← Back
The Comprehensive Aramaic Lexicon
← Return to the Text Browser
click on the file description for more information
51014: TgJ Ez

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


18:01 )1( [ai]וַהֲוָה פִתגָם נְבוּאָה מִן קֳדָם יוי עִמִי/עלי#3#/ לְמֵימַר׃
18:02 )1( [ai]מָא לְכוֹן דְאַתוּן מָתְלִין יָת מַתלָא הָדֵין עַל אַרעָא דְיִשרָאֵל לְמֵימַר אֲבַהָתָא חָטַן וֻבנַיָא לָקַן׃
18:03 )1( [ai]קַיָים אֲנָא אֲמַר יוי אֲלֹהִים אִם יְהֵי לְכוֹן עוֹד מִמתָל מַתלָא הָדֵין בְיִשרָאֵל׃
18:04 )1( [ai]הָא כָל נַפשָתָא דִילִי אִנוּן כִנפַש אַבָא וְכִנפַש בְרַא קֳדָמַי אִנִין אֲנָש דְיִחטֵי הוּא יְמוּת׃
18:05 )1( [ai]וֻגבַר אֲרֵי יְהֵי זַכַי וְיַעֲבֵיד דִין דִקשוּט וְזָכוּ׃
18:06 )1( [ai]בְטוּרַיָא לָא פְלַח לְטָעֲוָתָא וְעֵינוֹהִי לָא זְקַף לְפֻלחַן טָעֲוָת בֵית יִשרָאֵל וְיָת אִתַת חַברֵיה לָא סַאֵיב וֻלוָת אִתָא/איתת#3#/ טוּמאָה/מסאבא#3#/ לָא עָל׃
18:07 )1( [ai]וַאֲנָש לָא אוֹנִי מִשכוֹן דְחוֹבְתָא אֲתִיב גְזֵילָא לָא גְזַל מִלַחמֵיה לְכָפְנָא יְהַב וְעַרטִלָאָה כַסִי מִכְסוּתֵיה׃
18:08 )1( [ai]בַחֲבוּליָא לָא יְהַב וְרִיבִיתָא לָא נְסֵיב מִשִקרָא אֲתִיב יְדֵיה דִין דִקשוֹט עֲבַד בֵין גְבַר לִגבַר׃
18:09 )1( [ai]בִקיָמַי הַלֵיך וְדִינַי נְטַר לְמַעֲבַד קְשוֹט צַדִיקָא הוּא מֵיחָא יֵיחֵי אֲמַר יוי אֲלֹהִים׃
18:10 )1( [ai]וְאוֹלֵיד בַר רַשִיַע אָשֵיד דַם וְיַעֲבֵיד לַאֲחוּהִי מֵחֲדָא מֵאִלֵין׃
18:11 )1( [ai]וְהוּא יָת כָל אִלֵין לָא עֲבַד אֲלָהֵין בְטוּרַיָא פְלַח לְטָעֲוָתָא וְיָת אִתַת חַברֵיה סַאֵיב׃
18:12 )1( [ai]מִסכֵין וְחַשִיך אוֹנִי גְזֵילָא גְזַל מִשכוֹנָא לָא אֲתִיב וֻלפֻלחַן טָעֲוָתָא זְקַף עֵינוֹהִי תוֹעֵיבָא עָבַד׃
18:13 )1( [ai]בְחִבוּליָא יְהַב וִרִבִיתָא נְסֵיב הֲיִתקַיַים לָא יִתקַיַים יָת כָל תוֹעֵיבָתָא הָאִלֵין עֲבַד מְמָת יְמוּת חוֹבַת קְטוּלֵיה בֵיה תְהֵי׃
18:14 )1( [ai]וְהָא אוֹלֵיד בַר וַחֲזָא יָת כָל חוֹבֵי אֲבוּהִי דַעֲבַד וַחֲזָא וְלָא עֲבַד כְוָתְהוֹן׃
18:15 )1( [ai]עַל טוּרַיָא לָא פְלַח לְטָעֲוָתָא וְעֵינוֹהִי לָא זְקַף לְפֻלחַן טָעֲוָת בֵית/בני#3#/ יִשרָאֵל יָת אִתַת חַברֵיה לָא סַאֵיב׃
18:16 )1( [ai]וַאֲנָש/וגבר#3#/ לָא אוֹנִי מִשכוֹנָא לָא נְסֵיב/מִשְכֵן#3#/ וְגָזֵילָא לָא גְזַל מִלַחמֵיה לְכָפְנָא יָהַב וְעַרטִלָאָה כַסִי מִכְסוּתֵיה׃
18:17 )1( [ai]מִמִסכֵינָא <לא#3#> אֲתִיב יְדֵיה חִבוּליָא וְרִבִיתָא לָא נְסֵיב דִינִי עֲבַד בִקיָמַי הַלֵיך הוּא לָא יְמוֹת בְחוֹבֵי אֲבוּהִי מֵיחָא יֵיחֵי׃
