← Back
The Comprehensive Aramaic Lexicon
← Return to the Text Browser
click on the file description for more information
51007: TgJ Ju

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


16:01 )1( [ai]וַאְזַל שִמשוֹן לְעַזָת וַחְזָא תַמָן אִתְתָא פֻנדְקֵיתָא וְעָל לְוָתַה׃
16:02 )1( [ai]לְעַזָתָאֵי אִתחַוַה לְמֵימַר אְתָא שִמשוֹן הָלְכָא וְאַסחַרוּ וֻכמַנוּ לֵיה כָל לֵיליָא בְמַעְלַנָא דִתרַע קַרתָא וֻשתִיקוּ <ליה#3#> כָל לֵיליָא לְמֵימַר עַד מֵיהַר/ניהור#3#/מהוי#3#/מיסק מינהר#3#/ צַפרָא וְנִקטְלִנֵיה׃
16:03 )1( [ai]וֻשכֵיב שִמשוֹן עַד פַלגוּת לֵיליָא וְקָם בְפַלגוּת לֵיליָא וַאְחַד בְדַשֵי תְרַע קַרתָא וֻבִתרֵין סִפַיָא וֻנטַלִנוּן עִם עָבְרָא וְשַוִי עַל כַתפוֹהִי וְאַסֵיקִנוּן לְרֵיש טוּרָא דְעַל אַפֵי חַברוֹן׃
16:04 )1( [ai]וַהְוָה בָתַר כֵין וֻרחֵים אִתְתָא בְנַחלָא דְסוֹרֵק וֻשמַה דְלִילָה׃
16:05 )1( [ai]וֻסלִיקוּ לְוָתַה טֻרנֵי פְלִשתָאֵי וַאְמַרוּ לַה שַדִילִי יָתֵיה וַחזִי בְמָא חֵילֵיה סַגִי/רבא#3#/ וֻבמָא נִכוֹל לֵיה וְנֵיסְרִנֵיה לְעַנָיוּתֵיה וַאְנַחנָא נִתֵין לִיך לִגבַר אַלַף וֻמאָה סִלעִין דִכסַף׃
16:06 )1( [ai]וַאְמַרַת דְלִילָה לְשִמשוֹן חַוִי כְעַן לִי בְמָא חֵילָך סַגִי וֻבמָא תִתאְסַר לְעַנָיוּתָך׃
16:07 )1( [ai]וַאְמַר לַה שִמשוֹן אִם יֵיסְרוּנַנִי בְשִבעָה יַתרִין/אטונין#3#/ רַטִיבִין דְלָא יְבִישוּ וְאַחלוּש וְאַהְוֵי כְחַד מִבְנֵי אְנָשָא׃
16:08 )1( [ai]וְאַסִיקוּ לַה טֻרנֵי פְלִשתָאֵי שִבעָה יַתרִין רַטִיבִין דְלָא יְבִישוּ וַאְסַרתֵיה בְהוֹן׃
16:09 )1( [ai]וְכָמְנָא יָתֵיב לַה בְאִדְרוֹן בֵית מִשכְבָא וַאְמַרַת לֵיה פְלִשתָאֵי אְתוֹ עְלָך שִמשוֹן וֻפַסֵיק יָת יַתרַיָא כְמָא דְמִתפְסֵיק חוּטָא דְכִתָנָא דְאָרַח בֵיה נוּרָא וְלָא אִתיְדַע חֵילֵיה׃
16:10 )1( [ai]וַאְמַרַת דְלִילָה לְשִמשוֹן הָא שַקַרתְ בִי וֻמַלֵילתְ עִמִי כַדבִין כְעַן חַוִי כְעַן לִי בְמָא תִתאְסַר׃
16:11 )1( [ai]וַאְמַר לַה אִם מֵיסָר יֵיסְרוּנַנִי בִגדִילָן חְדַתָן דְלָא אִתעְבֵידַת בְהוֹן עְבִידְתָא וְאַחלוֹש וְאַהְוֵי כְחַד מִבְנֵי אְנָשָא׃
