← Back
The Comprehensive Aramaic Lexicon
← Return to the Text Browser
click on the file description for more information
51014: TgJ Ez

Click on a word for lexical analysis.
Click on a red-colored coordinate for comments and/or translations of the line
View in supralinear Babylonian pointing
Ask AI about a passage
Hide manuscript variants

previous chapter


35:01 )1( [ai]וַהֲוָה פִתגָם נְבוּאָה מִן קֳדָם יוי עִמִי/עלי#3#/ לְמֵימַר׃
35:02 )1( [ai]בַר אָדָם קַבֵיל נְבוּאָה עַל טוּרָא דְסֵעִיר וְאִתנַבִי עֲלוֹהִי׃
35:03 )1( [ai]וְתֵימַר לֵיה כִדנָן אֲמַר יוי אֲלֹהִים הָאֲנָא שָלַח רוּגזִי עֲלָך טוּרָא דְסֵעִיר וַאֲרֵים <ית#3#> מָחָת גְבוּרָתִי עַלָך וְאתְנִינָך לְצָדוּ וְאִשתְמָמוּ׃
35:04 )1( [ai]קִרוָך חוּרבָא אֲשַוֵי וְאַת לְצָדוּ תְהֵי וְתִדָע אֲרֵי אֲנָא יוי׃
35:05 )1( [ai]חֲלָף דַהֲוָת לָך דְבָבוּת עָלַם וְתָבֵיבתָא יָת בְנֵי יִשרָאֵל עַל יְדֵי קְטוֹלֵי חַרבָא בְעִדָן תְבָרְהוֹן בְעִדָן תוּשלְמָת חוֹבֵיהוֹן כַד מְטָא קִצְהוֹן׃
35:06 )1( [ai]בְכֵין קַיָים אֲנָא אֲמַר יוי אֲלֹהִים אֲרֵי לִקטוֹל אַעבְדִינָך וֻדקָטְלִין בְחַרבָא יִרדְפוּנָך אִם לָא סִנאַת \דְמָא סְנֵיתִנוּן /דמא דמהולתא סניתון#3#/דמא שׂנאתון#3#/ וְאָשְדֵי דְמָא יִרדְפוּנָך׃
35:07 )1( [ai]וְאַתֵין יָת טוּרָא דְסֵעִיר לְצָדוּ וְאִשתְמָמוּ וַאֲשֵיצֵי מִנֵיה דְעָדֵי וֻדתָאֵיב׃
35:08 )1( [ai]וַאֲמַלֵי יָת טוּרוֹהִי קְטִילוֹהִי רָמָתוֹהִי וְחִילוֹהִי וְכָל פְצִידוֹהִי קְטִילֵי חַרבָא יִתרְמוֹן בְהוֹן׃
35:09 )1( [ai]צָדוּת עָלַם אַתְנִינָך וְקִרוָך לָא יִתיַתְבָן וְתִידְעוּן אֲרֵי אֲנָא יוי׃
35:10 )1( [ai]חֲלָף דַאֲמַרת יָת תְרֵין עַמְמִין וְיָת תַרתֵין/תרין#3#/ מְדִינָן דִילִי יִהוְיָן/אינון#3#/ וְאֵירְתִינוּן וֻקדָם יוי גַליָן מַחשְבָת לִבָא׃
35:11 )1( [ai]בְכֵין קַיָים אֲנָא אֲמַר יוי אֲלֹהִים וְאַעֲבֵיד כְרוּגזָך וֻכחִמתָך דַעֲבַדתָא מִדִסנֵיתָא לְהוֹן וְאַתגְלֵי לְאֵיטָבָא לְהוֹן כַד אַתפְרַע מִנָך׃
35:12 )1( [ai]וְתִידַע אֲרֵי אֲנָא יוי שְמִיַע קֳדָמַי יָת כָל אַרגָזְוָתָך דְאֲמַרת עַל טוּרֵי אַרעָא דְיִשרָאֵל לְמֵימַר צַדִיאַת אֲרַעהוֹן לַנָא אִתמְסַרוּ לְאִשתֵיצָאָה׃
35:13 )1( [ai]וְאִתרָרַבתוּן קֳדָמַי/עלי#3#/ בְמִילֵי פוּמְכוֹן וְאַסגִיתוּן קֳדָמַי/עלי#3#/ פִתגָמֵיכוֹן קֳדָמַי שְמִיַע׃
35:14 )1( [ai]כִדנָן אֲמַר יוי אֲלֹהִים כְמִחדֵי כָל אַרעָא צְדוּ אַעֲבֵיד לָך׃
35:15 )1( [ai]כְמָא דַחדִיתָא עַל אַחסָנַת בֵית יִשרָאֵל עַל דְצַדִיאַת אֲרַעהוֹן כֵין אַעֲבֵיד לָך צָדוּ תְהֵי טוּרָא דְשֵעִיר וְכָל אֲדוֹם כוּלַה וְיִדְעוּן אֲרֵי אֲנָא יוי׃

next chapter