← Back
The Comprehensive Aramaic Lexicon
← Return to the Text Browser
click on the file description for more information
51005: TgO Dt

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


33:01 )1( [ai]וְדָא בִרכְתָא דְבָרֵיך מֹשַה נְבִיַיא דַיוי יָת בְנֵי ישראל קְדָם מוֹתֵיה׃
33:02 )1( [ai]וַאֲמַר יוי מִסִינַי אִתגְלִי וְזֵיהוֹר יְקָרֵיה מִסֵעִיר אִתַחזִי לַנָא אִתגְלִי בִגבוּרְתֵיה עַל טוּרָא דְפַראָן וְעִמֵיה רִבְוָת/ריבבת#3#/ קַדִישִין כְתָב יַמִינֵיה מִגוֹ אִישָתָא אוֹרָיתָא וִיהַב לַנָא׃
33:03 )1( [ai]אַף/ברם#3#/ חַבֵיבֵינוּן/חִבְבִינוּן#3#/ לְשִבטַיָא כָל קַדִישוֹהִי בֵית ישראל בִגבוּרָא אַפֵיק/אַפַק#3#/ מִמצרים וְאִנוּן מִדַבְרִין תְחוֹת עֲנָנָך נָטְלִין עַל מֵימְרָך׃
33:04 )1( [ai]אוֹרָיתָא יְהַב לַנָא מֹשַה מַסרַה יְרוּתָא לְכִנשָת יַעֲקֹב׃
33:05 )1( [ai]וַהֲוָה בישראל מַלכָא בְאִתכְנָשוּת/בְאִתכַנָשוּת#3#/ רֵישֵי עַמָא כַחֲדָא שִבטַיָא דישראל׃
33:06 )1( [ai]יֵיחֵי רְאוּבֵן בְחַיֵי עָלְמָא וֻמוֹתָא תִניָנָא לָא יְמוּת וִיקַבְלוּן בְנוֹהִי אַחסָנַתהוֹן בְמִניָנֵיהוֹן׃
33:07 )1( [ai]וְדָא לִיהוּדָה וְאַמַר קַבֵיל יוי צְלוֹתֵיה דִיהוּדָה בְמִפְקֵיה \לִקרָבָא /לאגחא קרבא#3#/ וֻלעַמֵיה תָתִיבִינֵיה בִשלָם יְדוֹהִי יַעבְדָן לֵיה פוֹרעָנוּתָא מִסָנֳואהִי וֻסעֵיד/וְסָעֵיד#3#/ מִבְעֵיל דְבָבָא הֲוִי לֵיה׃
33:08 )1( [ai]וֻללֵוִי אֲמַר תוּמַיָא וְאוּרַיָא אַלבֵישתָא לִגבַר דְאִשתְכַח חַסִיד קְדָמָך דְנַסִיתָהִי/דנסיתוהי#3#/ בְנִיסֵיתָא וַהֲוָה שְלִים בְחַרתָהִי/בְחַנתָהִי#3#/ עַל מֵי מַצוּתָא וְאִשתְכַח מְהֵימָן׃
33:09 )1( [ai]דְעַל אֲבוּהִי וְעַל אִימֵיה לָא רָחֵים כַד חָבוּ מִן דִינָא וְאַפֵי אֲחוֹהִי וֻבנוֹהִי לָא נְסֵיב אֲרֵי נְטַרוּ מַטְרַת/מיטרת#3#/ מֵימְרָך וֻקיָמָך לָא אַשנִיוּ׃
33:10 )1( [ai]כָשְרִין אִלֵין דְיַלְפוּן דִינָך לְיַעֲקֹב וְאוֹרָיתָך לְישראל יְשַווֹן קְטוֹרַת בוּסמִין קְדָמָך וֻגמִיר לְרַעֲוָא עַל מַדבְחָך׃
33:11 )1( [ai]בָרֵיך יוי נִכסוֹהִי וְקוּרבַן יְדוֹהִי קַבֵיל בְרַעֲוָא תְבַר/תַבַר#3#/ חַרצָא דְסָנְאוֹהִי וֻדבַעֲלֵי דְבָבוֹהִי דְלָא יְקוּמוּן׃
33:12 )1( [ai]לְבִניָמִן אֲמַר רְחִמָא דַיוי יִשרֵי לְרוּחצָן עֲלוֹהִי יְהֵי מַגִין עֲלוֹהִי כֹל יוֹמָא וֻבאַרעֵיה תִשרֵי שְכִינְתָא׃
33:13 )1( [ai]וֻליוֹסֵף אֲמַר מְבָרְכָא מִן קדם יוי אַרעֵיה עָבְדָא מַגדָנִין/מיגדנין#3#/ מִטַלָא דִשמַיָא מִלְעֵילָא וֻמִמַבוּעֵי עֵינָווָת תְהוֹמִין דְנָגְדִין מִמַעֲמַקֵי אַרעָא מִלְרַע׃
33:14 )1( [ai]עָבְדָא מַגדָנִין וְעַלְלָן מִיבוּל שִמשָא עָבְדָא מַגדָנִין/מיגדנין#3#/ מֵרֵיש יְרַח בִירַח׃
