← Back
The Comprehensive Aramaic Lexicon
← Return to the Text Browser
click on the file description for more information
51014: TgJ Ez

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


03:01 )1( [ai]וַאֲמַר לִי בַר אָדָם יָת דְמִתיְהֵיב לָך קַבֵיל/#3#/ קַבֵיל מָא דִכתִיב בִמגִלְתָא הָדָא וְאִיזֵיל אִתנַבִי/ואיתנבי#3#/ עַל בֵית יִשרָאֵל׃
03:02 )1( [ai]וְאַרכֵינִית יָת נַפשִי וְאַחכְמַנִי מָא/יָת#3#/ דִכתִיב בִמגִלְתָא הָדָא׃
03:03 )1( [ai]וַאֲמַר לִי בַר אָדָם נַפשָך תְסַבַע וֻמעָך תְמַלֵי אִם תְקַבֵיל מָא דִכתִיב בִמגִלְתָא הָדָא דַאֲנָא יָהֵיב לָך וְקַבֵילתָה וַהֲווֹ פִתגָמַהָא בְפוּמִי כִדבַש חֲלֵי׃
03:04 )1( [ai]וַאֲמַר לִי בַר אָדָם אֵיתַא אִיזֵיל לְוָת בְנֵי/בית#3#/ יִשרָאֵל וְתִתנַבֵי בְפִתגָמֵי נְבוּאֲתִי לְהוֹן׃
03:05 )1( [ai]אֲרֵי לָא לְוָת עַם עַמִיקֵי מַמלַל וְיַקִירֵי לִישָן אַת שְלִיַח לְאִתנַבָאָה אֲלָהֵין עַל/לות#3#/ בֵית יִשרָאֵל׃
03:06 )1( [ai]לָא לְוָת עַמְמִין/עממיא#3#/ סַגִיאִין עַמִיקֵי/תַקִיפֵי#3#/ מַמלַל וְיַקִירֵי לִישָן דְלָא תִשמַע <ית#3#> פִתגָמֵיהוֹן אִלוּ לְוָתְהוֹן שְלַחתָך אִנוּן יְקַבְלוּן מִנָך׃
03:07 )1( [ai]וֻבֵית יִשרָאֵל לָא יֵיבוֹן לְקַבָלָא מִנָך אֲרֵי לֵיתִינוּן צָבַן לְקַבָלָא לְמֵימְרִי אֲרֵי כָל בֵית יִשרָאֵל חַצִיפֵי אַפִין וְתַקִיפֵי לְבָא אִנוּן׃
03:08 )1( [ai]הָא יְהַבִית יָת בֵית אַפָך תַקִיף כִקבֵיל/לקביל#3#/ בֵית אַפֵיהוֹן וְיָת בֵית עֵינָך חַסִין כִקבֵיל/לקביל#3#/ בֵית עֵינֵיהוֹן׃
03:09 )1( [ai]כְמָא דְשַמִירָא תַקִיף מִטִנָרָא כֵין יְהַבִית יָת בֵית עֵינָך חַסִין כִקבֵיל בֵית עֵינֵיהוֹן/בית אפיהון#3#/ לָא תִדחַל מִנְהוֹן וְלָא תִתְבַר מִן קֳדָמֵיהוֹן אֲרֵי עַם סָרְבָן אִנוּן׃
03:10 )1( [ai]וַאֲמַר לִי בַר אָדָם יָת כָל פִתגָמַי דַאֲמַלֵיל עִמַך קַבֵיל בְלִיבָך וֻבאוּדנָך שְמַע׃
03:11 )1( [ai]וְאֵיתַא אִיזֵיל לְוָת בְנֵי גָלוּתָא לְוָת בְנֵי עַמָך וְתִתנַבֵי לְהוֹן וְתֵימַר לְהוֹן כִדנָן אֲמַר יוי אֲלֹהִים אִם יְקַבְלוּן אֻלפָן וְאִם יִתמַנעוּן מִלְמִחטֵי׃
03:12 )1( [ai]וֻנטַלַתנִי רוּחָא וֻשמַעִית בָתְרַי קָל זְיָע סַגִי דִמשַבְחִין וְאָמְרִין בְרִיך יְקָרָא דַיוי מֵאֲתַר בֵית שְכִינְתֵיה׃
03:13 )1( [ai]וְקָל גַפֵי/כַנפֵי#2#/ בִריָתָא נָקְשִין חַד לְחַד וְקָל גִלגְלַיָא לְקִבלְהוֹן וְקָל זְיָע סַגִי׃
