← Back
The Comprehensive Aramaic Lexicon
← Return to the Text Browser
click on the file description for more information
51010: TgJ 1K

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


06:01 )1( [ai]וַהְוָה \בְאַרבַע מְאָה וֻתמָנַן /בתמנן וארבע מאה#3#/ שְנִין לְמִפַק בְנֵי יִשרָאֵל מֵאַרעָא דְמִצרַיִם בְשַתָא רְבִיעֵיתָא בְיַרַח זִיו נִצָנַיָא הוּא יַרחָא תִניָנָא לְמִמלַך שְלֹמֹה עַל יִשרָאֵל וֻבנָא בֵיתָא קֳדָם יוי׃
06:02 )1( [ai]וֻבֵיתָא דִבנָא מַלכָא שְלֹמֹה קֳדָם יוי שִתִין אַמִין אֻרכֵיה וְעַשרִין/וְעִסרִין#3#/ פֻתיֵיה וֻתלָתִין אַמִין רוּמֵיה׃
06:03 )1( [ai]וְאוּלַמָא עַל אַפֵי הֵיכְלָא דְבֵיתָא עַסרִין אַמִין אֻרכֵיה עַל אַפֵי פֻתיָא דְבֵיתָא עְסַר אַמִין פֻתיֵיה/פותיא#3#/ עַל אַפֵי בֵיתָא׃
06:04 )1( [ai]וַעְבַד לְבֵיתָא כַוִין פְתִיחָן/פתיחין#3#/ מִלְגָיו וֻסתִימָן מִלְבָרָא/מלבר#3#/ וְחָפיָן כְלֵינְסָא בֵית אְבָהָת/אנחת#3#/ רֵישֵי שָריָת אַרזַיָא׃
06:05 )1( [ai]וֻבנָא עַל כֻתלֵי בֵיתָא זִיזָא סְחוֹר סְחוֹר אַקֵף יָת/על#3#/ כֻתלֵי בֵיתָא סְחוֹר סְחוֹר לְהֵיכְלָא וֻלבֵית כַפוֹרֵי וַעְבַד מְחִצַיָא/מחיצא#3#/ סְחוֹר סְחוֹר
06:06 )1( [ai]מְחִצְתָא אַרעָיתָא חְמֵש אַמִין פֻתיַה וֻמצִיעֵיתָא שִית אַמִין פֻתיַה וֻתלִיתֵיתָא שְבַע אַמִין פֻתיַה אְרֵי נָפְקָתָא עְבַד לְבֵיתָא סְחוֹר סְחוֹר לְגָיו וֻלבַרָא מִן מְחִצַיָא לְמִהוֵי רֵישֵי שָריָתָא נָיְחָן/ניחין#3#/ עַל זִיזַיָא וְלָא יִהְוָן/יִהוְיָן שָריָתָא מַעבְרָן בְכֻתלֵי בֵיתָא׃
06:07 )1( [ai]וֻבֵיתָא בְאִתבְנָיוּתֵיה אַבנִין שַלמָן מְטֻקַס אִתבְנִי וְאַרזוֹבִין/ומרזופין#3#/ וְחוֹלֵילִין וְכָל מָן דְבַרזַל/דפרזל#3#/ לָא אִשתְמַע בְבֵיתָא בְאִתבְנָיוּתֵיה׃
06:08 )1( [ai]תַרעָא דִמְחִצְתָא אַרעָיתָא/מציעתא#3#/ פְתִיַח לְעֵיבַר בֵיתָא מִיַמִינָא וֻבִמסִבְתָא סָלְקִין מִן אַרעָיתָא לְעִלֵיתָא בְאוֹרַח מְצִיעֵיתָא׃
06:09 )1( [ai]וֻבנָא יָת בֵיתָא וְשַכלְלֵיה וְטַלֵיל יָת בֵיתָא בְהַנתוּכִין וְעֵילא מִנְהוֹן \סִדרָא דְרִכפַת /סִדרֵי רִכפַת#3#/ \דְמָרֵיש אָעֵי /רישי שרית#3#/ אַרזַיָא׃
06:10 )1( [ai]וֻבנָא יָת תְיָקָא עַל כָל <כֻתלֵי#3#> בֵיתָא חְמֵש אַמִין רוּמֵיה וְטַלֵיל יָת בֵיתָא בְאָעֵי אַרזַיָא׃
