← Back
The Comprehensive Aramaic Lexicon
← Return to the Text Browser
click on the file description for more information
51007: TgJ Ju

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


19:01 )1( [ai]וַהְוָה בְיוֹמַיָא הָאִנוּן וֻמַלכָא לֵית בְיִשׂרָאֵל וַהְוָה גֻברָא לֵיוָאָה דָר בִסיָפֵי טוּרָא דְבֵית אַפרַיִם וֻנסֵיב לֵיה אִתְתָא לְחֵינְתָא מִבֵית לַחַם דְבֵית יְהוּדָה׃
19:02 )1( [ai]וֻבַסַרַת עְלוֹהִי לְחֵינְתֵיה וַאְזַלַת מִלְוָתֵיה לְבֵית/לְוָת#3#/ אְבוּהָא לְבֵית לַחַם דְבֵית יְהוּדָה וַהְוָת תַמָן יוֹמִין אַרבְעָה יַרחִין׃
19:03 )1( [ai]וְקָם בַעלַה וַאְזַל בָתְרַהָא לְמַלָלָא עַל לִבַה לְאָתָבוּתַה וְעוּלֵימֵיה עִמֵיה וְזוֹג חְמָרִין וַאְעֵילתֵיה לְבֵית אְבוּהָא וַחְזָהִי אְבוּהָא דְעוּלֵימְתָא וַחְדִי לְקַדָמוּתֵיה׃
19:04 )1( [ai]וְאַתקֵיף בֵיה חְמוּהִי אְבוּהָא דְעוּלֵימְתָא וִיתֵיב עִמֵיה תְלָתָה יוֹמִין וַאְכַלוּ וֻשתִיאוּ וֻבָתוּ תַמָן׃
19:05 )1( [ai]וַהְוָה בְיוֹמָא רְבִיעָאָה וְאַקדִימוּ בְצַפרָא וְקָם לְמֵיזַל וַאְמַר אְבוּהָא דְעוּלֵימְתָא לַחְתָנֵיה סְעוֹד לִבָך פִתָא דְלַחמָא וֻבָתַר כֵן תֵיזְלוּן׃
19:06 )1( [ai]וְאַסחַרוּ/ותבו#3#/ וַאְכַלוּ תַרוֵיהוֹן כַחדָא וֻשתִיאוּ וַאְמַר אְבוּהָא דְעוּלֵימְתָא לְגֻברָא/לְחַתנֵיה#3#/ שָרִי כְעַן וֻבִית וְיִשפַר לִבָך׃
19:07 )1( [ai]וְקָם גֻברָא לְמֵיזַל וְאַתקֵיף בֵיה חְמוּהִי וְתָב וֻבָת תַמָן׃
19:08 )1( [ai]וְאַקדֵים בְצַפרָא בְיוֹמָא חְמִישָאָה לְמֵיזַל וַאְמַר אְבוּהָא דְעוּלֵימְתָא סְעוֹד כְעַן לִבָך וְאִתעַכַבוּ עַד מִפנֵי יוֹמָא וַאְכַלוּ תַרוֵיהוֹן׃
19:09 )1( [ai]וְקָם גֻברָא לְמֵיזַל הוּא וֻלחֵינְתֵיה וְעוּלֵימֵיה וַאְמַר לֵיה חְמוּהִי אְבוּהָא דְעוּלֵימְתָא הָא כְעַן פְנָא יוֹמָא <דין#3#> לְמִערַב בִיתוּ כְעַן הָכָא/הָא#3#/ לְחוֹד/לחוד נְחַת#3#/לחוד ברם#3#/ יוֹמָא <דין#3#> בִית כָא/הָכָא#2#/ וְיִשפַר לִבָך וְתַקדְמוּן מְחַר לְאוֹרַחכוֹן וֻתהָך לְקִרוָך׃
19:10 )1( [ai]וְלָא אְבָא גֻברָא לִמבָת וְקָם וַאְזַל וַאְתָא עַד לָקֳבֵיל יְבוּס הִיא יְרוּשלַם וְעִמֵיה זוֹג חְמָרִין חַשִיקִין וֻלחֵינְתֵיה עִמֵיה׃
19:11 )1( [ai]אִנוּן עִם יְבוּס וְיוֹמא מְאַך לַחדָא וַאְמַר עוּלֵימָא לְרִבוֹנֵיה אֵיתַא כְעַן וֻנזוּר לְקַרתָא דִיבוּסָאָה הָדָא וֻנבִית בַה׃
19:12 )1( [ai]וַאְמַר לֵיה רִבוֹנֵיה לָא נְזוּר לְקִריַת בְנֵי עַמְמַיָא דְלָא מִבְנֵי יִשׂרָאֵל אִנוּן וְנִתמְטֵי עַד גִבעְתָא׃
19:13 )1( [ai]וַאְמַר לְעוּלֵימֵיה אֵיתַא וְנִתקְרַב \בְחַד מִן אַתרַיָא /בחדא מן קירויא#3#/ וֻנבִית בְגִבעְתָא אוֹ בְרָמְתָא׃
19:14 )1( [ai]וַעְבַרוּ וַאְזַלוּ וְעַלַת לְהוֹן שִמשָא בִסטַר גִבעְתָא דִלשֵיבַט בִניָמִין׃
19:15 )1( [ai]וְזָרוּ לְתַמָן לְמֵיעַל לִמבָת בְגִבעְתָא וַאְתָא וִיתֵיב בִרחוֹבָא דְקַרתָא וְלֵית אְנָש דְכָנֵיש יָתְהוֹן/להון#3#/ לְבֵיתָא לִמבָת׃
