← Back
The Comprehensive Aramaic Lexicon
← Return to the Text Browser
click on the file description for more information
51005: TgO Dt

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


09:01 )1( [ai]שְמַע ישראל אַת עָבַר יוֹמָא דֵין יָת יַרדְנָא לְמֵיעַל לְמֵירַת/לתרכא#3#/ עַמְמִין רַברְבִין וְתַקִיפִין מִנָך קִרוִין רַברְבָן/רברבין#3#/ וֻכרִיכָן עַד צֵית שְמַיָא׃
09:02 )1( [ai]עַם רַב וְתַקִיף בְנֵי גִיבָרַיָא/ענק#3#/ דְאַת יְדַעתָ וְאַת שְמַעתָא מַן יִכוֹל לִמקָם קְדָם בְנֵי גִיבָרָא׃
09:03 )1( [ai]וְתִידַע יוֹמָא דֵין/הדין#3#/ אֲרֵי יוי אֲלָהָך הוּא עָבַר קְדָמָך מֵימְרֵיה אִישָא אָכְלָא הוּא יְשֵיצֵינוּן וְהָא יְתַבַרִינוּן/יִתבְרִינוּן#3#/ קְדָמָך וֻתתָרֵיכִינוּן וְתוֹבְדֵינוּן בִפרִיַע כְמָא דְמַלֵיל יוי לָך׃
09:04 )1( [ai]לָא תֵימַר בְלִיבָך בִדיִתבַר יוי אֲלָהָך יָתְהוֹן מִן קְדָמָך לְמֵימַר בְזָכוּתִי אַעלַנִי/איתיני#3#/ יוי לְמֵירַת יָת ארעא הָדָא וֻבחוֹבֵי עַמְמַיָא הָאֵלִין יוי מְתָרֵיך לְהוֹן מִן קְדָמָך׃
09:05 )1( [ai]לָא בְזָכוּתָך וֻבקַשִיטוּת לִיבָך אַת עָלֵיל לְמֵירַת יָת אֲרַעהוֹן אֲרֵי בְחוֹבֵי עַמְמַיָא הָאִלֵין יוי אלהך מְתָרֵיך לְהוֹן מִן קְדָמָך וֻבדִיל לְקַייָמָא יָת פִתגָמָא דְקַיֵים יוי לְאֲבָהָתָך לאברהם ליצחק וֻליַעֲקֹב׃
09:06 )1( [ai]וְתִידַע אֲרֵי לָא בְזָכוּתָך יוי אֲלָהָך יָהֵיב לָך יָת ארעא טָבְתָא הָדָא לְמֵירְתַה אֲרֵי עַם קְשֵי קְדָל אַת׃
09:07 )1( [ai]\הֲוִי דְכִיר /אידכר#3#/ לָא תִתנְשֵי/תינשי#3#/ יָת דְאַרגֵיזתָא קדם יוי אֲלָהָך בְמַדבְרָא לְמִן יוֹמָא דִנפַקתָא מארעא דמצרים עַד מֵיתֵיכוֹן עַד אַתרָא הָדֵין מְסָרְבִין הֲוֵיתוֹן קדם יוי׃
09:08 )1( [ai]וֻבחוֹרֵב אַרגֵיזתוּן קדם יוי וֻתקֵיף רוּגזָא דַיוי בְכוֹן לְשֵיצָאָה יָתְכוֹן׃
09:09 )1( [ai]בְמִיסְקִי לְטוּרָא לְמִסַב לוּחֵי אַבנַיָא לוּחֵי קִיָמָא/קְיָמָא#3#/ דִגזַר יוי עִמְכוֹן וִיתֵיבִית בְטוּרָא אַרבְעִין יְמָמִין וְאַרבְעִין לֵילָוָן לַחמָא לָא אֲכַלִית וֻמַיָא לָא שְתִיתִי/אשתיתי#3#/׃
09:10 )1( [ai]וִיהַב יוי לִי יָת תְרֵין לוּחֵי אַבנַיָא כְתִיבִין בְאַצבְעָא דַיוי וַעֲלֵיהוֹן כְכֹל פִתגָמַיָא דְמַלֵיל יוי עִמְכוֹן בְטוּרָא מִגוֹ אִישָתָא בְיוֹמָא דִקהָלָא׃
09:11 )1( [ai]וַהֲוָה מִסוֹף אַרבְעִין יְמָמִין וְאַרבְעִין לֵילָוָן יְהַב יוי לִי יָת תְרֵין לוּחֵי אַבנַיָא לוּחֵי קִיָמָא/קְיָמָא#3#/׃
09:12 )1( [ai]וַאֲמַר יוי לִי קוּם חוֹת בִפרִיַע מִכָא אֲרֵי חַבֵיל עַמָך דְאַפֵיקתָא ממצרים סְטוֹ בִפרִיַע מִן אוֹרחָא דְפַקֵידתִינוּן עֲבָדוּ לְהוֹן מַתְכָא׃
09:13 )1( [ai]וַאֲמַר יוי לִי לְמֵימַר גְלֵי קְדָמַי עַמָא הָדֵין וְהָא עַם קְשֵי קְדָל הוּא׃