06:11 )1( [ai]וַהְוָה פִתגָם נְבוּאָה מִן קֳדָם יוי עִם שְלֹמֹה לְמֵימר׃
06:12 )1( [ai]בֵיתָא הָדֵין \דְאַת בָנֵי /דְאִתבִנִי#3#/ אִם תְהָך בִקיָמַי וְיָת/ואם ית#3#/ דִינַי תַעְבֵיד וְתִטַר יָת כָל פִקוֹדַי לִמהָך בְהוֹן וַאְקֵים/וַאְקַיֵים#2#/ יָת פִתגָמַי עִמָך דְמַלֵילִית עִם דָוִיד אְבוּך׃
06:13 )1( [ai]וְאַשרֵי שְכִינְתִי בְגוֹ בְנֵי יִשרָאֵל וְלא אְרַחֵיק יָת עַמִי יִשרָאֵל׃
06:14 )1( [ai]וֻבנָא שְלֹמֹה יָת בֵיתָא וְשַכלְלֵיה׃
06:15 )1( [ai]וֻבנָא יָת כֻתלֵי בֵיתָא מִלְגָיו בִמחצָת אַרזַיָא מֵאַרעִית בֵיתָא עַד/ועד#3#/ כֻתלַיָא עַד מָטֵי רֵישֵי/שְמֵי#3#/ שָריָתָא חָפֵי נִסרִין דְאַרזָא/דארזיא#3#/ מִלגָיו וַחְפָא/וחפי#3#/ יָת אוּשֵי בֵיתָא בִמחִצָת בֵירָוָן׃
06:16 )1( [ai]וֻבנָא יָת עַסרִין אַמִין מִסְיָפֵי בֵיתָא בִמחִצָת אַרזַיָא מִן אֻשַיָא עַד/ועד#3#/ כֻתלַיָא וֻבנָא לֵיה בֵיתָא מִגָיו/מלגיו#3#/ לְבֵית כַפוֹרֵי לְקוֹדַש קוּדשַיָא׃
06:17 )1( [ai]וְאַרבְעִין אַמִין הְוָה בֵיתָא הוּא/הָוֵי#3#/ הֵיכְלָא לְקִבלֵיה׃
06:18 )1( [ai]וְנִסרִין דְאַרזָא/דארזיא#3#/ חָפֵי/חפא#3#/ בֵיתָא מִלְגָיו וֻגלָף חֵיזוּ בֵעִין וַאְטוּנִין שוֹשַנִין כָל בֵיתָא חָפֵי נִסרִין דְאַרזָא/דארזיא#3#/ לֵית אַבנָא/אבניא#3#/ מִתחַזיָא/מִתַחזָא#3#׃
06:19 )1( [ai]וֻבֵית כַפוֹרֵי בְגוֹ/מִגוֹ#3#/ בֵיתָא מִלְגָיו אַתקֵין לְמִיתַן תַמָן יָת אְרוֹן קְיָמָא דַיוי׃
06:20 )1( [ai]וֻקדָם בֵית כַפוֹרֵי עַסרִין אַמִין אֻרכָא וְעַסרִין פֻתיָא/פותיה#3#/ וַעְסַר אַמִין רוּמֵיה וַחְפָהִי/וחפוהי#3#/ דַהבָא טָבָא וַחְפָא בֵיתָא/מַדבְחָא#3#/ נִסרִין דְאַרזָא׃
06:21 )1( [ai]וַחְפָא שְלֹמֹה יָת בֵיתָא מִלגָיו דַהְבָא טָבָא וְאַעבַר בְשֵישְלָן דִדהַב קֳדָם בֵית כַפוֹרֵי וַחְפָהִי דַהבָא׃
06:22 )1( [ai]וְיָת כָל בֵיתָא חְפָא דַהבָא עַד דִשלִים כָל בֵיתָא וְכָל מַדבְחָא דִלבֵית כַפוֹרֵי חְפָא דַהְבָא׃
06:23 )1( [ai]וַעְבַד בְבֵית כַפוֹרֵי תְרֵין כְרוּבִין דְאָעֵי זֵיתָא עְסַר אַמִין רוּמֵיה׃
06:24 )1( [ai]וַחְמֵיש אַמִין כַנפָא דִכרוּבָא חַד וַחְמֵש אמִין כַנפָא דִכרוּבָא תִניָנָא עְסַר אַמִין מִקצָת כַנפוֹהִי וְעַד קְצָת כַנפוֹהִי׃