16:12 )1( [ai]וֻנסֵיבַת דְלִילָה גְדִילָן חְדַתָן וַאְסַרתֵיה בְהוֹן וַאְמַרַת לֵיה פְלִשתָאֵי אְתוֹ עְלָך שִמשוֹן וֻכָמְנָא יָתֵיב בְאִדְרוֹן בֵית מִשכְבָא וֻפסַקִנוּן מֵעַל דְרָעוֹהִי כְחוּטָא׃
16:13 )1( [ai]וַאְמַרַת דְלִילָה לְשִמשוֹן עַד הָכָא שַקַרתְ בִי וֻמַלֵילתְ עִמִי כַדבִין חַוִי <כען#3#> לִי בְמָא תִתאְסַר וַאְמַר לַה אִם תִשתַן/תמחן#3#/ יָת שְבַע גְדִילָת רֵישִי עִם אַכסָנָא בְמַשתִיתָא׃
16:14 )1( [ai]וֻנקַשַת בְסִכְתָא וַאְמַרַת לֵיה פְלִשתָאֵי אְתוֹ עְלָך שִמשוֹן וְאִתְעַר מִשִנתֵיה וֻנטַל יָת אַכסָן/סיכתא#3#/ דְגַרדְיָאִין וְיָת מַשתִיתָא׃
16:15 )1( [ai]וַאְמַרַת לֵיה אֵיכְדֵין תֵימַר רְחֵימתִיך וְלִבָך לִית עִמִי דְנָן תְלָת זִמנִין שַקַרתְ בִי וְלָא חַוִית לִי בְמָא חֵילָך סַגִי/רבא#3#/׃
16:16 )1( [ai]וַהְוָה כַד אַעֵיקַת לֵיה בְפִתגָמַהָא כָל יוֹמַיָא וֻדחַקתֵיה וְעַקַת נַפשֵיה לִמְמָת׃
16:16 )4( [ai]ואישתמיטת מתחותוהי בעידן תשמישותיה ודחקתיה
16:17 )1( [ai]וְחַוִי לַה יָת כָל לִבֵיה וַאְמַר לַה מִספַר לָא עְדָא/סליק#3#/ עַל רֵישִי אְרֵי נְזִירָא דַיְיָ אְנָא מִבַטנָא דְאִמִי אִם אְגַלַח וְיִעדֵי מִנִי חֵילִי וְאַחלוֹש וְאַהְוֵי כְכָל/ככל כחד מן בני#3#/ככל בני#3#/ אְנָשָא׃
16:18 )1( [ai]וַחְזָת דְלִילָה אְרֵי חַוִי לַה יָת כָל לִבֵיה וֻשלַחַת וֻקרָת לְטֻרנֵי פְלִשתָאֵי לְמֵימַר סַקוּ <ברם#3#> זִמנָא הָדָא אְרֵי חַוִי לִי יָת כָל לִבֵיה וֻסלִיקוּ לְוָתַה טוּרנֵי פְלִשתָאֵי וְאַסִיקוּ כַספָא בְיַדהוֹן׃
16:19 )1( [ai]וְאַשכֵיבתֵיה עַל בִרכַהָא וֻקרָת לְגֻברָא וֻגדַעַת/וֻגרַעַת#3#/ יָת שְבַע גְדִילָת רֵישֵיה וְשָרִיאַת לְעַנָיוּתֵיה \וַעְדָא חֵילֵיה /ותש חיליה#3#/ מִנֵיה׃
16:20 )1( [ai]וַאְמַרַת פְלִשתָאֵי אְתוֹ עְלָך שִמשוֹן וְאִתְעַר מִשִנתֵיה וַאְמַר אַפוֹק כִזמַן בִזמַן וְאַתגַבַר וְהוּא לָא יְדַע אְרֵי גְבוּרְתָא דַיְיָ עְדָת מִנֵיה׃
