← Back
The Comprehensive Aramaic Lexicon
← Return to the Text Browser
click on the file description for more information
51006: TgJ Jos

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


09:01 )1( [ai]וַהְוָה כַד שְמַעוּ כָל מַלכַיָא דִבעִברָא דְיַרדְנָא בְטוּרָא וֻבשָפֵילתָא וֻבכָל סְפַר יַמָא רַבָא דְלָקֳבֵיל לִבנָן חִתָאֵי וַאְמוֹרָאֵי כְנַעְנָאֵי פְרִזָאֵי חִוָאֵי וִיבוּסָאֵי׃
09:02 )1( [ai]וְאִתכְנַשוּ כַחדָא לְאָגָחָא קְרָבָא עִם יְהוֹשוּעַ וְעִם יִשׂרָאֵל סִיעָא חְדָא׃
09:03 )1( [ai]וְיָתְבֵי גִבעוֹן שְמַעוּ יָת דַעְבַד יְהוֹשֻעַ לִירִיחוֹ וֻלעָי׃
09:04 )1( [ai]וַעְבַדוּ אַף אִנוּן בְחָכמָה וַאְזַלוּ וְאִזדַוַדוּ וֻנסִיבוּ סַקִין בְלַן לַחְמָרֵיהוֹן וְזִקִין דַחמַר בְלַן וֻמבֻזְעִין וֻמצָרְרִין׃
09:05 )1( [ai]וֻמסָנָן בְלַן וֻמרֻקְעִין בְרַגלֵיהוֹן וֻכסוּתָא בַליָא עְלֵיהוֹן וְכֹל לְחֵים זְוָדְהוֹן יַבִיש הְוָה כִיסָנִין/עיפושין#4#/׃
09:06 )1( [ai]וַאְזַלוּ לְוָת יְהוֹשוּעַ לְמַשרִיתָא לְגִלגָלָא וַאְמַרוּ לֵיה וֻלאְנָש/ולאינשי#3#/ יִשׂרָאֵל מֵאְרַע רַחִיקָא אְתֵינָא וֻכעַן גְזַרוּ לַנָא קְיָם׃
09:07 )1( [ai]וַאְמַר/ואמרו#3#/ אְנָש יִשׂרָאֵל לְחִוָאָה דִלמָא/מאים#3#/ בֵינַנָא/ביני#3#/ \אַתוּן יָתְבִין /את יתיב#3#/ וְאֵיכְדֵין נִגזַר/איגזר#3#/ לְכוֹן/עמך#3#/ קְיָם׃
09:08 )1( [ai]וַאְמַרוּ לִיהוֹשֻעַ עַבדָך אְנַחנָא וַאְמַר לְהוֹן יְהוֹשֻעַ מַן/מנן#3#/ אַתוּן וֻמנָן אְתֵיתוֹן׃
09:09 )1( [ai]וַאְמַרוּ לֵיה מֵאְרַע רַחִיקָא לַחדָא אְתוֹ עַבדָך לִשמָא דַיְיָ אְלָהָך אְרֵי שְמַענָא יָת \שֵימַע גְבוּרְתֵיה /שמא גְבוּרְתֵיה#3# /שָמעֵיה#3#/ וְיָת כָל דַעְבַד בְמִצרָיִם׃
09:10 )1( [ai]וְיָת כָל דַעְבַד לִתרֵין מַלכֵי אְמוֹרָאָה/אמוראי#3#/ דִבעִברָא דְיַרדְנָא לְסִיחוֹן מַלכָא דְחַשבוֹן וֻלעוֹג מַלכָא דְמַתנַן דִבעַשתָרוֹת׃
09:11 )1( [ai]וַאְמַרוּ/ואמר#3#/ לַנָא סָבַנָא וְכָל יָתְבֵי אַרעַנָא/ארעא#3#/ לְמֵימַר סַבוּ עִמְכוֹן/בְיַדכוֹן#2#/ זְוָדִין לְאוֹרחָא וְאִיזִילוּ לְקַדָמוּתְהוֹן וְתֵימְרוּן לְהוֹן עַבדֵיכוֹן אְנַחנָא וֻכעַן גְזַרוּ לַנָא קְיָם׃
09:12 )1( [ai]דֵין לַחמַנָא כִיד חַמִים אִזדַוַדנָא יָתֵיה מִבָתַנָא בְיוֹם מִפְקַנָא לְמֵיתֵי לְוָתְכוֹן וֻכעַן הָא יְבֵיש וַהְוָה כִיסָנִין/עיפושין#3#/׃
09:13 )1( [ai]וְאִלֵין זִקִין דַחְמַר דִמלֵינָא כִד חְדַתִין וְהָא אִתבְזַעוּ וְאִלֵין תוֹתבַנָא וֻמסָנַנָא בְלִיאוּ מִסְגֵי אוֹרחָא לַחדָא׃
09:14 )1( [ai]וְקַבִילוּ גֻברַיָא לְפִתגָמֵיהוֹן וְאֻלפָן מִן קֳדָם יְיָ לָא תְבַעוּ׃
