← Back
The Comprehensive Aramaic Lexicon
← Return to the Text Browser
click on the file description for more information
51014: TgJ Ez

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


34:01 )1( [ai]וַהֲוָה פִתגָם נְבוּאָה מִן קֳדָם יוי עִמִי/עלי#3#/ לְמֵימַר׃
34:02 )1( [ai]בַר אָדָם אִתנַבִי עַל פַרנָסֵי יִשרָאֵל אִתנַבִי וְתֵימַר לְהוֹן לפַרנָסַיָא כִדנָן אֲמַר יוי אֲלֹהִים וָי עַל פַרנָסֵי יִשרָאֵל דַהֲווֹ מְפַרנְסִין נַפשְהוֹן הֲלָא לְפַרנָסָא עַמָא אִתמְנִיוּ פַרנָסַיָא׃
34:03 )1( [ai]יָת טוּבָא אַתוּן אָכְלִין וְעַמַר נְקֵי אַתוּן לָבְשִין פַטִימַיַא אַתוּן נָכִסִין עַמָא לֵיתֵיכוֹן מְפַרנְסִין׃
34:04 )1( [ai]יָת כַאָבַיָא לָא תַקֵיפתוּן וְלִמרִיעַיָא לָא אַסִיתוּן וְלִתבִירַיָא לָא צְמַדתוּן וְיָת דְאִיטַלטַלוּ לָא אֲתֵיבתוּן וְיָת דַאֲבַדוּ לָא בְעֵיתוֹן וֻבתֻקפָא אַפלַחתוּן בְהוֹן וֻבקַשיוּ׃
34:05 )1( [ai]וְאִתבַדַרוּ מִבְלִי פַרנָס וְאִתמְסַרוּ לְאִשתֵיצָאָה לְכָל מַלכְוָת עַמְמַיָא/ארעא#3#/ וְאִטַלטַלוּ׃
34:06 )1( [ai]טְעוֹ עַמִי בְכָל טוּרַיָא וְעַל כָל רָמָא מְנַטְלָא וְעַל כָל אַפֵי אַרעָא אִתבַדַרוּ עַמִי וְלֵית דְתָבַע וְלֵית דְבָעֵי׃
34:07 )1( [ai]בְכֵין פַרנָסַיָא קַבִילוּ יָת פִתגָמָא דַיוי׃
34:08 )1( [ai]קַיָים אֲנָא אֲמַר יוי אֲלֹהִים אִם לָא חֲלָף דַהֲווֹ עַמִי לְבִזָא וְאִתמְסַרוּ עַמִי לְאִשתֵיצָאָה לְכָל מַלכְוָת עַמְמַיָא מִבְלִי פַרנָס וְלָא תְבַעוּ פַרנָסַי יָת עַמִי וֻפַרנִיסוּ פַרנָסַיָא <ית#3#> נַפשְהוֹן וְיָת עַמִי לָא פַרנִיסוּ׃
34:09 )1( [ai]בְכֵין פַרנָסָיָא קַבִילוּ פִתגָמָא דַיוי׃
34:10 )1( [ai]כִדנָן אֲמַר יוי אֲלֹהִים הָא אֲנָא שָלַח רוּגזִי עַל פַרנָסַיָא וְאַתבַע יָת עַמִי מִיַדהוֹן וַאֲבַטֵילִנוּן מִלְפַרנָסָא עַמָא וְלָא יְפַרנָסוּן עוֹד פַרנָסַיָא נַפשְהוֹן וַאֲשֵיזֵיב עַמִי מִיַדהוֹן וְלָא יִתמַסרוּן <עוד#3#> בְיַדהוֹן לִאִשתֵיצָאָה׃
34:11 )1( [ai]אֲרֵי כִדנָן אֲמַר יוי אֲלֹהִים הָאֲנָא מִתגְלֵי וְאַתבַע יָת עַמִי וַאֲבַקְרִנוּן׃
34:12 )1( [ai]כְמָא דְמבַקַר רָעֲיָא עַדרֵיה בְיוֹמָא דְהָוֵי בְגוֹ עָנֵיה וֻמַפרֵיש לְהוֹן כֵין אֲבַקַר יָת עַמִי וַאֲשֵיזֵיב יָתְהוֹן מִכָל אַתרַיָא דְאִתבַדַרוּ לְתַמָן בְיוֹם \עֲנָנָא וַאֲמִטְתָא /ביום עקא ותברא#3#/׃
34:13 )1( [ai]וְאַפֵיקִנוּן מִבֵינֵי עַמְמַיָא וַאֲכַנֵישִנוּן מִן מְדִינָתָא/ארעתא#3#/ וְאַעֵילִנוּן לַאֲרַעהוֹן וַאֲפַרנֵיסִנוּן עַל טוּרֵי יִשרָאֵל בִפצִידַיָא וֻבכָל מוֹתְבֵי אַרעָא׃
34:14 )1( [ai]בְפַרנוּס טָב אֲפַרנֵיס יָתְהוֹן וֻבטוּר קוּדשָא דְיִשרָאֵל יְהֵי בֵית מִשרֵיהוֹן תַמָן יִשרוֹן בַאֲתַר דְיָאֵי/ריעי#3#/ וְפַרנוּס טָב יִתפַרנְסוּן עַל טוּרֵי יִשרָאֵל׃
