח טוּרָא דְסֵעִיר עַד רְקַם גֵיאָה׃
01:03 )1( [ai]וַהֲוָה בְאַרבְעִין שְנִין בְחַד עֲסַר יַרחִין בְחַד לְיַרחָא מַלֵיל משה עִם בְנֵי יִשרָאֵל כְכֹל דְפַקֵיד יוי יָתֵיה לְוָתְהוֹן׃
01:04 )1( [ai]בָתַר דִמחָא יָת סִיחוֹן מַלכָא אֲמוֹרָאָה דְיָתֵיב בְחַשבוֹן וָיָת עוֹג מַלכָא דְמַתנַן דְיָתֵיב בְעַשתָרוֹת בְאַדרַעִי׃
01:05 )1( [ai]בְעִברָא דְיַרדְנָא בארעא דְמוֹאָב שָרִי מֹשַה פָרֵיש יָת אוּלפָן אוֹרָיתָא הָדָא לְמֵימַר׃
01:06 )1( [ai]יוי אֲלָהַנָא מַלֵיל עִמַנָא בְחוֹרֵב לְמֵימַר סַגִי לְכוֹן דִיתֵיבתוּן בְטוּרָא הָדֵין׃
01:07 )1( [ai]אִתפְנוֹ/איתפניאו#3#/ וְטוּלוּ לְכוֹן וְעוּלוּ לְטוּרָא דַאֲמוֹרָאָה וֻלכָל מְגִירוֹהִי בְמֵישְרָא בְטוּרָא וֻבשָפֵילתָא וֻבדָרוֹמָא וֻבִספַר יַמָא אֲרַע כְנַעֲנָאָה וְלִיבנָן עַד נַהרָא רַבָא נַהרָא פְרָת׃
01:08 )1( [ai]חֲזוֹ דִיהַבִית קְדָמֵיכוֹן יָת ארעא עוּלוּ וְאַחסִינוּ יָת אַרעָא דְקַיֵים יוי לַאֲבָהָתְכוֹן לאַברָהָם לְיִצחָק וֻליַעֲקֹב לְמִיתַן לְהוֹן וְלִבנֵיהוֹן בָתְרֵיהוֹן׃
01:09 )1( [ai]וַאֲמַרִית לְכוֹן בְעִידָנָא הַהוּא לְמֵימַר לֵית אֲנָא יָכֵיל בִלחוֹדַי לְסוֹבָרָא יָתְכוֹן׃
01:10 )1( [ai]יוי אֲלָהֲכוֹן אַסגֵי יָתְכוֹן וְהָאִיתֵיכוֹן יוֹמָא דֵין כְכוֹכְבֵי שְמַיָא לִסגֵי/למיסגי#3#/׃
01:11 )1( [ai]יוי אֲלָהָא דַאֲבָהָתְכוֹן יוֹסֵף עֲלֵיכוֹן כְוָתְכוֹן אַלַף זִמנִין וִיבָרֵיך יָתְכוֹן כְמָא דְמַלֵיל לְכוֹן׃
01:12 )1( [ai]אֵיכְדֵין אֲסוֹבַר בִלחוֹדַי טוּרְחֵיכוֹן וְעִסקֵיכוֹן/וְעַסקֵיכוֹן#3#/ וְדִינְכוֹן׃
01:13 )1( [ai]הַבוּ/הֻבוּ#3#/ לְכוֹן גֻברִין/גַברִין#3#/ חַכִימִין וְסוּכלְתָנִין וֻמַדעַן/ומנדען#3#/ לְשִבטֵיכוֹן וַאֲמַנֵינֻין רֵישִין/ראשין#3#/ עֲלֵיכוֹן׃
01:14 )1( [ai]וַאֲתֵיבתוּן יָתִי וַאֲמַרתוּן תָקֵין פִיתגָמָא דְמַלֵילתָא לְמַעֲבַד׃
01:15 )1( [ai]וֻדבַרִית יָת רֵישֵי שִבטֵיכוֹן גֻברִין חַכִימִין וֻמַדעַן/ומנדען#3#/ וֻמַנִיתִי יָתְהוֹן רֵישִין עֲלֵיכוֹן רַבָנֵי אַלפֵי וְרַבָנֵי מָאוָתָא וְרַבָנֵי חַמשִין וְרַבָנֵי עִיסוֹריָתָא וְסָרְכִין לְשִבטֵיכוֹן׃
01:16 )1( [ai]וֻפַקֵידִית יָת דַיָינֵיכוֹן בְעִידָנָא הַהוּא לְמֵימַר שְמַעוּ בֵין אֲחֵיכוֹן וֻתדִינוּן/ותדונון#3#/ קוּשטָא בֵין גֻברָא/גַברָא#3#/ וֻבֵין אֲחוּהִי וֻבִין גִיוֹרָא׃
