← Back
The Comprehensive Aramaic Lexicon
← Return to the Text Browser
click on the file description for more information
51014: TgJ Ez

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


30:01 )1( [ai]וַהֲוָה פִתגָם נְבוּאָה מִן קֳדָם יוי עִמִי לְמֵימַר׃
30:02 )1( [ai]בַר אָדָם אִתנַבִי וְתֵימַר כִדנָן אֲמַר יוי אֲלֹהִים אֵילִילוּ וַאֲמַרוּ וָי מִן קֳדָם יוֹמָא׃
30:03 )1( [ai]אֲרֵי קָרִיב יוֹמָא <וְקָרִיב יוֹמָא#3#> דַעֲתֵיד לְמֵיתֵי מִן קֳדָם יוי יוֹם עֲנָן זְיָע עִדָן תְבָר עַמְמַיָא יְהֵי׃
30:04 )1( [ai]וֻתחוּל חַרבָא בְמִצרַיִם וִיהֵי זְיָעָא בְכוּש כַד יִתרְמוֹן קְטִילִין בְמִצרַיִם וְיִשבוּן אִתרְגוֹשְתַה וְיִתפַגְרוּן/וִיפַגְרוּן#2#/ אוּשַהָא׃
30:05 )1( [ai]כוּשָאֵי וֻפוּטָאֵי וְלוּדָאֵי וְכָל סוּמכָוָתָא וְכוּב וֻבנֵי אֲרַע קְיָמְהוֹן עִמְהוֹן בְחַרבָא יִתקַטלוּן׃
30:06 )1( [ai]כִדנָן אֲמַר יוי וְיִתקַטלוּן סָעֲדֵי מִצרַיִם וְיִבטַל יְקָר תוּקפַה מִמִגדוֹל סְוֵנֵה בְחַרבָא יִתקַטלוּן בַה אֲמַר יוי אֲלֹהִים׃
30:07 )1( [ai]וְיִצדוֹן בְגוֹ מִדִינָן דְצָדיָן וְקִרוֵיהוֹן/וקירוהי#3#/ בְגוֹ קִרוִין דַהֲוַאָה חָרבָן יִהוְיָן׃
30:08 )1( [ai]וְיִדְעוּן אֲרֵי אֲנָא יוי כַד אַיתִי עַמְמַיָא דְתַקִיפִין כְאִישָתָא עַל מִצרַיִם וְיִתַברוּן כָל סָעֲדַהָא׃
30:09 )1( [ai]בְעִדָנָא הַהוּא יִפְקוּן אִזגַדִין/איגרין#3#/ מִן קֳדָמַי בְלִגיוֹנִין לַאֲזָעָא יָת כוּש דְשָריָא לְרוּחצָן וִיהֵי זְיָעָא בְהוֹן בְיוֹם פוֹרעָנוּת מִצרַיִם אֲרֵי הָא אָתיָא׃
30:10 )1( [ai]כִדנָן אֲמַר יוי אֲלֹהִים וַאֲבַטֵיל יָת אִתרְגוֹשַת מִצרַיִם בְיַד נְבוּכַדנַצַר מַלכָא דְבָבַל׃
30:11 )1( [ai]הוּא וְעַמֵיה עִמֵיה תַקִיפֵי עַמְמַיָא אַתַן לְחַבָלָא אַרעָא וְיִשלְפוּן סֵיפֵיהוֹן עַל מִצרַיִם וְיִמלוֹן יָת אַרעָא קְטִילִין׃
30:12 )1( [ai]וְאַתֵין נַהֲרֵיהוֹן יַבַשתָא וְאַמסַר יָת אַרעָא בְיַד מַבאֲשִין וַאֲצַדֵי <יָת#2#> אַרעָא וֻמלָאַה בְיַד נוּכרָאִין/רשיעין#3#/ אֲנָא יוי גְזַרִית בְמֵימְרִי׃
30:13 )1( [ai]כִדנָן אֲמַר יוי אֲלֹהִים וְאוֹבֵיד דְפָלְחִין לְטָעֲוָתָא וַאֲשֵיצֵי דְפָלְחִין לְצִלמָנַיָא מִמַפֵיס וֻמַלכָא מֵאַרעָא דְמִצרַיִם לָא יְהֵי עוֹד וְאַתֵין דַחלָא בְאַרעָא דְמִצרָיִם׃