34:15 )1( [ai]אֲנָא אֲפַרנֵיס <ית#3#> עַמֵי וַאֲנָא אַשרֵינוּן לְרֻחצָן אֲמַר יוי אֲלֹהִים׃
34:16 )1( [ai]יָת דַאֲבַדוּ אַתבַע וְיָת דְאִטַלטַלוּ אֲתִיב וְלִתבִירַיָא אַצמוּד וְלִמרִיעַיָא אֲסוֹבַר וְיָת חַטָאַיָא וְיָת חַיָיבַיָא אֲשֵיצֵי אֲפַרנֵיס עַמִי בְדִינָא׃
34:17 )1( [ai]וְאַתוּן עַמִי כִדנָן אֲמַר יוי אֲלֹהִים הָא אֲנָא דָאֵין בֵין גְבַר לִגבַר לְחַטָאַיָא וֻלחַיָבַיָא׃
34:18 )1( [ai]הַזְעֵיר לְכוֹן דְפַרנוּס טָב אַתוּן מִתפַרנְסִין וֻמוֹתַר פַרנוּסְכוֹן \אָכְלִין שַמָשֵיכוֹן /דיישין בריגליכון#3#/אכלין פַרנָסֵיכוֹן#3#/ וֻמִשתֵי מְתֻקַן אַתוּן שָתַן וְיָת מוֹתָרָא \שַמָשֵיכוֹן שָתַן /בריגליכון אתון דיישין#3#/שמשיכון ישתון#3#/׃
34:19 )1( [ai]וְעַמִי מוֹתַר מֵיכַל שַמָשֵיכוֹן אָכְלִין וֻמוֹתַר מִשתֵי שַמָשֵיכוֹן שָתַן׃
34:20 )1( [ai]בְכֵין כִדנָן אֲמַר יוי אֲלֹהִים לְהוֹן הָאֲנָא מִתגְלֵי וַאֲדוּן בֵין גְבַר עַתִיר וֻבֵין גְבַר מִסכֵין׃
34:21 )1( [ai]חֲלָף דִבִרשַע וֻבִדרָע <מרמם#3#> דְחַקתוּן וֻבתֻקפְכוֹן תַבַרתוּן כָל כַאָבַיָא עַד דְבַדַרתוּן יָתְהוֹן <לברא#3#> לִבֵינֵי מְדִינָתָא/עממיא#3#/׃
34:22 )1( [ai]וְאַפרוֹק לְעַמִי וְלָא יִתמַסרוּן עוֹד לְבִזָא וַאֲדוּן בֵין גְבַר לִגבַר׃
34:23 )1( [ai]וַאֲקֵים עֲלֵיהוֹן פַרנָס חַד וִיפַרנֵיס יָתְהוֹן יָת עַבדִי דָוִיד הוּא יְפַרנֵיס יָתְהוֹן וְהוּא יְהֵי לְהוֹן לְפַרנָס׃
34:24 )1( [ai]וַאֲנָא יוי אַהוֵי לְהוֹן לַאֲלָה וַעֲבדִי דָוִיד מַלכָא/רבא#3#/ בֵינֵיהוֹן אֲנָא יוי גָזַרִית בְמֵימְרִי׃
34:25 )1( [ai]וְאַגזַר לְהוֹן קְיָם שְלָם וַאֲבַטֵיל חַיתָא בִשתָא מִן אַרעָא וְיִתְבוּן בְמַדבְרָא לְרוּחצָן וְיִתעַתְקוּן בְחוּרשַיָא׃
34:26 )1( [ai]וְאַשרֵי יָתְהוֹן וֻסְחוֹר סְחוֹר לְבֵית מַקדְשִי וִיהוֹן מְבָרְכִין וְאַחֵית לְהוֹן מְטַר בַכִיר בְעִדָנֵיה מִטרִין דְבִרכָא יְהוֹן׃
34:27 )1( [ai]וְיִתֵן אִילָן חַקלָא יָת אִבֵיה וְאַרעָא תִתֵין עֲלַלתַה וִיהוֹן עַל אֲרַעהוֹן לְרוּחצָן וְיִדְעוּן אֲרֵי אֲנָא יוי כַד אַתבַר יָת נִיר תֻקפְהוֹן וָאֲשֵיזֵיבִנוּן/וַאְשֵיזֵיב יָתְהוֹן#3#/ מִיַד דְמַפלְחִין בְהוֹן׃
34:28 )1( [ai]וְלָא יְהוֹן עוֹד בִזָא לְעַמְמַיָא וֻמַלכוּת אַרעָא לָא יְשֵיצֵינוּן וְיִתְבוּן/וְיִשרוֹן#3#/ לְרוּחצָן וְלֵית דְמַנִיד׃
34:29 )1( [ai]וַאֲקֵים לְהוֹן נִצבָא לְקַיָימָא וְלָא יְהוֹן עוֹד מְטֻלטְלֵי כַפנָא בְאַרעָא וְלָא יְקַבְלוּן עוֹד אִתכְנָעוּת עַמְמַיָא׃
34:30 )1( [ai]וְיִדְעוּן אֲרֵי אֲנָא יוי אֲלָהֲהוֹן מֵימְרִי בְסַעדְהוֹן וְאִנוּן עַמֵי בֵית יִשרָאֵל אֲמַר יוי אֲלֹהִים׃
34:31 )1( [ai]וְאַתוּן עַמִי עַם דְאִתקְרִי שְמִי עֲלוֹהִי בֵית יִשרָאֵל אַתוּן אֲנָא אֲלָהֲכוֹן אֲמַר יוי אֲלֹהִים׃

next chapter