← Back
The Comprehensive Aramaic Lexicon
← Return to the Text Browser
click on the file description for more information
51006: TgJ Jos

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


02:01 )1( [ai]וֻשלַח יְהוֹשֻעַ בַר נוּן מִן שִטִין תְרֵין גֻברִין מְאַלְלִין בְרַז לְמֵימַר אִיזִילוּ חְזוֹ יָת אַרעָא ויָת יְרִיחוֹ וַאְזַלוּ וְעָלוּ לְבֵית אִיתְתָא פֻנדְקֵיתָא וֻשמַה רָחָב וֻשכִיבוּ תַמָן
02:02 )1( [ai]וְאִתאְמַר לְמַלכָא דִירִיחוֹ לְמֵימַר הָא גֻברַיָא אְתוֹ הָלְכָא/הכא#3#/ בְלֵיליָא מִבְנֵי יִשׂרָאֵל לְאַלָלָא יָת אַרעָא׃
02:03 )1( [ai]וֻשלַח מַלכָא דִירִיחוֹ לְוָת רָחָב לְמֵימַר אַפִיקִי גֻברַיָא דַאְתוֹ/דעלין#3#/ לְוָתִיך דְעָלוּ לְבֵיתִיך אְרֵי לְאַלָלָא יָת כָל אַרעָא אְתוֹ׃
02:04 )1( [ai]וֻדבַרַת אִיתְתָא יָת תְרֵין גֻברַיָא וְאַטמַרַתנוּן וַאְמַרַת בְקֻשטָא אְתוֹ לְוָתִי גֻברַיָא וְלָא יְדַעִית אֵי מְנָן אִנוּן׃
02:05 )1( [ai]וַהְוָה עִדָן/בעידן#3#/ לְמֵיחַד תַרעָא בְקַבלָא וְגֻברַיָא נְפַקוּ לָא/ולא#3#/ יְדַעִית לְאָן אְזַלוּ גֻברַיָא רְדוּפוּ בִפרִיעַ בָתְרֵיהוֹן אְרֵי תַדבְקוּנוּנוּן׃
02:06 )1( [ai]וְהִיא אַסֵיקַתנוּן לְאִיגָרָא וְאַטמַרַתנוּן בִטעוּנֵי כִתָנָא דִסדִירִין לַה עַל אִגָרָא׃
02:07 )1( [ai]וְגֻברַיָא רְדַפוּ בָתְרֵיהוֹן אוֹרַח/בְאוֹרַח#3#/ יַרדְנָא עַל/עַד#3#/ מֵגָזָתָא/מגזרתא#3#/ וְתַרעָא/ותרעיא#3#/ אְחַדוּ בָתַר דִנפַקוּ רָדְפַיָא בָתְרֵיהוֹן׃
02:08 )1( [ai]וְאִנוּן עַד לָא שְכִיבוּ וְהִיא סְלֵיקַת לְוָתְהוֹן לְאִיגָרָא׃
02:09 )1( [ai]וַאְמַרַת לְגֻברַיָא יָדַענָא/ידעית#3#/ אְרֵי יְהַב יְיָ לְכוֹן יָת אַרעָא וַאְרֵי נְפַלַת אֵימַתכוֹן עְלַנָא וַאְרֵי אִתְבַרוּ כָל יָתְבֵי אַרעָא מִן קֳדָמֵיכוֹן׃
02:10 )1( [ai]אְרֵי שְמַענָא יָת דְיַבֵיש יְיָ יָת מֵי יַמָא דְסוּף מן קֳדָמֵיכוֹן בְמִפַקכוֹן מִמִצרַיִם וְדַעְבַדתוּן לִתרֵין מַלכֵי אְמוֹרָאָה דִבעִברָא דְיַרדְנָא לְסִיחוֹן וֻלעוֹג דְגַמַרתוּן יָתְהוֹן
02:11 )1( [ai]וֻשמַענָא וְאִתמְסִי לִבַנָא וְלָא אִשתְאַרַת עוֹד רוּחַ בַאְנָש מִן קֳדָמֵיכוֹן אְרֵי יְיָ אְלָהְכוֹן הוּא "אְלֹהִים" דִשכִינְתֵיה בִשמַיָא מִלְעֵילָא וְשַלִיט עַל אַרעָא מִלְרַע׃
