← Back
The Comprehensive Aramaic Lexicon
← Return to the Text Browser
click on the file description for more information
51009: TgJ 2S

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


02:01 )1( [ai]וַהְוָה בָתַר כֵין וֻשאֵיל דָוִד בְמֵימְרָא דַיְיָ לְמֵימַר הְאַסַק בַחְדָא מִקִרוַיָא דְבֵית יְהוּדָה וַאְמַר יְיָ לֵיה סַק וַאְמַר דָוִיד לְאָן אַסַק וַאְמַר לְחַברוֹן׃
02:02 )1( [ai]וֻסלֵיק לְתַמָן דָוִיד \וְאַף תַרתֵין /הוא ותרתין#3#/ נְשוֹהִי אְחִינוֹעַם דְמִיִזרְעַאל וַאְבִיגַיִל אִתַת נָבָל דְמִכַרמְלָא׃
02:03 )1( [ai]וְגֻברוֹהִי דְעִמֵיה אַסֵיק דָוִיד גְבַר וַאְנָש בֵיתֵיה וִיתִיבוּ בְקִרוֵי/"בְעָרֶי"#3#/ חַברוֹן׃
02:04 )1( [ai]וַאְתוֹ גֻברֵי שֵיבַט <דבית#3#> יְהוּדָה וֻמשַחוּ תַמָן יָת דָוִיד לְמִהוֵי מַלכָא עַל דְבֵית יְהוּדָה וְחַויִאוּ לְדָוִיד לְמֵימַר גֻברֵי/אְנָשֵי#3#/ יָבֵיש גִלעָד דִקבַרוּ יָת שָאוּל׃
02:05 )1( [ai]וֻשלַח דָוִיד אִזגַדִין לְוָת אְנָשֵי/גֻברֵי#2#/ יָבֵיש גִלעָד וַאְמַר לְהוֹן בְרִיכִין אַתוּן קֳדָם יְיָ דַעְבַדתוּן חִסדָא הָדֵין עִם רִבוֹנְכוֹן עִם שָאוּל וֻקבַרתוּן יָתֵיה׃
02:06 )1( [ai]וֻכעַן יַעְבֵיד יְיָ עִמְכוֹן טֵיבוּ וֻקשוֹט וֻאַף אְנָא אַעְבֵיד עִמְכוֹן טָבְתָא הָדָא דַעְבַדתוּן <ית#3#> פִתגָמָא הָדֵין׃
02:07 )1( [ai]וֻכעַן יִתַקְפָן יְדֵיכוֹן וַהְווֹ לְגֻברִין גִבָרִין אְרֵי מִית רִבוֹנְכוֹן שָאוּל וְאַף יָתִי מְשַחוּ דְבֵית יְהוּדָה לְמִהוֵי מַלכָא עְלֵיהוֹן׃
02:08 )1( [ai]וְאַבנֵר בַר/בן#3#/ נֵר רַב חֵילָא דִלשָאוּל דְבַר יָת אִישבֹשַת בַר שָאוּל וְאַעבְרֵיה לְמַחְנָיִם׃
02:09 )1( [ai]וְאַמלְכֵיה עַל דְבֵית גִלעָד וְעַל דְבֵית אָשֵר וְעַל דְבֵית יִזרְעַאל וְעַל דְבֵית אַפרַיִם וְעַל דְבֵית בִניָמִין וְעַל <דְבֵית#3#> יִשׂרָאֵל כֻלְהוֹן׃
02:10 )1( [ai]בַר/בַן#3#/ אַרבְעִין שְנִין אִיש בוֹשַת בַר שָאוּל כַד מְלַך עַל יִשׂרָאֵל וְתַרתֵין שְנִין מְלַך בְרַם דְבֵית יְהוּדָה הְווֹ בָתַר דָוִיד׃
02:11 )1( [ai]וַהְוָה מִניַן יוֹמַיָא דַהְוָה דָוִיד מַלכָא בְחַברוֹן עַל דְבֵית יְהוּדָה שְבַע שְנִין וְשִתָא יַרחִין׃
02:12 )1( [ai]וֻנפַק אַבנֵר בַר נֵר וְעַבדֵי אִיש בוֹשַת בַר/בן#3#/ שָאוּל מִמַחְנַיִם לְגִבעוֹן/לגבעת#3#/׃
02:13 )1( [ai]וְיוֹאָב בַר צְרוּיָה וְעַבדֵי דָוִיד נְפַקוּ וְעָרַעוּנוּן עַל בְרֵיכְתָא דְגִבעוֹן/דִבגִבעוֹן#3#/ כַחדָא וֻשרוֹ אִלֵין עַל בְרֵיכְתָא מִכָא וְאִלֵין עַל בְרֵיכְתָא מִכָא׃
02:14 )1( [ai]וַאְמַר אַבנֵר לְיוֹאָב יְקוּמוּן כְעַן עוּלֵימַיָא וִיחָיְכוּן קֳדָמַנָא וַאְמַר יוֹאָב יְקוּמוּן׃
02:15 )1( [ai]וְקָמוּ וַעְבַרוּ בְמִניָן תְרֵי עְסַר מִדְבֵית בִניָמִין/לבנימן#3#/ וֻמִדְאִישבֹשַת/ולאישבשת#3#/ בַר שָאוּל וֻתרֵי עְסַר מֵעַבדֵי דָוִיד׃
