← Back
The Comprehensive Aramaic Lexicon
← Return to the Text Browser
click on the file description for more information
51005: TgO Dt

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


07:01 )1( [ai]אֲרֵי יַעֵילִינָך יוי אֲלָהָך לארעא דְאַת עָלֵיל לְתַמָן לְמֵירְתַה וִיתָרֵיך עַמְמִין סַגִיאִין מִן קְדָמָך חִתָאֵי וְגַרגִישָאֵי וַאֲמוֹרָאֵי וֻכנַעֲנָאֵי וֻפרִיזָאֵי וְחִיוָאֵי וִיבוּסָאֵי שִבעָה עַמְמִין סַגִיאִין וְתַקִיפִין מִנָך׃
07:02 )1( [ai]וְיִמסַרִינוּן יוי אֲלָהָך קְדָמָך וְתִמחֵינוּן גַמָרָא תְגַמַר יָתְהוֹן לָא תִגזַר לְהוֹן קְיָם/קִיָם#3#/ וְלָא תְרַחֵים עֲלֵיהוֹן׃
07:03 )1( [ai]וְלָא תִתחַתֵן/תִתחַתַן#3#/ בְהוֹן בְרַתָך לָא תִתֵין לִברֵיה וֻברַתֵיה לָא תִסַב לִברָך׃
07:04 )1( [ai]אֲרֵי יַטעַיָן/יַטעְיָין#3#/ יָת בְנָך מִבָתַר דַחַלתִי וְיִפלְחוּן לְטָעֲוָת עַמְמַיָא וְיִתקַף/ויתקיף#3#/ רוּגזָא דַיוי בְכוֹן וִישֵיצֵינָך בִפרִיַע׃
07:05 )1( [ai]אֲרֵי אִם כְדֵין תַעבְדוּן לְהוֹן אֵיגוֹרֵיהוֹן תְתָרְעוּן וְקָמָתְהוֹן תְתַבְרוּן וַאֲשֵירֵיהוֹן תְקָצְצוּן/תקוצצון#3#/ וְצַלמֵיהוֹן/וְצִלמֵיהוֹן#3#/ תוֹקְדוּן/תֵיקְדוּן#3#/ בְנוּרָא׃
07:06 )1( [ai]אֲרֵי עַם קַדִיש אַת קְדָם יוי אֲלָהָך בָך אִתרְעִי יוי אֲלָהָך לְמִהוֵי לֵיה לְעַם חַבִיב מִכֹל עַמְמַיָא דְעַל אַפֵי ארעא׃
07:07 )1( [ai]לָא מִדְסַגִיאִין אַתוּן מִכֹל עַמְמַיָא צָבֵי/צְבִי#3#/ יוי בְכוֹן וְאִתרְעִי בְכוֹן אֲרֵי אַתוּן זְעֵירִין מִכֹל עַמְמַיָא׃
07:08 )1( [ai]אֲרֵי מִדְרָחֵים יוי יָתְכוֹן וֻמִדְנָטַר יָת קִיָמָא/קְיָמָא#3#/ דְקַיֵים לַאֲבָהָתְכוֹן אַפֵיק יוי יָתְכוֹן בְיַד תַקִיפָא וֻפַרקָך מִבֵית עַבדוּתָא מִידָא דפרעה מַלכָא דמצרים׃
07:09 )1( [ai]וְתִידַע אֲרֵי יוי אֲלָהָך הוּא אֲלֹהִים אֲלָהָא מְהֵימְנָא נָטַר קִיָמָא/קְיָמָא#3#/ וְחִסדָא לְרָחֲמוֹהִי וֻלנָטְרֵי פִקוֹדוֹהִי לְאַלַף דָרִין׃
07:10 )1( [ai]וֻמשַלֵים/וֻמשַלַם#3#/ לְסָנְאוֹהִי טָבוָן/טבן#3#/ דִאִינוּן עָבְדִין קְדָמוֹהִי בְחַיֵיהוֹן לְאוֹבֵידֵיהוֹן/לְאֵיבוֹדֵיהוֹן#3#/ לָא מְאַחַר עוֹבָד טָב לְסָנְאוֹהִי טָבוָן/טבן#3#/ דְאִינוּן עָבְדִין קְדָמוֹהִי בְחַיֵיהוֹן מְשַלֵים/מְשַלַם#3#/ לְהוֹן׃
07:11 )1( [ai]וְתִיטַר יָת תַפקֵידתָא וְיָת קִיָמַיָא/קְיָמַיָא#3#/ וְיָת דִינַיָא דַאֲנָא מְפַקֵיד לָך יוֹמָא דֵין לְמַעֲבַדהוֹן׃
07:12 )1( [ai]וִיהֵי חֲלָף דִתקַבְלוּן יָת דִינַיָא הָאִלֵין וְתִיטְרוּן וְתַעבְדוּן יָתְהוֹן וְיִטַר יוי אֲלָהָך יָת קִיָמָא/קְיָמָא#3#/ וְיָת חִסדָא דְקַיֵים לַאֲבָהָתָך׃