30:14 )1( [ai]וַאֲצַדֵי יָת פַתרוֹס וְאַיתִי עַמְמַיָא דְתַקִיפִין כְאִישָתָא עַל טַאנֵים וְאַעֲבֵיד פוֹרעָנוּת דִינִין בַאֲלַכסַנדַריָא׃
30:15 )1( [ai]וְאַשפוֹך חִמתִי עַל סִין תְקוֹף מִצרָיִם וַאֲשֵיצֵי יָת אִתרְגוֹשַת אֲלַכסַנדַריָא׃
30:16 )1( [ai]וְאַיתִי/ואתן#3#/ עַמְמַיָא דְתַקִיפִין כְאִישָתָא עַל מִצרַיִם מְזָע תְזוּעַ סִין וַאֲלַכסַנדַריָא תְהֵי מְתָרְעָא/מְמָרְעָא#3#/ מִשוּר וֻמַפֵיס בַעֲלֵי דְבָב יַקְפוּנָה יוֹם יוֹם׃
30:17 )1( [ai]עוּלֵימֵי אָוַן וֻפִיבֹסַת בְחַרבָא יִתקַטלוּן וֻפָלְחֵיהוֹן בְשִביָא יְהָכוּן׃
30:18 )1( [ai]וְעַל תַחפַנחֵס אַיתִי חֲשוֹך בִימָם כַד אַתבַר תַמָן יָת תְקוֹף מִצרַיִם וְיִבטַל בַה יְקָר תוּקפַה הִיא מַלַך בְמַשרְיָתֵיה יִחפֵינַה כַעֲנָנָא דְסָלֵיק וְחָפֵי יָת אַרעָא וְיָתְבֵי כַפרָנַהָא בְשִביָא יְהָכוּן׃
30:19 )1( [ai]וְאַעֲבֵיד פוֹרעָנוּת דִינִין בְמִצרַיִם וְיִדְעוּן אֲרֵי אֲנָא יוי׃
30:20 )1( [ai]וַהֲוָה בַחדַא עַסרֵי שְנִין בְקַדמָאָה בְשִבעָה לְיַרחָא הֲוָה פִתגָם נְבוּאָה מִן קֳדָם יוי עִמִי לְמֵימַר׃
30:21 )1( [ai]בַר אָדָם יָת תְקוֹף מַלכוּת פַרעֹה מַלכָא דְמִצרַיִם תְבַרִית וְהָא לָא מְתַקְפָא לְאִתַסָאָה לְמִתַן עֵצָא לְמִחכַם לְאִיתַקָפָא לְמֵיחַד מַלכוּ׃
30:22 )1( [ai]בְכֵין כִדנָן אֲמַר יוי אֲלֹהִים הָאֲנָא שָלַח רוּגזִי עַל פַרעֹה מַלכָא דְמִצרַיִם וְאַתבַר יָת סְעֲדוֹהִי יָת שִלטוֹנוֹהִי תַקִיפַיָא דִבהוֹן הוּא תָבַר יָת מַלכוּתָא וְאַרמֵי יָת תֻקפָא מִנֵיה/מִן יְדֵיה#3#/׃
30:23 )1( [ai]וְאַגלֵי יָת מִצרָאֵי לִבֵינֵי/לעיני#3#/ עַמְמַיָא וַאֲבַדְרִינוּן בִמדִינָתָא׃
30:24 )1( [ai]וַאֲתַקֵיף יָת מַלכוּת מַלכָא דְבָבַל וְאַתֵין יָת תוּקפִי בִידֵיה וְאַתבַר יָת תְקוֹף פַרעֹה וְיִנהוֹם נֵיהוּם מְטָעֲנֵי חֲרַב קֳדָמוֹהִי׃
30:25 )1( [ai]וַאֲתַקֵיף יָת מַלכוּת מַלכָא דְבָבַל וֻמַלכוּת פַרעֹה תִבטַל וְיִדְעוּן אֲרֵי אֲנָא יוי כַד אַתֵין תֻקפִי בְיַד מַלכָא דְבָבַל וְיִתפְרַע פוֹרעָנוּ מִן אַרעָא דְמִצרָיִם׃
30:26 )1( [ai]וְאַגלֵי יָת מִצרָאֵי לְבֵינֵי עַמְמַיָא וַאֲבַדַר יָתְהוֹן בִמדִינָתָא וְיִדְעוּן אֲרֵי אֲנָא יוי׃

next chapter