← Back
The Comprehensive Aramaic Lexicon
← Return to the Text Browser
click on the file description for more information
51007: TgJ Ju

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


13:01 )1( [ai]וְאוֹסִיפוּ בְנֵי יִשׂרָאֵל לְמַעְבַד דְבִיש קֳדָם יְיָ וֻמסַרִנוּן יְיָ בְיַד פְלִשתָאֵי אַרבְעִין שְנִין׃
13:02 )1( [ai]וַהְוָה גֻברָא חַד מִצָרעָה מִזַרעִית דָן וֻשמֵיה מָנוֹחַ וְאִתְתֵיה עַקרָא וְלֵית לַה וְלַד׃
13:03 )1( [ai]וְאִתַחזִי מַלאְכָא דַיְיָ לְאִתְתָא וַאְמַר לַה הָא כְעַן אַתְ עַקרָא וְלֵית לִיך וְלַד וֻתעַדַן וֻתלִידִין בַר׃
13:04 )1( [ai]וֻכעַן אִסתְמַרִי כְעַן וְלָא תִשתַן חְמַר חְדַת וְעַתִיק וְלָא תֵיכְלִין כָל מְסָאַב׃
13:05 )1( [ai]אְרֵי הָא אַתְ מְעַדְיָא וֻתלִידִין בַר וֻמִספַר לָא יִעבַר עַל רֵישֵיה אְרֵי נְזִירָא דַיְיָ יְהֵי רָביָא מִן בַטנָא וְהוּא יְשָרֵי לְמִפרַק יָת יִשׂרָאֵל מִיְדָא דִפלִשתָאֵי׃
13:06 )1( [ai]וַאְתָת אִתְתָא וַאְמַרַת לְבַעלַה לְמֵימַר נְבִיָא דַיְיָ אְתָא לְוָתִי וְחַזוֵיה כְחֵיזוּ מַלאְכָא דַיְיָ חַסִין לַחדָא וְלָא שְאִלתֵיה אֵי מִדֵין הוּא וְיָת שְמֵיה לָא חַוִי לִי׃
13:07 )1( [ai]וַאְמַר לִי הָא אַתְ מְעַדְיָא וֻתלִידִין בַר וֻכעַן לָא תִשתַן חְמַר חְדַת וְעַתִיק וְלָא תֵיכְלִין כָל <מידעם#3#> מְסָאַב אְרֵי נְזִירָא דַיְיָ יְהֵי רָביָא מִן בַטנָא עַד יוֹם מוֹתֵיה׃
13:07 )4( [ai]ולא תיכלין כל מדעם לצרוך עידוי דמתיל למסאב
13:08 )1( [ai]וְצַלִי מָנוֹחַ קֳדָם יְיָ וַאְמַר בְבָעוּ יְיָ נְבִיָא דַיְיָ דִשלַחתָא יֵיתֵי כְעַן עוֹד לְוָתַנָא וְיַלְפִנַנָא מָא נַעְבֵיד לְרָביָא דְיִתיְלֵיד׃
13:09 )1( [ai]וְקַבֵיל/ושמיע קדם#3#/ יְיָ צְלוֹתֵיה דְמָנוֹחַ וַאְתָא מַלאְכָא דַיְיָ עוֹד לְוָת אִתְתָא וְהִיא יָתְבָא בְחַקלָא וֻמָנוֹחַ בַעלַה לֵית עִמַה׃
13:10 )1( [ai]וְאוֹחִיאַת אִתְתָא וֻרהַטַת וְחַוִיאַת לְבַעלַה וַאְמַרַת לֵיה הָא אִתַחזִי לִי גֻברָא דַאְתָא בְיוֹמָא דֵיכִי לְוָתִי׃
13:11 )1( [ai]וְקָם וַאְזַל מָנוֹחַ בָתַר אִתְתֵיה וַאְתָא לְוָת גֻברָא וַאְמַר לֵיה הְאַתְ גֻברָא דְמַלֵילתָא עִם אִתְתָא וַאְמַר אְנָא׃