09:15 )1( [ai]וַעְבַד לְהוֹן יְהוֹשֻעַ שְלָם וֻגזַר לְהוֹן קְיָם לְקַיָימוּתְהוֹן וְקַיִימוּ לְהוֹן רַברְבֵי כְנִשתָא׃
09:16 )1( [ai]וַהוָה מִסוֹף תְלָתָא יוֹמִין בָתַר דִגזַרוּ לְהוֹן קְיָם וֻשמַעוּ אְרֵי קָרִיבִין אִנוּן לֵיה וֻבֵינֵיהוֹן אִנוּן יָתְבִין׃
09:17 )1( [ai]וֻנטַלוּ בְנֵי יִשׂרָאֵל וַאְתוֹ/ועלו#3#/ לְקִרוֵיהוֹן בְיוֹמָא תְלִיתָאָה וְקִרוֵיהוֹן גִבעוֹן וֻכפִירָה/והכפירה#3#/ וֻבאֵרוֹת וְקִריַת יְעָרִים׃
09:18 )1( [ai]וְלָא מְחוֹנוּן/קטילינון#3#/ בְנֵי יִשׂרָאֵל אְרֵי קַיִימוּ לְהוֹן רַברְבֵי כְנִשתָא בְמֵימְרָא דַיְיָ אְלָהָא דְיִשׂרָאֵל וְאִתרָעַמוּ כָל כְנִשתָא עַל רַברְבַיָא׃
09:19 )1( [ai]וַאְמַרוּ כָל רַברְבַיָא לְכָל כְנִשתָא אְנַחנָא קַיֵמנָא לְהוֹן בְמֵימרָא דַיְיָ אְלָהָא דְיִשׂרָאֵל וֻכעַן לָא נִכוֹל לְאַנזָקָא/לְאָעָקָא#3#/ לְהוֹן/בהון#3#/׃
09:20 )1( [ai]דָא נַעְבֵיד לְהוֹן וֻנקַיֵים יָתְהוֹן וְלָא יְהֵי עְלַנָא רֻגזָא עַל קְיָמָא דְקַיֵימנָא לְהוֹן׃
09:21 )1( [ai]וַאְמַרוּ לְהוֹן רַברְבַיָא יֵיחוֹן וִיהוֹן/והוו#3#/ לָקְטִין/לָקְטֵי#2#/מלקטי#3#/ אָעִין וֻמָלַן מַיָא לְכָל כְנִשתָא כְמָא דְמַלִילוּ לְהוֹן/בהון#3#/ רַברְבַיָא׃
09:22 )1( [ai]וֻקרָא לְהוֹן יְהוֹשוּעַ וֻמַלֵיל עִמְהוֹן לְמֵימַר לְמָא שַקַרתוּן בַנָא לְמֵימַר רַחִיקִין אְנַחנָא מִנְכוֹן לַחדָא וְאַתוּן בֵינַנָא יָתְבִין׃
09:23 )1( [ai]וֻכעַן לִיטִין אַתוּן וְלָא יִפסְקוּן/יִפסַק#3#/ מִנְכוֹן עַבדִין וְלָקְטֵי/וְלָקְטִין#3#/לקטי#3#/מלקטין#3#/מלקטי#3#/ אָעִין וְמָלַן מַיָא לְבֵית מַקדְשָא דַאְלָהִי׃
09:24 )1( [ai]וַאְתִיבוּ יָת יְהוֹשֻעַ וַאְמַרוּ אְרֵי חַוָאָה/אִתחַוָאָה#2#/ אִתחַוַה לְעַבדָך יָת דְפַקֵיד יְיָ אְלָהָך יָת מֹשַה עַבדֵיה לְמִתַן לְכוֹן יָת כָל אַרעָא וֻלשֵיצָאָה יָת כָל יָתְבֵי אַרעָא מִן קֳדָמֵיכוֹן/מִן קֳדָמֵיהוֹן#3#/ וֻדחֵילנָא לַחדָא לְנַפשָתַנָא/עַל נַפשָתַנָא#3#/ מִן קֳדָמֵיכוֹן וַעְבַדנָא/ונעביד#3#/ יָת פִתגָמָא הָדֵין׃
09:25 )1( [ai]וֻכעַן הָא אְנַחנָא מְסִירִין בִידָך \כְמָא דְתָקֵין וֻדכָשַר /כשפר וכתקין#3# /כמא דתקין וכמא דכשר#3#/ בְעֵינָך לְמַעְבַד לַנָא עְבֵיד׃
09:26 )1( [ai]וַעְבַד לְהוֹן כֵין וְשֵיזֵיב יָתְהוֹן מִיַד בְנֵי יִשׂרָאֵל וְלָא קַטִילוּנוּן׃
09:27 )1( [ai]וֻמסַרִינוּן/וֻמַנִינוּן#2#/ יְהוֹשֻעַ בְעִידָנָא/ביומא#3#/ הַהוּא/ההיא#3#/ לָקְטֵי/מלקטי#3#/ אָעִין וֻמָלַן מַיָא לִכנִשתָא וֻלמַדבְחָא דַיְיָ עַד יוֹמָא הָדֵין לְאַתרָא דְיִתרְעֵי/דאתרעי#3#/׃

next chapter