← Back
The Comprehensive Aramaic Lexicon
← Return to the Text Browser
click on the file description for more information
51007: TgJ Ju

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


14:01 )1( [ai]וֻנחַת שִמשוֹן לְתִמנָת וַחְזָא אִתְתָא בְתִמנָת מִבְנָת פְלִשְתָאֵי׃
14:02 )1( [ai]וֻסלֵיק וְחַוִי לַאְבוּהִי וֻלאִמֵיה וַאְמַר אִתְתָא חְזֵיתִי בְתִמנָת מִבְנָת פְלִשתָאֵי וֻכעַן סַבוּ <כען#3#> יָתַה לִי לְאִתוּ׃
14:03 )1( [ai]וַאְמַר לֵיה אְבוּהִי וְאִמֵיה הְלֵית בִבנָת אְחָך וֻבכָל עַמִי אִתְתָא דְאַתְ/אְרֵי אַת#3#/ אָזֵיל לְמִסַב אִתְתָא מִפְלִשתָאֵי עַרלַיָא וַאְמַר שִמשוֹן לַאְבוּהִי יָתַה סַב לִי אְרֵי הִיא כְשַרַת בְעֵינָי׃
14:04 )1( [ai]וַאְבוּהִי וְאִמֵיה לָא יָדְעִין אְרֵי מִן קֳדָם יְיָ הִיא אְרֵי תוּסקְפָא הוּא בָעֵי לְאִתגָרָאָה בִפלִשתָאֵי וֻבעִדָנָא הַהוּא פְלִשתָאֵי שָלְטִין/מגיחין קרבא#3#/ בְיִשׂרָאֵל׃
14:05 )1( [ai]וֻנחַת שִמשוֹן וַאְבוּהִי וְאִמֵיה לְתִמנָת וַאְתוֹ עַד כַרמֵי תִמנָת וְהָא אַריֵי בַר אַריָוָן נָהֵים לְקַדָמוּתֵיה׃
14:06 )1( [ai]וֻשרָת/ותצלח#3#/ עְלוֹהִי רוּחַ גְבוּרָא מִן קֳדָם יְיָ וְהַדְמֵיה כְמָא דִמהַדְמִין גַדיָא וֻמִדָעַם לֵית בִידֵיה וְלָא חַוִי לַאְבוּהִי וֻלאִמֵיה יָת דַעְבַד׃
14:07 )1( [ai]וֻנחַת וֻשאַל בְאִתְתָא וֻכשַרַת בְעֵינֵי שִמשוֹן׃
14:08 )1( [ai]וְתָב מִזְמָן יוֹמִין/לִזמָן#3#/ לְמִסְבַה וְזָר לְמִחזֵי יָת פִגרָא/שלדא#3#/ דְאַריָא וְהָא קִנָא דְדַברַיָתָא בְפִגרָא/בשלדא#3#/ דְאַריָא וֻבֵיה/ונסח#3#/ דֻבשָא׃
14:09 )1( [ai]וְנַסחֵיה בִידוֹהִי וַאְזַל מֵיזָל וְאָכֵיל וַאְזַל לְוָת אְבוּהִי וֻלוָת אִמֵיה וִיהַב לְהוֹן וַאְכַלוּ וְלָא חַוִי לְהוֹן אְרֵי מִפִגרָא/משלדא#3#/ דְאַריָא נְסֵיח דֻבשָא׃
14:10 )1( [ai]וֻנחַת אְבוּהִי עַל עֵיסַק אִתְתָא וַעְבַד תַמָן שִמשוֹן מִשתְיָא אְרֵי כֵין עָבְדִין עוּלֵימַיָא׃
14:11 )1( [ai]וַהְוָה כַד חְזוֹ יָתֵיה וֻדבַרוּ תְלָתִין חַברִין/גברין#3#/ וַהְווֹ עִמֵיה׃
14:12 )1( [ai]וַאְמַר לְהוֹן שִמשוֹן אֵיחוּד כְעַן לְכוֹן חוֹדִיתָא אִם חַוָאָה תְחַוֹן יָתַה לִי שִבעָה יוֹמֵי מִשתְיָא וְתַשכְחוּן וְאַתֵין לְכוֹן תְלָתִין פַלדֵיסִין וֻתלָתִין אֻצטְלָוָן דִלבוּשָא׃
14:13 )1( [ai]וְאִם לָא תִכְלוּן לְחַוָאָה לִי וְתִתְנוּן אַתוּן לִי תְלָתִין פַלדֵיסִין וֻתלָתִין אֻצטְלָוָן דִלבוּשָא וַאְמַרוּ לֵיה חוֹד חוֹדִיתָך וְנִשמְעִנַה׃
14:14 )1( [ai]וַאְמַר לְהוֹן מֵיאָכְלָא נְפַק מֵיכְלָא וֻמִתַקִיפָא נְפַק חַליָא וְלָא יְכִילוּ לְחַוָאָה חוֹדִיתָא תְלָתָא יוֹמִין׃
14:15 )1( [ai]וַהְוָה בְיוֹמָא שְבִיעָאָה וַאְמַרוּ לְאִתַת שִמשוֹן שַדִילִי יָת בַעלִיך וִיחַוֵי לַנָא יָת חוֹדִיתָא דִלמָא נוֹקֵיד יָתִיך וְיָת בֵית אְבוּך בְנוּרָא הַלְמַסכָנוּתַנָא קְרֵיתוֹן לַנָא הָלְכָא׃
14:16 )1( [ai]וֻבכָת אִתַת שִמשוֹן עְלוֹהִי וַאְמַרַת לְחוֹד סְנֵיתַנִי וְלָא רְחֵימתַנִי חוֹדִיתָא חַדתָא לִבנֵי עַמִי/אומי#3#/ וְלִי לָא חַוִיתָא וַאְמַר לַה הָא לְאַבָא וֻלאִמָא לָא חַוִיתִי וְלִיך אֵיכְדֵין אְחַוֵי׃
14:17 )1( [ai]וֻבכָת עְלוֹהִי שִבעָה יוֹמַיָא דַהְוָה לְהוֹן מִשתְיָא והְוָה בְיוֹמָא שְבִיעָאָה וְחַוִי לַה אְרֵי דְחַקתֵיה וְחַוִיאַת חוֹדִיתָא לִבנֵי עַמַה׃
14:18 )1( [ai]וַאְמַרוּ לֵיה אְנָשֵי קַרתָא בְיוֹמָא שְבִיעָאָה עַד לָא מֵיעַל שִמשָא מָא חְלֵי מִדֻבשָא וֻמָא תַקִיף מֵאַריָא וַאְמַר לְהוֹן אִלוּ לָא פוֹן <לא#3#> בְדַקתוּן בְאִתְתִי לָא אַשכַחתוּן חוֹדִיתִי׃
14:19 )1( [ai]וֻשרָת עְלוֹהִי רוּחַ גְבוּרָא מִן קֳדָם יְיָ וֻנחַת לְאַשקְלוֹן וֻקטַל מִנְהוֹן תְלָתִין גֻברָא וֻנסֵיב <מנהון#3#> יָת זְרָזֵיהוֹן וִיהַב <יָת#3#> אֻצטְלַיָא לִדחַוִיאוּ חוֹדִיתָא וֻתקֵיף רֻגזֵיה וֻסלֵיק לְבֵית אְבוּהִי׃
14:20 )1( [ai]וַהְוָת אִתַת שִמשוֹן לְחַברֵיה דַהְוָה שוֹשְבִינֵיה׃

next chapter