03:14 )1( [ai]וְרוּחָא נְטַלַתנִי וֻנסֵיבַתנִי וַאֲזַלִית בִמרָר בִתקוֹף רוּחִי וֻנבוּאָה מִן קֳדָם יוי עֲלַי תְקֵיפַת׃
03:15 )1( [ai]וַאֲתֵית לְוָת בְנֵי גָלוּתָא לְתֵל אָבִיב דְיָתְבִין עַל נְהַר כְבָר וְנַחִית בֵינֵיהוֹן אִנוּן יָתְבִין תַמָן וִיתֵיבִית תַמָן שִבעָה יוֹמִין שָתֵיק בֵינֵיהוֹן׃
03:16 )1( [ai]וַהֲוָה מִסוֹף שִבעָה יוֹמִין וַהֲוָה פִתגָם נְבוּאָה מִן קֳדָם יוי עִמִי לְמֵימַר׃
03:17 )1( [ai]בַר אָדָם מַלֵיף מַנִיתָך/יְהַבתָך#3#/ לְבֵית יִשרָאֵל וֻתקַבֵיל מִמֵימַרִי פִתגָם וְתַזהַר יָתְהוֹן מִלְמִחטֵי קֳדָמַי׃
03:18 )1( [ai]בִדאֲמַרִית לְרַשִיעָא מְמָת תְמוּת וְלָא אַזהַרתָהִי וְלָא מַלֵילתָא לְאַזהָרָא רַשִיעָא מֵאוֹרחֵיה דְרִשעָא לְקַיָמוּתֵיה הוּא רַשִיעָא בְחוֹבֵיה יְמוּת וֻדמֵיה מִן יְדָך אַתבַע׃
03:19 )1( [ai]וְאַת אֲרֵי אַזהַרתָא רַשִיעָא וְלָא תָב מֵחוֹבֵיה וֻמֵאוֹרחֵיה דְרִשעָא הוּא בְחוּבֵיה יְמוּת וְאַת יָת נַפשָך שֵיזֵיבתָא׃
03:20 )1( [ai]וְכַד יְתוּב זַכָאָה מִזְכוּתֵיה וְיַעֲבֵיד שְקַר וְאַתֵין תַקלַת חוֹבִין קֳדָמוֹהִי הוּא יְמוּת \אֲרֵי לָא אַזהַרתָהִי בְחוֹבֵיה יְמוּת /#3#/ וְלָא יִדַכרָן זָכְוָותֵיה דַעֲבַד וֻדמֵיה מִן יְדָך אַתבַע׃
03:21 )1( [ai]וְאַת אֲרֵי אַזהַרתָהִי/אזהרתא#3#/ לְצַדִיקָא/זכאה#3#/ בְדִיל דְלָא לְמִחטֵי צַדִיקָא וְהוּא לָא חֲטָא מֵיחָא יֵיחֵי אֲרֵי אִזדְהַר וְאַת יָת נַפשָך שֵיזֵיבתָא׃
03:22 )1( [ai]וֻשרַת עֲלַי תַמָן רוּחַ נְבוּאָה מִן קֳדָם יוי וַאֲמַר לִי קוּם פוֹק לְבִקעֲתָא וְתַמָן אֲמַלֵיל עִמָך׃
03:23 )1( [ai]וְקַמִית וֻנפַקִית לְבִקעֲתָא וְהָא תַמָן יְקָרָא דַיוי שְרֵי כִיקָרָא דַחזֵיתִי עַל נְהַר כְבָר וְאִשתַטַחִית עַל אַפָי׃
03:24 )1( [ai]וַעְלַת בִי רוּחָא וַאְקֵימַתנִי עַל רִגלַי וֻמַלֵיל עִמִי וַאֲמַר לִי/#3#/ עוֹל אִיטְמַר בְגוֹ בֵיתָך׃
03:25 )1( [ai]וְאַת בַר אָדָם הָא גְזֵירַת פִתגָמִי <פומי#3#> עֲלָך כַאֲסוּר/כְאֵיסוּר#3#/ גְדִילָן דִאָסְרִין/אסרין#3#/ בְהוֹן וְלָא תִיפוֹק בֵינֵיהוֹן׃
03:26 )1( [ai]וְלִישָנָך אַדבֵיק לְחִיכָך וְתִשתוֹק וְלָא תְהֵי לְהוֹן לִגבַר מוֹכַח אֲרֵי עַם סָרְבָן אִנוּן׃
03:27 )1( [ai]וֻבמַלָלוּתִי עִמָך אַרכֵין יָת נַפשָך וְתֵימַר לְהוֹן כִדנָן אֲמַר יוי אֲלֹהִים דִמקַבֵיל יְקַבֵיל אוּלפָן וֻדמִתמְנַע יִתמְנַע מִלְמִחטֵי אֲרֵי עַם סָרְבָן אִנוּן׃

next chapter