← Back
The Comprehensive Aramaic Lexicon
← Return to the Text Browser
click on the file description for more information
51014: TgJ Ez

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


22:01 )1( [ai]וַהֲוָה פִתגָם נְבוּאָה מִן קֳדָם יוי עִמִי/עלי#3#/ לְמֵימַר׃
22:02 )1( [ai]וְאַת בַר אָדָם הֲתוֹכַח הֲתוֹכַח יָת קַרתָא דְאַשְדֵי דַם זַכַי בְגַוַה וְחַוִי לַה יָת כָל תוֹעֵיבָתַהָא׃
22:03 )1( [ai]וְתֵימַר כִדְנָן אֲמַר יוי אֲלֹהִים קַרתָא דְאַשְדֵי דַם זַכַי בְגַוַה מְטָא עִדָן תְבָרַה וֻדפָלְחִין לְטָעֲוָתָא בְגָוָה בְדִיל לְסַאָבוּתָה׃
22:04 )1( [ai]בְחוֹבַת דַם זַכַי דַאֲשַדת חַבת וֻבפֻלחַן טָעֲוָתִיך דִפלַחת אִסתָאַבת וְקָרֵיב יוֹם תְבָרִיך וֻמטָא עִדָן בִשתִיך עַל כֵין יְהַבתִיך חִסוּדִין לְעַמְמַיָא וֻלעֵיב לְכָל מִדִינָתָא׃
22:05 )1( [ai]דְקָרִיבָן וֻדרַחִיקָן מִנִיך יִתלַעבָן/יתעלבן#3#/ בִיך סוֹאֲבָת שְמָא דְסַגִיאָן אִתרְגוֹשְתַהָא׃
22:06 )1( [ai]הָא רַברְבֵי יִשרָאֵל גְבַר לְתֻקפֵיה הֲווֹ בִיך בְדִיל לְמִשפַך דַם זַכַי׃
22:07 )1( [ai]אַבָא וְאִמָא אֲקִילוּ בִיך לְגִיוֹרָא אֲנַסוּ/עְבַדוּ#3#/ אוּנסָא בְגַוִיך יַתמִין וְאַרמְלָן אוֹנִיאוּ בִיך׃
22:08 )1( [ai]עַל קוּדשִי בַסַרת וְיָת יוֹמֵי שַבַיָא דִילִי אַחֵלת׃
22:09 )1( [ai]גֻברֵי אָכְלֵי קִרצָא הֲווֹ בִיך בְדִיל לְמִשפַך דַם זַכַי וֻבטוּרַיָא פְלַחוּ בִיך לְטָעֲוָתָא <ארי#3#> עֵיצַת חֲטִין עֲבַדוּ בְגַוִיך/ביך#3#/׃
22:10 )1( [ai]עַריַת אַבָא גָלִיוּ בִיך <סוֹאְבָת#3#> אִתָא טֻמאָה עַנִיוּ בִיך׃
22:11 )1( [ai]וֻגבַר יַת אִיתַת חַברֵיה עֲבַד תוֹעֵיבָא וֻגבַר יָת כַלְתֵיה סַאֵיב בְעֵיצַת חֲטִין וֻגבַר יָת אֲחָתֵיה בַת/ברת#3#/ אֲבוּהִי עַנֵי בִיך׃
22:12 )1( [ai]שֻחדָא קַבִילוּ בִיך בְדִיל לְמִשפַך דַם זַכַי חִבוּליָא וְרִבִיתָא נְסַבת וְאַהנֵית רָחֲמַך בְאוּנסָא/בְעֻשקָא#3#/ וֻפֻלחָנִי שְבַקת אֲמַר יוי אֲלֹהִים׃
22:13 )1( [ai]וְהָא אֵיתִיתִי פוֹרעָנוּתִי עֲלַך בְחוֹבֵי מָמוֹן אוּנסִיך דַאֲנַסת וְעַל דַם זַכַי דְאִשתְפֵיך בְגַוִיך׃
22:14 )1( [ai]הֲיִתקַף לִבִיך אִם יִתחַסְנָן יְדָך לְיוֹמַיָא דַאֲנָא עַתִיד לְמַעֲבַד עִמִיך אֲנָא יוי גְזַרִית בְמֵימְרִי וַאֲקַיֵים׃
22:15 )1( [ai]וְאַגלֵי יָתִיך לְבֵינֵי עַמְמַיָא וַאְבַדְרִנִיך בִמדִינָתָא וַאֲסֵיף סְאוֹבְתִיך מִנִיך׃
22:16 )1( [ai]וְאַתקַדַש בִיך לְעֵינֵי עַמְמַיָא וְתִדְעִין אֲרֵי אֲנָא יוי׃