06:25 )1( [ai]וַעְסַר אַמִין כְרוּבָא תִניָנָא מִשחָא/משחתא#3#/ חְדָא וְעַברָא/וְעִיברָא#3#/ חַד לִתרֵין כְרוּבַיָא׃
06:26 )1( [ai]רוּמֵיה דִכרוּבָא חַד עְסַר אַמִין וְכֵין כְרוּבָא תִניָנָא׃
06:27 )1( [ai]וִיהַב יָת כְרוּבַיָא בְגוֹ בֵיתָא גָוָאָה וֻפרַסוּ/ופרס#3#/ יָת כַנפֵי כְרוּבַיָא וֻמַטיָא כַנפָא דְחַד בְכוּתלָא וְכנפָא דִכרוּבָא תִניָנָא מַטיָא בְכוּתלָא תִניָנָא וְכַנפֵיהוֹן לְגוֹ/בגו#3#/ בֵיתָא מָטיָן/מַטיָא כְנַף לִכנַף׃
06:28 )1( [ai]וַחְפָא יָת כְרוּבַיָא דַהְבָא׃
06:29 )1( [ai]וְיָת כָל כֻתלֵי בֵיתָא אַקֵיף צִיוּרִין וִגלָף קְלִיעָן/קליעין#3#/ כְרוּבִין וְצוּרַת דִקלִין וַאטוּנִין שוּשַנִין מִלְגָיו וֻלבָרָא׃
06:30 )1( [ai]וְיָת אוּשֵי בֵיתָא חְפָא דַהְבָא מִלְגָיו וֻלבָרָא׃
06:31 )1( [ai]וְלִתרַע בֵית כַפוֹרֵי עְבַד דַשִין דְאָעֵי זֵיתָא אַלָהִי/אֵילָהִי#3#/ סִפָהִי/וסיפוהי#3#/ מְטֻקְסִין׃
06:32 )1( [ai]וְתַרתֵין דַשִין דְאָעֵי זֵיתָא וֻגלָף עְלֵיהוֹן קְלִיעָן כְרוּבִין וְצוּרַת דִקלִין וַאְטוּנִין שוֹשַנִין וְחָפֵי דַהְבָא וְנַסֵיך עַל כְרוּבַיָא וְעַל צוּרַת דִקלַיָא יָת דַהְבָא׃
06:33 )1( [ai]וְכֵין עְבַד לִתרַע הֵיכְלָא סִפִין דְאָעֵי זֵיתָא מִן אַרבְעָה סִטרֵיהוֹן מְרֻבְעִין/מְרַבְעִין#3#/׃
06:34 )1( [ai]וְתַרתֵין דַשִין דְאָעֵי בֵירָוָן תְרֵין/תרתין#3#/ צִירִין דְדַשָא חַד סְגֻלגְלִין/סְגַלגְלִין#3#/ וֻתרֵין/ותרתין#3#/ צִירִין דְדַשָא תִניֵיתָא/תִניָנָא#3#/ סְגֻלגְלִין/סְגַלגְלִין#3#/׃
06:35 )1( [ai]וֻגלָף כְרוּבִין וְצוּרַת דִקלִין וַאְטוּנִין שוֹשַנִין וַחְפִי דַהְבָא מְכֻבַש עַל צוּרָתָא׃
06:36 )1( [ai]וֻבנָא יָת דָרְתָא גָוָיתָא/גואה#3#/ תְלָתָא סִדרִין דְאַבַן גָזִית/טָבָא#3#/ וְסִדרָא חַד דְמֵרֵיש/דמָרֵיש#3#/ אָעֵי אַרזַיָא׃
06:37 )1( [ai]בְשַתַא רְבִיעֵיתָא שָרִי לְאִשתַכלָלָא בֵית מַקדְשָא דַיוי בְיַרַח \זִיו נִצָנַיָא /הוא ירחא דאייר#3#/׃
06:38 )1( [ai]וֻבשַתָא חְדַא עַסרֵי בְיַרַח מְסָף/מיקף#3#/מסיף#3#/ אְבִיבָא/אִבְבַיָא#3#/ הוּא/והוה#3#/ יַרחָא תְמִינָאָה אִשתַכלַל בֵיתָא לְכָל גְזֵירָתֵיה וֻלכָל דְחָזֵי לֵיה וֻבנָהִי שְבַע שְנִין׃

next chapter