← Back
The Comprehensive Aramaic Lexicon
← Return to the Text Browser
click on the file description for more information
51005: TgO Dt

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


08:01 )1( [ai]כֹל תַפקֵידתָא דַאֲנָא מְפַקֵיד לָך יוֹמָא דֵין תִיטְרוּן לְמַעֲבַד בְדִיל דְתֵיחוֹן וְתִסגוֹן וְתֵיעֲלוּן וְתֵירְתוּן יָת ארעא דְקַיֵים יוי לַאֲבָהָתְכוֹן׃
08:02 )1( [ai]וְתִדכַר יָת כֹל אוֹרחָא דְדַבְרָך יוי אֲלָהָך דְנָן אַרבְעִין שְנִין בְמַדבְרָא בְדִיל לְעַנָיוּתָך לְנַסָיוּתָך לְמִידַע יָת דִבלִבָך הֲתִיטַר פִקוֹדוֹהִי אִם לָא׃
08:03 )1( [ai]וְעַניָך וְאַכפְנָך וְאוֹכְלָך יָת מַנָא דְלָא יְדַעתָא וְלָא יְדַעוּ אֲבָהָתָך בְדִיל לְהוֹדָעוּתָך/לאודעותך#3#/ אֲרֵי לָא עַל לַחמָא בִלחוֹדוֹהִי מִתקַייַם אֲנָשָא אֲרֵי עַל כֹל אַפָקוּת מֵימַר מִן קְדָם יוי חָיֵי/חַיֵי#3#/ אֲנָשָא׃
08:04 )1( [ai]כְסוּתָך לָא בְלִיאַת מִינָך וֻמסָנָך לָא יְחִיפוּ דְנָן אַרבְעִין שְנִין׃
08:05 )1( [ai]וְתִידַע עִם לִיבָך/לבבך#3#/ אֲרֵי כְמָא דְמַלֵיף גַברָא/גֻברָא#3#/ יָת בְרֵיה יוי אֲלָהָך מַלֵיף לָך׃
08:06 )1( [ai]וְתִיטַר יָת פִיקוֹדַיָא דַיוי אֲלָהָך לִמהָך/למיזל#3#/ בְאוֹרחָן דְתַקְנָן קְדָמוֹהִי וֻלמִדחַל יָתֵיה׃
08:07 )1( [ai]אֲרֵי יוי אֲלָהָך מַעֵיל לָך לַאֲרַע טָבְתָא/טבא#3#/ אַרְע/אַרַע#3#/ נָגְדָא נַחלִין דְמַיִין מַבוּעֵי עֵינָוָן וֻתהוֹמִין נָפְקִין בִבִקעָן/בְבַקעָן#3#/ וֻבטוּרִין׃
08:08 )1( [ai]אֲרַע חִיטִין וֻסעָרִין וְגוּפנִין וְתֵינִין/ותאינין#3#/ וְרִימוֹנִין ארעא דְזֵיתַהָא עָבְדִין מִשחָא וְהִיא עָבְדָא דְבַש׃
08:09 )1( [ai]ארעא דְלָא בְמִסכֵינוּ תֵיכוֹל/תאכול#3#/ בַה לַחמָא לָא תַחסַר כֹל מִדָעַם בַה ארעא דְאַבנַהָא בַרזְלָא/פרזלא#3#/ וֻמִטוּרַהָא תִפסוֹל נְחָשָא׃
08:10 )1( [ai]וְתֵיכוֹל וְתִסבַע וֻתבָרֵיך ית יוי אֲלָהָך עַל ארעא טָבְתָא דִיהַב לָך׃
08:11 )1( [ai]אִסתַמַר/אִסתְמַר#3#/ לָך דִלמָא תִתנְשֵי/תינשי#3#/ יָת דַחַלתָא/דַחלְתָא#3#/ דַיוי אֲלָהָך בְדִיל דְלָא לְמִיטַר פִקוֹדוֹהִי וְדִינוֹהִי וֻקיָמוֹהִי דַאֲנָא מְפַקֵיד לָך יוֹמָא דֵין׃
08:12 )1( [ai]דִילמָא תֵיכוֹל וְתִסבַע וֻבָתִין שַפִירִין תִבנֵי וְתִיתֵיב׃
08:13 )1( [ai]וְתוֹרָך וְעָנָך יִסגוֹן וְכַספָא וְדַהבָא יִסגֵי לָך וְכֹל דְלָך יִסגֵי׃
08:14 )1( [ai]וְיִירַם/ויתקף#3#/ לִיבָך וְתִתנְשֵי/ותינשי#3#/ יָת דַחַלתָא/דַחלְתָא#3#/ דַיוי אֲלָהָך דְאַפְקָך מארעא דמצרים מִבֵית עַבדוּתָא׃
08:15 )1( [ai]דְדַבְרָך בְמַדבְרָא רַבָא וֻדחִילָא אֲתַר דְחִיָווָן/דחוין#3#/ קָלַן וְעַקרַבִין וֻבֵית צַהוָנָא אֲתַר דְלֵית מַיָא דְאַפֵיק לָך מַיָא מִטִנָרָא תַקִיפָא׃
08:16 )1( [ai]דְאוֹכְלָך מַנָא בְמַדבְרָא דְלָא יְדַעוּ אֲבָהָתָך וֻבְדִיל לְעַנָיוּתָך וֻבדִיל לְנַסָיוּתָך לְאֵיטָבָא/לְאוֹטָבָא#3#/ לָך בְסוֹפָך׃
08:17 )1( [ai]וְתֵימַר בְלִיבָך חֵילִי וֻתקוֹף יְדַי קְנוֹ/כנש#3#/ לִי יָת נִכסַיָא הָאִלֵין׃
08:18 )1( [ai]וְתִדכַר יָת יוי אֲלָהָך אֲרֵי הוּא יָהֵיב בָך עֵיצָא/חילא#3#/ לְמִקנֵי נִכסִין בְדִיל לְקַיָימָא/לאקמא#3#/ יָת קִיָמֵיה/קְיָמֵיה#3#/ דְקַיֵים לַאֲבָהָתָך כְיוֹמָא הָדֵין׃
08:19 )1( [ai]וִיהֵי אִם \אִתנְשָאָה תִתנְשֵי /מנשא תנשי#3#/ יָת דַחלְתָא דַיוי אֲלָהָך וֻתהָך בָתַר טָעֲוָת עַמְמַיָא וְתִפלְחִינוּן וְתִסגוֹד לְהוֹן אַסהֵידִית בְכוֹן יוֹמָא דֵין אֲרֵי מֵיבָד תֵיבְדוּן׃
08:20 )1( [ai]כְעַמְמַיָא דַיוי מוֹבֵיד מִן קְדָמֵיכוֹן כֵין תֵיבְדוּן/תובדון#3#/ חֲלָף דְלָא קַבֵילתוּן לְמֵימְרָא דַיוי אֲלָהֲכוֹן׃

next chapter