← Back
The Comprehensive Aramaic Lexicon
← Return to the Text Browser
click on the file description for more information
51007: TgJ Ju

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


21:01 )1( [ai]וַאְנָש יִשׂרָאֵל קַיֵים בְמִצפְיָא לְמֵימַר אְנָש מִנַנָא לָא יִתֵין בְרַתֵיה לִדבֵית בִניָמִין לְאִתוּ׃
21:02 )1( [ai]וַאְתָא עַמָא לְבֵית אֵל וִיתִיבוּ תַמָן עַד רַמשָא קֳדָם יְיָ וַאְרִימוּ קָלְהוֹן וֻבכוֹ בְכִי סַגִיאָה׃
21:03 )1( [ai]וַאְמַרוּ לְמָא יְיָ אְלָהָא דְיִשׂרָאֵל הְוָת דָא בְיִשׂרָאֵל לְמִשגֵי יוֹמָא דֵין מִיִשׂרָאֵל שִבטָא חַד׃
21:04 )1( [ai]וַהְוָה בְיוֹמָא דְבָתְרוֹהִי וְאַקדִימוּ עַמָא וֻבנוֹ תַמָן מַדבְחָא וְאַסִיקוּ עְלָוָן וְנִכסַת קֻדשִין׃ <קדם יוי#3#>
21:05 )1( [ai]וַאְמַרוּ בְנֵי יִשׂרָאֵל מַן דְלָא סְלֵיק בִקהָלָא מִכָל שִבטַיָא דְיִשׂרָאֵל לִקדָם יְיָ אְרֵי שְבוּעְתָא רַבְתָא הְוָת לִדלָא סְלֵיק לִקדָם יְיָ לְמִצפְיָא לְמֵימַר אִתקְטָלָא יִתקְטִיל׃
21:06 )1( [ai]וְאִתנַחַמוּ בְנֵי/דבית#3#/ יִשׂרָאֵל עַל דְבֵית בִניָמִין אְחֵיהוֹן וַאְמַרוּ אִתמְנַע יוֹמָא דֵין שִבטָא חַד מִיִשׂרָאֵל׃
21:07 )1( [ai]מָא נַעְבֵיד לְהוֹן לִדאִשתְאַרוּ לִנשִין וַאְנַחנָא קַיֵימנָא בְמֵימְרָא דַיְיָ בְדִיל דְלָא לְמִתַן לְהוֹן מִבְנָתַנָא לִנשִין׃
21:08 )1( [ai]וַאְמַרוּ מַן חַד מִשִבטַיָא דְיִשׂרָאֵל דְלָא סְלֵיק לִקדָם יְיָ לְמִצפְיָא וְהָא לָא אְתָא אְנָש לְמַשרִיתָא מִיָבֵש גִלעָד לִקהָלָא׃
21:09 )1( [ai]וְאִתמְנִיאוּ עַמָא וְהָא לֵית תַמָן אְנָש מִיָתְבֵי יָבֵש גִלעָד׃
21:10 )1( [ai]וֻשלַחוּ לְתַמָן כְנִשתָא תְרֵי עְסַר אַלפִין גֻברָא מְזָרְזֵי חֵילָא וֻפַקִידוּ יָתְהוֹן לְמֵימַר אִיזִילוּ וְתִמחוֹן יָת יָתְבֵי <אְנָש#3#> יָבֵש גִלעָד לְפִתגָם דְחַרַב וֻנשַיָא וְטַפלָא׃
21:11 )1( [ai]וְדֵין פִתגָמָא דְתַעבְדוּן כָל דְכוּרָא וְכָל אִתְתָא דְיָדְעַת מִשכְבֵי דְכוּרָא תְגַמְרוּן׃
21:12 )1( [ai]וְאַשכַחוּ מִיָתְבֵי יָבֵש גִלעָד אַרבַע מְאָה עוּלִימָן בְתוּלָן דְלָא יְדַעָא גְבַר לְמִשכְבֵי דְכוּרָא וְאֵיתִיאוּ יָתְהוֹן לְמַשרִיתָא לְשִילוֹ דִבאַרעָא דִכנָעַן׃