19:16 )1( [ai]וְהָא גֻברָא סָבָא אְתָא מִן עְבִידְתֵיה מִן חַקלָא בְרַמשָא וְגֻברָא מִטוּרָא דְבֵית אַפרַיִם וְהוּא דָאַר בְגִבעְתָא וַאְנָשֵי אַתרָא בְנֵי/מן#3#/ שִבטָא דְבֵית בִניָמִין׃
19:17 )1( [ai]וֻזקַף עֵינוֹהִי וַחְזָא יָת גֻברָא דְאָרַח בִרחוֹבָא דְקַרתָא וַאְמַר גֻברָא סָבָא לְאָן אַתְ אָזֵיל וֻמנָן/וֻלאָן#3#/ אַתְ אָתֵי׃
19:18 )1( [ai]וַאְמַר לֵיה עָבְרִין אְנַחנָא מִבֵית לַחַם דְבֵית יְהוּדָה עַד סְיָפֵי טוּרָא דְבֵית אַפרַיִם מִתַמָן אְנָא וַאְזַלִית עַד בֵית לַחַם דְבֵית יְהוּדָה וֻלבֵית מַקדְשָא דַיְיָ אְנָא אָזֵיל וְלֵית אְנָש/גברא#3#/ דְכָנֵיש יָתִי לְבֵיתָא׃
19:19 )1( [ai]וְאַף תִבנָא אַף כִסְתָא אִית לַחְמָרַנָא וְאַף לְחֵים וַחְמַר/ויין#3#/ אִית לִי וֻלאַמתָך וֻלעוּלֵימָא דְעִם עַבדָך לֵית חֻסרָן כָל מִדָעַם׃
19:20 )1( [ai]וַאְמַר גֻברָא סָבָא שְלָם לָך לְחוֹד כָל חֻסרָנָך עְלָי לְחוֹד בִרחוֹבָא לָא תְבִית׃
19:21 )1( [ai]וְאַעְלֵיה לְבֵיתֵיה וֻרמָא כִסְתָא לַחְמָרַיָא וְאַסחִיאוּ רַגלֵיהוֹן וַאְכַלוּ וֻשתִיאוּ׃
19:22 )1( [ai]אִנוּן מֵיטִיבִין יָת לִבְהוֹן וְהָא אְנָשֵי קַרתָא גֻברֵי בְנֵי רִשעָא אַקִיפוּ/דָחְקִין#3#/ יָת/על#3#/ בֵיתָא דָחְקִין לְמִתבַר דַשָא וַאְמַרוּ לְגֻברָא מָרֵיה דְבֵיתָא סָבָא לְמֵימַר אַפֵיק יָת גֻברָא דְעָל לְבֵיתָך וְנִדְעִנֵיה׃
19:23 )1( [ai]וֻנפַק לְוָתְהוֹן גֻברָא מָרֵיה דְבֵיתָא וַאְמַר לְהוֹן בְבָעוּ <כען#3#> אַחַי לָא תַבאְשוּן כְעַן בָתַר דְעָל גֻברָא הָדֵין לְבֵיתִי לָא תַעבְדוּן יָת קְלָנָא הָדֵין׃
19:24 )1( [ai]הָא בְרַתִי בְתוּלְתָא וֻלחֵינְתֵיה אַפֵיק כְעַן יָתְהוֹן וְעַנוֹ יָתְהוֹן וַעְבִידוּ לְהוֹן דְתָקֵין בְעֵינֵיכוֹן וֻלגֻברָא הָדֵין לָא תַעבְדוּן עֵיסַק קְלָנָא הָדֵין׃
19:25 )1( [ai]וְלָא אְבוֹ גֻברַיָא לְקַבָלָא מִנֵיה וְאַתקֵיף גֻברָא בִלחֵינְתֵיה וְאַפֵיק לְוָתְהוֹן לְבָרָא וִידַעוּ יָתַה וְאִתלָעַבוּ בַה כָל לֵיליָא עַד צַפרָא וְשַלַחוּהָא כְמִסַק צַפרָא׃
19:26 )1( [ai]וַאְתָת אִתְתָא לְמִפנֵי צַפרָא וֻנפַלַת בִתרַע בֵית גֻברָא דְרִבוֹנַה תַמָן עַד דִנהַר׃
19:27 )1( [ai]וְקָם רִבוֹנַה בְצַפרָא וֻפתַח דַשֵי בֵיתָא וֻנפַק לְמֵיזַל לְאוֹרחֵיה וְהָא אִתְתָא לְחֵינְתֵיה רָמיָא בִתרָע בֵיתָא וִידַהָא מַחְתָן עַל סִפָא׃
19:28 )1( [ai]וַאְמַר לַה קוּמִי וְנֵיזֵיל וְלָא/לית#3#/ מְתִיבָא וְנַסבַה עַל חְמָרָא וְקָם גֻברָא וַאְזַל לְאַתרֵיה׃
19:29 )1( [ai]וַאְתָא לְבֵיתֵיה וֻנסֵיב יָת סַכִינָא וְאַתקֵיף/וַאְחַד#3#/ בִלחֵינְתֵיה וְהַדְמַה לְאַברַהָא לִתרֵי עְסַר אַברִין וְשַלְחַה בְכָל תְחוּם אַרעָא דְיִשׂרָאֵל׃
19:30 )1( [ai]וַהְוָה כָל דְחָזֵי לַה וַאְמַר לָא הְוָת וְלָא אִתַחזִיאַת כְהָדָא לְמִיוֹמָא דִסלִיקוּ/דִנפַקוּ#3#/ בְנֵי יִשׂרָאֵל מֵאַרעָא דְמִצרַיִם עַד יוֹמָא הָדֵין שַווֹ לִבְכוֹן עְלַה אִתיְעִיצוּ וֻמַלִילוּ׃

next chapter