16:21 )1( [ai]וְאַחדוּהִי פְלִשתָאֵי וְנַקַרוּ/וסנוורו#3#/ יָת עֵינוֹהִי וְאַחִיתוּ יָתֵיה לְעַזָת וְאַסרוּהִי בְשֵישְלָן דִנחָש וַהְוָה טָחֵין רִחיָא בְבֵית אְסִירֵי׃
16:21 )4( [ai]משמש ערסן בנשי פלישתאי בבית אסירי
16:22 )1( [ai]וְשָרִי סְעַר רֵישֵיה לְצַמָחָא בָתַר דְאִתגַלַח׃
16:23 )1( [ai]וְטוּרנֵי פְלִשתָאֵי אִתכְנִישוּ לְדַבָחָא דֵיבַח רַב לְדָגוֹן טָעוּתְהוֹן וֻלחַדוָא וַאְמַרוּ מְסַרַת דַחלַתנָא בִידַנָא יָת שִמשוֹן בְעֵיל דְבָבַנָא׃
16:24 )1( [ai]וַחְזוֹ יָתֵיה עַמָא וְשַבַחוּ יָת טָעוּתְהוֹן אְרֵי אְמַרוּ מְסַרַת דַחלַתנָא בִידַנָא יָת בְעֵיל דְבָבַנָא וְיָת מַחרֵיב אַרעַנָא וֻדאַסגִי יָת קְטִילַנָא׃
16:25 )1( [ai]וַהְוָה כַד שְפַר/טָב#3#/ לִבְהוֹן וַאְמַרוּ קְרוֹ לְשִמשוֹן וִיחָיֵך לַנָא וֻקרוֹ לְשִמשוֹן מִבֵית אְסִירַיָא וְחָיֵיך קֳדָמֵיהוֹן וַאְקִימוּ יָתֵיה בֵין עַמוּדַיָא׃
16:26 )1( [ai]וַאְמַר שִמשוֹן לְעוּלֵימָא דְמַתקֵיף בִידֵיה שְבוֹק מִנִי וַאְמֵישנִי יָת עַמוּדַיָא דְבֵיתָא מְתֻקַן עְלֵיהוֹן וְאַסתְמֵיך עְלֵיהוֹן׃
16:27 )1( [ai]וֻבֵיתָא מְלֵי גֻברַיָא וֻנשַיָא וְתַמָן כֹל טוּרנֵי פְלִשתָאֵי וְעַל אִיגָרָא כִתלָתָה אַלפִין גְבַר וְאִתָא דְחָזַן בְחוֹכָא דְשִמשוֹן׃
16:28 )1( [ai]וְצַלִי שִמשוֹן קֳדָם יְיָ וַאְמַר יְיָ אְלֹהִים יֵיעוֹל דֻכרָנִי <כען#3#> קֳדָמָך וְתַקֵיפנִי כְעַן בְרַם זִמנָא הָדָא יְיָ וְאַתפְרָע פוֹרעָנוּ חְדָא מִתַרתֵין עֵינַי דְנַקַרוּ <לי#3#> פְלִשתָאֵי׃
16:29 )1( [ai]וַאְחַד שִמשוֹן יָת תְרֵין עַמוּדַיָא מְצִיעָאֵי דְבֵיתָא מְתֻקַן עְלֵיהוֹן וְאִסתְמֵיך עְלֵיהוֹן חַד בְיַמִינֵיה וְחַד בִסמָלֵיה׃
16:30 )1( [ai]וַאְמַר שִמשוֹן תְמוּת נַפשִי עִם פְלִשתָאֵי וֻנגַד בְחֵילָא וֻנפַל בֵיתָא עַל טוּרנַיָא וְעַל כָל עַמָא דְבֵיה וַהְווֹ קְטִילַיָא/מִיתַיָא#3#/ דִקטַל בְמוֹתֵיה סַגִיאִין מִדִקטַל בְחַיוֹהִי׃
16:31 )1( [ai]וֻנחַתוּ אְחוֹהִי וְכָל בֵית אְבוּהִי וֻנטַלוּ יָתֵיה וֻסלִיקוּ וֻקבַרוּ יָתֵיה בֵין צָרעָה וֻבֵין אַשתָאוֹל בְקַברָא דְמָנוֹחַ אְבוּהִי וְהוּא דָן יָת יִשׂרָאֵל עַסרִין שְנִין׃

next chapter