02:16 )1( [ai]וְאַתקִיפוּ גְבַר בְרֵיש חַברֵיה וֻחַרביֵה בִסטַר חַברֵיה וְאִתקְטַלוּ/וֻנפַלוּ#3#/ כַחדָא וֻקרָא לְאַתרָא הַהוּא אַחסָנַת <גבורת#3#> קְטִילַיָא דִבגִבעוֹן׃
02:17 )1( [ai]וַהְוָה קְרָבָא תַקִיף עַד לַחדָא בְיוֹמָא הַהוּא וְאִתְבַר אַבנֵר וַאְנָשֵי יִשׂרָאֵל קֳדָם עַבדֵי דָוִיד׃
02:18 )1( [ai]וַהְווֹ תַמָן תְלָתָא בְנֵי צְרוּיָה יוֹאָב וַאְבִישַי וַעְשָהאֵל קַלִיל בְרַגלוֹהִי כְחַד מִן <בני#3#> טַבַייָא דִבחַקלָא׃
02:19 )1( [ai]וֻרדַף עְשָהאֵל בָתַר אַבנֵר וְלָא אִתפְנִי לְמֵיזַל עַל יַמִינָא וְעַל/אוֹ עַל#3#/ סְמָלָא מִבָתַר אַבנֵר׃
02:20 )1( [ai]וְאִתפְנִי אַבנֵר לַאְחוֹרוֹהִי/בָתְרוֹהִי#3#/ וַאְמַר הְאַת דֵין עְשָהאֵל וַאְמַר אְנָא׃
02:21 )1( [ai]וַאְמַר לֵיה אַבנֵר אִתפְנִי לָך עַל יְמִינָך אוֹ עַל סְמָלָך וַאְחוֹד לָך חַד מֵעוּלֵימַיָא וְסַב לָך יָת זְרָזֵיה וְלָא אְבָא עְשָהאֵל לִמזַר/לְמֵיזַל#3#/ מִבָתְרוֹהִי׃
02:22 )1( [ai]וְאוֹסֵיף עוֹד אַבנֵר לְמֵימַר לַעְשָהאֵל/לות עשהאל#3#/ זוּר לָך מִבָתְרַי לְמָא אַקטְלִנָך וְאַרמִינָך לְאַרעָא וְאֵיכְדֵין אַזקוֹף אַפַי וְאַחמֵיה/ואיחמיה#2#/ לְיוֹאָב אְחוּך׃
02:23 )1( [ai]וְלָא אְבָא לִמזָר וֻמחָהִי אַבנֵר בַאְחוֹרֵי מוֹרָנִיתָא בִסטַר יִרכֵיה וֻנפַקַת מוֹרָנִיתָא מֵאְחוֹרוֹהִי וֻנפַל תַמָן וֻמִית בְאַתרֵיה וְהָוֵי כָל דְאָתֵי לְאַתרָא דִנפַל/דמית#3#/ תַמָן עְשָהאֵל וֻמִית וְקָיְמִין׃
02:24 )1( [ai]וֻרדַפוּ יוֹאָב וַאְבִישַי בָתַר אַבנֵר וְשִמשָא עַלַת וְאִנוּן מְטוֹ/אְתוֹ#3#/ עַד גִבעַת אַמְתָא דְעַל אַפֵי גִיחַ אוֹרַח מַדבְרָא דְגִבעוֹן׃
02:25 )1( [ai]וְאִתכְנִישוּ בְנֵי בִניָמִין בָתַר אַבנֵר וַהְווֹ לְסִיעָא חְדָא וְקָמוּ עַל רֵיש רָמָא חְדָא׃
02:26 )1( [ai]וֻקרָא אַבנֵר לְיוֹאָב וַאְמַר הַלְאַפרָש תִקטוֹל/תאכל#3#/ חַרבָא הְלָא יְדַעתָא אְרֵי מְרָרָא יְהֵי בְסוֹפָא וְעַד אִמַתִי לָא תֵימַר לְעַמָא לִמתָב מִבָתַר אְחֵיהוֹן׃
02:27 )1( [ai]וַאְמַר יוֹאָב קַיָים הוּא יְיָ אְרֵי אִלוּ לָא פוֹן מַלֵילתָא אְרֵי בְכֵין/בְכוֹן#3#/ פוֹן מֵעִדָן צַפרָא אִסתַלַק עַמָא גְבַר מִבָתַר אְחוּהִי׃
02:28 )1( [ai]וֻתקַע יוֹאָב בְשוֹפָרָא וְקָמוּ כָל עַמָא וְלָא רְדַפוּ עוֹד בָתַר יִשׂרָאֵל וְלָא אוֹסִיפוּ עוֹד לְאָגָחָא <קרָבָא#3#>׃
02:29 )1( [ai]וְאַבנֵר וְגֻברוֹהִי הַלִיכוּ בְמֵישְרָא כָל לֵיליָא הַהוּא וַעְבַרוּ יָת יַרדְנָא וַאְזַלוּ כָל בִתרוֹן/פסגוותא#3#/ וַאְתוֹ לְמַחְנָיִם׃
02:30 )1( [ai]וְיוֹאָב תָב מִבָתַר אַבנֵר וֻכנַש יָת כָל עַמָא וֻשגוֹ מֵעַבדֵי דָוִיד תִשעַת עְסַר גֻברָא וַעְשָהאֵל׃
02:31 )1( [ai]וְעַבדֵי דָוִיד קְטַלוּ מִדְבֵית בִניָמִין וֻבגֻברֵי אַבנֵר תְלָת מְאָה וְשִתִין גֻברָא מִיתוּ/קטלו#3#/׃
02:32 )1( [ai]וֻנטַלוּ יָת עְשָהאֵל וֻקבַרוּהִי בְקַברָא דַאְבוּהִי דְבֵית לָחַם/דִי בְבֵית לָחַם#3#/ וַאְזַלוּ כָל לֵיליָא יוֹאָב וְגֻברוֹהִי וֻנהַר לְהוֹן בְחַברוֹן׃

next chapter