The Comprehensive Aramaic Lexicon

20:01 )1( [ai]	וֻנפַקוּ כָל בְנֵי יִשׂרָאֵל וְאִתכְנֵישַת כְנִשתָא כְגֻברָא חַד לְמִדָן וְעַד בְאֵר שַבַע וַאְרַע גִלעָד לִקדָם יְיָ לְמִצפְיָא׃
20:02 )1( [ai]	וְאִתעַתַדוּ רֵישֵי כָל עַמָא כָל שִבטַיָא דְיִשׂרָאֵל בִקהַל עַמָא דַיְיָ אַרבָע מְאָה אַלפִין גְבַר רַגלַי שָלְפֵי סֵיפָא׃
20:03 )1( [ai]	וֻשמַעוּ בְנֵי בִניָמִין אְרֵי סְלִיקוּ בְנֵי יִשׂרָאֵל לְמִצפְיָא וַאְמַרוּ בְנֵי יִשׂרָאֵל מַלִילוּ אֵיכְדֵין הְוָת בִשתָא הָדָא׃
20:04 )1( [ai]	וַאְתֵיב גֻברָא לֵיוָאָה בַעלַה דְאִתְתָא קְטִילְתָא וַאְמַר לְגִבעְתָא דִלשֵיבַט בִניָמִין עַלִית אְנָא ולחֵינְתִי לִמבָת׃
20:05 )1( [ai]	וְקָמו עְלַי יָתְבֵי/בעלי#3#/ גִבעְתָא וְאַקִיפו עְלַי/לי#3#/ יָת בֵיתָא בְלֵיליָא עְלַי חַשִיבו לְמִקטַל וְיָת לְחֵינְתִי עַנְיוּהָא וֻמֵיתַת׃
20:06 )1( [ai]	וַאְחַדִית בִלחֵינְתִי וְהַדֵמתַה וְשַלַחתַה בְכָל תְחוּם אַחסָנַת אַרעָא דְיִשׂרָאֵל אְרֵי עְבַדוּ עֵיצַת חְטִין \וֻדלָא כָשַר /וֻקלָנָא#3#/ בְיִשׂרָאֵל׃
20:07 )1( [ai]	הָא כֻלְכוֹן בְנֵי יִשׂרָאֵל הַבוּ לְכוֹן פִתגָם וְעֵיצָה הָלְכָא׃
20:08 )1( [ai]	וְקָם כָל עַמָא כְגֻברָא חַד לְמֵימַר לָא נֵיזֵיל גְבַר לְמַשכְנֵיה וְלָא נְזוּר גְבַר לְבֵיתֵיה׃
20:09 )1( [ai]	וֻכעַן דֵין פִתגָמָא דְנַעְבֵיד לְגִבעְתָא נִתמְנֵי/נִתפְלַג#3#/ עְלַה בְעַדבָא׃
20:10 )1( [ai]	וְנִדבַר עַסרָא גֻברִין לִמאָה לְכֹל שִבטַיָא דְיִשׂרָאֵל וֻמאָה לְאַלפָא וְאַלפָא לְרִבוֹתָא לְמִסַב זְוָדִין לְעַמָא לְמַעְבַד לְאֵיתָיוּתְהוֹן לְגִבעְתָא דְבֵית/דבני#3#/ בִניָמִין כְכָל קְלָנָא דְאִתעְבֵיד בְיִשׂרָאֵל׃
20:11 )1( [ai]	וְאִתכְנֵיש כָל אְנָש יִשׂרָאֵל לְקַרתָא כְגֻברָא חַד שָוַן׃
20:12 )1( [ai]	וֻשלַחוּ שִבטַיָא דְיִשׂרָאֵל גֻברִין בְכָל שִבטֵי בִניָמִין לְמֵימַר מָא בִשתָא הָדָא דַהְוָת בְכוֹן׃
20:13 )1( [ai]	וֻכעַן אֵיתוֹ/הַבוּ#3#/הבו אתו#3#/ יָת גֻברַיָא בְנֵי רִשעָא דִבגִבעְתָא וֻנקַטֵילִנוּן וֻנפַלֵי עָבְדֵי בִשתָא מִיִשׂרָאֵל וְלָא אְבוֹ בְנֵי בִניָמִין לְקַבָלָא לְמֵימַר אְחֵיהוֹן בְנֵי יִשׂרָאֵל׃