18:18 )1( [ai]אֲבוּהִי אֲרֵי עֲשַק עוּשקָא גְזַל גָזֵילָא לְחַד מֵאֲחוֹהִי וֻדלָא תָקֵין עֲבַד בְגוֹ עַמֵיה וְהָא מִית בְחוֹבֵיה׃
18:19 )1( [ai]וַאֲמַרתוּן/ותימרון#3#/ מָדֵין לָא לָקֵי בְרָא בְחוֹבֵי אַבָא וֻברָא דִין דִקשוֹט וְזָכוּ עֲבַד יָת כָל קְיָמַי נְטַר וַעֲבַד יָתְהוֹן מֵיחָא יֵיחֵי׃
18:20 )1( [ai]אֲנָש דְיִחטֵי/דייחוב#3#/ הוּא יְמוּת בְרָא לָא יִלקֵי בְחוֹבֵי אַבָא וְאַבָא לָא יִלקֵי בְחוֹבֵי בְרָא זְכוּת זַכָאָה בַה יִתקַיַים וְחוֹבַת חַיָיבָא עֲלוֹהִי תְהֵי׃
18:21 )1( [ai]וְרַשִיעָא אֲרֵי יְתוּב מִכָל חוֹבוֹהִי דַעֲבַד וְיִטַר יָת כָל קְיָמַי וְיַעֲבֵיד דִין דִקשוֹט וְזָכוּ מֵיחָא יֵיחֵי לָא יָמוּת׃
18:22 )1( [ai]כָל חוֹבוֹהִי דַעֲבַד לָא יִדַכרָן לֵיה בְזָכוּתֵיה דַעֲבַד יִתקַיַם׃
18:23 )1( [ai]הֲמִרעָא רְעֵינָא מוֹתֵיה דְרַשִיעָא אֲמַר יוי אֲלֹהִים הֲלָא כַד יְתוּב מֵאוֹרחֵיה וְיִתקַיַים׃
18:24 )1( [ai]וְכַד יְתוּב זַכָאָה מִזְכוּתֵיה וְיַעֲבֵיד שְקַר כְכָל תוֹעֵיבָתָא דַעֲבַד רַשִיעָא יַעֲבֵיד הֲיִתקַיַים/יִתקַיַים#2#/ כָל זָכְוָתֵיה דַעֲבַד לָא יִדְכרָן בִשִקרֵיה דְשַקַר וֻבחוֹבֵיה דְחָב בְהוֹן יְמוּת׃
18:25 )1( [ai]וַאֲמַרתוּן לָא מְפַרְשָן לַנָא אוֹרחָת טוּבָא דַיוי שְמַעוּ כְעַן בֵית יִשרָאֵל הַאוֹרחָת טוּבִי לָא מְפָרְשָן לְכוֹן הֲלָא אוֹרְחָתְכוֹן דִי לְכוֹן לָא תָקְנָן׃
18:26 )1( [ai]כַד יְתוּב זַכָאָה מִזְכוּתֵיה וְיַעֲבֵיד שְקַר וִימוּת עֲלֵיהוֹן בִשִקרֵיה דַעֲבַד יְמוּת׃
18:27 )1( [ai]וְכַד יְתוּב רַשִיעָא מֵחוֹבוֹהִי דַעֲבַד וְיַעֲבֵיד דִין דִקשוֹט וְזָכוּ הוּא יָת נַפשֵיה יְקַיֵים׃
18:28 )1( [ai]וַחֲזָא וְתָב מִכָל חוֹבוֹהִי דַעֲבַד <ויעביד דין דקשוט וזכו#3#> מֵיחָא יֵיחֵי לָא יְמוּת׃
18:29 )1( [ai]וַאֲמַרוּ בֵית יִשרָאֵל לָא מְפָרְשָן לַנָא אוֹרְחָת טוּבָא דַיוי הַאוֹרחָת טוּבִי לָא מְפָרשָן לְכוֹן בֵית יִשרָאֵל הֲלָא אוֹרחָתְכוֹן דִילְכוֹן לָא תָקְנָן׃
18:30 )1( [ai]בְכֵין אֲנָש כְאוֹרחָתֵיה אִתפְרַע מִנכוֹן בֵית יִשרָאֵל אֲמַר יוי אֲלֹהִים תוּבוּ לְפֻלחָנִי וְאַעדוֹ מִנכוֹן פֻלחַן טָעֲוָתָא וְלָא יְהֵי לְכוֹן לְתַקלַת חוֹבִין׃
18:31 )1( [ai]אַרחִיקוּ מִנכוֹן יָת כָל חוֹבֵיכוֹן/מִרדֵיכוֹן#3#/ דְחַבתוּן בְהוֹן וַעֲבִידוּ לְכוֹן לֵב דְחוּל וְרוּחַ דַחלָא וֻלמָא תְמוּתוּן בֵית יִשרָאֵל׃
18:32 )1( [ai]אֲרֵי לָא רְעֵינָא בְמוֹתָא/בְמוֹתֵיה#2#/ דְחַיָיב לִממָת אֲמַר יוי אֲלֹהִים תוּבוּ לְפֻלחָנִי וְאִתקַיַימוּ׃

next chapter