← Back
The Comprehensive Aramaic Lexicon
← Return to the Text Browser
click on the file description for more information
51012: TgJ Is

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


02:01 )1( [ai]פִתגָם נְבוּאָה דְאִתנַבִי יְשַעיָה בַר אָמוֹץ עַל אְנָש יְהוּדָה וְיָתְבֵי יְרוּשְלַם׃
02:02 )1( [ai]וִיהֵי בְסוֹף יוֹמַיָא מְתֻקַן יְהֵי טוּר בֵית מַקדְשָא דַיוי בְרֵיש טוּרַיָא וֻמנַטַל מֵרָמָתָא וְיִתפַניָין לְמִפלַח עְלוֹהִי כָל מַלכְוָתָא/מַלכוּתָא#2#/׃
02:03 )1( [ai]וִיהָכוּן עַמְמִין סַגִיאִין וְיֵימְרוּן אֵיתוֹ וְנִיסַק לְטוּר בֵית מַקדְשָא דַיוי לְבֵית שְכִינַת אְלָהֵיה דְיַעְקֹב וְיַלְפִינַנָא מֵאוֹרחָן דְתָקְנָן קֳדָמוֹהִי וֻנהָך בְאֻלפַן אוֹרָיתֵיה אְרֵי מִצִיוֹן תִיפוֹק אוֹרָיתָא וְאֻלפָן פִתגָמָא/אוריתא#3#/ דַיוי מִירוּשְלַם׃
02:04 )1( [ai]וִידִין בֵין מַלכְוָותָא וְיוֹכַח לְעַמְמִין סַגִיאִין וִיעָפְפוּן סֵיפֵיהוֹן לְסִיכִין וֻמוֹרָניָתְהוֹן לְמַגְלִין לָא יִטוֹל עַם בְאַפֵי עַם זֵין וְלָא יִתאַלפוּן עוֹד מִיבְכֵין קְרָבָא׃
02:05 )1( [ai]יֵימְרוּן בֵית/דְבֵית#2#/ יַעְקֹב אֵיתוֹ וֻנהָך בְאֻלפַן אוֹרָיתָא דַיוי׃
02:06 )1( [ai]אְרֵי שְבַקתוּן דַחלַת תַקִיפָא דַהְוָה פָרִיק/פָרֵיק#3#/ לְכוֹן דְבֵית יַעְקֹב אְרֵי אִתמְלִיאַת אֲרַעכוֹן טָעְוָן כִיד מִלְקַדמִין וְעָנְנִין כִפלִשתָאֵי וֻבנִמוֹסֵי עַמְמַיָא אָזְלִין׃
02:07 )1( [ai]וְאִתמְלִיאַת אְרַעהוֹן/אַרעְהוֹן#3#/ כְסַף וֻדהַב וְלֵית סוֹף לְגִנזוֹהִי וְאִתמְלִיאַת אְרַעהוֹן/אַרעְהוֹן#3#/ סוּסָוָון וְלֵית סוֹף לִרתִכוֹהִי׃
02:08 )1( [ai]וְאִתמְלִיאַת אְרַעהוֹן/אַרעְהוֹן#3#/ טָעְוָון לְעוֹבָד/לעובדי#3#/ יְדֵיהוֹן סָגְדִין לִדאַתקִינָא אַצבְעָתְהוֹן׃
02:09 )1( [ai]וְיִמאַך אְנָשָא וְיִחלַש תְקוֹף גוּברִין וְלָא/לָא#3#/ תִשבוֹק לְהוֹן׃
02:10 )1( [ai]יֵיעְלוּן לְמִערַק /במערק#3#/ בְטִנָרַיָא/במערת טנריא#3#/ וֻלאִיטְמָרָא בַעַפרָא מִן קֳדָם דְחִילָא יוי וֻמִזִיו יְקָרֵיה׃
02:11 )1( [ai]עֵינֵי רָמוּת אְנָשָא יִמאְכָן וְיִחלַש תְקוֹף גֻברִין וְתַקִיף יוי בִלחוֹדוֹהִי בְעִידָנָא הַהוּא׃
02:12 )1( [ai]אְרֵי יוֹמָא עְתִיד לְמֵיתֵי מִן קֳדָם יוי צְבָאוֹת עַל כָל גֵיוְתָנַיָא וְרָמֵי לִיבָא וְעַל כָל תַקִיפַיָא וַיִמאְכוּן׃
02:13 )1( [ai]וְעַל כָל מַלכֵי עַמְמַיָא תַקִיפַיָא וְחַסִינַיָא וְעַל כָל טוּרנֵי מְדִינָתָא׃
02:14 )1( [ai]וְעַל כָל טוּרַיָא רָמַיָא/מרמיא#3#/ וְעַל כָל רָמָתָא מְנֻטְלָתָא׃
02:15 )1( [ai]וְעַל כָל דְיָתְבִין בְמִגדַל רָם וְעַל כָל דְשָרַן בְשוּר כְרִיך׃
02:16 )1( [ai]וְעַל כָל \דְיָתְבִין בְנֵיסֵי /נָחְתֵי סְפִינֵי#2#/ יַמָא וְעַל כָל דְשָרַן בְבִירָוָת/בְבִירָניָת#2#/ שוּפרָא׃
02:17 )1( [ai]וְתִמאַך/וימאך#3#/ רָמוּת אְנָשָא וְיַחְלַש/וימאכן#3#/ תְקוֹף גֻברִין וְתַקִיף יוי בִלחוֹדוֹהִי בְעִידָנָא הַהוּא׃
02:18 )1( [ai]וְטָעְוָתָא גְמֵירָא יְסוּפוּן׃
02:19 )1( [ai]וְיֵיעְלוּן בִמעָרַת טִנָרַיָא וֻבִמחִילֵי עַפרָא מִן קֳדָם דְחִילָא יוי וֻמִזִיו יְקָרֵיה בְאִתגְלָיוּתֵיה לְמִתבַר רַשִיעֵי אַרעָא׃
02:20 )1( [ai]בְעִידָנָא הַהוּא/ההיא#3#/ יְרַחְקוּן בְנֵי אְנָשָא יָת טָעְוָת כַספְהוֹן וְיָת טָעְוָת דַהבְהוֹן דַעְבַדוּ לְהוֹן לְמִסגַד לְטָעְוָתָא וֻלצַלמָנַיָא׃
02:21 )1( [ai]לְמֵיעַל בִמעָרָת טִנָרַיָא וֻבִשקִיפֵי כֵיפַיָא מִן קֳדָם דְחִילָא יוי וֻמִזִיו יְקָרֵיה בְאִתגְלָיוּתֵיה לְמִתבַר רַשִיעֵי אַרעָא׃
02:22 )1( [ai]אִתמְנַעוּ לְכוֹן מִלְאִשתַעֲבָדָא לַאְנָשָא בְמַעבְדֵיה/למעבדיה#3#/ דַחלָא דְנִשמַת רוּחַ חַיִין בְאַפוֹהִי אְרֵי יוֹמָא דֵין הוּא קַייָם מְחַר לָיְתוֹהִי/לא איתוי#3#/ וֻכלָמָא חְשִיב הוּא׃

next chapter