21:13 )1( [ai]וֻשלַחוּ כָל כְנִשתָא וֻמַלִילוּ עִם בְנֵי בִניָמִין דִבכֵיף רִמוֹן וֻקרוֹ לְהוֹן מִלִין דִשלָם׃
21:14 )1( [ai]וְתָבוּ דְבֵית/בני#3#/ בִניָמִן בְעִדָנָא הַהוּא וִיהַבוּ לְהוֹן נְשִין דְקַיִימוּ מִנְשֵי יָבֵש גִלעָד וְלָא סוֹפִיקָא לְהוֹן כֵן׃
21:15 )1( [ai]וְעַמָא אִתנַחַמו עַל דְבֵית בִניָמִן אְרֵי עְבַד יְיָ תִרעְתָא בְשִבטַיָא דְיִשׂרָאֵל׃
21:16 )1( [ai]וַאְמַרוּ סָבֵי כְנִשתָא מָא נַעְבֵיד לִדאִשתְאַרוּ לִנשִין אְרֵי פְסַקַת מִדְבֵית בִניָמִן אִתְתָא׃
21:17 )1( [ai]וַאְמַרוּ יְרֻתַת/"ירושת"#3#/ שֵיזָבְתָא לִדבֵית/לבני#3#/ בִניָמִן וְלָא יִתמְחֵי שִבטָא מִיִשׂרָאֵל׃
21:18 )1( [ai]וַאְנַחנָא לָא נִכוֹל לְמִתַן לְהוֹן נְשִין מִבְנָתַנָא אְרֵי קַיִימוּ בְנֵי יִשׂרָאֵל לְמֵימַר לִיט <גברא#3#> דְיִתֵין אִתְתָא לִדבֵית בִניָמִין׃
21:19 )1( [ai]וַאְמַרוּ הָא חַגָא קֳדָם יְיָ בְשִילוֹ מִזְמָן \מוֹעֵד לְמוֹעֵד /לזמן#3#/ דְמִצִפוּנָא לְבֵית אֵל מַדנַח שִמשָא לְכִבשָא דְסָלֵיק מִבֵית אֵל לִשכַם וֻמִדָרוֹמָא לִלבוֹנָה׃
21:20 )1( [ai]וֻפַקִידוּ יָת בְנֵי בִניָמִין לְמֵימַר אִיזִילוּ וְתִכמְנוּן בְכַרמַיָא׃
21:21 )1( [ai]וְתִחזוֹן וְהָא אִם יִפְקָן בְנָת שִילוֹ לְמֵיחַג בְחִנגַיָא וְתִפְקוּן מִן כַרמַיָא וְתִחטְפוּן לְכוֹן גְבַר אִתְתֵיה מִבְנָת שִילוֹ וֻתהָכוּן לַאְרַע שֵיבַט בִניָמִין׃
21:22 )1( [ai]וִיהֵי אְרֵי יֵיתוֹן אְבָהָתְהוֹן אוֹ אְחֵיהוֹן לִמדָן קֳדָמַנָא וְנֵימַר לְהוֹן חָנוּנוּן לְהוֹן אְרֵי לָא סוֹפֵיקנָא <גבר#3#> לְמִתַן לְהוֹן גְבַר אִתְתֵיה בִקרָבָא אְרֵי אִם לֵית/לא#3#/ אַתוּן יָהבִין לְהוֹן כְעִדָן פוֹן תְחוּבוּן׃
21:23 )1( [ai]וַעְבַדוּ כֵין בְנֵי בִניָמִין וֻנסִיבוּ נְשִין לְמִניָינֵיהוֹן מִן חִנגַיָא דַאְנַסוּ וַאְזַלוּ וְתָבוּ לְאַחסָנַתהוֹן וֻבנוֹ יָת קִרוַיָא וִיתִיבוּ בְהוֹן׃
21:24 )1( [ai]וְהַלִיכוּ מִתַמָן בְנֵי יִשׂרָאֵל בְעִדָנָא הַהוּא גְבַר לְשִבטֵיה וֻלזַרעִיתֵיה וֻנפַקוּ מִתַמָן גְבַר לְאַחסָנְתֵיה׃
21:25 )1( [ai]בְיוֹמַיָא הָאִנוּן לֵית מַלכָא בְיִשׂרָאֵל גְבַר דְכָשַר בְעֵינוֹהִי יַעְבֵיד׃