20:14 )1( [ai]	וְאִתכְנִישוּ בְנֵי בִניָמִין מִן קִרוַיָא לְגִבעְתָא לְמִפַק לְאָגָחָא קְרָבָא עִם בְנֵי יִשׂרָאֵל׃
20:15 )1( [ai]	וְאִתמְנִיאוּ בְנֵי בִניָמִין בְיוֹמָא הַהוּא מִקִרוַיָא עַסרִין וְשִתָא אַלפִין גֻברָא שָלְפֵי סֵיפָא בָר גִבעְתָא אִתמְנִיאוּ שְבַע מְאָה גְבַר עוֹלֵים׃
20:16 )1( [ai]	מִכֹל עַמָא הָדֵין שְבַע מְאָה גְבַר עוֹלֵים גֻברָא גְמִיד בִידֵיה דְיַמִינָא כָל אִלֵין דְשָדַן אַבנָא בְקִלעָא וֻמדַמַן בְבִינַת סַעְרָא וְלָא מְשַנַן׃
20:16 )4( [ai]	פי׳ בבינת סערא כמא דגרס׳ כמשחל בינתא מחלבא
20:17 )1( [ai]	וַאְנָש/וגבר#3#/ יִשׂרָאֵל אִתמְנִיאוּ בָר בִניָמִן אַרבַע מְאָה אַלפִין גֻברָא שָלְפֵי סֵיפָא כָל אִלֵין גֻברֵי עָבְדֵי קְרָבָא׃
20:18 )1( [ai]	וְקָמוּ וֻסלִיקוּ לְבֵית אֵל וֻשאִילוּ בְמֵימְרָא דַיְיָ וַאְמַרוּ בְנֵי יִשׂרָאֵל מַן יִסַק לַנָא בְקַדמֵיתָא <וישרי#3#> לְאָגָחָא קְרָבָא עִם בְנֵי בִניָמִין וַאְמַר יְיָ יְהוּדָה בְקַדמֵיתָא׃
20:19 )1( [ai]	וְקָמוּ בְנֵי יִשׂרָאֵל בְצַפרָא וֻשרוֹ עַל גִבעְתָא׃
20:20 )1( [ai]	וֻנפַק אְנָש יִשׂרָאֵל לְאָגָחָא קְרָבָא עִם דְבֵית/בני#3#/ בִניָמִן וְסַדַרוּ עִמְהוֹן אְנָש יִשׂרָאֵל קְרָבָא עַל גִבעְתָא׃
20:21 )1( [ai]	וֻנפַקוּ בְנֵי בִניָמִין מִן גִבעְתָא וְחַבִילוּ בְיִשׂרָאֵל בְיוֹמָא הַהוּא עַסרִין וֻתרֵין אַלפִין גֻברָא קְטִילִין רְמַן לְאַרעָא׃
20:22 )1( [ai]	וְאִתַקַף עַמָא אְנָש יִשׂרָאֵל וְאוֹסִיפוּ לְסַדָרָא קְרָבָא בְאַתרָא דְסַדַרוּ <קרבא#3#> תַמָן בְיוֹמָא קַדמָאָה׃
20:23 )1( [ai]	וֻסלִיקוּ בְנֵי יִשׂרָאֵל וֻבכוֹ <לפני#3#> קֳדָם יְיָ עַד רַמשָא וֻשאִילוּ בְמֵימְרָא דַיְיָ לְמֵימַר הַאוֹסֵיף לְמִקרַב לְאָגָחָא קְרָבָא עִם בְנֵי בִניָמִין אְחִי וַאְמַר יְיָ סַקוּ עְלֵיהוֹן׃
20:24 )1( [ai]	וֻקרִיבוּ בְנֵי יִשׂרָאֵל לְוָת בְנֵי בִניָמִן בְיוֹמָא תִניָנָא׃
20:25 )1( [ai]	וֻנפַקוּ דְבֵית/בני#3#/ בִניָמִן לְקַדָמוּתְהוֹן מִן גִבעְתָא בְיוֹמָא תִניָנָא וְחַבִילוּ בִבנֵי יִשׂרָאֵל עוֹד/ביומא ההוא#3#/ תְמָנַת עַסַר אַלפִין גֻברָא קְטִילִין רְמַן לְאַרעָא כָל אִלֵין שָלְפֵי סֵיפָא׃