09:14 )1( [ai]אָנַח בָעוּתָך מִן קְדָמַי וַאֲשֵיצֵינוּן וְאִימחֵי יָת שוֹמְהוֹן/שוּמְהוֹן#3#/ מִתְחוֹת שְמַיָא וְאַעֲבֵיד יָתָך לְעַם \תַקִיף וְסַגִי /רב ותקיף#3#/ מִנְהוֹן׃
09:15 )1( [ai]וְאִתפְנִיתִי וֻנחַתִית מִן טוּרָא וְטוּרָא בָעַר בְאִישָתָא וֻתרֵין לוּחֵי קִיָמָא/קְיָמָא#3#/ עַל תַרתֵין יְדַי/יְדָי#3#/׃
09:16 )1( [ai]וַחזֵית וְהָא חַבתוּן קדם יוי אֲלָהֲכוֹן עֲבַדתוּן לְכוֹן עֵיגַל מַתְכָא סְטֵיתוֹן בִפרִיַע מִן אוֹרחָא דְפַקֵיד יוי יָתְכוֹן׃
09:17 )1( [ai]וְאַחַדִית בִתרֵין לַוחַיָא וֻרמֵיתִינוּן מֵעַל תַרתֵין יְדַי וְתַבַרתִינוּן לְעֵינֵיכוֹן׃
09:18 )1( [ai]וְאִשתַטַחִית קדם יוי כִיד בְקַדמֵיתָא אַרבְעִין יְמָמִין וְאַרבְעִין לֵילָוָן לַחמָא לָא אֲכַלִית וֻמַיָא לָא שְתִיתִי/אשתיתי#3#/ עַל כֹל חוֹבַתכוֹן דְחַבתוּן לְמַעֲבַד דְבִיש קדם יוי לְאַרגָזָא קְדָמוֹהִי׃
09:19 )1( [ai]אֲרֵי דְחֵילִית מִן קְדָם רוּגזָא וְחִמתָא דִרגַז יוי עֲלֵיכוֹן לְשֵיצָאָה יָתְכוֹן וְקַבֵיל יוי צְלוֹתִי אַף בְזִמנָא הַהוּא׃
09:20 )1( [ai]וְעַל אַהֲרֹן הֲוָה רְגַז מִן קדם יוי לַחדָא לְשֵיצָיוּתֵיה וְצַלִיתִי אַף עַל אַהֲרֹן בְעִדָנָא הַהוּא׃
09:21 )1( [ai]וְיָת חוֹבַתכוֹן דַעֲבַדתוּן יָת עִגלָא נְסֵיבִית וְאוֹקֵידִית יָתֵיה בְנוּרָא וְשַפִית יָתֵיה בְשוֹפִינָא יָאוּת עַד דַהוָה דַקִיק לְעַפרָא וֻרמֵית יָת עַפרֵיה לְנַחלָא דְנָחֵית מִן טוּרָא׃
09:22 )1( [ai]וֻבִדלֵיקְתָא וֻבנִיסֵיתָא/וֻבנַסֵיתָא#3#/ וֻבקִברֵי/וֻבקַברֵי#3#/ דִמשַאֲלֵי מַרגְזִין הֲוֵיתוֹן קדם יוי׃
09:23 )1( [ai]וְכַד שְלַח יוי יָתְכוֹן מֵרְקַם גֵיאָה לְמֵימַר סַקוּ/סֻקוּ#3#/עוֻלוּ#3#/ וְאַחסִינוּ יָת אַרעָא דִיהַבִית לכוֹן וְסָרֵיבתוּן עַל מֵימְרָא דַיוי אֲלָהֲכוֹן וְלָא הֵימֵינתוּן לֵיה וְלָא קַבֵילתוּן לְמֵימְרֵיה׃
09:24 )1( [ai]מְסָרְבִין הֲוֵיתוֹן קדם יוי מִיוֹמָא דִידַעִית יָתְכוֹן׃
09:25 )1( [ai]וְאִשתַטַחִית קדם יוי יָת אַרבְעִין יְמָמִין וְיָת אַרבְעִין לֵילָוָן דְאִשתַטַחִית אֲרֵי אֲמַר יוי לְשֵיצָאָה יָתְכוֹן׃
09:26 )1( [ai]וְצַלִיתִי קדם יוי וַאֲמַרִית יוי אֲלֹהִים לָא תְחַבֵיל עַמָך וְאַחסָנְתָך דִפרַקתָא בְתוּקפָך דְאַפֵיקתָא מִמִצרַים בְיַד תַקִיפָא׃
09:27 )1( [ai]אִידְכַר לְעַבדָך לְאַברָהָם ליצחק וליעקב לָא תִתפְנֵי לְקַשָיוּת עַמָא הָדֵין וֻלחוֹבֵיהוֹן וְלִחטָאֵיהוֹן׃
09:28 )1( [ai]דִלמָא יֵימְרוּן דָיְרֵי ארעא דְאַפֵיקתַנָא מִתַמָן מִדְלֵית יוּכלָא קדם יוי לְאַעָלוּתְהוֹן לארעא דְמַלֵיל לְהוֹן וֻמִדסָנֵי יָתְהוֹן אַפֵיקִינוּן לְקַטָלוּתְהוֹן בְמַדבְרָא׃
09:29 )1( [ai]וְאִנוּן עַמָך וְאַחסָנְתָך דְאַפֵיקתָא בְחֵילָך רַבָא וֻבִדרָעָך מְרָמְמָא׃

next chapter