01:17 )1( [ai]לָא תִשתְמוֹדְעוּן אַפֵי/אפין#3#/ בְדִינָא מִלֵי זְעֵירָא כְרַבָא תִשמְעוּן/תקבלון#3#/ לָא תִדחֲלוּן מִן קְדָם גַברָא/אנש#3#/ אֲרֵי דִינָא דַיוי הוּא וֻפִתגָמָא דְיִקשֵי מִנְכוֹן תְקָרְבוּן לְוָתִי וְאִשמְעִינֵיה׃
01:18 )1( [ai]וֻפַקֵידִית יָתְכוֹן בְעִידָנָא הַהוּא יָת כֹל פִתגָמַיָא דְתַעבְדוּן׃
01:19 )1( [ai]וֻנטַלנָא מֵחוֹרֵב וְהַלֵיכנָא יָת כֹל מַדבְרָא רַבָא וֻדחִילָא הַהוּא דַחזֵיתוֹן אוֹרַח טוּרָא דַאֲמוֹרָאָה כְמָא דְפַקֵיד יוי אֲלָהַנָא יָתַנָא וַאֲתֵינָא עַד רְקַם גֵיאָה׃
01:20 )1( [ai]וַאֲמַרִית לְכוֹן אֲתֵיתוֹן עַד טוּרָא דַאֲמוֹרָאָה דַיוי אֲלָהַנָא יָהֵיב לַנָא׃
01:21 )1( [ai]חֲזִי דִיהַב יוי אֲלָהָך קְדָמָך יָת ארעא סַק אַחסֵין כְמָא דְמַלֵיל יוי אֲלָהָא דַאֲבָהָתָך לָך לָא תִדחַל וְלָא תִתַבַר/תִתְבַר#3#/׃
01:22 )1( [ai]וֻקרֵיבתוּן לְוָתִי כוּלְכוֹן וַאֲמַרתוּן נִשלַח גֻברִין/גַברִין#3#/ קְדָמַנָא וִיאַלְלוּן לַנָא יָת ארעא וְיָתִיבוּן יָתַנָא פִתגָמָא יָת אוֹרחָא דְנִיסַק בַה וְיָת קִרוַיָא דְנֵיעוֹל לְהוֹן׃
01:23 )1( [ai]וֻשפַר בְעֵינַי פִתגָמָא וֻדבַרִית מִנְכוֹן תְרֵי עֲסַר גֻברִין/גַברִין#3#/ גֻברָא חַד לְשִבטָא׃
01:24 )1( [ai]וְאִתפְנִיוּ וֻסלִיקוּ לְטוּרָא וַאֲתוֹ עַד נַחלָא דְאִתכָלָא/דְאַתכָלָא#3#/ וְאַלִילוּ יָתַה׃
01:25 )1( [ai]וֻנסִיבוּ בְיַדהוֹן מֵאִיבָא דארעא וַאֲחִיתוּ/ואוחיתו#3#/ לַנָא וַאֲתִיבוּ יָתַנָא פִתגָמָא וַאֲמַרוּ טָבָא ארעא דַיוי אֲלָהַנָא יָהֵיב לַנָא׃
01:26 )1( [ai]וְלָא אֲבֵיתוֹן לְמִיסַק וְסָרֵיבתוּן עַל מֵימְרָא דַיוי אֲלָהֲכוֹן׃
01:27 )1( [ai]וְאִתרָעַמתוּן בְמַשכְנֵיכוֹן וַאֲמַרתוּן בִדסָנֵי יוי יתַנָא אַפְקַנָא מֵאַרעָא דמצרים לְמִימסַר יָתַנָא בִידָא דַאֲמוֹרָאָה לְשֵיצָיוּתַנָא׃
01:28 )1( [ai]לְאָן אֲנַחנָא סָלְקִין אֲחַנָא תְבַרוּ יָת לִיבַנָא לְמֵימַר עַם רַב וְתַקִיף מִינַנָא קִרוִין רַברְבָן וֻכרִיכָן עַד צֵית שְמַיָא וְאַף בְנֵי גִיבָרָא חֲזֵינָא תַמָן׃
01:29 )1( [ai]וַאֲמַרִית לְכוֹן לָא תִיתַברוּן וְלָא תִדחֲלוּן מִנְהוֹן׃
01:30 )1( [ai]יוי אֲלָהֲכוֹן דִמדַבַר קְדָמֵיכוֹן מֵימְרֵיה יְגִיַח לְכוֹן כְכֹל דַעֲבַד עִמְכוֹן במצרים לְעֵינֵיכוֹן׃
01:31 )1( [ai]וֻבמַדבְרָא דַחזֵיתָא דְסוֹבְרָך יוי אֲלָהָך כְמָא דִמסוֹבַר גַברָא יָת בְרֵיה בְכֹל אוֹרחָא דְהַלֵיכתוּן עַד מֵיתֵיכוֹן עַד אַתרָא הָדֵין׃