22:17 )1( [ai]וַהֲוָה פִתגָם נְבוּאָה מִן קֳדָם יוי עִמִי/עלי#3#/ לְמֵימַר׃
22:18 )1( [ai]בַר אָדָם הֲווֹ קֳדָמַי בֵית יִשרָאֵל לִפסוֹלָא כוּלְהוֹן כְמָא דִמעָרַב נְחָש וֻבעֵיץ/ועבץ#3#/ וֻבַרזַל וַאֲבָר בְגוֹ כוּרָא לִפסוֹלַת כַספָא הֲווֹ׃
22:19 )1( [ai]בְכֵין כִדְנָן אֲמַר יוי אֲלֹהִים חֲלָף דַהֲוֵיתוֹן כוּלְכוֹן לִפסוֹלָא בְכֵין הָאֲנָא כָנֵיש יָתְכוֹן לְגוֹ יְרוּשלַם׃
22:20 )1( [ai]כְמִכנַש כְסַף וֻנחָש וֻבַרזַל וַאֲבָר וֻבעֵיץ לְגוֹ כוּרָא לְאַתקָפָא עֲלוֹהִי נוּרָא לְאַמסָיוּתֵיה כֵין אֲכַנֵיש בְרֻגזִי וֻבחִמתִי וַאֲסִיף וַאֲשֵיצֵי יָתכוֹן׃
22:21 )1( [ai]וַאֲכַנֵיש יָתְכוֹן וְאַתקֵיף עֲלֵיכוֹן בְאִישָת פוֹרעָנוּתִי וְתִתמְסוֹן בְגָוָה׃
22:22 )1( [ai]כְאִתמְסָאָה כַספָא בְגוֹ כוּרָא כֵין תִתמְסוּן בְגַוַה וְתִדְעוּן אֲרֵי אֲנָא יוי שְפַכִית חִמתִי עֲלֵיכוֹן׃
22:23 )1( [ai]וַהֲוָה פִתגָם נְבוּאָה מִן קֳדָם יוי עִמִי/עלי#3#/ לְמֵימַר׃
22:24 )1( [ai]בַר אָדָם אֵימַר לַה אַת אַרעָא דְיִשרָאֵל אֲרַע לָא מִדַכיָא הִיא לָא אִתעֲבִידוּ בַה עוּבָדִין טָבִין דְיַגְנוּן עֲלַה בְיוֹם לְוָט׃
22:25 )1( [ai]<נביאה אמר#3#> סִיעַת סַפְרַהָא בְגַוַה כְאַריָוָן נָהֲמִין לְמִקטַל קְטוֹל אֲנָשָא קְטַלוּ עוֹתַר וִיקָר נְסִיבוּ אַרמְלָתַהָא אַסגִיוּ בְגַוַה׃
22:26 )1( [ai]כָהֲנַהָא/כָהֲנַיָא#2#/ חָטְפִין בְאוֹרָיתִי וֻמַפְסִין קֻדשִי בֵין קוּדשָא לְחוּלָא לָא אַפרִישוּ וֻבֵין מְסָאֲבָא לְדַכיָא לָא הוֹדַעוּ וֻמִיוֹמֵי שַבַיָא דִילִי כְבַשוּ עֵינֵיהוֹן וְחַלַת רְעוּתִי בֵינֵיהוֹן׃
22:27 )1( [ai]רַברְבַהָא בְגַוַה כְדֵיבִין חָטְפֵי חֲטוֹף לְמִשפַך דַם זַכַי לְאַבָדָא נַפשָן בְדִיל לְקַבָלָא מָמוֹן דִשקַר׃
22:28 )1( [ai]וֻנבִיֵי שִקרָא דִבגַוַה דָמַן לִדבָנֵי מְחִצָא וְשָעָע לֵיה <טִין#3#> פַטִיר דְלָא תְבַן מִתנַבַן שְקַר וֻמַלְפִין לְהוֹן כַדבִין אָמְרִין כִדנָן אֲמַר יוי אֲלֹהִים וֻמִן קֳדָם יוי לָא אִתמַלַל׃
22:29 )1( [ai]עַמָא דְאַרעָא עֲשַקוּ עֻשקַא וֻגזַלוּ גְזֵילַא וֻמִסכֵין וָחַשִיך אוֹנִיאוּ וֻלגִיוֹרָא אֲנַסוּ בְלָא כְדַחזֵי׃
22:30 )1( [ai]וְאִתבְעֵי מִנְהוֹן קֳדָמַי גְבַר דְלֵיה עוּבָדִין טָבִין דִיקוּם בְתִרעֲתָא קֳדָמַי וְיִבעֵי רַחֲמִין עַל עַמָא דְאַרעָא בְדִיל דְלָא לְחַבָלוּתָה וְלָא אַשכַחִית׃
22:31 )1( [ai]וֻשפַכִית עֲלֵיהוֹן חִמתִי בְאִישָת פוֹרָענוּתִי שֵיצֵיתִינוּן פוֹרעָנוּת אוֹרַחהוֹן בְרֵישְהוֹן יְהַבִית אֲמַר יוי אֲלֹהִים׃

next chapter