07:13 )1( [ai]וְיִרחֲמִינָך וִיבָרְכִינָך וְיַסגֵינָך וִיבָרֵיך וַלדָא דִמעָך וְאִיבָא דְאַרעָך עִיבוּרָך/עְבוּרָך#3#/ וְחַמרָך וֻמִשחָך בַקרֵי תוֹרָך וְעַדרֵי עָנָך עַל ארעא דְקַיֵים לְאַבָהָתָך לְמִיתַן לָך׃
07:14 )1( [ai]בְרִיך תְהֵי מִכֹל עַמְמַיָא לָא יְהֵי בָך עַקַר/עְקַר#3#/ וְעַקרָא וֻבִבעִירָך׃
07:15 )1( [ai]וְיַעֲדֵי יוי מִינָך כֹל מַרעִין וְכֹל מַכתָשֵי מִצרַיִם בִישַיָא דִידַעתָא לָא יְשַוֵינוּן בָך וְיִתֵינֵינוּן בְכָל סָנְאָך׃
07:16 )1( [ai]וֻתגַמַר יָת כֹל עַמְמַיָא דַיוי אֲלָהָך יָהֵיב לָך לָא תְחוּס עֵינָך עֲלֵיהוֹן וְלָא תִפלַח יָת טָעֲוָתְהוֹן אֲרֵי לְתַקלָא יְהוֹן לָך׃
07:17 )1( [ai]אֲרֵי/דילמא#3#/ תֵימַר בְלִיבָך סַגִיאִין עַמְמַיָא הָאִלֵין מִנִי אֵיכְדֵין אִיכוֹל לְתָרָכוּתְהוֹן׃
07:18 )1( [ai]לָא תִדחַל מִנְהוֹן אִידְכָרָא/מִדכָר#3#/ תִדכַר יָת דַעֲבַד יוי אֲלָהָך לְפַרעֹה וֻלכָל מִצרָאֵי׃
07:19 )1( [ai]נִסִין רַברְבָן/רַברְבִין#3#/ דַחזַאָה עֵינָך וְאָתַיָא וֻמוֹפְתַיָא וִידָא תַקִיפְתָא וֻדרָעָא מְרָמְמָא/מרממתא#3#/ דְאַפְקָך/דפקדך#3#/ יוי אֲלָהָך כֵין יַעֲבֵיד יוי אֲלָהָך לְכֹל עַמְמַיָא דְאַת דְחֵיל מִן קְדָמֵיהוֹן׃
07:20 )1( [ai]וְאַף יָת עָרָעִיתָא יְגָרֵי יוי אֲלָהָך בְהוֹן עַד דְיֵיבְדוּן דְאִשתְאַרוּ וֻדאִיטְמַרוּ מִן קְדָמָך׃
07:21 )1( [ai]לָא תִיתְבַר מִן קְדָמֵיהוֹן אֲרֵי יוי אֲלָהָך שְכִינְתֵיה בֵינָך אֲלָהָא רַבָא וֻדחִילָא׃
07:22 )1( [ai]וִיתָרֵיך יוי אֲלָהָך יָת עַמְמַיָא הָאִלֵין מִן קְדָמָך זְעֵיר זְעֵיר לָא תִיכוֹל לְשֵיצָיוּתְהוֹן בִפרִיַע דִלמָא תִסגֵי עֲלָך חַיַת/חיות#3#/ בָרָא׃
07:23 )1( [ai]וְיִמסַרִינוּן יוי אֲלָהָך קְדָמָך וִישַגֵישִינוּן שִיגוּש רַב עַד דְיִשתיֵצוֹן׃
07:24 )1( [ai]וְיִמסַר מַלכֵיהוֹן בִידָך וְתוֹבֵיד יָת שֹמְהוֹן/שוּמְהוֹן#3#/ מִתְחוֹת שְמַיָא לָא יִתעַתַד אֲנָש קְדָמָך עַד דִתשֵיצֵי יָתְהוֹן׃
07:25 )1( [ai]צַלמֵי/צילמי#3#/ טָעֲוָתְהוֹן תוֹקְדוּן/תֵיקְדוּן#3#/ בְנוּרָא לָא תַחמֵיד/תחַמֵיד#3#/ כַספָא וְדַהבָא דַעֲלֵיהוֹן וְתִסַב לָך דִלמָא תִיתְקֵיל/תִתַקֵיל#3#/ בֵיה אֲרֵי מְרַחַק/מְרֻחַק#3#/ קדם יוי אֲלָהָך הוּא׃
07:26 )1( [ai]וְלָא תַעֵיל דִמרַחַק/דִמרֻחַק#3#/ לְבֵיתָך וֻתהֵי חִרמָא/חַרמָא#3#/ כְוָתֵיה שַקָצָא תְשַקְצִינֵיה וְרַחָקָא תְרַחֲקִיהֵיה אֲרֵי חִרמָא/חַרמָא#3#/ הוּא׃

next chapter