← Back
The Comprehensive Aramaic Lexicon
← Return to the Text Browser
click on the file description for more information
51014: TgJ Ez

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


06:01 )1( [ai]וַהֲוָה פִתגָם נְבוּאָה מִן קֳדָם יוי עִמִי לְמֵימַר׃
06:02 )1( [ai]בַר אָדָם קַבֵיל נְבוּאָה עַל טוּרֵי יִשרָאֵל וְאִתנַבִי עֲלֵיהוֹן׃
06:03 )1( [ai]וְתֵימַר טוּרֵי יִשרָאֵל קַבִילו פִתגָמָא דיוי אֲלֹהִים כִדנָן אֲמַר יוי אֲלֹהִים לְטוּרַיָא וֻלרָמָתָא לִפצִידַיָא/ולפציריא#3#/ וֻלחִלַיָא הָאֲנָא מֵיתֵי עֲלֵיכוֹן דְקָטְלִין בְחַרבָא וְאוֹבֵיד בָמָתְכוֹן׃
06:04 )1( [ai]וְיצַדוֹן אֵיגוֹרֵיכוֹן וְיִתַברוּן חֲנִסְנִסֵיכוֹן וְאַרמֵי קְטִילֵיכוֹן קֳדָם פִיגוּר טָעֲוָתְכוֹן׃
06:05 )1( [ai]וְאַתֵין יָת פִגרֵי בְנֵי יִשרָאֵל קֳדָם פִיגוּר טָעֲוָתְהוֹן וַאֲבַדַר יָת גַרמֵיכוֹן סַחרָנוּת אֵיגוֹרֵיכוֹן׃
06:06 )1( [ai]בְכָל מוֹתְבָנֵיכוֹן קִרוַיָא יִחרְבָן וֻבָמָתָא יִצדְיָין בְדִיל דְיִחרְבוּן וְיִצדוֹן אֵיגוֹרֵיכוֹן וְיִתַברָן וְיִבטֲלָן טָעֲוָתְכוֹן/טעותהון#3#/ וְיִתקַטפוּן חֲנִסנְסֵיכוֹן וְיִתמְחוֹן עוּבָדֵיכוֹן׃
06:07 )1( [ai]וְיִתרְמוֹן קְטִילִין בֵינֵיכוֹן וְתִדְעוּן אֲרֵי אֲנָא יוי׃
06:08 )1( [ai]וְאַשאַר בְמִהוֵי לְכוֹן מְשֵיזְבֵי חַרבָא \בֵינֵי עַמְמַיָא /בעממיא#3#/ בְאִתבַדוֹרֵיכוֹן/באתבדרותכון#3#/ בִמדִינָתָא׃
06:09 )1( [ai]וְיִדכְרוּן מְשֵיזְבֵיכוֹן דַחלְתִי בֵינֵי עַמְמַיָא דְאִשתְבִיאוּ לְתַמָן דִתבַרִית יָת לִבְהוֹן טַפשָא דִסטָא מִבָתַר פֻלחָנִי וְיָת חֵיזוּ עֵינֵיהוֹן/עֵינֵיכוֹן#2#/ דִטעַאָה/דטעא#3#/דטען#3#/ בָתַר טָעֲוָתְהוֹן וְיִדַנקוּן וִיהוֹן חָזַן עַל בִשתָא דַעֲבַדוּ לְכָל תוֹעֵיבָתְהוֹן׃
06:10 )1( [ai]וְיִדְעוּן אֲרֵי אֲנָא יוי לָא לְמַגָן גְזַרִית בְמֵימְרִי לְמַעֲבַד לְהוֹן בִשתָא הָדָא׃
06:11 )1( [ai]כִדנָן אֲמַר יוי אֲלֹהִים טַפַח בִידָך וֻרפוֹס/וֻרפַס#2#/ בְרַגלָך וְאֵימַר וָי עַל כָל \תוֹעֲבָת בִישָ בֵית יִשרָאֵל דִבחַרבָא בְכַפנָא וֻבמוֹתָא יִתרְמוֹן׃
06:12 )1( [ai]דְרַחִיק בְמוֹתָא יְמוּת וֻדקָרִיב בְחַרבָא יִתקְטִיל וֻדיִשתְאַר וְיֵיעוֹל לְכַרכֵי צְיָרָא בְכַפנָא יְמוּת וִיחוּל רֻגזִי בְהוֹן׃
06:13 )1( [ai]וְתִדְעוּן אֲרֵי אֲנָא יוי בְמִהוֵי קְטִילֵיהוֹן בְגוֹ פִגוּר/פגול#3#/ טָעֲוָתְהוֹן סַחרָנוּת אֵגוֹרֵיהוֹן עַל כָל רָמָא מְנֻטְלָא בְכָל רֵישֵי טוּרַיָא וֻתחוֹת כָל אִילָן עַבוֹף וֻתחוֹת כָל בֻטמָא מְעַפְיָא אֲתַר דִיהַבוּ תַמָן קֻרבָנִין לְפֻלחַן לְכָל/כל#2#/ טָעֲוָתְהוֹן׃
06:14 )1( [ai]וַאֲרֵים יָת מַחַת גְבוּרְתִי עֲלֵיהוֹן וְאַתֵין יָת אַרעָא לְצַדוּ וְאִשתְמָמוּ מִמִדבַר דִבלָת בְכָל מוֹתְבָנֵיהוֹן וְיִדְעוּן/ותידעון#3#/ אֲרֵי אֲנָא יוי׃

next chapter