02:12 )1( [ai]וֻכעַן קַיִימוּ כְעַן לִי בְמֵימְרָא דַיְיָ אְרֵי עְבַדִית עִמְכוֹן טֵיבוּ וְתַעבְדוּן אַף אַתוּן עִם בֵית אַבָא טֵיבוּ וְתִתְנוּן לִי אָת דִקשוֹט׃
02:13 )1( [ai]וְתַחוֹן יָת אַבָא וְיָת אִמָא וְיָת אַחַי וְיָת אַחְוָתַי וְיָת כָל דִילְהוֹן וֻתשֵיזְבוּן יָת נַפשָתַנָא מִמוֹתָא׃
02:14 )1( [ai]וַאְמַרוּ לַה גֻברַיָא נַפשָתַנָא מְסִירָן חְלָף נַפשָתְכוֹן לִממָת אִם לָא תְחַווֹן יָת פִתגָמַנָא דֵין וִיהֵי כַד יִתֵין יְיָ לַנָא יָת אַרעָא וְנַעְבֵיד עִמִיך טֵיבוּ וֻקשוֹט׃
02:15 )1( [ai]וְשַלשֵילַתנוּן בַאְטוּנָא מִן חְרַכָא אְרֵי בֵיתַה בִכתַל שוּרָא וֻבשוּרָא הִיא יָתְבָא׃
02:16 )1( [ai]וַאְמַרַת לְהוֹן לְטוּרָא אִיזִילוּ דִלמָא יְעָרְעוּן בְכוֹן רָדְפַיָא וְתִטַמרוּן תַמָן תְלָתָה יוֹמִין עַד דִיתוּבוּן רָדְפַיָא וֻבָתַר כֵין תְהָכוּן לְאוֹרַחכוֹן׃
02:17 )1( [ai]וַאְמַרוּ לַה גֻברַיָא זַכָאִין אְנַחנָא מִמוֹמָתִיך הָדָא דְקַיֵימתְ עְלַנָא׃
02:18 )1( [ai]הָא אְנַחנָא עָלִין בְאַרעָא יָת תוּרָא דְחוּט זְהוֹרִיתָא הָדֵין תִקטְרִין בַחְרַכָא דְשַלשֵילתִנָא בֵיה וְיָת אְבוּך וְיָת אִמִיך וְיָת אְחַך וְיָת כָל בֵית אְבוּך תִכנְשִין לְוָתִיך לְבֵיתָא
02:19 )1( [ai]וִיהֵי כָל דְיִפוֹק בָר מִדַשֵי בֵיתִיך לְבָרָא חוֹבַת קְטוּלֵיה בְרֵישֵיה וַאְנַחנָא זַכָאִין וְכָל דִיהֵי עִמִיך בְבֵיתָא חוֹבַת קְטוּלֵיה בְרֵישַנָא אִם יַד אְנָש תְהֵי בֵיה׃
02:20 )1( [ai]וְאִם תְחַווֹן יָת פִתגָמַנָא דֵין וֻנהֵי זַכָאִין מִמוֹמָתִיך דְקַיֵימתְ עְלַנָא׃
02:21 )1( [ai]וַאְמַרַת כְפִתגָמֵיכוֹן כֵן הוּא וְשַלַחַתנוּן וַאְזַלוּ וֻקטַרַת יָת תוּרָא דִזהוֹרִיתָא בַחְרַכָא׃
02:22 )1( [ai]וַאְזַלוּ וְעַלוּ לְטוּרָא וִיתִיבוּ תַמָן תְלָתָה יוֹמִין עַד דְתָבוּ רָדְפַיָא וֻבעוֹ רָדְפַיָא בְכָל אוֹרְחָא וְלָא אַשכַחוּ׃
02:23 )1( [ai]וְתָבוּ תְרֵין גֻברַיָא וֻנחַתוּ מִטוּרָא/מִן טוּרָא#2#/ וַעְבַרוּ וַאְתוֹ לְוָת יְהוֹשֻעַ בַר נוּן וְאִשתַעִיאוּ לֵיה יָת כָל דְעָרַעָא יָתְהוֹן׃
02:24 )1( [ai]וַאְמַרוּ לִיהוֹשֻעַ אְרֵי מְסַר יְיָ בִידַנָא יָת כָל אַרעָא וְאַף/וַאְרֵי#2#/ אִתְבַרוּ כָל יָתְבֵי אַרעָא מִן קֳדָמַנָא׃

next chapter