33:15 )1( [ai]וֻמֵרֵיש טוּרַיָא בַכִירַיָא/בקיריא#3#/ וֻמִטוּב רָמָן דְלָא פָסְקָן׃
33:16 )1( [ai]וֻמִטוּב ארעא וֻמלָאַה רְעֵי לֵיה דִשכִינְתֵיה בִשמַיָא וְעַל מֹשַה אִתגְלִי בַאֲסַנָא יֵיתִיָן כֹל אִיֵלין לְרֵישָא דְיוֹסֵף גַברָא/גֻברָא#3#/ פְרִישָא דַאֲחוֹהִי׃
33:17 )1( [ai]רַבָא דִבנוֹהִי זִיוָא לֵיה גְבוּרָן אִתעֲבִידָא לֵיה מִן קְדָם דְתוּקפָא וְרוּמָא דִילֵיה בִגבוּרְתֵיה עַמְמַיָא יְקַטֵיל כַחדָא עַד סִיָפֵי/סְיָפֵי#3#/ ארעא וְאִנוּן רִבָוָתָא/רִבְוָתָא#3#/ דְבֵית אַפרַיִם וְאִינוּן אַלפַיָא דְבֵית מְנַשַה׃
33:18 )1( [ai]וְלִזבוּלֻן אֲמַר חֲדִי זְבוּלֻן בְמִפְקָך לְאָגָחָא קְרָבָא עַל בַעֲלֵי דְבָבָך וְיִשָשכָר בִמהָכָך לְמַעֲבַד זִמנֵי מוֹעֲדַיָא בִירוּשלַם׃
33:19 )1( [ai]שִבטַיָא דְישראל לְטוּר בֵית מַקדְשָא יִתכַנשוּן תַמָן יִכְסוּן נִכסַת קוּדשִין לְרַעֲוָא אֲרֵי נִכסֵי עַמְמַיָא יֵיכְלוּן וְסִימָן דְמִיטַמרָן בְחָלָא יִתגַליָן לְהוֹן׃
33:20 )1( [ai]וֻלגָד אֲמַר בְרִיך דְאַפתִי לְגָד כְלֵיתָא שְרֵי וְקָטֵיל/וְקָטוֹל#3#/ שִלטוֹנִין עִם מַלכִין׃
33:21 )1( [ai]וְאִתקַבַל בְקָדמֵיתָא דִילֵיה אֲרֵי תַמָן בְאַחסָנְתֵיה מֹשַה סָפְרָא רַבָא דְיִשרָאֵל קְבִיר/גניז#3#/ הוּא נְפַק וְעָל בְרֵיש עַמָא זָכְוָון קְדם יוי עֲבַד/עַבַד#3#/ וְדִינוֹהִי עִם ישראל׃
33:22 )1( [ai]וֻלדָן אֲמַר דָן תַקִיף כְגַר/כגור#3#/ אַריָוָן אַרעֵיה שָתיָא מִן נַחלַיָא דְנָגְדִין מִן מַתנָן׃
33:23 )1( [ai]וֻלנַפתָלִי אֲמַר נַפתָלִי סְבַע רַעֲוָא וֻמלֵי בִרכָן מִן קדם יוי מַערַב יַם גִנֵיסַר/גינוסר#3#/ וְדָרוֹמוֹהִי יֵירַת׃
33:24 )1( [ai]וֻלאָשֵר אֲמַר בְרִיך מִבַרכַת/מִבִרכַת#3#/ בְנַיָא אָשֵר יְהֵי רַעֲוָא לַאֲחוֹהִי וְיִתרַבָא בְתַפנוּקֵי מַלכִין׃
33:25 )1( [ai]תַקִיף כְבַרזְלָא/כפרזלא#3#/ וְכִנחָשָא וֻכיוֹמֵי עֵולוֹמוּתָך/עוֹלֵימוּתָך#3#/ תוּקפָך׃
33:26 )1( [ai]לֵית /אְלָה#3#/ אֵילָא אֲלָהָא דְישראל דִשכִנְתֵיה בִשמַיָא בְסַעֲדָך וְתוּקפֵיה \בִשמֵי /מטי עד צית#3#/ שְמַיָא׃
33:27 )1( [ai]מְדוֹר אֲלָהָא מִלְקַדמִין דִבמֵימְרֵיה אִתעֲבֵיד עָלְמָא וְתָרֵיך מִן קְדָמָך סָנְאָה וַאֲמַר שֵיצִי׃
33:28 )1( [ai]וְיִשרֵי ישראל לְרוּחצָן בִלחוֹדוֹהִי כְעֵין בִרכְתָא דְבָרֵיכִינוּן יַעֲקֹב אֲבוּהוֹן/אְבוּהֵין#3#/ כְאַרַע עָבְדָא עִיבוּר/עְבוּר#3#/ וַחמַר אַף שְמַיָא דְעִלָוֵיהוֹן יְשַמשוּנוּנוּן בְטַלָא׃
33:29 )1( [ai]טוּבָך יִשרָאֵל לֵית דִכוָתָך עַמָא דְפוּרקָנֵיה מִן קְדם יוי תְקוֹף/תקיף#3#/ סַעֲדָך וֻדמִן קְדָמוֹהִי נִצחָן גִבָרְוָתָך וְיִתכַדְבוּן סָנְאָך לָך וְאַת עַל פִרקַת/פריקת#3#/ צָורֵי מַלכֵיהוֹן תִדרוֹך׃

next chapter