20:26 )1( [ai]	וֻסלִיקוּ כָל בְנֵי יִשׂרָאֵל וְכָל עַמָא וַאְתוֹ לְבֵית אֵל וֻבכוֹ וִיתִיבוּ תַמָן קֳדָם יְיָ וְצָמוּ בְיוֹמָא הַהוּא עַד רַמשָא וְאַסִיקוּ עְלָוָן וְנִכסַת קֻדשִין קֳדָם יְיָ׃
20:27 )1( [ai]	וֻשאִילוּ בְנֵי יִשׂרָאֵל בְמֵימְרָא דַיְיָ וְתַמָן אְרוֹן קְיָמָא דַיְיָ בְיוֹמַיָא הָאִנוּן׃
20:28 )1( [ai]	וֻפִינְחָס בַר אַלעָזָר <כהנא#3#> בַר אַהְרֹן קָאֵים קֳדָמוֹהִי בְיוֹמַיָא הָאִנוּן לְמֵימַר הַאוֹסֵיף עוֹד לְמִפַק לְאָגָחָא קְרָבָא עִם בְנֵי בִניָמִן אְחִי אִם אַתמְנַע וַאְמַר יְיָ סַקוּ אְרֵי מְחַר אַמסְרִנוּן בִידָך׃
20:29 )1( [ai]	וְשַוִי יִשׂרָאֵל כָמְנִין עַל גִבעְתָא סְחוֹר סְחוֹר׃
20:30 )1( [ai]	וֻסלִיקוּ בְנֵי יִשׂרָאֵל לְוָת בְנֵי בִניָמִין בְיוֹמָא תְלִיתָאָה וְסַדַרוּ קְרָבָא עַל גִבעְתָא כִזמַן בִזמַן׃
20:31 )1( [ai]	וֻנפַקוּ בְנֵי בִניָמִין לְקַדָמוּת עַמָא אִתנְגִידוּ מִן קַרתָא וְשָרִיאוּ לְקַטָלָא מִן עַמָא קְטִילִין כִזמַן בִזמַן בְכֵיבַש אוֹרחָתָא דַחְדָא סָלְקָא לְבֵית אֵל וַחְדָא לְגִבעְתָא בְחַקלָא כִתלָתִין גֻברָא בְיִשׂרָאֵל׃
20:32 )1( [ai]	וַאְמַרוּ בְנֵי בִניָמִן תְבִירִין אִנוּן קֳדָמַנָא כַד בְקַדמֵיתָא וֻבנֵי יִשׂרָאֵל אְמַרוּ נֵיפוֹך וְנֵיגוֹדִנוּן מִן קַרתָא לְכִבשַיָא׃
20:33 )1( [ai]	וְכָל אְנָש יִשׂרָאֵל קָמוּ מֵאַתרְהוֹן וְסַדַרוּ קְרָבָא בְמֵישְרֵי יְרִיחוֹ וְכָמְנָא יִשׂרָאֵל מְגִיחַ מֵאַתרֵיה מִמֵישַר גִבעְתָא׃
20:34 )1( [ai]	וַאְתוֹ מִדָרוֹם לְגִבעְתָא עַסרָא אַלפִין גְבַר עוֹלֵים מִכָל יִשׂרָאֵל וְעָבְדֵי קְרָבָא תְקִיפוּ וְאִנוּן לָא יָדְעִין אְרֵי קְרֵיבַת דְתֵיתֵי לְהוֹן/עְלֵיהון#3#/ בִשתָא׃
20:35 )1( [ai]	וְתַבַר יְיָ יָת דְבֵית בִניָמִן קֳדָם <בני#3#> יִשׂרָאֵל וְחַבִילוּ בְנֵי יִשׂרָאֵל בִדבֵית בִניָמִן בְיוֹמָא הַהוּא עַסרִין וְחַמשָה אַלפִין וֻמאָה גֻברָא כָל אִלֵין שָלְפֵי סֵיפָא׃
20:36 )1( [ai]	וַחְזוֹ בְנֵי בִניָמִן אְרֵי אִתְבַרוּ וִיהַבוּ אְנָש/בני#3#/ יִשׂרָאֵל אַתרָא לִדבֵית בִניָמִין אְרֵי אִתרְחִיצוּ עַל כָמְנָא דְשַוִיאוּ עַל גִבעְתָא׃