13:12 )1( [ai]וַאְמַר מָנוֹחַ כְעַן יִתקַיְימוּן פִתגָמָך מָא יְהֵי דְחָזֵי לְרָביָא/למיעבד לעולימא#3#/ וֻמָא נַעְבֵיד לֵיה׃
13:13 )1( [ai]וַאְמַר מַלאְכָא דַיְיָ לְמָנוֹחַ מִכֹל דְאַמַרִית לְאִתְתָא תִסתְמַר׃
13:14 )1( [ai]מִכֹל דְיִפוֹק מִגֻפנָא דְחַמרָא לָא תֵיכוֹל וַחְמַר חְדַת וְעַתִיק לָא תִשתֵי וְכָל מְסָאַב לָא תֵיכוֹל כָל דְפַקֵידתַה תִטַר׃
13:15 )1( [ai]וַאְמַר מָנוֹחַ לְמַלאְכָא דַיְיָ נֵיחוֹד כְעַן יָתָך וְנעְבֵיד קֳדָמָך גַדיָא בַר עִזֵי׃
13:16 )1( [ai]וַאְמַר מַלאְכָא דַיְיָ לְמָנוֹחַ אִם תֵיחְדִנַנִי לָא אֵיכוֹל בְלַחמָך וְאִם תַעְבֵיד עְלָתָא קֳדָם יְיָ תַסְקִנַה אְרֵי לָא יְדַע מָנוֹחַ אְרֵי מַלאְכָא דַיְיָ הוּא׃
13:17 )1( [ai]וַאְמַר מָנוֹחַ לְמַלאְכָא דַיְיָ מַן שְמָך אְרֵי יִתקַיְימוּן/יֵיהֵי#3#/ פִתגָמָך וֻניַקְרִנָך׃
13:18 )1( [ai]וַאְמַר לֵיה מַלאְכָא דַיְיָ לְמָא דְנָן/דא#3#/ אַתְ שָאֵיל לִשמִי וְהוּא מְפָרַש׃
13:19 )1( [ai]וֻנסֵיב מָנוֹחַ יָת גַדיָא בַר עִזֵי וְיָת תִקרוּבתָא וְאַסֵיק עַל טִנָרָא קֳדָם יְיָ וֻמפָרֵיש לְמַעְבַד וֻמָנוֹחַ וְאִתְתֵיה חָזַן׃
13:20 )1( [ai]וַהְוָה בְמִסַק שַלהוֹבִיתָא מֵעִלָוֵי מַדבְחָא לְצֵית שְמַיָא וֻסלֵיק מַלאְכָא דַיְיָ בְשַלהוֹבִית מַדבְחָא וֻמָנוֹחַ וְאִתְתֵיה חָזַן וֻנפַלוּ עַל אַפֵיהוֹן עַל אַרעָא׃
13:21 )1( [ai]וְלָא אוֹסֵיף עוֹד מַלאְכָא דַיְיָ לְאִתחְזָאָה לְמָנוֹחַ וֻלאִתְתֵיה בְכֵין יְדַע מָנוֹחַ אְרֵי מַלאְכָא דַיְיָ הוּא׃
13:22 )1( [ai]וַאְמַר מָנוֹחַ לְאִתְתֵיה מְמָת נְמוּת אְרֵי מַלאְכָא דַיְיָ חְזֵינָא׃
13:23 )1( [ai]וַאְמַרַת לֵיה אִתְתֵיה אִלוּ רַעְוָא קֳדָמ/מִן קֳדָם#3#/ יְיָ דִנמוּת לָא קְבֵיל מִנַנָא עְלָתָא וֻמִנחָתָא וְלָא אַחזְיַנָא יָת כָל אִלֵין וֻכעִדָן פוֹן לָא אַשמְעַנָא כְהָדָא׃
13:24 )1( [ai]וִילֵידַת אִתְתָא בַר וֻקרָת יָת שְמֵיה שִמשוֹן וֻרבָא רָביָא וֻבָרְכֵיה יְיָ׃
13:25 )1( [ai]וְשָרִיאַת רוּחַ גְבוּרָא/נבואה#3#/ מִן קֳדָם יְיָ לְתַקָפוּתֵיה בְמַשרְיָת דָן בֵין צָרעָה וֻבֵין אַשתָאוֹל׃

next chapter