← Back
The Comprehensive Aramaic Lexicon
← Return to the Text Browser
click on the file description for more information
51014: TgJ Ez

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


09:01 )1( [ai]וְאַכלִי וַאֲנָא שָמַע קָל רַב לְמֵימַר אִתקָרַבוּ דִממֻנָן עַל קַרתָא וֻגבַר מָן חִבוּלֵיה בִידֵיה׃
09:02 )1( [ai]וְהָא שִתָא <מלאכיא מחבליא בדמות#3#> גֻברִין אָתַן מֵאוֹרַח תַרעָא עִלָאָה דִפתִיַח לְצִיפוּנָא וֻגבַר מָן בִדוּרֵיה בִידֵיה וְגֻברָא חַד בֵינֵיהוֹן לָבֵיש לְבוּשִין וֻפֵנְקַס סָפְרָא בְחַרצֵיה וְעַלוּ וְקָמוּ בִסטַר מַדבְחָא דִנחָשָא׃
09:03 )1( [ai]וִיקָר אֲלָהָא דְיִשרָאֵל אִסתַלַק בִכרוּבָא/בכרוביא#3#/ דַהֲוָה שְרֵי עֲלוֹהִי בֵית/בבית#3#/ קֹדַש קֻדשַיָא וֻשרָא מֵעֵיל לִקבֵיל/לבית#3#/ סְקוֹפַת בֵיתָא/בית מקדשא#3#/ וֻקרָא לְגֻברָא דִלבֵיש לְבוּשַיָא דְפֵינְקַס סַפְרָא בְחַרצֵיה׃
09:04 )1( [ai]וַאֲמַר יוי לֵיה עֲבַר בְגוֹ קַרתָא בְגוֹ יְרוּשלַם וְתִרשוֹם תַוָא/תו#3#/ עַל בֵית עֵינֵי גֻברַיָא דְמִתאָנְחִין וֻדמִדַנקִין/ודמאנקין#3#/ עַל כָל תוֹעֵיבָתָא דְאִתעֲבִידָא בְגַוַה׃
09:05 )1( [ai]וֻלאִלֵין <שיתא מלאכיא מחבליא#3#> אֲמַר וַאֲנָא שָמַע עֲבַרוּ בְקַרתָא בָתְרוֹהִי וֻקטוּלוּ לָא תְחוּס עֵינְכוֹן וְלָא תְרַחְמוּן׃
09:06 )1( [ai]סַב עוּלֵים וֻבתוּלָה וְטַפלָא וֻנשַיָא תִקטְלוּן לְחַבָלָא וְעַל כָל גֻברָא דַעֲלוֹהִי רוֹשַם תַוָא/תו#3#/ לָא תִקרְבוּן וֻמִבֵית מִקדְשִי תִשרוֹן וְשָרִיאוּ בְגֻברַיָא סָבַיָא דִקדָם בֵיתָא׃
09:07 )1( [ai]וַאֲמַר לְהוֹן סַאִיבו יָת בֵיתַא וֻמלוֹ יָת דָרְתָא קְטִילִין פוּקוּ וֻנפַקוּ וֻקטַלוּ בְקַרתָא׃
09:08 )1( [ai]וַהֲוָה כְקַטָלוּתְהוֹן וְאִשתְאַרִית אֲנָא וְאִשתַטַחִית עַל אַפַי וֻצוַחִית וַאֲמַרִית קַבֵיל בָעוּתִי יוי אֲלֹהִים הַמְחַבֵיל אַת יָת כָל שְאָרָא דְיִשרָאֵל בְמִשפְכָך יָת חִמתָך עַל יְרוּשלַם׃
09:09 )1( [ai]וַאֲמַר לִי חוֹבֵי בֵית יִשרָאֵל וִיהוּדָה תְקִיפוּ בַה לַחדָא לַחדָא וְאִתמְלִיאַת אַרעָא חַייָבֵי/חוֹבֵי#3#/ קְטוֹל וְקַרתָא אִתמְלִיאַת אַסטָיוּת דִין אֲרֵי אֲמַרוּ רַחֵיק יוי יָת יָתְבֵי אַרעָא וְלֵית דָא גַליָא קֳדָם יוי׃
09:10 )1( [ai]וְאַף אֲנָא לָא יְחוּס מֵימְרִי וְלָא אֲרַחֵים פוֹרעָנוּת אוֹרַחהוֹן בְרֵישְהוֹן יְהַבִית׃
09:11 )1( [ai]וְהָא גֻברָא דְלָבֵיש לְבוּשַיַא דְפֵינַקסֵיה/דְפִנקְסָא#3#/ בְחַרצֵיה מְתִיב פִתגָמָא לְמֵימַר עֲבַדִית כְמָא דְפַקֵידתָנִי׃

next chapter