01:32 )1( [ai]וֻבפִתגָמָא הָדֵין לֵיתֵיכוֹן מְהֵימְנִין בְמֵימְרָא דַיוי אֲלָהֲכוֹן׃
01:33 )1( [ai]דִמדַבַר קְדָמֵיכוֹן בְאוּרחָא לְאַתקָנָא לְכוֹן אֲתַר בֵית מִשרֵי לְאַשרָיוּתְכוֹן בְעַמוּדָא דְאִישָתָא בְלֵיליָא לְאַחזָיוּתְכוֹן בְאוֹרחָא דִתהָכוּן בַה וֻבעַמוּדָא דַעֲנָנָא בִימָמָא׃
01:34 )1( [ai]וֻשמִיַע קדם יוי יָת קָל פִתגָמֵיכוֹן וֻרגֵיז וְקַיֵים לְמֵימַר׃
01:35 )1( [ai]אִם יִחזֵי גְבַר בְגַברַיָא/בְגוּברַיָא#3#/ הָאִלֵין דָרָא בִישָא הָדֵין יָת ארעא טָבְתָא דְקַיֵימִית לְמִתַן לַאֲבָהָתְהוֹן׃
01:36 )1( [ai]אֲלָהֵין כָלֵב בַר יְפֻנַה הוּא יִחזֵינַה וְלֵיה אַתֵין יָת ארעא דִדרֵיך בַה וְלבנוֹהִי חֲלָף דְאַשלֵים בָתַר דַחַלתָא/דַחלְתָא#3#/ דַיוי׃
01:37 )1( [ai]אַף עֲלַי הֲוָה רְגַז מִן קדם יוי בְדִילְכוֹן לְמֵימַר אַף אַת לָא תֵיעוֹל לְתַמָן׃
01:38 )1( [ai]יְהוֹשֻעַ בַר נוּן דְקָאֵים קְדָמָך הוּא יֵיעוֹל לְתַמָן יָתֵיה תַקֵיף אֲרֵי הוּא יַחסְנִינַה לְיִשרָאֵל׃
01:39 )1( [ai]וְטַפלְכוֹן דַאֲמַרתוּן לְבִיזָא יְהֵי וֻבנֵיכוֹן דְלָא יְדַעוּ יוֹמָא דֵין טָב וֻבִיש אִנוּן יֵיעֲלוּן לְתַמָן וֻלהוֹן אִיתְנִינַה וְאִינוּן יֵירְתוּנַה׃
01:40 )1( [ai]וְאַתוּן אִתפְנוֹ/איתפניאו#3#/ לְכוֹן וְטוּלוּ לְמַדבְרָא אוֹרַח יַמָא דְסוּף׃
01:41 )1( [ai]וַאֲתֵיבתוּן וַאֲמַרתוּן לִי חַבנָא קדם יוי אֲנַחנָא נִיסַק וֻנגִיַח קְרָב כְכֹל דְפַקְדַנָא יוי אֲלָהַנָא וְזָרֵיזתוּן גְבַר יָת מָנֵי קְרָבֵיה וְשָרֵיתוּן לְמִיסַק לְטוּרָא׃
01:42 )1( [ai]וַאֲמַר יוי לִי אֵימַר לְהוֹן לָא תִיסְקוּן וְלָא תְגִיחוּן קְרָב אֲרֵי לֵית שְכִינְתִי /שריא#3#/ בֵינֵיכוֹן וְלָא תִיתַברוּן קְדָם בַעֲלֵי דְבָבֵיכוֹן׃
01:43 )1( [ai]וֻמַלֵילִית עִמְכוֹן וְלָא קַבֵילתוּן וְסָרֵיבתוּן עַל מֵימְרָא דַיוי וְאַרשַעתוּן וֻסלֵיקתוּן לְטוּרָא׃
01:44 )1( [ai]וֻנפַק אֲמוֹרָאָה דְיָתֵיב בְטוּרָא הַהוּא לְקַדָמוּתְכוֹן וֻרדַפוּ יָתְכוֹן כְמָא דְנָתְזָן/דנתיזן#3#/ דַברַיָתָא/דברותא#3#/ וֻטרַדוּ יָתְכוֹן בְסֵעִיר עַד חָרמָה׃
01:45 )1( [ai]וְתַבתוּן וֻבכֵיתוֹן קדם יוי וְלָא קַבֵיל יוי צְלוֹתְכוֹן וְלָא אֲצֵית לְמִלֵיכוֹן׃
01:46 )1( [ai]וִיתֵיבתוּן בִרקַם יוֹמִין סַגִיאִין כְיוֹמַיָא דִיתֵיבתוּן׃

next chapter