20:37 )1( [ai]	וְכָמְנָא אוֹחִי וְאִתנְגִידוּ עַל גִבעְתָא וְאִתנְגֵיד כָמְנָא וֻמחָא יָת כָל קַרתָא לְפִתגָם דְחָרַב׃
20:38 )1( [ai]	וְזִמנָא הְוָה מְתֻקַן לַאְנָש יִשׂרָאֵל עִם כָמְנָא דְיַסגוֹן לְאַסָקָא יְטוּר דְתָנַן מִן קַרתָא׃
20:39 )1( [ai]	וְאִתחְזַר אְנָש יִשׂרָאֵל בִקרָבָא וֻדבֵית בִניָמִין שָרִיאוּ לְקַטָלָא קְטִילִין בַאְנָש יִשׂרָאֵל כִתלָתִין גֻברָא אְרֵי אַמרוּ בְרַם מִתבָר תְבִירִין אִנוּן קֳדָמַנָא כִקרָבָא קַדמָאָה׃
20:40 )1( [ai]	וְכָמְנָא שָרִי לְאַסָקָא מִן קַרתָא יְטוּר דְתָנַן וְאִתפנִיאוּ דְבֵית בִניָמִן לַאְחוֹרֵיהוֹן/בתריהון#3#/ וְהָא סְלֵיק תַנְנָא דְקַרתָא לְצֵית שְמַיָא׃
20:41 )1( [ai]	וַאְנָש יִשׂרָאֵל אִתחְזַר/אִתהְפֵיך#3#/ וְאִתבְהֵיל אְנָש בִניָמִין אְרֵי חְזָא אְרֵי קְרֵיבַת דְתֵיתֵי לֵיה בִשתָא׃
20:42 )1( [ai]	וְאִתפְנִיאוּ קֳדָם אְנָש יִשׂרָאֵל לְאוֹרַח מַדבְרָא וְעָבְדֵי קְרָבָא אַדבִיקוּנוּן וַאְנָש כָמְנָא קָמוּ מִקִרוֵיהוֹן קָטְלִין בְהוֹן מִכָא וֻמִכָא׃
20:43 )1( [ai]	טַלטִילוּ/אסחרו#3#/ יָת דְבֵית בִניָמִין רְדַפוּנוּן מִבֵית נְיָחְהוֹן טְרַדוּנוּן עַד לָקֳבֵיל גִבעְתָא מִמַדנַח שִמשָא׃
20:44 )1( [ai]	וְאִתקְטַלוּ מִדְבֵית בִניָמִן תְמָנַת עְסַר אַלפִין גֻברָא יָת כָל אִלֵין גֻברֵי עָבְדֵי קְרָבָא׃
20:45 )1( [ai]	וְאִתפְנִיאוּ וַאְפַכוּ לְמַדבְרָא לְכֵיף רִמוֹן וְאִטְמַרוּ/ואסטמרו#3#/ בְכִבשַיָא חַמשָא אַלפִין גֻברָא וְאַדבִיקוּ בָתְרֵיהוֹן עַד גִדעוֹם וֻקטַלוּ מִנְהוֹן תְרֵין אַלפִין גֻברָא׃
20:46 )1( [ai]	וַהְווֹ כָל דְאִתקְטַלוּ מִדְבֵית בִניָמִין עַסרִין וְחַמשָא אַלפִין גֻברָא שָלְפֵי סֵיפָא בְיוֹמָא הַהוּא יָת כָל אִלֵין גֻברֵי עָבְדֵי קְרָבָא׃
20:47 )1( [ai]	וְאִתפְנִיאוּ וַאְפַכוּ לְמַדבְרָא לְכֵיף רִמוֹן שֵית מְאָה גֻברָא וִיתִיבוּ בְכֵיף רִמוֹן אַרבְעָה יַרחִין׃
20:48 )1( [ai]	וַאְנָש יִשׂרָאֵל תָבוּ לְוָת בְנֵי בִניָמִין וֻמחוֹנוּן לְפִתגָם דְחַרַב מִקִרוֵיהוֹן גַמַרוּנוּן עַד בְעִירָא עַד כָל דְאִשתְכַח אַף כָל קִרוַיָא דְאִשתְכַחָא אוֹקִידוּ בְנוּרָא׃

next chapter